ब्रह्मन्न् असारे संसारे रोगादिव्याप्तमानसः शब्दादिलुब्धः पुरुषः किं कुर्वन् नावसीदति
brahmann asāre saṃsāre rogādivyāptamānasaḥ śabdādilubdhaḥ puruṣaḥ kiṃ kurvan nāvasīdati
Sanskrit only: no published translation is held for this verse.
Visnudharma 71
स्वे महिम्नि स्थितं देवम् अप्रमेयम् अजं विभुम् शोकमोहविनिर्मुक्तं विष्णुं ध्यायन् न सीदति
sve mahimni sthitaṃ devam aprameyam ajaṃ vibhum śokamohavinirmuktaṃ viṣṇuṃ dhyāyan na sīdati
Sanskrit only: no published translation is held for this verse.
अप्राणचितिकं ब्रह्म वेदान्तेषु प्रकाशितम् आद्यं पुरुषम् ईशानं विष्णुं ध्यायन् न सीदति
aprāṇacitikaṃ brahma vedānteṣu prakāśitam ādyaṃ puruṣam īśānaṃ viṣṇuṃ dhyāyan na sīdati
Sanskrit only: no published translation is held for this verse.
अशनाद्यैर् असंस्पृष्टं सेवितं योगिभिः सदा सर्वदोषविनिर्मुक्तं विष्णुं ध्यायन् न सीदति
aśanādyair asaṃspṛṣṭaṃ sevitaṃ yogibhiḥ sadā sarvadoṣavinirmuktaṃ viṣṇuṃ dhyāyan na sīdati
Sanskrit only: no published translation is held for this verse.
धामत्रयविनिर्मुक्तं सुप्रभातं सुनिर्मलम् निष्कलं शाश्वतं देवं विष्णुं ध्यायन् न सीदति
dhāmatrayavinirmuktaṃ suprabhātaṃ sunirmalam niṣkalaṃ śāśvataṃ devaṃ viṣṇuṃ dhyāyan na sīdati
Sanskrit only: no published translation is held for this verse.
क्षराक्षरविनिर्मुक्तं जन्ममृत्युविवर्जितम् अभयं सत्यसंकल्पं विष्णुं ध्यायन् न सीदति
kṣarākṣaravinirmuktaṃ janmamṛtyuvivarjitam abhayaṃ satyasaṃkalpaṃ viṣṇuṃ dhyāyan na sīdati
Sanskrit only: no published translation is held for this verse.
अमृतं साधनं साध्यं यं पश्यन्ति मनीषिणः ज्ञेयाख्यं परमात्मानं विष्णुं ध्यायन् न सीदति
amṛtaṃ sādhanaṃ sādhyaṃ yaṃ paśyanti manīṣiṇaḥ jñeyākhyaṃ paramātmānaṃ viṣṇuṃ dhyāyan na sīdati
Sanskrit only: no published translation is held for this verse.
व्यासाद्यैर् मुनिभिः सर्वैर् ध्यानयोगपरायणैः अर्चितं भावकुसुमैर् विष्णुं ध्यायन् न सीदति
vyāsādyair munibhiḥ sarvair dhyānayogaparāyaṇaiḥ arcitaṃ bhāvakusumair viṣṇuṃ dhyāyan na sīdati
Sanskrit only: no published translation is held for this verse.
विष्ण्वष्टकम् इदं पुण्यं योगिनां प्रीतिवर्धनम् यः पठेत् परया प्रीत्या स गच्छेद् विष्णुसात्म्यताम्
viṣṇvaṣṭakam idaṃ puṇyaṃ yogināṃ prītivardhanam yaḥ paṭhet parayā prītyā sa gacched viṣṇusātmyatām
Sanskrit only: no published translation is held for this verse.
एतत् पुण्यं पापहरं धन्यं दुःस्वप्ननाशनम् पठतां शृण्वतां चैव विष्णोर् माहात्म्यम् उत्तमम्
etat puṇyaṃ pāpaharaṃ dhanyaṃ duḥsvapnanāśanam paṭhatāṃ śṛṇvatāṃ caiva viṣṇor māhātmyam uttamam
Sanskrit only: no published translation is held for this verse.