Visnudharma 76

निस्तेजसो ऽसुरान् दृष्ट्वा समस्तान् असुरेश्वरः प्रह्रादम् अथ पप्रच्छ बलिर् आत्मपितामहम्

nistejaso 'surān dṛṣṭvā samastān asureśvaraḥ prahrādam atha papraccha balir ātmapitāmaham

Sanskrit only: no published translation is held for this verse.

तात निस्तेजसो दैत्या निर्दग्धा इव वह्निना किम् एते सहसैवाद्य ब्रह्मदण्डहता इव

tāta nistejaso daityā nirdagdhā iva vahninā kim ete sahasaivādya brahmadaṇḍahatā iva

Sanskrit only: no published translation is held for this verse.

दुरिष्टं किं नु दैत्यानां किं कृत्या वैरिनिर्मिता नाशायैषां समुद्भूता येन निस्तेजसो ऽसुराः

duriṣṭaṃ kiṃ nu daityānāṃ kiṃ kṛtyā vairinirmitā nāśāyaiṣāṃ samudbhūtā yena nistejaso 'surāḥ

Sanskrit only: no published translation is held for this verse.

इत्य् आसुरवरस् तेन पृष्टः पौत्रेण पार्थिव चिरं ध्यात्वा जगादेदम् असुरेन्द्रं तदा बलिम्

ity āsuravaras tena pṛṣṭaḥ pautreṇa pārthiva ciraṃ dhyātvā jagādedam asurendraṃ tadā balim

Sanskrit only: no published translation is held for this verse.

चलन्ति गिरयो भूमिर् जहाति सहजां धृतिम् सद्यः समुद्राः क्षुभिता दैत्या निस्तेजसः कृताः

calanti girayo bhūmir jahāti sahajāṃ dhṛtim sadyaḥ samudrāḥ kṣubhitā daityā nistejasaḥ kṛtāḥ

Sanskrit only: no published translation is held for this verse.

सूर्यादयो यथा पूर्वं तथा गच्छन्ति न ग्रहाः देवानां च परा लक्ष्मीः कारणैर् अनुमीयते

sūryādayo yathā pūrvaṃ tathā gacchanti na grahāḥ devānāṃ ca parā lakṣmīḥ kāraṇair anumīyate

Sanskrit only: no published translation is held for this verse.

महद् एतन् महाबाहो कारणं दानवेश्वर न ह्य् अल्पम् इति मन्तव्यं त्वया कार्यं सुरार्दन

mahad etan mahābāho kāraṇaṃ dānaveśvara na hy alpam iti mantavyaṃ tvayā kāryaṃ surārdana

Sanskrit only: no published translation is held for this verse.

इत्य् उक्त्वा दानवपतिं प्रह्रादः सो ऽसुरोत्तमः अत्यन्तभक्तो देवेशं जगाम मनसा हरिम्

ity uktvā dānavapatiṃ prahrādaḥ so 'surottamaḥ atyantabhakto deveśaṃ jagāma manasā harim

Sanskrit only: no published translation is held for this verse.

स ध्यानपथगं कृत्वा प्रह्रादः स्वं मनो ऽसुरः विचारयाम् आस ततो यतो देवो जनार्दनः

sa dhyānapathagaṃ kṛtvā prahrādaḥ svaṃ mano 'suraḥ vicārayām āsa tato yato devo janārdanaḥ

Sanskrit only: no published translation is held for this verse.

स ददर्शोदरे ऽदित्याः प्रह्रादो वामनाकृतिम् अन्तःस्थान् बिभ्रतं सप्त लोकान् आदिप्रजापतिम्

sa dadarśodare 'dityāḥ prahrādo vāmanākṛtim antaḥsthān bibhrataṃ sapta lokān ādiprajāpatim

Sanskrit only: no published translation is held for this verse.

तद् अन्तश् च वसून् रुद्रान् अश्विनौ मरुतस् तथा साध्यान् विश्वे तथादित्यान् गन्धर्वोरगराक्षसान्

tad antaś ca vasūn rudrān aśvinau marutas tathā sādhyān viśve tathādityān gandharvoragarākṣasān

Sanskrit only: no published translation is held for this verse.

विरोचनं सतनयं बलिं चासुरनायकम् जम्भं कुजम्भं नरकं बाणम् अन्यांस् तथासुरान्

virocanaṃ satanayaṃ baliṃ cāsuranāyakam jambhaṃ kujambhaṃ narakaṃ bāṇam anyāṃs tathāsurān

Sanskrit only: no published translation is held for this verse.

आत्मानम् उर्वीगगनं वायुम् अम्भो हुताशनम् समुद्राद्रिद्रुमसरित्- सरांसि पशवो मृगान्

ātmānam urvīgaganaṃ vāyum ambho hutāśanam samudrādridrumasarit- sarāṃsi paśavo mṛgān

Sanskrit only: no published translation is held for this verse.

वयोमनुष्यान् अखिलांस् तथैव च सरीसृपान् समस्तलोकस्रष्टारं ब्रह्माणं भवम् एव च

vayomanuṣyān akhilāṃs tathaiva ca sarīsṛpān samastalokasraṣṭāraṃ brahmāṇaṃ bhavam eva ca

Sanskrit only: no published translation is held for this verse.

ग्रहनक्षत्रताराश् च दक्षाद्यांश् च प्रजापतीन् संपश्यन् विस्मयाविष्टः प्रकृतिस्थः क्षणात् पुनः

grahanakṣatratārāś ca dakṣādyāṃś ca prajāpatīn saṃpaśyan vismayāviṣṭaḥ prakṛtisthaḥ kṣaṇāt punaḥ

Sanskrit only: no published translation is held for this verse.

प्रह्रादः प्राह दैत्येन्द्रं बलिं वैरोचनिं तदा

prahrādaḥ prāha daityendraṃ baliṃ vairocaniṃ tadā

Sanskrit only: no published translation is held for this verse.

वत्स ज्ञातं मया सर्वं यदर्थं भवताम् इयम् तेजसो हानिर् उत्पन्ना तच् छृणु त्वम् अशेषतः

vatsa jñātaṃ mayā sarvaṃ yadarthaṃ bhavatām iyam tejaso hānir utpannā tac chṛṇu tvam aśeṣataḥ

Sanskrit only: no published translation is held for this verse.

देवदेवो जगद्योनिर् अयोनिर् जगदादिकृत् अनादिर् आदिर् विश्वस्य वरेण्यो वरदो हरिः

devadevo jagadyonir ayonir jagadādikṛt anādir ādir viśvasya vareṇyo varado hariḥ

Sanskrit only: no published translation is held for this verse.

परापराणां परमः परः परवताम् अपि प्रभुः प्रमाणं मानानां सप्तलोकगुरोर् गुरुः

parāparāṇāṃ paramaḥ paraḥ paravatām api prabhuḥ pramāṇaṃ mānānāṃ saptalokaguror guruḥ

Sanskrit only: no published translation is held for this verse.

प्रभुः प्रभूणाम् परमः पराणाम् अनादिमध्यो भगवान् अनन्तः त्रैलोक्यम् अंशेन सनाथम् एष कर्तुं महात्मादितिजो ऽवतीर्णः

prabhuḥ prabhūṇām paramaḥ parāṇām anādimadhyo bhagavān anantaḥ trailokyam aṃśena sanātham eṣa kartuṃ mahātmāditijo 'vatīrṇaḥ

Sanskrit only: no published translation is held for this verse.

न यस्य रुद्रो न च पद्मयोनिर् नेन्द्रो न सूर्येन्दुमरीचिमिश्राः जानन्ति दैत्याधिप यत् स्वरूपं स वासुदेवः कलयावतीर्णः

na yasya rudro na ca padmayonir nendro na sūryendumarīcimiśrāḥ jānanti daityādhipa yat svarūpaṃ sa vāsudevaḥ kalayāvatīrṇaḥ

Sanskrit only: no published translation is held for this verse.

यो ऽसौ कलांशेन नृसिंहरूपी जघान पूर्वं पितरम् अशेषः यः सर्वयोगीशमनोनिवासः स वासुदेवः कलयावतीर्णः

yo 'sau kalāṃśena nṛsiṃharūpī jaghāna pūrvaṃ pitaram aśeṣaḥ yaḥ sarvayogīśamanonivāsaḥ sa vāsudevaḥ kalayāvatīrṇaḥ

Sanskrit only: no published translation is held for this verse.

यम् अक्षरं वेदविदो विदित्वा विशन्ति तं ज्ञानविधूतपापाः यस्मिन् प्रविष्टा न पुनर् भवन्ति तं वासुदेवं प्रणमामि देवम्

yam akṣaraṃ vedavido viditvā viśanti taṃ jñānavidhūtapāpāḥ yasmin praviṣṭā na punar bhavanti taṃ vāsudevaṃ praṇamāmi devam

Sanskrit only: no published translation is held for this verse.

भूतान्य् अशेषाणि यतो भवन्ति यथोर्मयस् तोयनिधेर् अजस्रम् लयं च यस्मिन् प्रलये प्रयान्ति तं वासुदेवं प्रणमाम्य् अचिन्त्यम्

bhūtāny aśeṣāṇi yato bhavanti yathormayas toyanidher ajasram layaṃ ca yasmin pralaye prayānti taṃ vāsudevaṃ praṇamāmy acintyam

Sanskrit only: no published translation is held for this verse.

न यस्य रूपं न बलं प्रभावो न च स्वभावः परमस्य पुंसः विज्ञायते सर्वपितामहाद्यैस् तं वासुदेवं प्रणमाम्य् अचिन्त्यम्

na yasya rūpaṃ na balaṃ prabhāvo na ca svabhāvaḥ paramasya puṃsaḥ vijñāyate sarvapitāmahādyais taṃ vāsudevaṃ praṇamāmy acintyam

Sanskrit only: no published translation is held for this verse.

रूपस्य चक्षुर् ग्रहणे त्वग् एषा स्पर्शग्रहीत्री रसना रसस्य श्रोत्रं च शब्दग्रहणे नराणां घ्राणं च गन्धग्रहणे नियुक्तम्

rūpasya cakṣur grahaṇe tvag eṣā sparśagrahītrī rasanā rasasya śrotraṃ ca śabdagrahaṇe narāṇāṃ ghrāṇaṃ ca gandhagrahaṇe niyuktam

Sanskrit only: no published translation is held for this verse.

न घ्राणचक्षुःश्रवणादिभिर् यः सर्वेश्वरो वेदितुम् अव्ययात्मा शक्यस् तम् ईड्यं मनसैव देवं ग्राह्यं नतो ऽहं हरिम् ईशितारम्

na ghrāṇacakṣuḥśravaṇādibhir yaḥ sarveśvaro veditum avyayātmā śakyas tam īḍyaṃ manasaiva devaṃ grāhyaṃ nato 'haṃ harim īśitāram

Sanskrit only: no published translation is held for this verse.

येनैकदंष्ट्राग्रसमुद्धृतेयं धराचला धारयतीह सर्वम् ग्रस्त्वा स शेते सकलं जगद् यस् तम् ईड्यम् ईशं प्रणतो ऽस्मि विष्णुम्

yenaikadaṃṣṭrāgrasamuddhṛteyaṃ dharācalā dhārayatīha sarvam grastvā sa śete sakalaṃ jagad yas tam īḍyam īśaṃ praṇato 'smi viṣṇum

Sanskrit only: no published translation is held for this verse.

अंशावतीर्णेन च येन गर्भे हृतानि तेजांसि महासुराणाम् नमामि तं देवम् अनन्तम् ईशम् अशेषसंसारतरोः कुठारम्

aṃśāvatīrṇena ca yena garbhe hṛtāni tejāṃsi mahāsurāṇām namāmi taṃ devam anantam īśam aśeṣasaṃsārataroḥ kuṭhāram

Sanskrit only: no published translation is held for this verse.

देवो जगद्योनिर् अयं महात्मा स षोडशांशेन महासुरेन्द्र सुरेन्द्रमातुर् जठरं प्रविष्टो हृतानि वस् तेन बले वपूंषि

devo jagadyonir ayaṃ mahātmā sa ṣoḍaśāṃśena mahāsurendra surendramātur jaṭharaṃ praviṣṭo hṛtāni vas tena bale vapūṃṣi

Sanskrit only: no published translation is held for this verse.

तात को ऽयं हरिर् नाम यतो न भयम् आगतम् सन्ति मे शतशो दैत्या वासुदेवबलाधिकाः

tāta ko 'yaṃ harir nāma yato na bhayam āgatam santi me śataśo daityā vāsudevabalādhikāḥ

Sanskrit only: no published translation is held for this verse.

विप्रचित्तिः शिबिः शङ्कुर् अयःशङ्कुस् तथैव च अयःशिरा अश्वशिरा भङ्गकारो महाहनुः

vipracittiḥ śibiḥ śaṅkur ayaḥśaṅkus tathaiva ca ayaḥśirā aśvaśirā bhaṅgakāro mahāhanuḥ

Sanskrit only: no published translation is held for this verse.

प्रतापी प्रघसः शंभुः कुर्कुराक्षश् च दुर्जयः एते चान्ये च मे सन्ति दैतेया दानवास् तथा

pratāpī praghasaḥ śaṃbhuḥ kurkurākṣaś ca durjayaḥ ete cānye ca me santi daiteyā dānavās tathā

Sanskrit only: no published translation is held for this verse.

महाबला महावीर्या भूभारधरणक्षमाः येषाम् एकैकशः कृष्णो न वीर्यार्धेन संमितः

mahābalā mahāvīryā bhūbhāradharaṇakṣamāḥ yeṣām ekaikaśaḥ kṛṣṇo na vīryārdhena saṃmitaḥ

Sanskrit only: no published translation is held for this verse.

पौत्रस्यैतद् वचः श्रुत्वा प्रह्रादो दैत्यपुङ्गवः धिग् धिग् इत्य् आह स बलिं वैकुण्ठाक्षेपवादिनम्

pautrasyaitad vacaḥ śrutvā prahrādo daityapuṅgavaḥ dhig dhig ity āha sa baliṃ vaikuṇṭhākṣepavādinam

Sanskrit only: no published translation is held for this verse.

विनाशम् उपयास्यन्ति मन्ये दैतेयदानवाः येषां त्वम् ईदृशो राजा दुर्बुद्धिर् अविवेकवान्

vināśam upayāsyanti manye daiteyadānavāḥ yeṣāṃ tvam īdṛśo rājā durbuddhir avivekavān

Sanskrit only: no published translation is held for this verse.

देवदेवं महाभागं वासुदेवम् अजं विभुम् त्वाम् ऋते पापसंकल्पं को ऽन्य एवं वदिष्यति

devadevaṃ mahābhāgaṃ vāsudevam ajaṃ vibhum tvām ṛte pāpasaṃkalpaṃ ko 'nya evaṃ vadiṣyati

Sanskrit only: no published translation is held for this verse.

य एते भवता प्रोक्ताः समस्ता दैत्यदानवाः सब्रह्मकास् तथा देवाः स्थावरान्ताश् च भूतयः

ya ete bhavatā proktāḥ samastā daityadānavāḥ sabrahmakās tathā devāḥ sthāvarāntāś ca bhūtayaḥ

Sanskrit only: no published translation is held for this verse.

त्वं चाहं च जगच् चेदं साद्रिद्रुमनदीनदम् समुद्रद्वीपलोकाश् च यच् चेङ्गं यच् च नेङ्गति

tvaṃ cāhaṃ ca jagac cedaṃ sādridrumanadīnadam samudradvīpalokāś ca yac ceṅgaṃ yac ca neṅgati

Sanskrit only: no published translation is held for this verse.

यस्यातिवन्द्यवन्द्यस्य व्यापिनः परमात्मनः एकांशांशकलाजन्म कस् तम् एवं प्रवक्ष्यति

yasyātivandyavandyasya vyāpinaḥ paramātmanaḥ ekāṃśāṃśakalājanma kas tam evaṃ pravakṣyati

Sanskrit only: no published translation is held for this verse.

ऋते विनाशाभिमुखं त्वाम् एकम् अविवेकिनम् दुर्बुद्धिम् अजितात्मानं वृद्धानां शासनातिगम्

ṛte vināśābhimukhaṃ tvām ekam avivekinam durbuddhim ajitātmānaṃ vṛddhānāṃ śāsanātigam

Sanskrit only: no published translation is held for this verse.

शोच्यो ऽहं यस्य वै गेहे जातस् तव पिताधमः यस्य त्वम् ईदृशः पुत्रो देवदेवावमन्यकः

śocyo 'haṃ yasya vai gehe jātas tava pitādhamaḥ yasya tvam īdṛśaḥ putro devadevāvamanyakaḥ

Sanskrit only: no published translation is held for this verse.

तिष्ठत्व् अनेकसंसार- संहृताघविनाशनी कृष्णे भक्तिर् अहं तावद् अवेक्ष्यो भवतो न किम्

tiṣṭhatv anekasaṃsāra- saṃhṛtāghavināśanī kṛṣṇe bhaktir ahaṃ tāvad avekṣyo bhavato na kim

Sanskrit only: no published translation is held for this verse.

न मे प्रियतरः कृष्णाद् अपि देहो ऽयम् आत्मनः इति जानात्य् अयं लोको भवांश् च दितिजाधमः

na me priyataraḥ kṛṣṇād api deho 'yam ātmanaḥ iti jānāty ayaṃ loko bhavāṃś ca ditijādhamaḥ

Sanskrit only: no published translation is held for this verse.

जानन्न् अपि प्रियतरं प्राणेभ्यो ऽपि हरिं मम निन्दां करोषि च कथम् अकुर्वन् गौरवं मम

jānann api priyataraṃ prāṇebhyo 'pi hariṃ mama nindāṃ karoṣi ca katham akurvan gauravaṃ mama

Sanskrit only: no published translation is held for this verse.

विरोचनस् तव गुरुर् गुरुस् तस्याप्य् अहं बले ममापि सर्वजगतां गुरुर् नारायणो गुरुः

virocanas tava gurur gurus tasyāpy ahaṃ bale mamāpi sarvajagatāṃ gurur nārāyaṇo guruḥ

Sanskrit only: no published translation is held for this verse.

निन्दां करोषि तस्मिंस् त्वं कृष्णे गुरुगुरोर् गुरौ यस्मात् तस्माद् इहैश्वर्याद् अचिराद् भ्रंशम् एष्यसि

nindāṃ karoṣi tasmiṃs tvaṃ kṛṣṇe guruguror gurau yasmāt tasmād ihaiśvaryād acirād bhraṃśam eṣyasi

Sanskrit only: no published translation is held for this verse.

मा देवो मा जगन्नाथो बले मासौ जनार्दनः भवत्व् अहम् अवेक्ष्यस् ते प्रीतिमान् अत्र मे गुरुः

mā devo mā jagannātho bale māsau janārdanaḥ bhavatv aham avekṣyas te prītimān atra me guruḥ

Sanskrit only: no published translation is held for this verse.

एतावन्मात्रम् अप्य् अत्र निन्दता जगतो गुरुम् नापेक्षिता वयं यस्मात् तस्माच् छापं ददामि ते

etāvanmātram apy atra nindatā jagato gurum nāpekṣitā vayaṃ yasmāt tasmāc chāpaṃ dadāmi te

Sanskrit only: no published translation is held for this verse.

यथा मे शिरसश् छेदाद् इदं गुरुतरं बले त्वयोक्तम् अच्युताक्षेपि राज्यभ्रष्टस् तथा पत

yathā me śirasaś chedād idaṃ gurutaraṃ bale tvayoktam acyutākṣepi rājyabhraṣṭas tathā pata

Sanskrit only: no published translation is held for this verse.

यथा न कृष्णाद् अपरं परित्राणं भवार्णवे तथाचिरेण पश्येयं भवन्तं राज्यविच्युतम्

yathā na kṛṣṇād aparaṃ paritrāṇaṃ bhavārṇave tathācireṇa paśyeyaṃ bhavantaṃ rājyavicyutam

Sanskrit only: no published translation is held for this verse.

इति दैत्यपतिः श्रुत्वा गुरोर् वचनम् अप्रियम् प्रसादयाम् आस गुरुं प्रणिपत्य पुणः पुनः

iti daityapatiḥ śrutvā guror vacanam apriyam prasādayām āsa guruṃ praṇipatya puṇaḥ punaḥ

Sanskrit only: no published translation is held for this verse.

प्रसीद तात मा कोपं कुरु मोहहते मयि बलावलेपमत्तेन मयैतद् वाक्यम् ईरितम्

prasīda tāta mā kopaṃ kuru mohahate mayi balāvalepamattena mayaitad vākyam īritam

Sanskrit only: no published translation is held for this verse.

मोहोपहतविज्ञानः पापो ऽहं दितिजोत्तम यच् छप्तो ऽस्मि दुराचारस् तत् साधु भवता कृतम्

mohopahatavijñānaḥ pāpo 'haṃ ditijottama yac chapto 'smi durācāras tat sādhu bhavatā kṛtam

Sanskrit only: no published translation is held for this verse.

राज्यभ्रंशं वसुभ्रंशं संप्राप्स्यामीति न त्व् अहम् विषण्णो ऽस्मि यथा तात तवैवाविनये कृते

rājyabhraṃśaṃ vasubhraṃśaṃ saṃprāpsyāmīti na tv aham viṣaṇṇo 'smi yathā tāta tavaivāvinaye kṛte

Sanskrit only: no published translation is held for this verse.

त्रैलोक्यराज्यम् ऐश्वर्यम् अन्यद् वा नातिदुर्लभम् संसारे दुर्लभास् तात गुरवो ये भवद्विधाः

trailokyarājyam aiśvaryam anyad vā nātidurlabham saṃsāre durlabhās tāta guravo ye bhavadvidhāḥ

Sanskrit only: no published translation is held for this verse.

तत् प्रसीद न मे कोपं कर्तुम् अर्हसि दैत्यप त्वत्कोपहेतुदुष्टो ऽहं परितप्ये न शापतः

tat prasīda na me kopaṃ kartum arhasi daityapa tvatkopahetuduṣṭo 'haṃ paritapye na śāpataḥ

Sanskrit only: no published translation is held for this verse.

वत्स कोपेन मोहो मे जनितस् तेन ते मया शापो दत्तो विवेकश् च मोहेनापहृतो मम

vatsa kopena moho me janitas tena te mayā śāpo datto vivekaś ca mohenāpahṛto mama

Sanskrit only: no published translation is held for this verse.

यदि मोहेन मे ज्ञानं नाक्षिप्तं स्यान् महासुर तत् कथं सर्वगं ज्ञानन् हरिं कंचिच् छापाम्य् अहम्

yadi mohena me jñānaṃ nākṣiptaṃ syān mahāsura tat kathaṃ sarvagaṃ jñānan hariṃ kaṃcic chāpāmy aham

Sanskrit only: no published translation is held for this verse.

यो ऽयं शापो मया दत्तो भवतो ऽसुरपुङ्गव भाव्यम् एतेन नूनं ते तस्मात् त्वं मा विषीदथाः

yo 'yaṃ śāpo mayā datto bhavato 'surapuṅgava bhāvyam etena nūnaṃ te tasmāt tvaṃ mā viṣīdathāḥ

Sanskrit only: no published translation is held for this verse.

अद्यप्रभृति देवेशे भगवत्य् अच्युते हरौ भवेथा भक्तिमान् ईशः स ते त्राता भविष्यति

adyaprabhṛti deveśe bhagavaty acyute harau bhavethā bhaktimān īśaḥ sa te trātā bhaviṣyati

Sanskrit only: no published translation is held for this verse.

शापं प्राप्य च मां वीर संस्मरेथाः स्मृतस् त्वया तथा तथा यतिष्यामि श्रेयसा योक्ष्यते यथा

śāpaṃ prāpya ca māṃ vīra saṃsmarethāḥ smṛtas tvayā tathā tathā yatiṣyāmi śreyasā yokṣyate yathā

Sanskrit only: no published translation is held for this verse.

एवम् उक्त्वा स दैत्येन्द्रो विरराम महामतिः अजायत स गोविन्दो भगवान् वामनाकृतिः

evam uktvā sa daityendro virarāma mahāmatiḥ ajāyata sa govindo bhagavān vāmanākṛtiḥ

Sanskrit only: no published translation is held for this verse.

अवतीर्णे जगन्नाथे तस्मिन् सर्वम् अशीशमत् यद् आसुरम् अभूद् दुःखं देवानाम् अदितेस् तथा

avatīrṇe jagannāthe tasmin sarvam aśīśamat yad āsuram abhūd duḥkhaṃ devānām adites tathā

Sanskrit only: no published translation is held for this verse.

ववुर् वाताः सुखस्पर्शा नीरजस्कम् अभून् नभः धर्मे च सर्वभूतानां तदा मतिर् अजायत

vavur vātāḥ sukhasparśā nīrajaskam abhūn nabhaḥ dharme ca sarvabhūtānāṃ tadā matir ajāyata

Sanskrit only: no published translation is held for this verse.

नोद्वेगश् चाप्य् अभूद् देहे मनुजानां जनेश्वर तथा हि सर्वभूतानां भूम्यम्बरदिवौकसाम्

nodvegaś cāpy abhūd dehe manujānāṃ janeśvara tathā hi sarvabhūtānāṃ bhūmyambaradivaukasām

Sanskrit only: no published translation is held for this verse.

तं जातमात्रं भगवान् ब्रह्मा लोकपितामहः जातकर्मादिकाः कृत्वा क्रियास् तुष्टाव पार्थिव

taṃ jātamātraṃ bhagavān brahmā lokapitāmahaḥ jātakarmādikāḥ kṛtvā kriyās tuṣṭāva pārthiva

Sanskrit only: no published translation is held for this verse.

जयाद्येश जयाजेय जय सर्वात्मकात्मक जय जन्मजरापेत जयानन्त जयाच्युत

jayādyeśa jayājeya jaya sarvātmakātmaka jaya janmajarāpeta jayānanta jayācyuta

Sanskrit only: no published translation is held for this verse.

जयाजित जयाशेष जयाव्यक्त स्थिते जय परमार्थार्थ सर्वज्ञ ज्ञान ज्ञेयात्मनिःसृत

jayājita jayāśeṣa jayāvyakta sthite jaya paramārthārtha sarvajña jñāna jñeyātmaniḥsṛta

Sanskrit only: no published translation is held for this verse.

जयाशेषजगत्साक्षिञ् जय कर्तर् जगद्गुरोः जगतो जगदन्ते ऽन्त स्थितौ पालयिता जय

jayāśeṣajagatsākṣiñ jaya kartar jagadguroḥ jagato jagadante 'nta sthitau pālayitā jaya

Sanskrit only: no published translation is held for this verse.

जयाखिल जयाशेष जयाखिलहृदि स्थित जयादिमध्यान्तमय सर्वज्ञानमयोत्तम

jayākhila jayāśeṣa jayākhilahṛdi sthita jayādimadhyāntamaya sarvajñānamayottama

Sanskrit only: no published translation is held for this verse.

मुमुक्षुभिर् अनिर्देश्य स्वयंदृष्ट जयेश्वर योगिभिर् मुक्तिफलद दमादिगुणभूषणैः

mumukṣubhir anirdeśya svayaṃdṛṣṭa jayeśvara yogibhir muktiphalada damādiguṇabhūṣaṇaiḥ

Sanskrit only: no published translation is held for this verse.

जयातिसूक्ष्म दुर्ज्ञेय जगत् स्थूल जगन्मय जय स्थूलातिसूक्ष्म त्वं जयातीन्द्रिय सेन्द्रिय

jayātisūkṣma durjñeya jagat sthūla jaganmaya jaya sthūlātisūkṣma tvaṃ jayātīndriya sendriya

Sanskrit only: no published translation is held for this verse.

जय स्वमायायोगस्थ शेषभोगशयाक्षर

jaya svamāyāyogastha śeṣabhogaśayākṣara

Sanskrit only: no published translation is held for this verse.

जयैकदंष्ट्राप्रान्तान्त

jayaikadaṃṣṭrāprāntānta

Sanskrit only: no published translation is held for this verse.

निजमायापटच्छन्न जगद्धातर् जनार्दन जयाचिन्त्य जयानेक- स्वरूपैकविध प्रभो

nijamāyāpaṭacchanna jagaddhātar janārdana jayācintya jayāneka- svarūpaikavidha prabho

Sanskrit only: no published translation is held for this verse.

वर्धस्व वर्धितानेक- विकारप्रकृते हरे त्वय्य् एषा जगताम् ईश संस्थिता धर्मपद्धतिः

vardhasva vardhitāneka- vikāraprakṛte hare tvayy eṣā jagatām īśa saṃsthitā dharmapaddhatiḥ

Sanskrit only: no published translation is held for this verse.

न त्वाम् अहं न चेशानो नेन्द्राद्यास् त्रिदशा हरे ज्ञातुम् ईशा न मुनयः सनकाद्या न योगिनः

na tvām ahaṃ na ceśāno nendrādyās tridaśā hare jñātum īśā na munayaḥ sanakādyā na yoginaḥ

Sanskrit only: no published translation is held for this verse.

त्वन्मायापटसंवीते जगत्य् अत्र जगत्पते कस् त्वां वेत्स्यति सर्वेशं त्वत्प्रसादं विना नरः

tvanmāyāpaṭasaṃvīte jagaty atra jagatpate kas tvāṃ vetsyati sarveśaṃ tvatprasādaṃ vinā naraḥ

Sanskrit only: no published translation is held for this verse.

त्वम् एवाराधितो यस्य प्रसादसुमुखः प्रभो स एव केवलं देव वेत्ति त्वां नेतरो जनः

tvam evārādhito yasya prasādasumukhaḥ prabho sa eva kevalaṃ deva vetti tvāṃ netaro janaḥ

Sanskrit only: no published translation is held for this verse.

तद् ईश्वरेश्वरेशान विभो वर्धस्व भावन प्रभावायास्य विश्वस्य विश्वात्मन् पृथुलोचन

tad īśvareśvareśāna vibho vardhasva bhāvana prabhāvāyāsya viśvasya viśvātman pṛthulocana

Sanskrit only: no published translation is held for this verse.

एवं स्तुतो हृषीकेशः स तदा वामनाकृतिः प्रहस्य भावगम्भीरम् उवाचाब्जसमुद्भवम्

evaṃ stuto hṛṣīkeśaḥ sa tadā vāmanākṛtiḥ prahasya bhāvagambhīram uvācābjasamudbhavam

Sanskrit only: no published translation is held for this verse.

स्तुतो ऽहं भवता पूर्वम् इन्द्राद्यैः कश्यपेन च मया च वः प्रतिज्ञातम् इन्द्रस्य भुवनत्रयम्

stuto 'haṃ bhavatā pūrvam indrādyaiḥ kaśyapena ca mayā ca vaḥ pratijñātam indrasya bhuvanatrayam

Sanskrit only: no published translation is held for this verse.

भूयश् चाहं स्तुतो ऽदित्या तस्याश् चापि प्रतिश्रुतम् यथा शक्राय दास्यामि त्रैलोक्यं हतकण्टकम्

bhūyaś cāhaṃ stuto 'dityā tasyāś cāpi pratiśrutam yathā śakrāya dāsyāmi trailokyaṃ hatakaṇṭakam

Sanskrit only: no published translation is held for this verse.

सो ऽहं तथा करिष्यामि यथेन्द्रो जगतः पतिः भविष्यति सहस्राक्षः सत्यम् एतद् ब्रवीमि ते

so 'haṃ tathā kariṣyāmi yathendro jagataḥ patiḥ bhaviṣyati sahasrākṣaḥ satyam etad bravīmi te

Sanskrit only: no published translation is held for this verse.

ततः कृष्णाजिनं ब्रह्मा हृषीकेशाय दत्तवान् यज्ञोपवीतं भगवान् ददौ तस्मै बृहस्पतिः

tataḥ kṛṣṇājinaṃ brahmā hṛṣīkeśāya dattavān yajñopavītaṃ bhagavān dadau tasmai bṛhaspatiḥ

Sanskrit only: no published translation is held for this verse.

आषाढम् अददद् दण्डं मरीचिर् ब्रह्मणः सुतः कमण्डलुं वसिष्ठश् च कौश्यं वेदम् अथाङ्गिराः अक्षसूत्रं च पुलहः पुलस्त्यः सितवाससी

āṣāḍham adadad daṇḍaṃ marīcir brahmaṇaḥ sutaḥ kamaṇḍaluṃ vasiṣṭhaś ca kauśyaṃ vedam athāṅgirāḥ akṣasūtraṃ ca pulahaḥ pulastyaḥ sitavāsasī

Sanskrit only: no published translation is held for this verse.

उपतस्थुश् च तं वेदाः प्रणवस्वरभूषणाः शास्त्राण्य् अशेषाणि तथा सांख्ययोगोक्तयश् च याः

upatasthuś ca taṃ vedāḥ praṇavasvarabhūṣaṇāḥ śāstrāṇy aśeṣāṇi tathā sāṃkhyayogoktayaś ca yāḥ

Sanskrit only: no published translation is held for this verse.

स वामनो जटी दण्डी छत्त्री धृतकमण्डलुः सर्वदेवमयो भूप बलेर् अध्वरम् अभ्ययात्

sa vāmano jaṭī daṇḍī chattrī dhṛtakamaṇḍaluḥ sarvadevamayo bhūpa baler adhvaram abhyayāt

Sanskrit only: no published translation is held for this verse.

यत्र यत्र पदं भूप भूभागे वामनो ददौ ददाति भूमिर् विवरं तत्र तत्रातिपीडिता

yatra yatra padaṃ bhūpa bhūbhāge vāmano dadau dadāti bhūmir vivaraṃ tatra tatrātipīḍitā

Sanskrit only: no published translation is held for this verse.

स वामनो जडगतिर् मृदु गच्छन् सपर्वताम् साब्धिद्वीपवतीं सर्वां चालयाम् आस मेदिनीम्

sa vāmano jaḍagatir mṛdu gacchan saparvatām sābdhidvīpavatīṃ sarvāṃ cālayām āsa medinīm

Sanskrit only: no published translation is held for this verse.