सपर्वतवनाम् उर्वीं दृष्ट्वा संक्षुभितां बलिः पप्रच्छोशनसं शुक्रं प्रणिपत्य कृताञ्जलिः
saparvatavanām urvīṃ dṛṣṭvā saṃkṣubhitāṃ baliḥ papracchośanasaṃ śukraṃ praṇipatya kṛtāñjaliḥ
Sanskrit only: no published translation is held for this verse.
Visnudharma 77
आचार्य क्षोभम् आयाति साब्धिभूभृद्धरा मही कस्माच् च नासुरान् भागान् प्रतिगृह्णन्ति वह्नयः
ācārya kṣobham āyāti sābdhibhūbhṛddharā mahī kasmāc ca nāsurān bhāgān pratigṛhṇanti vahnayaḥ
Sanskrit only: no published translation is held for this verse.
इति पृष्टो ऽथ बलिना काव्यो वेदविदां वरः उवाच दैत्याधिपतिं चिरं ध्यात्वा महामतिः
iti pṛṣṭo 'tha balinā kāvyo vedavidāṃ varaḥ uvāca daityādhipatiṃ ciraṃ dhyātvā mahāmatiḥ
Sanskrit only: no published translation is held for this verse.
अवतीर्णो जगद्योनिः कश्यपस्य गृहे हरिः वामनेनेह रूपेण परमात्मा सनातनः
avatīrṇo jagadyoniḥ kaśyapasya gṛhe hariḥ vāmaneneha rūpeṇa paramātmā sanātanaḥ
Sanskrit only: no published translation is held for this verse.
स नूनं यज्ञम् आयाति तव दानवपुङ्गव तत्पदन्यासविक्षोभाद् इयं प्रचलिता मही
sa nūnaṃ yajñam āyāti tava dānavapuṅgava tatpadanyāsavikṣobhād iyaṃ pracalitā mahī
Sanskrit only: no published translation is held for this verse.
कम्पन्ते गिरयश् चामी क्षुभिता मकरालयाः नैनं भूतपतिं भूमिः समर्था वोढुम् ईश्वरम्
kampante girayaś cāmī kṣubhitā makarālayāḥ nainaṃ bhūtapatiṃ bhūmiḥ samarthā voḍhum īśvaram
Sanskrit only: no published translation is held for this verse.
सदेवासुरगन्धर्व- यक्षराक्षसपन्नगा अनेनैव धृता भूमिर् आपो ऽग्निः पवनो नभः धारयत्य् अखिलान् देव- मनुष्यादीन् महासुर
sadevāsuragandharva- yakṣarākṣasapannagā anenaiva dhṛtā bhūmir āpo 'gniḥ pavano nabhaḥ dhārayaty akhilān deva- manuṣyādīn mahāsura
Sanskrit only: no published translation is held for this verse.
इयम् अस्य जगद्धातुर् माया कृष्णस्य गह्वरी धार्यधारकभावेन यया संपिण्डितं जगत्
iyam asya jagaddhātur māyā kṛṣṇasya gahvarī dhāryadhārakabhāvena yayā saṃpiṇḍitaṃ jagat
Sanskrit only: no published translation is held for this verse.
तत्संनिधानाद् असुरा न भागार्हाः सुरद्विषः भुञ्जते चासुरान् भागान् अमी ते न तवाग्नयः
tatsaṃnidhānād asurā na bhāgārhāḥ suradviṣaḥ bhuñjate cāsurān bhāgān amī te na tavāgnayaḥ
Sanskrit only: no published translation is held for this verse.
धन्यो ऽहं कृतपुण्यश् च यन् मे यज्ञपतिः स्वयम् यज्ञम् अभ्यागतो ब्रह्मन् मत्तः को ऽन्यो ऽधिकः पुमान्
dhanyo 'haṃ kṛtapuṇyaś ca yan me yajñapatiḥ svayam yajñam abhyāgato brahman mattaḥ ko 'nyo 'dhikaḥ pumān
Sanskrit only: no published translation is held for this verse.
यं योगिनः सदोद्युक्ताः परमात्मानम् अव्ययम् द्रष्टुम् इच्छन्ति देवो ऽसौ मदध्वरम् उपैष्यति
yaṃ yoginaḥ sadodyuktāḥ paramātmānam avyayam draṣṭum icchanti devo 'sau madadhvaram upaiṣyati
Sanskrit only: no published translation is held for this verse.
होता भागप्रदो यस्य यम् उद्गाता च गायति तम् अध्वरेश्वरं विष्णुं मत्तः को ऽन्य उपैष्यति
hotā bhāgaprado yasya yam udgātā ca gāyati tam adhvareśvaraṃ viṣṇuṃ mattaḥ ko 'nya upaiṣyati
Sanskrit only: no published translation is held for this verse.
सर्वेश्वरेश्वरे विष्णौ ममाध्वरम् उपागते यन् मया चार्य कर्तव्यं तन् ममादेष्टुम् अर्हसि
sarveśvareśvare viṣṇau mamādhvaram upāgate yan mayā cārya kartavyaṃ tan mamādeṣṭum arhasi
Sanskrit only: no published translation is held for this verse.
यज्ञभागभुजो देवा वेदप्रामाण्यतो ऽसुर त्वया तु दानवा दैत्या यज्ञभागभुजः कृताः
yajñabhāgabhujo devā vedaprāmāṇyato 'sura tvayā tu dānavā daityā yajñabhāgabhujaḥ kṛtāḥ
Sanskrit only: no published translation is held for this verse.
अयं च देवः सत्त्वस्थः करोति स्थितिपालनम् निसृष्टेश् चायम् अन्ते च स्वयम् अत्ति प्रजाः प्रभुः
ayaṃ ca devaḥ sattvasthaḥ karoti sthitipālanam nisṛṣṭeś cāyam ante ca svayam atti prajāḥ prabhuḥ
Sanskrit only: no published translation is held for this verse.
त्वयानुबन्धी भविता नूनं विष्णुः स्थितौ स्थितः विदित्वैतन् महाभाग कुरु यत् ते मनोगतम्
tvayānubandhī bhavitā nūnaṃ viṣṇuḥ sthitau sthitaḥ viditvaitan mahābhāga kuru yat te manogatam
Sanskrit only: no published translation is held for this verse.
त्वयास्य दैत्याधिपते स्वल्पके ऽपि हि वस्तुनि प्रतिज्ञा नैव वोढव्या वाच्यं साम तथाफलम्
tvayāsya daityādhipate svalpake 'pi hi vastuni pratijñā naiva voḍhavyā vācyaṃ sāma tathāphalam
Sanskrit only: no published translation is held for this verse.
नालं दातुं धनं देवेत्य् एवं वाच्यं तु याचतः कृष्णस्य देवभूत्यर्थं प्रवृत्तस्य महासुर
nālaṃ dātuṃ dhanaṃ devety evaṃ vācyaṃ tu yācataḥ kṛṣṇasya devabhūtyarthaṃ pravṛttasya mahāsura
Sanskrit only: no published translation is held for this verse.
ब्रह्मन् कथम् अहं ब्रूयाम् अन्येनापि हि याचितः नास्तीति किमु देवेन संसाराघौघहारिणा
brahman katham ahaṃ brūyām anyenāpi hi yācitaḥ nāstīti kimu devena saṃsārāghaughahāriṇā
Sanskrit only: no published translation is held for this verse.
व्रतोपवासैर् विविधैर् यः प्रतिग्राह्यते हरिः स चेद् वक्ष्यति देहीति गोविन्दः किम् अतो ऽधिकम्
vratopavāsair vividhair yaḥ pratigrāhyate hariḥ sa ced vakṣyati dehīti govindaḥ kim ato 'dhikam
Sanskrit only: no published translation is held for this verse.
यदर्थम् उपहाराढ्या दमशौचगुणान्वितैः यज्ञाः क्रियन्ते देवेशः स मां देहीति वक्ष्यति
yadartham upahārāḍhyā damaśaucaguṇānvitaiḥ yajñāḥ kriyante deveśaḥ sa māṃ dehīti vakṣyati
Sanskrit only: no published translation is held for this verse.
तत् साधु सुकृतं कर्म तपः सुचरितं च नः यन् मया दत्तम् ईशेशः स्वयम् आदास्यते हरिः
tat sādhu sukṛtaṃ karma tapaḥ sucaritaṃ ca naḥ yan mayā dattam īśeśaḥ svayam ādāsyate hariḥ
Sanskrit only: no published translation is held for this verse.
नास्तीत्य् अहं गुरो वक्ष्ये तम् अप्य् आगतम् ईश्वरम् यदि तद् वञ्च्यते प्राप्ते नूनम् अस्मद्विधः फलैः
nāstīty ahaṃ guro vakṣye tam apy āgatam īśvaram yadi tad vañcyate prāpte nūnam asmadvidhaḥ phalaiḥ
Sanskrit only: no published translation is held for this verse.
यज्ञे ऽस्मिन् यदि यज्ञेशो याचते मां जनार्दनः निजमूर्धानम् अप्य् अद्य तद् दास्याम्य् अविचारितम्
yajñe 'smin yadi yajñeśo yācate māṃ janārdanaḥ nijamūrdhānam apy adya tad dāsyāmy avicāritam
Sanskrit only: no published translation is held for this verse.
नास्तीति यन् मया नोक्तम् अन्येषाम् अपि याचताम् वक्ष्यामि कथम् आयाते तद् अनभ्यस्तम् अच्युते
nāstīti yan mayā noktam anyeṣām api yācatām vakṣyāmi katham āyāte tad anabhyastam acyute
Sanskrit only: no published translation is held for this verse.
श्लाघ्य एव हि धीराणां दानाद् आपत्समागमः नाबाधाकारि यद् दानं तद् अङ्गमलवत् कथम्
ślāghya eva hi dhīrāṇāṃ dānād āpatsamāgamaḥ nābādhākāri yad dānaṃ tad aṅgamalavat katham
Sanskrit only: no published translation is held for this verse.
मद्राज्ये नासुखी कश्चिन् न दरिद्रो न चातुरः नातृषितो न चोद्विग्नो न स्रगादिविवर्जितः
madrājye nāsukhī kaścin na daridro na cāturaḥ nātṛṣito na codvigno na sragādivivarjitaḥ
Sanskrit only: no published translation is held for this verse.
हृष्टतुष्टः सुगन्धी च तृप्तः सर्वसुखान्वितः जनः सर्वो महाभाग किमुताहं सदा सुखी
hṛṣṭatuṣṭaḥ sugandhī ca tṛptaḥ sarvasukhānvitaḥ janaḥ sarvo mahābhāga kimutāhaṃ sadā sukhī
Sanskrit only: no published translation is held for this verse.
एतद् विशिष्टपात्रोत्थं दानबीजफलं मम विदितं भृगुशार्दूल मयैतत् त्वत्प्रसादतः
etad viśiṣṭapātrotthaṃ dānabījaphalaṃ mama viditaṃ bhṛguśārdūla mayaitat tvatprasādataḥ
Sanskrit only: no published translation is held for this verse.
एतद् विजानतो दान- बीजं पतति चेद् गुरो जनार्दने महापात्रे किं न प्राप्तं ततो मया
etad vijānato dāna- bījaṃ patati ced guro janārdane mahāpātre kiṃ na prāptaṃ tato mayā
Sanskrit only: no published translation is held for this verse.
मत्तो दानम् अवाप्येशो यदि पुष्णाति देवताः उपभोगान्वयगुणं दानं श्लाघ्यतरं ततः
matto dānam avāpyeśo yadi puṣṇāti devatāḥ upabhogānvayaguṇaṃ dānaṃ ślāghyataraṃ tataḥ
Sanskrit only: no published translation is held for this verse.
मत्प्रसादपरो नूनं यज्ञेनाराधितो हरिः तेनाभ्येति न संदेहो दर्शनाद् उपकारकृत्
matprasādaparo nūnaṃ yajñenārādhito hariḥ tenābhyeti na saṃdeho darśanād upakārakṛt
Sanskrit only: no published translation is held for this verse.
अथ कोपेन वाभ्येति देवभागोपरोधिनम् मां निहन्तुम् अतो ऽपि स्याद् वधः श्लाघ्यतरो ऽच्युतात्
atha kopena vābhyeti devabhāgoparodhinam māṃ nihantum ato 'pi syād vadhaḥ ślāghyataro 'cyutāt
Sanskrit only: no published translation is held for this verse.
यन्मयं सर्वम् एवेदं नाप्राप्य यस्य विद्यते स मां याचितुम् अभ्येति नानुग्रहम् ऋते हरिः
yanmayaṃ sarvam evedaṃ nāprāpya yasya vidyate sa māṃ yācitum abhyeti nānugraham ṛte hariḥ
Sanskrit only: no published translation is held for this verse.
यः सृजत्य् आत्मभूः सर्वं चेतसैवापहन्ति च स मां हन्तुं हृषीकेशः कथं यत्नं करिष्यति
yaḥ sṛjaty ātmabhūḥ sarvaṃ cetasaivāpahanti ca sa māṃ hantuṃ hṛṣīkeśaḥ kathaṃ yatnaṃ kariṣyati
Sanskrit only: no published translation is held for this verse.
एतद् विदित्वा तु गुरो दानविघ्नपरेण मे नैव भाव्यं जगन्नाथे गोविन्दे समुपस्थिते
etad viditvā tu guro dānavighnapareṇa me naiva bhāvyaṃ jagannāthe govinde samupasthite
Sanskrit only: no published translation is held for this verse.
इत्य् एवं वदतस् तस्य प्राप्तस् तत्र जगपतिः सर्वदेवमयो ऽचिन्त्यो मायावामनरूपधृक्
ity evaṃ vadatas tasya prāptas tatra jagapatiḥ sarvadevamayo 'cintyo māyāvāmanarūpadhṛk
Sanskrit only: no published translation is held for this verse.
तं दृष्ट्वा यज्ञवाटान्तः- प्रविष्टम् असुराः प्रभुम् जग्मुः प्रभावतः क्षोभं तेजसा तस्य निष्प्रभाः
taṃ dṛṣṭvā yajñavāṭāntaḥ- praviṣṭam asurāḥ prabhum jagmuḥ prabhāvataḥ kṣobhaṃ tejasā tasya niṣprabhāḥ
Sanskrit only: no published translation is held for this verse.
जेपुश् च मुनयस् तत्र ये समेता महाध्वरे बलिश् चैवाखिलं जन्म मेने सफलम् आत्मनः
jepuś ca munayas tatra ye sametā mahādhvare baliś caivākhilaṃ janma mene saphalam ātmanaḥ
Sanskrit only: no published translation is held for this verse.
ततः संक्षोभम् आपन्नो न कश्चित् किंचिद् उक्तवान् प्रत्येको देवदेवेशं पूजयाम् आस चेतसा
tataḥ saṃkṣobham āpanno na kaścit kiṃcid uktavān pratyeko devadeveśaṃ pūjayām āsa cetasā
Sanskrit only: no published translation is held for this verse.
अथासुरपतिं प्रह्वं दृष्ट्वा मुनिवरांश् च तान् देवदेवपतिः साक्षाद् विष्णुर् वामनरूपधृक्
athāsurapatiṃ prahvaṃ dṛṣṭvā munivarāṃś ca tān devadevapatiḥ sākṣād viṣṇur vāmanarūpadhṛk
Sanskrit only: no published translation is held for this verse.
तुष्टाव यज्ञं वह्निंश् च यजमानम् अथ र्त्विजः यज्ञकराधिकारस्थान् सदस्यान् द्रव्यसंपदम्
tuṣṭāva yajñaṃ vahniṃś ca yajamānam atha rtvijaḥ yajñakarādhikārasthān sadasyān dravyasaṃpadam
Sanskrit only: no published translation is held for this verse.
ततः प्रसन्नम् अखिलं वामनं प्रति तत्क्षणात् यज्ञवाटस्थितं वीरं साधु साध्व् इत्य् उदीरयन्
tataḥ prasannam akhilaṃ vāmanaṃ prati tatkṣaṇāt yajñavāṭasthitaṃ vīraṃ sādhu sādhv ity udīrayan
Sanskrit only: no published translation is held for this verse.
स चार्घम् आदाय बलिः प्रोद्भूतपुलकस् तदा पूजयाम् आस गोविन्दं प्राह चेदं वचो ऽसुरः
sa cārgham ādāya baliḥ prodbhūtapulakas tadā pūjayām āsa govindaṃ prāha cedaṃ vaco 'suraḥ
Sanskrit only: no published translation is held for this verse.
सुवर्णरत्नसंघातं गजाश्वम् अमितं तथा स्त्रियो वस्त्राण्य् अलंकारान् गावो ग्रामांश् च पुष्कलान्
suvarṇaratnasaṃghātaṃ gajāśvam amitaṃ tathā striyo vastrāṇy alaṃkārān gāvo grāmāṃś ca puṣkalān
Sanskrit only: no published translation is held for this verse.
सर्वस्वं सकलाम् उर्वीं भवतो वा यद् ईप्सितम् तद् ददामि वृणुष्व त्वं ममार्थी सततं प्रियः
sarvasvaṃ sakalām urvīṃ bhavato vā yad īpsitam tad dadāmi vṛṇuṣva tvaṃ mamārthī satataṃ priyaḥ
Sanskrit only: no published translation is held for this verse.
इत्य् उक्तो दैत्यपतिना प्रीतिगर्वान्वितं वचः प्राह सस्मितगम्भीरं भगवान् वामनाकृतिः
ity ukto daityapatinā prītigarvānvitaṃ vacaḥ prāha sasmitagambhīraṃ bhagavān vāmanākṛtiḥ
Sanskrit only: no published translation is held for this verse.
ममाग्निशरणार्थाय देहि राजन् पदत्रयम् सुवर्णग्रामरत्नादि तद् अर्थिभ्यः प्रदीयताम्
mamāgniśaraṇārthāya dehi rājan padatrayam suvarṇagrāmaratnādi tad arthibhyaḥ pradīyatām
Sanskrit only: no published translation is held for this verse.
त्रिभिः प्रयोजनं किं ते पदैः पदवतां वर शतं शतसहस्रं वा पदानां मार्गतां भवान्
tribhiḥ prayojanaṃ kiṃ te padaiḥ padavatāṃ vara śataṃ śatasahasraṃ vā padānāṃ mārgatāṃ bhavān
Sanskrit only: no published translation is held for this verse.
एतावता दैत्यपते कृतकृत्यो ऽस्मि मार्गताम् अन्येषाम् अर्थिनां वित्तम् इच्छया दास्यते भवान्
etāvatā daityapate kṛtakṛtyo 'smi mārgatām anyeṣām arthināṃ vittam icchayā dāsyate bhavān
Sanskrit only: no published translation is held for this verse.
एतच् छ्रुत्वा तु गदितं वामनस्य महात्मनः वाचयाम् आस तत् तस्मै वामनाय पदत्रयम्
etac chrutvā tu gaditaṃ vāmanasya mahātmanaḥ vācayām āsa tat tasmai vāmanāya padatrayam
Sanskrit only: no published translation is held for this verse.
पाणौ तु पतिते तोये वामनो भूतभावनः सर्वदेवमयं रूपं दर्शयाम् आस तत्क्षणात्
pāṇau tu patite toye vāmano bhūtabhāvanaḥ sarvadevamayaṃ rūpaṃ darśayām āsa tatkṣaṇāt
Sanskrit only: no published translation is held for this verse.
चन्द्रसूर्यौ च नयने द्यौः शिरश् चरणौ क्षितिः पादाङ्गुल्यः पिशाचाश् च हस्ताङ्गुल्यश् च गुह्यकाः
candrasūryau ca nayane dyauḥ śiraś caraṇau kṣitiḥ pādāṅgulyaḥ piśācāś ca hastāṅgulyaś ca guhyakāḥ
Sanskrit only: no published translation is held for this verse.
विश्वेदेवाश् च जानुस्था जङ्घे साध्याः सुरोत्तमाः यक्षा नखेषु संभूता रेखास्व् अप्सरसः स्थिताः
viśvedevāś ca jānusthā jaṅghe sādhyāḥ surottamāḥ yakṣā nakheṣu saṃbhūtā rekhāsv apsarasaḥ sthitāḥ
Sanskrit only: no published translation is held for this verse.
दृष्टिर् धिष्णान्य् अशेषाणि केशाः सूर्यांशवः प्रभो तारका रोमकूपाणि रोमाणि च महर्षयः
dṛṣṭir dhiṣṇāny aśeṣāṇi keśāḥ sūryāṃśavaḥ prabho tārakā romakūpāṇi romāṇi ca maharṣayaḥ
Sanskrit only: no published translation is held for this verse.
बाहवो विदिशस् तस्य दिशः श्रोत्रं महात्मनः अश्विनौ श्रवणौ तस्य नासा वायुर् महाबलः
bāhavo vidiśas tasya diśaḥ śrotraṃ mahātmanaḥ aśvinau śravaṇau tasya nāsā vāyur mahābalaḥ
Sanskrit only: no published translation is held for this verse.
प्रसादश् चन्द्रमा देवो मनो धर्मः समाश्रितः सत्यम् अस्याभवद् वाणी जिह्वा देवी सरस्वती
prasādaś candramā devo mano dharmaḥ samāśritaḥ satyam asyābhavad vāṇī jihvā devī sarasvatī
Sanskrit only: no published translation is held for this verse.
ग्रीवादितिर् देवमाता विद्यास् तद्वलयस् तथा स्वर्गद्वारम् अभून् मैत्रं त्वष्टा पूषा च वै भ्रुवौ
grīvāditir devamātā vidyās tadvalayas tathā svargadvāram abhūn maitraṃ tvaṣṭā pūṣā ca vai bhruvau
Sanskrit only: no published translation is held for this verse.
मुखं वैश्वानरश् चास्य वृषणौ तु प्रजापतिः हृदयं च परं ब्रह्म पुंस्त्वं वै कश्यपो मुनिः
mukhaṃ vaiśvānaraś cāsya vṛṣaṇau tu prajāpatiḥ hṛdayaṃ ca paraṃ brahma puṃstvaṃ vai kaśyapo muniḥ
Sanskrit only: no published translation is held for this verse.
पृष्ठे ऽस्य वसवो देवा मरुतः सर्वसंधिषु सर्वसूक्तानि दशना ज्योतींषि विमलप्रभाः
pṛṣṭhe 'sya vasavo devā marutaḥ sarvasaṃdhiṣu sarvasūktāni daśanā jyotīṃṣi vimalaprabhāḥ
Sanskrit only: no published translation is held for this verse.
वक्षःस्थले तथा रुद्रो धैर्ये चास्य महार्णवः उदरे चास्य गन्धर्वा मरुतश् च महाबलाः लक्ष्मीर् मेधा धृतिः कान्तिः सर्वविद्याश् च वै कटिः
vakṣaḥsthale tathā rudro dhairye cāsya mahārṇavaḥ udare cāsya gandharvā marutaś ca mahābalāḥ lakṣmīr medhā dhṛtiḥ kāntiḥ sarvavidyāś ca vai kaṭiḥ
Sanskrit only: no published translation is held for this verse.
सर्वज्योतींषि यानीह तपश् च परमं महत् तस्य देवातिदेवस्य तेजः प्रोद्भूतम् उत्तमम्
sarvajyotīṃṣi yānīha tapaś ca paramaṃ mahat tasya devātidevasya tejaḥ prodbhūtam uttamam
Sanskrit only: no published translation is held for this verse.
स्तनौ कुक्षौ च वेदाश् च जानू चास्य महामखाः इष्टयः पशुबन्धाश् च द्विजानां चेष्टितानि च
stanau kukṣau ca vedāś ca jānū cāsya mahāmakhāḥ iṣṭayaḥ paśubandhāś ca dvijānāṃ ceṣṭitāni ca
Sanskrit only: no published translation is held for this verse.
तस्य देवमयं रूपं दृष्ट्वा विष्णोर् महाबलाः उपसर्पन्ति दैतेयाः पतंगा इव पावकम्
tasya devamayaṃ rūpaṃ dṛṣṭvā viṣṇor mahābalāḥ upasarpanti daiteyāḥ pataṃgā iva pāvakam
Sanskrit only: no published translation is held for this verse.
प्रमथ्य सर्वान् असुरान् पादहस्ततलैर् विभुः कृत्वा रूपं महाकायं स जहाराशु मेदिनीम्
pramathya sarvān asurān pādahastatalair vibhuḥ kṛtvā rūpaṃ mahākāyaṃ sa jahārāśu medinīm
Sanskrit only: no published translation is held for this verse.
तस्य विक्रमतो भुमिं चन्द्रादित्यौ स्तनान्तरे नभो विक्रममाणस्य सक्थिदेशे स्थिताव् उभौ
tasya vikramato bhumiṃ candrādityau stanāntare nabho vikramamāṇasya sakthideśe sthitāv ubhau
Sanskrit only: no published translation is held for this verse.
परं विक्रममाणस्य जानुमूले प्रभाकरौ विष्णोर् आस्ताम् महीपाल देवपालनकर्मणि
paraṃ vikramamāṇasya jānumūle prabhākarau viṣṇor āstām mahīpāla devapālanakarmaṇi
Sanskrit only: no published translation is held for this verse.
जित्वा लोकत्रयं कृत्स्नं हत्वा चासुरपुङ्गवान् पुरंदराय त्रैलोक्यं ददौ विष्णुर् उरुक्रमः
jitvā lokatrayaṃ kṛtsnaṃ hatvā cāsurapuṅgavān puraṃdarāya trailokyaṃ dadau viṣṇur urukramaḥ
Sanskrit only: no published translation is held for this verse.
सुतलं नाम पातालम् अधस्ताद् वसुधातलात् बलेर् दत्तं भगवता विष्णुना प्रभविष्णुना
sutalaṃ nāma pātālam adhastād vasudhātalāt baler dattaṃ bhagavatā viṣṇunā prabhaviṣṇunā
Sanskrit only: no published translation is held for this verse.
अथ दैत्येश्वरं प्राह विष्णुः सर्वेश्वरेश्वरः
atha daityeśvaraṃ prāha viṣṇuḥ sarveśvareśvaraḥ
Sanskrit only: no published translation is held for this verse.
यत् त्वया सलिलं दत्तं गृहीतं पाणिना मया कल्पप्रमाणं तस्मात् ते भविष्यत्य् आयुर् उत्तमम्
yat tvayā salilaṃ dattaṃ gṛhītaṃ pāṇinā mayā kalpapramāṇaṃ tasmāt te bhaviṣyaty āyur uttamam
Sanskrit only: no published translation is held for this verse.
वैवस्वते तथातीते बले मन्वन्तरे ततः सावर्णके च संप्राप्ते भवान् इन्द्रो भविष्यति
vaivasvate tathātīte bale manvantare tataḥ sāvarṇake ca saṃprāpte bhavān indro bhaviṣyati
Sanskrit only: no published translation is held for this verse.
सांप्रतं देवराजाय त्रैलोक्यम् अखिलं मया दत्तं चतुर्युगानां वै साधिका ह्य् एकसप्ततिः
sāṃprataṃ devarājāya trailokyam akhilaṃ mayā dattaṃ caturyugānāṃ vai sādhikā hy ekasaptatiḥ
Sanskrit only: no published translation is held for this verse.
नियन्तव्या मया सर्वे ये तस्य परिपन्थिनः तेनाहं परया भक्त्या पूर्वम् आराधितो बले
niyantavyā mayā sarve ye tasya paripanthinaḥ tenāhaṃ parayā bhaktyā pūrvam ārādhito bale
Sanskrit only: no published translation is held for this verse.
सुतलं नाम पातालं तम् आसाद्य मनोरमम् वसासुर ममादेशं यथावत् परिपालयन्
sutalaṃ nāma pātālaṃ tam āsādya manoramam vasāsura mamādeśaṃ yathāvat paripālayan
Sanskrit only: no published translation is held for this verse.
तत्र दिव्यवनोपेते प्रासादशतसंकुले प्रोत्फुल्लपद्मसरसि स्रवच्छुद्धसरिद्वरे
tatra divyavanopete prāsādaśatasaṃkule protphullapadmasarasi sravacchuddhasaridvare
Sanskrit only: no published translation is held for this verse.
सुगन्धिधूपसंबाधे वराभरणभूषितः स्रक्चन्दनादिदिग्धाङ्गो नृत्यगीतमनोरमैः
sugandhidhūpasaṃbādhe varābharaṇabhūṣitaḥ srakcandanādidigdhāṅgo nṛtyagītamanoramaiḥ
Sanskrit only: no published translation is held for this verse.
उपभुञ्जन् महाभोगान् विविधान् दानवेश्वर ममाज्ञया कालम् इमं तिष्ठ स्त्रीशतसंवृतः
upabhuñjan mahābhogān vividhān dānaveśvara mamājñayā kālam imaṃ tiṣṭha strīśatasaṃvṛtaḥ
Sanskrit only: no published translation is held for this verse.
यावत् सुरैश् च विप्रैश् च न विरोधं करिष्यसि तावद् एतान् महाभोगान् अवाप्स्यस्य् असुरोत्तम
yāvat suraiś ca vipraiś ca na virodhaṃ kariṣyasi tāvad etān mahābhogān avāpsyasy asurottama
Sanskrit only: no published translation is held for this verse.
यदा च देवविप्राणां विरुद्धान्य् आचरिष्यसि बन्धिष्यन्ति तथा पाशा वारुणास् त्वाम् असंशयम्
yadā ca devaviprāṇāṃ viruddhāny ācariṣyasi bandhiṣyanti tathā pāśā vāruṇās tvām asaṃśayam
Sanskrit only: no published translation is held for this verse.
एतद् विदित्वा भवता मयाज्ञप्तम् अशेषतः न विरोधः सुरैः कार्यो विप्रैर् वा दैत्यसत्तम
etad viditvā bhavatā mayājñaptam aśeṣataḥ na virodhaḥ suraiḥ kāryo viprair vā daityasattama
Sanskrit only: no published translation is held for this verse.
इत्य् एवम् उक्तो देवेन विष्णुना प्रभविष्णुना बलिः प्राह महाराज प्रणिपत्य कृताञ्जलिः
ity evam ukto devena viṣṇunā prabhaviṣṇunā baliḥ prāha mahārāja praṇipatya kṛtāñjaliḥ
Sanskrit only: no published translation is held for this verse.
तत्रासतो मे पाताले भगवन् भवदाज्ञया किं भविष्यत्य् उपादानम् उपभोगोपपादकम्
tatrāsato me pātāle bhagavan bhavadājñayā kiṃ bhaviṣyaty upādānam upabhogopapādakam
Sanskrit only: no published translation is held for this verse.
दानान्य् अविधिदत्तानि श्राद्धान्य् अश्रोत्रियाणि च हुतान्य् अश्रद्धया यानि तानि दास्यन्ति ते फलम्
dānāny avidhidattāni śrāddhāny aśrotriyāṇi ca hutāny aśraddhayā yāni tāni dāsyanti te phalam
Sanskrit only: no published translation is held for this verse.
अदक्षिणास् तथा यज्ञाः क्रियाश् चाविधिना कृताः फलानि तव दास्यन्ति अधीतान्य् अव्रतानि च
adakṣiṇās tathā yajñāḥ kriyāś cāvidhinā kṛtāḥ phalāni tava dāsyanti adhītāny avratāni ca
Sanskrit only: no published translation is held for this verse.
बलेर् वरम् इदं दत्त्वा शक्राय त्रिविदं तथा व्यापिना तेन रूपेण जगामादर्शनं हरिः
baler varam idaṃ dattvā śakrāya trividaṃ tathā vyāpinā tena rūpeṇa jagāmādarśanaṃ hariḥ
Sanskrit only: no published translation is held for this verse.
शशास च यथा पूर्वम् इन्द्रस् त्रैलोक्यम् ऊर्जितम् सिषेव च परान् कामान् बलिः पातालम् आश्रितः
śaśāsa ca yathā pūrvam indras trailokyam ūrjitam siṣeva ca parān kāmān baliḥ pātālam āśritaḥ
Sanskrit only: no published translation is held for this verse.
इत्य् एतद् देवदेवस्य विष्णोर् माहात्म्यम् उत्तमम् वामनस्य पठेद् यस् तु सर्वपापैः प्रमुच्यते
ity etad devadevasya viṣṇor māhātmyam uttamam vāmanasya paṭhed yas tu sarvapāpaiḥ pramucyate
Sanskrit only: no published translation is held for this verse.
बलिप्रह्रादसंवादं मन्त्रितं बलिशुक्रयोः बलिविष्ण्वोश् च कथितं यः स्मरिष्यति मानवः
baliprahrādasaṃvādaṃ mantritaṃ baliśukrayoḥ baliviṣṇvoś ca kathitaṃ yaḥ smariṣyati mānavaḥ
Sanskrit only: no published translation is held for this verse.
नाधयो व्याधयो वास्य न च मोहाकुलं मनः भविष्यति कुरुश्रेष्ठ पुंसस् तस्य कदाचन
nādhayo vyādhayo vāsya na ca mohākulaṃ manaḥ bhaviṣyati kuruśreṣṭha puṃsas tasya kadācana
Sanskrit only: no published translation is held for this verse.
च्युतराज्यो निजं राज्यम् इष्टप्राप्तिं वियोगवान् अवाप्नोति महाभाग नरः श्रुत्वा कथाम् इमाम्
cyutarājyo nijaṃ rājyam iṣṭaprāptiṃ viyogavān avāpnoti mahābhāga naraḥ śrutvā kathām imām
Sanskrit only: no published translation is held for this verse.