एवं स्तुते ततस् तस्मिन् विष्णुचक्रे सुदर्शने पुष्पवृष्टिर् बलेर् मूर्ध्नि निपपातान्तरिक्षतः परिहृत्य च दैत्येन्द्रं ययौ चक्रं यथेच्छया
evaṃ stute tatas tasmin viṣṇucakre sudarśane puṣpavṛṣṭir baler mūrdhni nipapātāntarikṣataḥ parihṛtya ca daityendraṃ yayau cakraṃ yathecchayā
Sanskrit only: no published translation is held for this verse.
ततस् तद् अद्भुतं दृष्ट्वा चक्रस्यागमनं हरेः पूर्ववत्स्मरणं प्राप्य सस्मार स्वपितामहम्
tatas tad adbhutaṃ dṛṣṭvā cakrasyāgamanaṃ hareḥ pūrvavatsmaraṇaṃ prāpya sasmāra svapitāmaham
Sanskrit only: no published translation is held for this verse.
गच्छता पूर्वम् आर्येण स्मर्तव्यो ऽहम् इतीरितम् तं स्मरिष्यामि दैत्येन्द्रं स नः श्रेयो ऽभिधास्यति
gacchatā pūrvam āryeṇa smartavyo 'ham itīritam taṃ smariṣyāmi daityendraṃ sa naḥ śreyo 'bhidhāsyati
Sanskrit only: no published translation is held for this verse.
इत्य् एतद् अधिसंस्मृत्य बलिर् आत्मपितामहम् सस्मार दैत्याधिपतिं प्रह्रादं भगवत्प्रियम्
ity etad adhisaṃsmṛtya balir ātmapitāmaham sasmāra daityādhipatiṃ prahrādaṃ bhagavatpriyam
Sanskrit only: no published translation is held for this verse.
संस्मृतश् च स पातालम् आजगाम महामतिः चक्रोद्यतकरः साक्षाद् भगवान् इव केशवः
saṃsmṛtaś ca sa pātālam ājagāma mahāmatiḥ cakrodyatakaraḥ sākṣād bhagavān iva keśavaḥ
Sanskrit only: no published translation is held for this verse.
तम् आगतम् अथोत्थाय यथावत् स महामतिः अभिवाद्य बलिर् भक्त्या निवेद्यार्घम् अभाषत
tam āgatam athotthāya yathāvat sa mahāmatiḥ abhivādya balir bhaktyā nivedyārgham abhāṣata
Sanskrit only: no published translation is held for this verse.
तातांह्रिदर्शनाद् अद्य पावितो ऽस्म्य् अपकल्मषः दिवश् च्युतो ऽप्य् अहं मन्ये शक्राद् आत्मानम् उत्तमम्
tātāṃhridarśanād adya pāvito 'smy apakalmaṣaḥ divaś cyuto 'py ahaṃ manye śakrād ātmānam uttamam
Sanskrit only: no published translation is held for this verse.
त्रैलोक्यहरणाद् उग्रं यद् दुःखं हृदये मम तच् छान्तं पादसंपर्कम् उपेत्य भवतो मम
trailokyaharaṇād ugraṃ yad duḥkhaṃ hṛdaye mama tac chāntaṃ pādasaṃparkam upetya bhavato mama
Sanskrit only: no published translation is held for this verse.
इति संस्तूय दत्त्वा च वरासनम् उदारधीः पर्युपासत राजेन्द्रो दैत्यानां स्वपितामहम्
iti saṃstūya dattvā ca varāsanam udāradhīḥ paryupāsata rājendro daityānāṃ svapitāmaham
Sanskrit only: no published translation is held for this verse.
तम् उपासीनम् अनघः प्रह्रादो दैत्यपुङ्गवः प्रत्युवाच महात्मानं बलिं वैरोचनिं नृप
tam upāsīnam anaghaḥ prahrādo daityapuṅgavaḥ pratyuvāca mahātmānaṃ baliṃ vairocaniṃ nṛpa
Sanskrit only: no published translation is held for this verse.
बले ब्रूहि यदर्थं ते स्मृतो ऽहम् अरिसूदन तवोपकारणे विद्धि धर्मे मां सततोद्यतम्
bale brūhi yadarthaṃ te smṛto 'ham arisūdana tavopakāraṇe viddhi dharme māṃ satatodyatam
Sanskrit only: no published translation is held for this verse.
तातेनाहं पुरा ज्ञप्तो भ्रष्टराज्येन ते बले संस्मर्तव्यो ऽस्म्य् असंदिग्धं श्रेयो वक्ष्याम्य् अहं तदा
tātenāhaṃ purā jñapto bhraṣṭarājyena te bale saṃsmartavyo 'smy asaṃdigdhaṃ śreyo vakṣyāmy ahaṃ tadā
Sanskrit only: no published translation is held for this verse.
सो ऽहं राज्यपरिभ्रष्टो विषयासक्तिहृषितः इन्द्रियैर् अवशस् तात यत् कार्यं तत् प्रशाधि माम्
so 'haṃ rājyaparibhraṣṭo viṣayāsaktihṛṣitaḥ indriyair avaśas tāta yat kāryaṃ tat praśādhi mām
Sanskrit only: no published translation is held for this verse.
यदि मद्-वचनं तात श्रद्धधासि हितं बले तं देवदेवम् अनघं प्रयाहि शरणं हरिम्
yadi mad-vacanaṃ tāta śraddhadhāsi hitaṃ bale taṃ devadevam anaghaṃ prayāhi śaraṇaṃ harim
Sanskrit only: no published translation is held for this verse.
शब्दादिष्व् अनुरक्तानि तवाक्षाण्य् असुराधिप शब्दादयश् च गोविन्दे सन्त्य् एव व्यवहारतः
śabdādiṣv anuraktāni tavākṣāṇy asurādhipa śabdādayaś ca govinde santy eva vyavahārataḥ
Sanskrit only: no published translation is held for this verse.
गीतकैर् गीयतां विष्णुर् मनोहारिभिर् आत्मनः अन्यालम्बनतश् चित्तम् आकृष्याधत्स्व केशवे
gītakair gīyatāṃ viṣṇur manohāribhir ātmanaḥ anyālambanataś cittam ākṛṣyādhatsva keśave
Sanskrit only: no published translation is held for this verse.
गन्धान् उदारान् भक्षांश् च स्रजो वासांसि चासुर प्रयच्छ देवदेवाय तच्छेषाण्य् उपयुञ्ज च
gandhān udārān bhakṣāṃś ca srajo vāsāṃsi cāsura prayaccha devadevāya taccheṣāṇy upayuñja ca
Sanskrit only: no published translation is held for this verse.
यत्र यत्र च ते प्रीतिर् विषये दितिजेश्वर तत् तम् अच्युतम् उद्दिश्य विप्रेभ्यः प्रतिपादय
yatra yatra ca te prītir viṣaye ditijeśvara tat tam acyutam uddiśya viprebhyaḥ pratipādaya
Sanskrit only: no published translation is held for this verse.
सर्वभूतेषु गोविन्दो बहुरूपो व्यवस्थितः इति मत्वा महाबाहो सर्वभूतहितो भव
sarvabhūteṣu govindo bahurūpo vyavasthitaḥ iti matvā mahābāho sarvabhūtahito bhava
Sanskrit only: no published translation is held for this verse.
आत्मानम् अच्युतं विद्धि शत्रुं च रिपुम् आत्मनः इतिज्ञानवतः कोपस् तव कुत्र भविष्यति
ātmānam acyutaṃ viddhi śatruṃ ca ripum ātmanaḥ itijñānavataḥ kopas tava kutra bhaviṣyati
Sanskrit only: no published translation is held for this verse.
शब्दादयो ये विषया विषयी यश् च पुरुषः तद् अशेषं विजानीहि स्वरूपं परमात्मनः
śabdādayo ye viṣayā viṣayī yaś ca puruṣaḥ tad aśeṣaṃ vijānīhi svarūpaṃ paramātmanaḥ
Sanskrit only: no published translation is held for this verse.
परमात्मा च भगवान् विष्वक्सेनो जनार्दनः तद्भक्तिमान् भागवतो नाल्पपुण्यो हि जायते
paramātmā ca bhagavān viṣvakseno janārdanaḥ tadbhaktimān bhāgavato nālpapuṇyo hi jāyate
Sanskrit only: no published translation is held for this verse.
भगवच्छासनालम्बी भगवच्छासनप्रियः भगवद्भक्तिम् आस्थाय वत्स भागवतो भव
bhagavacchāsanālambī bhagavacchāsanapriyaḥ bhagavadbhaktim āsthāya vatsa bhāgavato bhava
Sanskrit only: no published translation is held for this verse.
भगवान् भूतकृद् भव्यो भूतानां प्रभवो हि यः भावेन तं भजस्वेशं भवभङ्गकरं हरिम्
bhagavān bhūtakṛd bhavyo bhūtānāṃ prabhavo hi yaḥ bhāvena taṃ bhajasveśaṃ bhavabhaṅgakaraṃ harim
Sanskrit only: no published translation is held for this verse.
भजस्व भावेन विभुं भगवन्तं महेश्वरम् ततो भागवतो भूत्वा भवबन्धाद् विमोक्ष्यसे
bhajasva bhāvena vibhuṃ bhagavantaṃ maheśvaram tato bhāgavato bhūtvā bhavabandhād vimokṣyase
Sanskrit only: no published translation is held for this verse.
सर्वभूते मनस् तस्मिन् समाधाय महामते प्राप्स्यसे परमाह्लाद- कारिणीं परमां गतिम्
sarvabhūte manas tasmin samādhāya mahāmate prāpsyase paramāhlāda- kāriṇīṃ paramāṃ gatim
Sanskrit only: no published translation is held for this verse.
तत्र चित्तं समावेष्टुं न शक्नोति भवान् यदि तदभ्यासपरस् तस्मिन् कुरु योगं दिवानिशम्
tatra cittaṃ samāveṣṭuṃ na śaknoti bhavān yadi tadabhyāsaparas tasmin kuru yogaṃ divāniśam
Sanskrit only: no published translation is held for this verse.
तत्राप्य् असामर्थ्यवतः क्रियायोगो महात्मना ब्रह्मणा यः समाख्यातस् तन्मनाः सततं भव
tatrāpy asāmarthyavataḥ kriyāyogo mahātmanā brahmaṇā yaḥ samākhyātas tanmanāḥ satataṃ bhava
Sanskrit only: no published translation is held for this verse.
करोषि यानि कर्माणि तानि देवे जगत्पतौ समर्पयस्व भद्रं ते ततः कर्म प्रहास्यसि
karoṣi yāni karmāṇi tāni deve jagatpatau samarpayasva bhadraṃ te tataḥ karma prahāsyasi
Sanskrit only: no published translation is held for this verse.
क्षीणकर्मा महाबाहो शुभाशुभविवर्जितः लयम् अभ्येति गोविन्दे तद् ब्रह्म परमं महत्
kṣīṇakarmā mahābāho śubhāśubhavivarjitaḥ layam abhyeti govinde tad brahma paramaṃ mahat
Sanskrit only: no published translation is held for this verse.
भोक्तुम् इच्छसि दैत्येन्द्र कर्मणाम् अथ चेत् फलम् ततस् तम् अर्चयेशेशं ततः कर्मफलोदयः
bhoktum icchasi daityendra karmaṇām atha cet phalam tatas tam arcayeśeśaṃ tataḥ karmaphalodayaḥ
Sanskrit only: no published translation is held for this verse.
यो ऽर्थम् इच्छति दैत्येन्द्र स समाराध्य केशवम् निःसंशयम् अवाप्नोति धुन्धुमारो यथा नृपः
yo 'rtham icchati daityendra sa samārādhya keśavam niḥsaṃśayam avāpnoti dhundhumāro yathā nṛpaḥ
Sanskrit only: no published translation is held for this verse.
अत्रिगेहसमुद्भूतं दत्तात्रेयस्वरूपिणम् राज्यम् आराध्य गोविन्दं कार्तवीर्यस् तथाप्तवान्
atrigehasamudbhūtaṃ dattātreyasvarūpiṇam rājyam ārādhya govindaṃ kārtavīryas tathāptavān
Sanskrit only: no published translation is held for this verse.
धर्मं कृष्णप्रसादेन मुद्गलो जाजलिः कुणिः प्रापुर् अन्ये तथा कामान् नरेन्द्रा नहुषादयः
dharmaṃ kṛṣṇaprasādena mudgalo jājaliḥ kuṇiḥ prāpur anye tathā kāmān narendrā nahuṣādayaḥ
Sanskrit only: no published translation is held for this verse.
जनकः सुध्वजो नाम जनकः समितिध्वजः धर्मध्वजस् तथा मुक्तिं केशवाराधनाद् गतः
janakaḥ sudhvajo nāma janakaḥ samitidhvajaḥ dharmadhvajas tathā muktiṃ keśavārādhanād gataḥ
Sanskrit only: no published translation is held for this verse.
तथान्ये मुनयो दैत्य राजानश् च सहस्रशः प्रापुर् मुक्तिं महाभागाः कृत्वा भक्तिं जनार्दने
tathānye munayo daitya rājānaś ca sahasraśaḥ prāpur muktiṃ mahābhāgāḥ kṛtvā bhaktiṃ janārdane
Sanskrit only: no published translation is held for this verse.
यथा हि ज्वलितो वह्निस् तमोहानिं तदर्थिनाम् शीतहानिं तथान्येषां स्वेदं स्वेदाभिलाषिणाम्
yathā hi jvalito vahnis tamohāniṃ tadarthinām śītahāniṃ tathānyeṣāṃ svedaṃ svedābhilāṣiṇām
Sanskrit only: no published translation is held for this verse.
करोति क्षुधितानां च भोज्यपाकं तथोत्कटम् तथैव कामान् भूतेशः स ददाति यथेप्सितान्
karoti kṣudhitānāṃ ca bhojyapākaṃ tathotkaṭam tathaiva kāmān bhūteśaḥ sa dadāti yathepsitān
Sanskrit only: no published translation is held for this verse.
तद् एतद् अखिलं ज्ञात्वा यत् तवेष्टं शृणुष्व तत् कल्पद्रुमाद् इव हरेर् यत् ते मनसि वर्तते
tad etad akhilaṃ jñātvā yat taveṣṭaṃ śṛṇuṣva tat kalpadrumād iva harer yat te manasi vartate
Sanskrit only: no published translation is held for this verse.
एतत् प्रह्रादवचनं निशाम्य दितिजेश्वरः प्रत्युवाच महाभागं प्रणिपत्य पितामहम्
etat prahrādavacanaṃ niśāmya ditijeśvaraḥ pratyuvāca mahābhāgaṃ praṇipatya pitāmaham
Sanskrit only: no published translation is held for this verse.
संप्राप्तस्यामृतस्येव तव वाक्यस्य नास्ति मे तृप्तिर् एतद् अहं तात श्रोतुम् इच्छामि विस्तरात्
saṃprāptasyāmṛtasyeva tava vākyasya nāsti me tṛptir etad ahaṃ tāta śrotum icchāmi vistarāt
Sanskrit only: no published translation is held for this verse.
अक्षीणकर्मा पुरुषो मरणे समुपस्थिते कीदृशं लोकम् आयाति यः संस्मरति केशवम्
akṣīṇakarmā puruṣo maraṇe samupasthite kīdṛśaṃ lokam āyāti yaḥ saṃsmarati keśavam
Sanskrit only: no published translation is held for this verse.
यथा च वासुदेवस्य स्मरणं तात मानवैः मुमूर्षुभिः प्रकर्तव्यं तन् ममाचक्ष्व विस्तरात्
yathā ca vāsudevasya smaraṇaṃ tāta mānavaiḥ mumūrṣubhiḥ prakartavyaṃ tan mamācakṣva vistarāt
Sanskrit only: no published translation is held for this verse.
किं जप्यं कीदृशं रूपं स्मर्तव्यं च हरेस् तदा कथं ध्येयं च विद्वद्भिस् तद् आचक्ष्व यथातथम्
kiṃ japyaṃ kīdṛśaṃ rūpaṃ smartavyaṃ ca hares tadā kathaṃ dhyeyaṃ ca vidvadbhis tad ācakṣva yathātatham
Sanskrit only: no published translation is held for this verse.
साधु वत्स त्वया प्रश्नः सुगुह्यो ऽयम् उदाहृतः तपसां तात सर्वेषां तपो नानशनात् परम्
sādhu vatsa tvayā praśnaḥ suguhyo 'yam udāhṛtaḥ tapasāṃ tāta sarveṣāṃ tapo nānaśanāt param
Sanskrit only: no published translation is held for this verse.
कथ्यते च महाबाहो संवादो ऽयं पुरातनः भगीरथस्य राजर्षेर् ब्रह्मणश् च प्रजापतेः
kathyate ca mahābāho saṃvādo 'yaṃ purātanaḥ bhagīrathasya rājarṣer brahmaṇaś ca prajāpateḥ
Sanskrit only: no published translation is held for this verse.
अतीत्यामरलोकं च गवां लोकं च मानद ऋषिलोकं च यो ऽगच्छद् भगीरथ इति श्रुतः
atītyāmaralokaṃ ca gavāṃ lokaṃ ca mānada ṛṣilokaṃ ca yo 'gacchad bhagīratha iti śrutaḥ
Sanskrit only: no published translation is held for this verse.
तं दृष्ट्वा स वचः प्राह ब्रह्मा लोकपितामहः कथं भगीरथागास् त्वम् इमं देशं दुरासदम्
taṃ dṛṣṭvā sa vacaḥ prāha brahmā lokapitāmahaḥ kathaṃ bhagīrathāgās tvam imaṃ deśaṃ durāsadam
Sanskrit only: no published translation is held for this verse.
न हि देवा न गन्धर्वा न मनुष्या भगीरथ आयान्त्य् अतप्ततपसः कथं वै त्वम् इहागतः
na hi devā na gandharvā na manuṣyā bhagīratha āyānty ataptatapasaḥ kathaṃ vai tvam ihāgataḥ
Sanskrit only: no published translation is held for this verse.
निःशङ्कम् अन्नम् अददं ब्राह्मणेभ्यः शतं सहस्राणि सदैव दायम् ब्राह्मणं व्रतं नित्यम् आस्थाय विद्वन् न त्व् एवाहं तस्य फलाद् इहागाम्
niḥśaṅkam annam adadaṃ brāhmaṇebhyaḥ śataṃ sahasrāṇi sadaiva dāyam brāhmaṇaṃ vrataṃ nityam āsthāya vidvan na tv evāhaṃ tasya phalād ihāgām
Sanskrit only: no published translation is held for this verse.
दशैकरात्रान् दश पञ्चरात्रान् एकादशैकादशकांस् तथैव ज्योतिष्टोमानां च शतं यद् इष्टं फलेन तेनापि न चागतो ऽहम्
daśaikarātrān daśa pañcarātrān ekādaśaikādaśakāṃs tathaiva jyotiṣṭomānāṃ ca śataṃ yad iṣṭaṃ phalena tenāpi na cāgato 'ham
Sanskrit only: no published translation is held for this verse.
यच् चावसं जाह्नवीतीरनित्यः शतं समास् तप्यमानस् तपो ऽहम् प्रदाय तत्राश्वतरीसहस्रं फलेन तस्यापि न चागतो ऽहम्
yac cāvasaṃ jāhnavītīranityaḥ śataṃ samās tapyamānas tapo 'ham pradāya tatrāśvatarīsahasraṃ phalena tasyāpi na cāgato 'ham
Sanskrit only: no published translation is held for this verse.
दश धेनुसहस्राणि मणिरत्नविभूषिताः दशार्बुदानि चाश्वानाम् अयुतानि च विंशतिः पुष्करेषु द्विजातिभ्यः प्रादां गाश् च सहस्रशः
daśa dhenusahasrāṇi maṇiratnavibhūṣitāḥ daśārbudāni cāśvānām ayutāni ca viṃśatiḥ puṣkareṣu dvijātibhyaḥ prādāṃ gāś ca sahasraśaḥ
Sanskrit only: no published translation is held for this verse.
सुवर्णचन्द्रोत्तमधारिणीनां कन्योत्तमानाम् अददं स्रग्विणीनाम् षष्टिं सहस्राणि विभूषितानां जाम्बूनदैर् आभरणैर् न तेन
suvarṇacandrottamadhāriṇīnāṃ kanyottamānām adadaṃ sragviṇīnām ṣaṣṭiṃ sahasrāṇi vibhūṣitānāṃ jāmbūnadair ābharaṇair na tena
Sanskrit only: no published translation is held for this verse.
दशार्बुदान्य् अददं गोसवे यास् त्व् एकैकशो दश गा लोकनाथ समानवत्साः पयसा समन्विताः सुवर्णकांस्योपदुहा न तेन
daśārbudāny adadaṃ gosave yās tv ekaikaśo daśa gā lokanātha samānavatsāḥ payasā samanvitāḥ suvarṇakāṃsyopaduhā na tena
Sanskrit only: no published translation is held for this verse.
अहन्य् अहनि विप्रेषु एकैकं त्रिंशतो ऽददम् गृष्टीनां क्षीरदात्रीणां रोहिणीनां शतानि च
ahany ahani vipreṣu ekaikaṃ triṃśato 'dadam gṛṣṭīnāṃ kṣīradātrīṇāṃ rohiṇīnāṃ śatāni ca
Sanskrit only: no published translation is held for this verse.
दोग्ध्रीणां वै गवां चैव प्रयुतानि दशैव तु प्रादां दशगुणं ब्रह्मन् न च तेनाहम् आगतः
dogdhrīṇāṃ vai gavāṃ caiva prayutāni daśaiva tu prādāṃ daśaguṇaṃ brahman na ca tenāham āgataḥ
Sanskrit only: no published translation is held for this verse.
कोटीश् च काञ्चनस्याष्टौ प्रादां ब्रह्मन् दश त्व् अहम् एकैकस्मिन् क्रतौ तेन फलेनाहं न चागतः
koṭīś ca kāñcanasyāṣṭau prādāṃ brahman daśa tv aham ekaikasmin kratau tena phalenāhaṃ na cāgataḥ
Sanskrit only: no published translation is held for this verse.
वाजिनां श्यामकर्णानां हरितानां पितामह प्रादां हेमस्रजां ब्रह्मन् कोटीर् दश च सप्त च
vājināṃ śyāmakarṇānāṃ haritānāṃ pitāmaha prādāṃ hemasrajāṃ brahman koṭīr daśa ca sapta ca
Sanskrit only: no published translation is held for this verse.
ईषादन्तान् महाकायान् काञ्चनस्रग्विभूषितान् पत्नीवतः सहस्राणि प्रायच्छं दश सप्त च
īṣādantān mahākāyān kāñcanasragvibhūṣitān patnīvataḥ sahasrāṇi prāyacchaṃ daśa sapta ca
Sanskrit only: no published translation is held for this verse.
अलंकृतानां देवेश दिव्यैः कनकभूषणैः रथानां काञ्चनाङ्गानां सहस्राण्य् अददं दश सप्त चान्यानि युक्तानां वाजिभिः समलंकृतैः
alaṃkṛtānāṃ deveśa divyaiḥ kanakabhūṣaṇaiḥ rathānāṃ kāñcanāṅgānāṃ sahasrāṇy adadaṃ daśa sapta cānyāni yuktānāṃ vājibhiḥ samalaṃkṛtaiḥ
Sanskrit only: no published translation is held for this verse.
दक्षिणावयवाः केचिद् देवैर् ये संप्रकीर्तिताः वाजपेयेषु दशसु प्रादां तेनापि नागतः
dakṣiṇāvayavāḥ kecid devair ye saṃprakīrtitāḥ vājapeyeṣu daśasu prādāṃ tenāpi nāgataḥ
Sanskrit only: no published translation is held for this verse.
शक्रतुल्यप्रभावानाम् ईज्यया विक्रमेण च सहस्रं निष्ककण्ठानां प्रददन् दक्षिणाम् अहम्
śakratulyaprabhāvānām ījyayā vikrameṇa ca sahasraṃ niṣkakaṇṭhānāṃ pradadan dakṣiṇām aham
Sanskrit only: no published translation is held for this verse.
विजित्य नृपतीन् सर्वान् मखैर् इष्ट्वा पितामह अष्टाभ्यो राजसूयेभ्यो न च तेनाहम् आगतः
vijitya nṛpatīn sarvān makhair iṣṭvā pitāmaha aṣṭābhyo rājasūyebhyo na ca tenāham āgataḥ
Sanskrit only: no published translation is held for this verse.
स्रोतश् च यावद् गङ्गायां छिन्नम् आसीज् जगत्पते दक्षिणाभिः प्रवृत्ताभिर् मम नागं च तत्कृते
srotaś ca yāvad gaṅgāyāṃ chinnam āsīj jagatpate dakṣiṇābhiḥ pravṛttābhir mama nāgaṃ ca tatkṛte
Sanskrit only: no published translation is held for this verse.
वाजिनां च सहस्रे द्वे सुवर्णमणिभूषिते वारणानां शतं चाहम् एकैकस्य त्रिधाददम् वरं ग्रामशतं चाहम् एकैकस्य त्रिधाददम्
vājināṃ ca sahasre dve suvarṇamaṇibhūṣite vāraṇānāṃ śataṃ cāham ekaikasya tridhādadam varaṃ grāmaśataṃ cāham ekaikasya tridhādadam
Sanskrit only: no published translation is held for this verse.
तपस्वी नियताहारः शमम् आस्थाय वाग्यतः दीर्घकालं हिमवति गङ्गायाश् च दुरुत्सहाम्
tapasvī niyatāhāraḥ śamam āsthāya vāgyataḥ dīrghakālaṃ himavati gaṅgāyāś ca durutsahām
Sanskrit only: no published translation is held for this verse.
मूर्ध्ना धारां महादेवः शिरसा याम् अधारयत् न तेनाप्य् अहम् आगच्छं फलेनेह पितामह
mūrdhnā dhārāṃ mahādevaḥ śirasā yām adhārayat na tenāpy aham āgacchaṃ phaleneha pitāmaha
Sanskrit only: no published translation is held for this verse.
शम्याक्षेपैर् अयजं देवदेव तथा क्रतूनाम् अयुतैश् चापि यत्तः त्रयोदशद्वादशाहैश् च देव सपुण्डरीकैर् न च तेषां फलेन
śamyākṣepair ayajaṃ devadeva tathā kratūnām ayutaiś cāpi yattaḥ trayodaśadvādaśāhaiś ca deva sapuṇḍarīkair na ca teṣāṃ phalena
Sanskrit only: no published translation is held for this verse.
अष्टौ सहस्राणि ककुद्मिनाम् अहं शुक्लर्षभाणाम् अदं ब्राह्मणेभ्यः पत्नीश् चैषाम् अददं निष्ककण्ठीस् तेषां फलेनेह न चागतो ऽस्मि
aṣṭau sahasrāṇi kakudminām ahaṃ śuklarṣabhāṇām adaṃ brāhmaṇebhyaḥ patnīś caiṣām adadaṃ niṣkakaṇṭhīs teṣāṃ phaleneha na cāgato 'smi
Sanskrit only: no published translation is held for this verse.
हिरण्यरत्नरचितान् अददं रत्नपर्वतान् धनधान्यसहस्रांश् च ग्रामाञ् शतसहस्रशः
hiraṇyaratnaracitān adadaṃ ratnaparvatān dhanadhānyasahasrāṃś ca grāmāñ śatasahasraśaḥ
Sanskrit only: no published translation is held for this verse.
शतं शतानां गृष्टीनाम् अददं चाप्य् अतन्द्रितः इष्ट्वानेकैर् महायज्ञैर् ब्राह्मणेभ्यो धनेन च
śataṃ śatānāṃ gṛṣṭīnām adadaṃ cāpy atandritaḥ iṣṭvānekair mahāyajñair brāhmaṇebhyo dhanena ca
Sanskrit only: no published translation is held for this verse.
एकादशाहैर् अयजं सुदक्षिणैर् द्विर् द्वादशाहैर् अश्वमेधैश् च देव अर्कायणैः षोडशभिश् च ब्रह्मंस् तेषां फलेनेह न चागतो ऽस्मि
ekādaśāhair ayajaṃ sudakṣiṇair dvir dvādaśāhair aśvamedhaiś ca deva arkāyaṇaiḥ ṣoḍaśabhiś ca brahmaṃs teṣāṃ phaleneha na cāgato 'smi
Sanskrit only: no published translation is held for this verse.
निष्क्रामकं चाप्य् अददं योजनानां द्विर् विस्तीर्णं काञ्चनपादपानाम् वनं चूतानां रत्नविभूषितानाम् न चैव तेषाम् आगतो ऽहं फलेन
niṣkrāmakaṃ cāpy adadaṃ yojanānāṃ dvir vistīrṇaṃ kāñcanapādapānām vanaṃ cūtānāṃ ratnavibhūṣitānām na caiva teṣām āgato 'haṃ phalena
Sanskrit only: no published translation is held for this verse.
तुरायणं तु व्रतम् अप्रधृष्यम् अक्रोधनो ऽकरवं त्रिंशतो ऽब्दान् शतं गवाम् अष्ट शतानि चाहं दिने दिने प्राददं ब्राह्मणेभ्यः
turāyaṇaṃ tu vratam apradhṛṣyam akrodhano 'karavaṃ triṃśato 'bdān śataṃ gavām aṣṭa śatāni cāhaṃ dine dine prādadaṃ brāhmaṇebhyaḥ
Sanskrit only: no published translation is held for this verse.
पयस्विनीनां अथ रोहिणीनां तथैव चाप्य् अनडुहां लोकनाथ प्रादाम् नित्यं ब्राह्मणेभ्यः सुरेश नेहागतस् तेन फलेन चाहम्
payasvinīnāṃ atha rohiṇīnāṃ tathaiva cāpy anaḍuhāṃ lokanātha prādām nityaṃ brāhmaṇebhyaḥ sureśa nehāgatas tena phalena cāham
Sanskrit only: no published translation is held for this verse.
त्रिंशतं विधिवद् वह्नीन् अयजं यच् च नित्यशः अष्टाभिः सर्वमेधैश् च नृमेधैर् द्विगुणैस् तथा
triṃśataṃ vidhivad vahnīn ayajaṃ yac ca nityaśaḥ aṣṭābhiḥ sarvamedhaiś ca nṛmedhair dviguṇais tathā
Sanskrit only: no published translation is held for this verse.
दशभिर् विश्वजिद्भिश् च स्तोभैर् अष्टादशोत्तरैः न चैव तेषां देवेश फलेनाहम् इहागमम्
daśabhir viśvajidbhiś ca stobhair aṣṭādaśottaraiḥ na caiva teṣāṃ deveśa phalenāham ihāgamam
Sanskrit only: no published translation is held for this verse.
सरव्यां बाहुदायां च गयायाम् अथ नैमिषे गवां शतानाम् अयुतम् अददं न च तेन वै
saravyāṃ bāhudāyāṃ ca gayāyām atha naimiṣe gavāṃ śatānām ayutam adadaṃ na ca tena vai
Sanskrit only: no published translation is held for this verse.
उत्क्रान्तिकाले गोविन्दं स्मरन्न् अनशनस्थितः त्यक्तवान् अस्मि यद् देहं तेनेदृक् प्राप्तवान् फलम्
utkrāntikāle govindaṃ smarann anaśanasthitaḥ tyaktavān asmi yad dehaṃ tenedṛk prāptavān phalam
Sanskrit only: no published translation is held for this verse.
एवम् एतद् इतीत्य् आह ब्रह्मा लोकपितामहः भगीरथं महीपालं पुण्यलोकनिवासिनम्
evam etad itīty āha brahmā lokapitāmahaḥ bhagīrathaṃ mahīpālaṃ puṇyalokanivāsinam
Sanskrit only: no published translation is held for this verse.
तद् एतद् उक्तं तपसां समस्तानां महामते गुणैर् अनशनं ब्रह्मा प्रधानतरम् अब्रवीत्
tad etad uktaṃ tapasāṃ samastānāṃ mahāmate guṇair anaśanaṃ brahmā pradhānataram abravīt
Sanskrit only: no published translation is held for this verse.
त्यजत्य् अनशनस्थो हि प्राणान् यः संस्मरन् हरिम् स याति विष्णुसालोक्यं यावद् इन्द्राश् चतुर्दश
tyajaty anaśanastho hi prāṇān yaḥ saṃsmaran harim sa yāti viṣṇusālokyaṃ yāvad indrāś caturdaśa
Sanskrit only: no published translation is held for this verse.
अतीतानागतानीह कुलानि पुरुषर्षभ पुनात्य् अनशनं कुर्वन् सप्त सप्त च सप्त च
atītānāgatānīha kulāni puruṣarṣabha punāty anaśanaṃ kurvan sapta sapta ca sapta ca
Sanskrit only: no published translation is held for this verse.
श्लोकाश् चात्र महाबाहो श्रूयन्ते यान् भगीरथः जगाद ब्रह्मणो लोकम् उपेतः पृथिवीपतिः
ślokāś cātra mahābāho śrūyante yān bhagīrathaḥ jagāda brahmaṇo lokam upetaḥ pṛthivīpatiḥ
Sanskrit only: no published translation is held for this verse.
ब्रह्म ब्रह्ममयं विष्णोर् यः पदं परमात्मनः संस्मरंस् त्यजति प्राणान् स विष्णुं प्रविशत्य् अजम्
brahma brahmamayaṃ viṣṇor yaḥ padaṃ paramātmanaḥ saṃsmaraṃs tyajati prāṇān sa viṣṇuṃ praviśaty ajam
Sanskrit only: no published translation is held for this verse.
यः क्षीणकर्मा भोगेन तपसा वापि संस्मरन् करोति कालं कालेन न परिच्छेद्यते हि सः
yaḥ kṣīṇakarmā bhogena tapasā vāpi saṃsmaran karoti kālaṃ kālena na paricchedyate hi saḥ
Sanskrit only: no published translation is held for this verse.
अक्षीणकर्मा मरणे संस्मरन् देवम् अच्युतम् यथा त्वम् एव देवानां लोके भोगान् उपाश्नुते
akṣīṇakarmā maraṇe saṃsmaran devam acyutam yathā tvam eva devānāṃ loke bhogān upāśnute
Sanskrit only: no published translation is held for this verse.
क्षुतिते ऽपि कुले कश्चिज् जायेयं कर्मणः क्षये मनुष्यो येन सर्वेशं चिन्तयेयं सदा हरिम्
kṣutite 'pi kule kaścij jāyeyaṃ karmaṇaḥ kṣaye manuṣyo yena sarveśaṃ cintayeyaṃ sadā harim
Sanskrit only: no published translation is held for this verse.
तच्चिन्तयाधुनाशेष- पुण्यपापविवर्जितः मरणे तन्मनस् तत्र लयम् एत्य तम् आप्नुयात्
taccintayādhunāśeṣa- puṇyapāpavivarjitaḥ maraṇe tanmanas tatra layam etya tam āpnuyāt
Sanskrit only: no published translation is held for this verse.
कर्मभूमौ समस्तानां कर्मणाम् उत्तमोत्तमम् यद् अन्तकाले पुरुषैः स्मर्यते पुरुषोत्तमः
karmabhūmau samastānāṃ karmaṇām uttamottamam yad antakāle puruṣaiḥ smaryate puruṣottamaḥ
Sanskrit only: no published translation is held for this verse.
इत्य् एतान् आह राजर्षिः श्लोकान् आद्यो भगीरथः विष्णुसंस्मरणात् प्राप्य लोकान् अनशने मृतः
ity etān āha rājarṣiḥ ślokān ādyo bhagīrathaḥ viṣṇusaṃsmaraṇāt prāpya lokān anaśane mṛtaḥ
Sanskrit only: no published translation is held for this verse.
एवम् अत्यन्तशस्तानां कर्मणाम् असुरेश्वर नान्यद् उत्कृष्टम् उद्दिष्टं तज्ज्ञैर् अनशनात् परम्
evam atyantaśastānāṃ karmaṇām asureśvara nānyad utkṛṣṭam uddiṣṭaṃ tajjñair anaśanāt param
Sanskrit only: no published translation is held for this verse.
तस्याहं लक्षणं वक्ष्ये यच् च जप्यं मुमूर्षुभिः यादृग्रूपश् च भगवांश् चिन्तनीयो जनार्दनः
tasyāhaṃ lakṣaṇaṃ vakṣye yac ca japyaṃ mumūrṣubhiḥ yādṛgrūpaś ca bhagavāṃś cintanīyo janārdanaḥ
Sanskrit only: no published translation is held for this verse.
आसन्नम् आत्मनः कालं ज्ञात्वा प्राज्ञो महासुर निर्धूतमलदोषश् च स्नातो नियतमानसः
āsannam ātmanaḥ kālaṃ jñātvā prājño mahāsura nirdhūtamaladoṣaś ca snāto niyatamānasaḥ
Sanskrit only: no published translation is held for this verse.
समभ्यर्च्य हृषीकेशं पुष्पधूपादिभिस् ततः प्रणिपातैः स्तवैः पुण्यैर् ध्यानयोगैश् च पूजयेत्
samabhyarcya hṛṣīkeśaṃ puṣpadhūpādibhis tataḥ praṇipātaiḥ stavaiḥ puṇyair dhyānayogaiś ca pūjayet
Sanskrit only: no published translation is held for this verse.
दत्त्वा दानं च विप्रेभ्यो विकलादिभ्य एव च सभाप्रपाब्राह्मणौक- देवौकाद्युपयोगि च
dattvā dānaṃ ca viprebhyo vikalādibhya eva ca sabhāprapābrāhmaṇauka- devaukādyupayogi ca
Sanskrit only: no published translation is held for this verse.
बन्धुपुत्रकलत्रौक- क्षेत्रधान्यधनादिषु मित्रवर्गे च दैत्येन्द्र ममत्वं विनिवर्तयेत्
bandhuputrakalatrauka- kṣetradhānyadhanādiṣu mitravarge ca daityendra mamatvaṃ vinivartayet
Sanskrit only: no published translation is held for this verse.
मित्रान् अमित्रान् मध्यस्थान् परान् स्वांश् च पुनः पुनः अभ्यर्थनोपचारेण क्षामयेत् कुकृतं स्वकम्
mitrān amitrān madhyasthān parān svāṃś ca punaḥ punaḥ abhyarthanopacāreṇa kṣāmayet kukṛtaṃ svakam
Sanskrit only: no published translation is held for this verse.
ततश् च प्रयतः कुर्याद् उत्सर्गं सर्वकर्मणाम् शुभाशुभानां दैत्येन्द्र वाक्यं चेदम् उदाहरेत्
tataś ca prayataḥ kuryād utsargaṃ sarvakarmaṇām śubhāśubhānāṃ daityendra vākyaṃ cedam udāharet
Sanskrit only: no published translation is held for this verse.
परित्यजाम्य् अहं भोगांस् त्यजामि सुहृदो ऽखिलान् भोजनादि मयोत्सृष्टम् उत्सृष्टम् अनुलेपनम्
parityajāmy ahaṃ bhogāṃs tyajāmi suhṛdo 'khilān bhojanādi mayotsṛṣṭam utsṛṣṭam anulepanam
Sanskrit only: no published translation is held for this verse.
स्रग्भूषणादिकं गेयं दानम् आदानम् एव च होमादयः पदार्था ये याश् च नित्यक्रिया मम
sragbhūṣaṇādikaṃ geyaṃ dānam ādānam eva ca homādayaḥ padārthā ye yāś ca nityakriyā mama
Sanskrit only: no published translation is held for this verse.
नैमित्तिकास् तथा काम्या वर्णधर्मास् तथोज्झिताः गुणधर्मादयो धर्मा याश् च काश्चिन् मम क्रियाः
naimittikās tathā kāmyā varṇadharmās tathojjhitāḥ guṇadharmādayo dharmā yāś ca kāścin mama kriyāḥ
Sanskrit only: no published translation is held for this verse.
पद्भ्यां कराभ्यां विहरन् कुर्वन् वा कर्म न त्व् अहम् करिष्ये प्राणिनां पीडां प्राणिनः सन्तु निर्भयाः
padbhyāṃ karābhyāṃ viharan kurvan vā karma na tv aham kariṣye prāṇināṃ pīḍāṃ prāṇinaḥ santu nirbhayāḥ
Sanskrit only: no published translation is held for this verse.
नभसि प्राणिनो ये तु ये जले ये च भूतले क्षितेर् अन्तरगा ये च ये च पाषाणसंपुटे
nabhasi prāṇino ye tu ye jale ye ca bhūtale kṣiter antaragā ye ca ye ca pāṣāṇasaṃpuṭe
Sanskrit only: no published translation is held for this verse.
ये धान्यादिषु वस्त्रेषु शयनेष्व् आसनेषु च ते स्वपन्तु विबुध्यन्तु सुखं मत्तो भयं विना
ye dhānyādiṣu vastreṣu śayaneṣv āsaneṣu ca te svapantu vibudhyantu sukhaṃ matto bhayaṃ vinā
Sanskrit only: no published translation is held for this verse.
न मे ऽस्ति बान्धवः कश्चिद् विष्णुं मुक्त्वा जगद्गुरुम् मित्रपक्षे च मे विष्णुर् अधश् चोर्ध्वं तथाग्रतः
na me 'sti bāndhavaḥ kaścid viṣṇuṃ muktvā jagadgurum mitrapakṣe ca me viṣṇur adhaś cordhvaṃ tathāgrataḥ
Sanskrit only: no published translation is held for this verse.
पार्श्वतो मूर्ध्नि पृष्ठे च हृदये वाचि चक्षुषि श्रोत्रादिषु च सर्वेषु मम विष्णुः प्रतिष्ठितः
pārśvato mūrdhni pṛṣṭhe ca hṛdaye vāci cakṣuṣi śrotrādiṣu ca sarveṣu mama viṣṇuḥ pratiṣṭhitaḥ
Sanskrit only: no published translation is held for this verse.
इति सर्वं समुत्सृज्य ध्यात्वा सर्वत्र चाच्युतम् वासुदेवेत्य् अविरतं नाम देवस्य कीर्तयन्
iti sarvaṃ samutsṛjya dhyātvā sarvatra cācyutam vāsudevety avirataṃ nāma devasya kīrtayan
Sanskrit only: no published translation is held for this verse.
दक्षिणाग्रेषु दर्भेषु शयीत प्राच्छिरास् ततः उदच्छिरा वा दैत्येन्द्र चिन्तयञ् जगतः पतिम्
dakṣiṇāgreṣu darbheṣu śayīta prācchirās tataḥ udacchirā vā daityendra cintayañ jagataḥ patim
Sanskrit only: no published translation is held for this verse.
विष्णुं जिष्णुं हृषीकेशं केशवं मधुसूदनम् नारायणं नरं कृष्णं वासुदेवं जनार्दनम्
viṣṇuṃ jiṣṇuṃ hṛṣīkeśaṃ keśavaṃ madhusūdanam nārāyaṇaṃ naraṃ kṛṣṇaṃ vāsudevaṃ janārdanam
Sanskrit only: no published translation is held for this verse.
वाराहं यज्ञपुरुषं पुण्डरीकाक्षम् अच्युतम् वामनं श्रीधरं श्रीशं नृसिंहम् अपराजितम्
vārāhaṃ yajñapuruṣaṃ puṇḍarīkākṣam acyutam vāmanaṃ śrīdharaṃ śrīśaṃ nṛsiṃham aparājitam
Sanskrit only: no published translation is held for this verse.
पद्मनाभम् अजं शौरिम् दामोदरम् अधोक्षजम् सर्वेश्वरेश्वरं शुद्धम् अनन्तं रामम् ईश्वरम्
padmanābham ajaṃ śaurim dāmodaram adhokṣajam sarveśvareśvaraṃ śuddham anantaṃ rāmam īśvaram
Sanskrit only: no published translation is held for this verse.
चक्रिणं गदिनं शार्ङ्गिं शङ्खिनं गरुडध्वजम् किरीटकौस्तुभधरं प्रणमाम्य् अहम् अव्ययम्
cakriṇaṃ gadinaṃ śārṅgiṃ śaṅkhinaṃ garuḍadhvajam kirīṭakaustubhadharaṃ praṇamāmy aham avyayam
Sanskrit only: no published translation is held for this verse.
अहम् अत्र जगन्नाथे मयि चास्तु जनार्दनः आवयोर् अन्तरं मास्तु समीरनभसोर् इव
aham atra jagannāthe mayi cāstu janārdanaḥ āvayor antaraṃ māstu samīranabhasor iva
Sanskrit only: no published translation is held for this verse.
अयं विष्णुर् अयं शौरिर् अयं कृष्णः पुरो मम नीलोत्पलदलश्यामः पद्मपत्त्रोपमेक्षणः
ayaṃ viṣṇur ayaṃ śaurir ayaṃ kṛṣṇaḥ puro mama nīlotpaladalaśyāmaḥ padmapattropamekṣaṇaḥ
Sanskrit only: no published translation is held for this verse.
एष पश्यतु माम् ईशः पश्याम्य् अहम् अधोक्षजम् यतो न व्यतिरिक्तो ऽहं यन्मयो ऽहं यदाश्रयः
eṣa paśyatu mām īśaḥ paśyāmy aham adhokṣajam yato na vyatirikto 'haṃ yanmayo 'haṃ yadāśrayaḥ
Sanskrit only: no published translation is held for this verse.
इत्थं जपन्न् एकमनाः स्मरन् सर्वेश्वरं हरिम् आसीनः सुखदुःखेषु समो मित्राहितेषु च
itthaṃ japann ekamanāḥ smaran sarveśvaraṃ harim āsīnaḥ sukhaduḥkheṣu samo mitrāhiteṣu ca
Sanskrit only: no published translation is held for this verse.
ॐ नमो वासुदेवायेत्य् एतद् वा सततं वदन् यद् वोदीरयितुं नाम समर्थस् तद् उदीरयन् ध्यायेत देवदेवस्य रूपं विष्णोर् मनोरमम्
oṃ namo vāsudevāyety etad vā satataṃ vadan yad vodīrayituṃ nāma samarthas tad udīrayan dhyāyeta devadevasya rūpaṃ viṣṇor manoramam
Sanskrit only: no published translation is held for this verse.
प्रशान्तनेत्रभ्रूवक्त्रं शङ्खचक्रगदाधरम् श्रीवत्सवक्षसं चैव चतुर्बाहुं किरीटिनम्
praśāntanetrabhrūvaktraṃ śaṅkhacakragadādharam śrīvatsavakṣasaṃ caiva caturbāhuṃ kirīṭinam
Sanskrit only: no published translation is held for this verse.