Visnudharma 80

क्रियायोगस् त्वया पूर्वं ममोक्तो यः पितामह तम् अहं श्रोतुम् इच्छामि फलं चास्य यथातथम्

kriyāyogas tvayā pūrvaṃ mamokto yaḥ pitāmaha tam ahaṃ śrotum icchāmi phalaṃ cāsya yathātatham

Sanskrit only: no published translation is held for this verse.

देवार्चां देवतागारे तन्मयत्वेन पूजयम् यथावच् चेतसो भूमिं करोति नियतो हि सः

devārcāṃ devatāgāre tanmayatvena pūjayam yathāvac cetaso bhūmiṃ karoti niyato hi saḥ

Sanskrit only: no published translation is held for this verse.

तपसा ब्रह्मचर्येण पुण्यस्वाध्यायसंस्तवैः क्रियायोगः स विद्वद्भिर् योगिनां समुदाहृतः

tapasā brahmacaryeṇa puṇyasvādhyāyasaṃstavaiḥ kriyāyogaḥ sa vidvadbhir yogināṃ samudāhṛtaḥ

Sanskrit only: no published translation is held for this verse.

तत्राहं श्रोतुम् इच्छामि क्रियायोगस्थितो नरः यत् फलं समवाप्नोति कारयित्वा हरेर् गृहम्

tatrāhaṃ śrotum icchāmi kriyāyogasthito naraḥ yat phalaṃ samavāpnoti kārayitvā harer gṛham

Sanskrit only: no published translation is held for this verse.

देवार्चां कारयित्वा वा यत् पुण्यं पुरुषो ऽश्नुते संपूजयित्वा विधिवद् अनुलिप्य च यत् फलम्

devārcāṃ kārayitvā vā yat puṇyaṃ puruṣo 'śnute saṃpūjayitvā vidhivad anulipya ca yat phalam

Sanskrit only: no published translation is held for this verse.

कानि माल्यानि शस्तानि कानि नार्हन्ति केशवे के धूपाः कृष्णदयिताः के वर्ज्याश् च जगत्पतेः

kāni mālyāni śastāni kāni nārhanti keśave ke dhūpāḥ kṛṣṇadayitāḥ ke varjyāś ca jagatpateḥ

Sanskrit only: no published translation is held for this verse.

उपहारे फलं कीम् स्यात् किं फलं गीतवादिते घृतक्षीरादिना यच् च स्नापिते केशवे फलम्

upahāre phalaṃ kīm syāt kiṃ phalaṃ gītavādite ghṛtakṣīrādinā yac ca snāpite keśave phalam

Sanskrit only: no published translation is held for this verse.

यच् चोपलेपने तात फलम् अभ्युक्षिते च यत् वासुदेवगृहे सर्वं तद् अशेषं वदस्व मे

yac copalepane tāta phalam abhyukṣite ca yat vāsudevagṛhe sarvaṃ tad aśeṣaṃ vadasva me

Sanskrit only: no published translation is held for this verse.

साधु वत्स यद् एतत् त्वं वासुदेवस्य पृच्छसि शुश्रूषणविधौ पुण्यं तद् इहैकमनाः शृणु

sādhu vatsa yad etat tvaṃ vāsudevasya pṛcchasi śuśrūṣaṇavidhau puṇyaṃ tad ihaikamanāḥ śṛṇu

Sanskrit only: no published translation is held for this verse.

ब्रह्मणा किल देवानाम् ऋषीणां च महात्मनाम् शुश्रूषणफलं विष्णोः प्रोक्तं दैत्यपते पुरा

brahmaṇā kila devānām ṛṣīṇāṃ ca mahātmanām śuśrūṣaṇaphalaṃ viṣṇoḥ proktaṃ daityapate purā

Sanskrit only: no published translation is held for this verse.

तेभ्यः सकाशान् मनुना प्राप्तं स्वारोचिषेण तु स्वारोचिषः स्वपुत्राय दत्तवान् ऋतचक्षुषे

tebhyaḥ sakāśān manunā prāptaṃ svārociṣeṇa tu svārociṣaḥ svaputrāya dattavān ṛtacakṣuṣe

Sanskrit only: no published translation is held for this verse.

ऋतचक्षुश् च भर्गवे शुक्रस् तस्माद् अवाप च ममाख्यातं च शुक्रेण यथावत् सुमहात्मना

ṛtacakṣuś ca bhargave śukras tasmād avāpa ca mamākhyātaṃ ca śukreṇa yathāvat sumahātmanā

Sanskrit only: no published translation is held for this verse.

शुश्रूषवे महाभाग दैत्याचार्येण धीमता तद् एतच् छ्रूयतां तात क्रियायोगाश्रितं फलम्

śuśrūṣave mahābhāga daityācāryeṇa dhīmatā tad etac chrūyatāṃ tāta kriyāyogāśritaṃ phalam

Sanskrit only: no published translation is held for this verse.

ज्ञानयोगस् तु संयोगश् चित्तस्यैवात्मना तु यः यस् तु बाह्यार्थसापेक्षः स क्रियायोग उच्यते

jñānayogas tu saṃyogaś cittasyaivātmanā tu yaḥ yas tu bāhyārthasāpekṣaḥ sa kriyāyoga ucyate

Sanskrit only: no published translation is held for this verse.

परमं कारणं योगो विमुक्तेर् दितिकेश्वर क्रियायोगश् च योगस्य परमं तात साधनम्

paramaṃ kāraṇaṃ yogo vimukter ditikeśvara kriyāyogaś ca yogasya paramaṃ tāta sādhanam

Sanskrit only: no published translation is held for this verse.

यत् त्व् एतद् भवता पृष्टं फलम् अन्विच्छता फलम् देवालयादिकरणे तद् इहैकमनाः शृणु

yat tv etad bhavatā pṛṣṭaṃ phalam anvicchatā phalam devālayādikaraṇe tad ihaikamanāḥ śṛṇu

Sanskrit only: no published translation is held for this verse.

यस् तु देवालयं विष्णोर् दार्वं शैलमयं तथा कारयेन् मृन्मयं वापि शृणु तस्य बले फलं

yas tu devālayaṃ viṣṇor dārvaṃ śailamayaṃ tathā kārayen mṛnmayaṃ vāpi śṛṇu tasya bale phalaṃ

Sanskrit only: no published translation is held for this verse.

अहन्य् अहनि यज्ञेन यजतो यन् महाफलम् प्राप्नोति तत् फलं विष्णोर् यः कारयति मन्दिरम्

ahany ahani yajñena yajato yan mahāphalam prāpnoti tat phalaṃ viṣṇor yaḥ kārayati mandiram

Sanskrit only: no published translation is held for this verse.

कुलानां शतम् आगामि समतीतं तथा शतम् कारयन् भगवद्धाम नयत्य् अच्युतलोकताम्

kulānāṃ śatam āgāmi samatītaṃ tathā śatam kārayan bhagavaddhāma nayaty acyutalokatām

Sanskrit only: no published translation is held for this verse.

सप्तजन्मकृतं पापं स्वल्पं वा यदि वा बहु विष्णोर् आलयविन्यास- प्रारम्भाद् एव नश्यति

saptajanmakṛtaṃ pāpaṃ svalpaṃ vā yadi vā bahu viṣṇor ālayavinyāsa- prārambhād eva naśyati

Sanskrit only: no published translation is held for this verse.

सप्तलोकमयो विष्णुस् तस्य यः कुरुते गृहम् प्रतिष्ठां समवाप्नोति स नरः सप्तलौकिकीम्

saptalokamayo viṣṇus tasya yaḥ kurute gṛham pratiṣṭhāṃ samavāpnoti sa naraḥ saptalaukikīm

Sanskrit only: no published translation is held for this verse.

प्रशस्तदेशभूभागे यः शस्तं भवनं हरेः कारयत्य् अक्षयांल् लोकान् स नरः प्रतिपद्यते

praśastadeśabhūbhāge yaḥ śastaṃ bhavanaṃ hareḥ kārayaty akṣayāṃl lokān sa naraḥ pratipadyate

Sanskrit only: no published translation is held for this verse.

इष्टकाचयविन्यासो यावन्त्य् ऋक्षाणि तिष्ठति तावद्वर्षसहस्राणि तत्कर्तुर् दिवि संस्थितिः

iṣṭakācayavinyāso yāvanty ṛkṣāṇi tiṣṭhati tāvadvarṣasahasrāṇi tatkartur divi saṃsthitiḥ

Sanskrit only: no published translation is held for this verse.

प्रतिमां लक्षणवतीं यः कारयति मानवः केशवस्य स तल्लोकम् अक्षयं प्रतिपद्यते

pratimāṃ lakṣaṇavatīṃ yaḥ kārayati mānavaḥ keśavasya sa tallokam akṣayaṃ pratipadyate

Sanskrit only: no published translation is held for this verse.

षष्टिं वर्षसहस्राणां सहस्राणि स मोदते स्वर्गौकसां निवासेषु प्रत्येकम् अरिसूदन

ṣaṣṭiṃ varṣasahasrāṇāṃ sahasrāṇi sa modate svargaukasāṃ nivāseṣu pratyekam arisūdana

Sanskrit only: no published translation is held for this verse.

प्रतिष्ठाप्य हरेर् अर्चां सुप्रशस्ते निवेशने पुरुषः कृतकृत्यत्वान् नैनं श्वोमरणं तपेत्

pratiṣṭhāpya harer arcāṃ supraśaste niveśane puruṣaḥ kṛtakṛtyatvān nainaṃ śvomaraṇaṃ tapet

Sanskrit only: no published translation is held for this verse.

ये भविष्यन्ति ये ऽतीता आकल्पात् पुरुषाः कुले तांस् तारयति संस्थाप्य देवस्य प्रतिमां हरेः

ye bhaviṣyanti ye 'tītā ākalpāt puruṣāḥ kule tāṃs tārayati saṃsthāpya devasya pratimāṃ hareḥ

Sanskrit only: no published translation is held for this verse.

अनुशस्ताः किल पुरा यमेन यमकिंकराः पाशोद्यतायुधा दैत्य प्रजासंयमने रताः

anuśastāḥ kila purā yamena yamakiṃkarāḥ pāśodyatāyudhā daitya prajāsaṃyamane ratāḥ

Sanskrit only: no published translation is held for this verse.

विहरध्वं यथान्यायं नियोगो मे ऽनुपाल्यताम् नाज्ञाभङ्गं करिष्यन्ति भवतां जन्तवः क्वचित्

viharadhvaṃ yathānyāyaṃ niyogo me 'nupālyatām nājñābhaṅgaṃ kariṣyanti bhavatāṃ jantavaḥ kvacit

Sanskrit only: no published translation is held for this verse.

केवलं ये जगद्धातुम् अनन्तं समुपाश्रिताः भवद्भिः परिहर्तव्यास् तेषां नास्त्य् अत्र संस्थितिः

kevalaṃ ye jagaddhātum anantaṃ samupāśritāḥ bhavadbhiḥ parihartavyās teṣāṃ nāsty atra saṃsthitiḥ

Sanskrit only: no published translation is held for this verse.

ये तु भागवता लोके तच्चित्तास् तत्परायणाः पूजयन्ति सदा विष्णुं ते वस् त्याज्याः सुदूरतः

ye tu bhāgavatā loke taccittās tatparāyaṇāḥ pūjayanti sadā viṣṇuṃ te vas tyājyāḥ sudūrataḥ

Sanskrit only: no published translation is held for this verse.

यस् तिष्ठन् प्रस्वपन् गच्छंस् तत्तिष्ठन् स्खलिते क्षुते संकीर्तयति गोविन्दं ते वस् त्याज्याः सुदूरतः

yas tiṣṭhan prasvapan gacchaṃs tattiṣṭhan skhalite kṣute saṃkīrtayati govindaṃ te vas tyājyāḥ sudūrataḥ

Sanskrit only: no published translation is held for this verse.

नित्यनैमित्तिकैर् देवं ये यजन्ति जनार्दनम् नावलोक्य भवद्भिस् ते तत्तेजो हन्ति वो गतिम्

nityanaimittikair devaṃ ye yajanti janārdanam nāvalokya bhavadbhis te tattejo hanti vo gatim

Sanskrit only: no published translation is held for this verse.

ये धूपपुष्पवासोभिर् भूषणैश् चापि वल्लभैः अर्चयन्ति न ते ग्राह्या नराः कृष्णाश्रयोद्धताः

ye dhūpapuṣpavāsobhir bhūṣaṇaiś cāpi vallabhaiḥ arcayanti na te grāhyā narāḥ kṛṣṇāśrayoddhatāḥ

Sanskrit only: no published translation is held for this verse.

उपलेपनकर्तारः संमार्जनपराश् च ये कृष्णालये परित्याज्यं तेषां त्रिपुरुषं कुलम्

upalepanakartāraḥ saṃmārjanaparāś ca ye kṛṣṇālaye parityājyaṃ teṣāṃ tripuruṣaṃ kulam

Sanskrit only: no published translation is held for this verse.

येन चायतनं विष्णोः कारितं तत्कुलोद्भवम् पुंसां शतं नावलोक्यं भवद्भिर् दुष्टचक्षुषा

yena cāyatanaṃ viṣṇoḥ kāritaṃ tatkulodbhavam puṃsāṃ śataṃ nāvalokyaṃ bhavadbhir duṣṭacakṣuṣā

Sanskrit only: no published translation is held for this verse.

येनार्चा भगवद्भक्त्या वासुदेवस्य कारिता नरायुतं तत्कुलजं भवतां शासनातिगम्

yenārcā bhagavadbhaktyā vāsudevasya kāritā narāyutaṃ tatkulajaṃ bhavatāṃ śāsanātigam

Sanskrit only: no published translation is held for this verse.

भवतां भ्रमताम् अत्र विष्णुसंश्रयमुद्रया विनाज्ञाभङ्गकृन् नैव भविष्यति नरः क्वचित्

bhavatāṃ bhramatām atra viṣṇusaṃśrayamudrayā vinājñābhaṅgakṛn naiva bhaviṣyati naraḥ kvacit

Sanskrit only: no published translation is held for this verse.

वत्स वैवस्वतस्यैताः श्रुत्वा गाथा मरीचिना पुरुकुत्साय कथिताः पार्थिवेन्द्राय धीमते

vatsa vaivasvatasyaitāḥ śrutvā gāthā marīcinā purukutsāya kathitāḥ pārthivendrāya dhīmate

Sanskrit only: no published translation is held for this verse.

एतां महाफलां यो ऽर्चां विष्णोह् कारयते नरः तवाख्यातं महाबाहो गृहकारयितुश् च यत्

etāṃ mahāphalāṃ yo 'rcāṃ viṣṇoh kārayate naraḥ tavākhyātaṃ mahābāho gṛhakārayituś ca yat

Sanskrit only: no published translation is held for this verse.

यज्ञा नराणां पापौघ- क्षालकाः सर्वकामदाः तथैवेज्यो जगद्धातुः सर्वयज्ञमयो हरिः

yajñā narāṇāṃ pāpaugha- kṣālakāḥ sarvakāmadāḥ tathaivejyo jagaddhātuḥ sarvayajñamayo hariḥ

Sanskrit only: no published translation is held for this verse.