चक्रवर्ती महावीर्यो मान्धाता युवनाश्वजः शशास स महाबाहुः सप्तद्वीपां वसुंधराम्
cakravartī mahāvīryo māndhātā yuvanāśvajaḥ śaśāsa sa mahābāhuḥ saptadvīpāṃ vasuṃdharām
Sanskrit only: no published translation is held for this verse.
Visnudharma 82
अगायन्त च या गाथा ये पुराणविदो जनाः मान्धातरि महाबाहो यौवनाश्वे समाश्रिताः
agāyanta ca yā gāthā ye purāṇavido janāḥ māndhātari mahābāho yauvanāśve samāśritāḥ
Sanskrit only: no published translation is held for this verse.
यावत् सूर्य उदेति स्म यावच् च प्रतितिष्ठति सर्वं तद् यौवनाश्वस्य मान्धातुः क्षेत्रम् उच्यते
yāvat sūrya udeti sma yāvac ca pratitiṣṭhati sarvaṃ tad yauvanāśvasya māndhātuḥ kṣetram ucyate
Sanskrit only: no published translation is held for this verse.
स यौवनगतः संराट् सप्तद्वीपवतीं महीम् शशास धर्मेण पुरा चक्रवर्ती महाबलः
sa yauvanagataḥ saṃrāṭ saptadvīpavatīṃ mahīm śaśāsa dharmeṇa purā cakravartī mahābalaḥ
Sanskrit only: no published translation is held for this verse.
नान्यायकृन् न चाशक्तो न दरिद्रो न कीकटः तस्याभूत् पुरुषो राज्ये सम्यग्धर्मानुशासिनः
nānyāyakṛn na cāśakto na daridro na kīkaṭaḥ tasyābhūt puruṣo rājye samyagdharmānuśāsinaḥ
Sanskrit only: no published translation is held for this verse.
चतस्रो गतयस् तस्य यौवनाश्वस्य धीमतः बभूवुर् अप्रतिहता हतारातिबलस्य वै
catasro gatayas tasya yauvanāśvasya dhīmataḥ babhūvur apratihatā hatārātibalasya vai
Sanskrit only: no published translation is held for this verse.
तस्य भक्तिर् अतीवाभून् निसर्गाद् एव भूपतेः वासुदेवे जगद्धाम्नि सर्वकारणकारणे
tasya bhaktir atīvābhūn nisargād eva bhūpateḥ vāsudeve jagaddhāmni sarvakāraṇakāraṇe
Sanskrit only: no published translation is held for this verse.
तस्य र्द्धिं महिमानं च विलोक्य पृथिवीपतेः न केवलं जनस्याभूत् तस्याप्य् अत्यन्तविस्मयः
tasya rddhiṃ mahimānaṃ ca vilokya pṛthivīpateḥ na kevalaṃ janasyābhūt tasyāpy atyantavismayaḥ
Sanskrit only: no published translation is held for this verse.
स चिन्तयाम् आस नृपः समृद्ध्या विस्मितस् तया कथं स्यात् सम्पद् एषा मे पुनर् अप्य् अन्यजन्मनि
sa cintayām āsa nṛpaḥ samṛddhyā vismitas tayā kathaṃ syāt sampad eṣā me punar apy anyajanmani
Sanskrit only: no published translation is held for this verse.
एवं सुबहुशो राजा दैत्येन्द्र सुमहाबलः चिन्तयन्न् अपि तन्मूलं न चासीन् निश्चयान्वितः
evaṃ subahuśo rājā daityendra sumahābalaḥ cintayann api tanmūlaṃ na cāsīn niścayānvitaḥ
Sanskrit only: no published translation is held for this verse.
यदा न निश्चयं राजा स ययौ युवनाश्वजः तदा पप्रच्छ धर्मज्ञान् स विप्रान् समुपागतान्
yadā na niścayaṃ rājā sa yayau yuvanāśvajaḥ tadā papraccha dharmajñān sa viprān samupāgatān
Sanskrit only: no published translation is held for this verse.
वसिष्ठप्रमुखान् वत्स विविक्तान्तःपुरस्थितः प्रणिपत्य महाबाहुर् गृहीतासनसत्क्रियान्
vasiṣṭhapramukhān vatsa viviktāntaḥpurasthitaḥ praṇipatya mahābāhur gṛhītāsanasatkriyān
Sanskrit only: no published translation is held for this verse.
यदि सानुग्रहा बुद्धिर् भवतां मयि सत्तमाः तद् अहं प्रष्टुम् इच्छामि किंचित् तद् वक्तुम् अर्हथ
yadi sānugrahā buddhir bhavatāṃ mayi sattamāḥ tad ahaṃ praṣṭum icchāmi kiṃcit tad vaktum arhatha
Sanskrit only: no published translation is held for this verse.
समेत्याखिलविज्ञानं सम्यग्धौतान्तरात्मभिः भवद्भिर् यद्य् अहं न स्यां विमलस् तन् महाद्भुतम्
sametyākhilavijñānaṃ samyagdhautāntarātmabhiḥ bhavadbhir yady ahaṃ na syāṃ vimalas tan mahādbhutam
Sanskrit only: no published translation is held for this verse.
यद् यथा तन् मया पृष्टा भवन्तो मत्प्रसाधिताः वक्तुम् अर्हन्ति विद्वांसः सर्वस्यैवोपकारिणः
yad yathā tan mayā pṛṣṭā bhavanto matprasādhitāḥ vaktum arhanti vidvāṃsaḥ sarvasyaivopakāriṇaḥ
Sanskrit only: no published translation is held for this verse.
यस् ते मनसि संदेहस् तं पृच्छाद्य महीपते गदिष्यामो यथान्यायं यत् ते सांशयिकं हृदि
yas te manasi saṃdehas taṃ pṛcchādya mahīpate gadiṣyāmo yathānyāyaṃ yat te sāṃśayikaṃ hṛdi
Sanskrit only: no published translation is held for this verse.
वयं हि नरशार्दूल भवता परितोषिताः सम्यक् प्रजाः पालयता सप्तद्वीपे महीतले
vayaṃ hi naraśārdūla bhavatā paritoṣitāḥ samyak prajāḥ pālayatā saptadvīpe mahītale
Sanskrit only: no published translation is held for this verse.
सुतुष्टो ब्राह्मणो ऽश्नीयाच् छिन्द्याद् वा धर्मसंशयम् हितं वोपदिशेद् धर्मम् अहिताद् वा निवर्तयेत्
sutuṣṭo brāhmaṇo 'śnīyāc chindyād vā dharmasaṃśayam hitaṃ vopadiśed dharmam ahitād vā nivartayet
Sanskrit only: no published translation is held for this verse.
विवक्षुम् अथ भूपालं भार्या तस्यैव धीमतः प्रणामपूर्वम् आहेदं विनयात् प्रणयान्वितम्
vivakṣum atha bhūpālaṃ bhāryā tasyaiva dhīmataḥ praṇāmapūrvam āhedaṃ vinayāt praṇayānvitam
Sanskrit only: no published translation is held for this verse.
न स्त्रीणाम् अवनीपाल वक्तुम् ईदृग् इहेश्यते तथापि भूपते वक्ष्ये संपद् ईदृक् सुदुर्लभा
na strīṇām avanīpāla vaktum īdṛg iheśyate tathāpi bhūpate vakṣye saṃpad īdṛk sudurlabhā
Sanskrit only: no published translation is held for this verse.
भूयो ऽपि संशयं प्रष्टुम् अलम् ईश भवान् ऋषीन् न त्व् अहं पुरुषव्याघ्र सदान्तःपुरचारिणी
bhūyo 'pi saṃśayaṃ praṣṭum alam īśa bhavān ṛṣīn na tv ahaṃ puruṣavyāghra sadāntaḥpuracāriṇī
Sanskrit only: no published translation is held for this verse.
स प्रसादं यदि भवान् करोति मम पार्थिव तन् मदीयम् ऋषीन् प्रष्टुं संशयं पार्थिवार्हसि
sa prasādaṃ yadi bhavān karoti mama pārthiva tan madīyam ṛṣīn praṣṭuṃ saṃśayaṃ pārthivārhasi
Sanskrit only: no published translation is held for this verse.
ब्रूहि सुभ्रु मतं यत् ते प्रष्टव्या यन् मया द्विजाः भूयो ऽहम् आत्मसंदेहं प्रक्ष्याम्य् एतान् द्विजोत्तमान्
brūhi subhru mataṃ yat te praṣṭavyā yan mayā dvijāḥ bhūyo 'ham ātmasaṃdehaṃ prakṣyāmy etān dvijottamān
Sanskrit only: no published translation is held for this verse.
श्रूयन्ते पृथिवीपाल नृप ये च पुरातनाः तेषां न संपद् भूपाल यथा तव किलाभवत्
śrūyante pṛthivīpāla nṛpa ye ca purātanāḥ teṣāṃ na saṃpad bhūpāla yathā tava kilābhavat
Sanskrit only: no published translation is held for this verse.
तद् ईदृक्संपदां धाम त्वम् अशेषक्षितीश्वरः येन कर्मविपाकेन तद् वदन्तु महर्षयः
tad īdṛksaṃpadāṃ dhāma tvam aśeṣakṣitīśvaraḥ yena karmavipākena tad vadantu maharṣayaḥ
Sanskrit only: no published translation is held for this verse.
अहं च भवतो भार्या सर्वसीमन्तिनी भुवि विधिना केन तपसा नियुक्ता भवतो गृहे अतीव कर्मणा येन तद्विज्ञाने कुतूहलम्
ahaṃ ca bhavato bhāryā sarvasīmantinī bhuvi vidhinā kena tapasā niyuktā bhavato gṛhe atīva karmaṇā yena tadvijñāne kutūhalam
Sanskrit only: no published translation is held for this verse.
तारतम्यतयेशित्वम् अन्येष्व् अपि हि विद्यते निरस्तातिशयत्वेन नूनं नाल्पेन कर्मणा
tāratamyatayeśitvam anyeṣv api hi vidyate nirastātiśayatvena nūnaṃ nālpena karmaṇā
Sanskrit only: no published translation is held for this verse.
तद् अन्यजन्मचरितं नरनाथ निजं भवान् मुनीन् पृच्छतु या चाहं यन् मया च पुरा कृतम्
tad anyajanmacaritaṃ naranātha nijaṃ bhavān munīn pṛcchatu yā cāhaṃ yan mayā ca purā kṛtam
Sanskrit only: no published translation is held for this verse.
स तथोक्तस् तया राजा पत्न्या विस्मितमानसः मुनीनां पुरतो भार्यां प्रशंसन् वाक्यम् अब्रवीत्
sa tathoktas tayā rājā patnyā vismitamānasaḥ munīnāṃ purato bhāryāṃ praśaṃsan vākyam abravīt
Sanskrit only: no published translation is held for this verse.
साधु देवि मतं यन् मे त्वया तद् इदम् ईरितम् सत्यं मुनिवचः पुंसाम् अर्धं वै गृहिणी यथा
sādhu devi mataṃ yan me tvayā tad idam īritam satyaṃ munivacaḥ puṃsām ardhaṃ vai gṛhiṇī yathā
Sanskrit only: no published translation is held for this verse.
ममाप्य् एतद् अभिप्रेतम् इमान् प्रष्टुं महामुनीन् यत् त्वयाभिहितं भद्रे मत्स्वभावानुयातया
mamāpy etad abhipretam imān praṣṭuṃ mahāmunīn yat tvayābhihitaṃ bhadre matsvabhāvānuyātayā
Sanskrit only: no published translation is held for this verse.
सो ऽहम् एतन् महाभागे प्रक्ष्याम्य् एतान् महामुनीन् नैषाम् अविदितं किंचित् त्रिषु लोकेषु विद्यते
so 'ham etan mahābhāge prakṣyāmy etān mahāmunīn naiṣām aviditaṃ kiṃcit triṣu lokeṣu vidyate
Sanskrit only: no published translation is held for this verse.
एवम् उक्त्वा प्रियां भार्यां प्रणिपत्य च तान् ऋषीन् यथावद् एतद् अखिलं पप्रच्छासुरसत्तम
evam uktvā priyāṃ bhāryāṃ praṇipatya ca tān ṛṣīn yathāvad etad akhilaṃ papracchāsurasattama
Sanskrit only: no published translation is held for this verse.
भगवन्तो ममाशेषं प्रसादाहृतचेतसः कथयन्तु यथावृत्तं यन् मया सुकृतं कृतम्
bhagavanto mamāśeṣaṃ prasādāhṛtacetasaḥ kathayantu yathāvṛttaṃ yan mayā sukṛtaṃ kṛtam
Sanskrit only: no published translation is held for this verse.
को ऽहम् आसं पुरा विप्राः किं च कर्म मया कृतम् किं वानया सुचार्वङ्ग्या मम पत्न्या कृतं द्विजाः
ko 'ham āsaṃ purā viprāḥ kiṃ ca karma mayā kṛtam kiṃ vānayā sucārvaṅgyā mama patnyā kṛtaṃ dvijāḥ
Sanskrit only: no published translation is held for this verse.
येनावयोर् इयं स्फीतिर् मर्त्यलोके सुदुर्लभा चत्वारश् चाप्रतिहता गतयो मम गच्छतः
yenāvayor iyaṃ sphītir martyaloke sudurlabhā catvāraś cāpratihatā gatayo mama gacchataḥ
Sanskrit only: no published translation is held for this verse.
अशेषा भूभृतो वश्याः कोशस्यान्तो न विद्यते बलं चैवाप्रतिहतं शरीरारोग्यम् उत्तमम्
aśeṣā bhūbhṛto vaśyāḥ kośasyānto na vidyate balaṃ caivāpratihataṃ śarīrārogyam uttamam
Sanskrit only: no published translation is held for this verse.
अतिभाति च मे कान्त्या भार्येयम् अखिलं जगत् ममापि वपुषस् तेजो न कश्चित् सहते द्विजाः
atibhāti ca me kāntyā bhāryeyam akhilaṃ jagat mamāpi vapuṣas tejo na kaścit sahate dvijāḥ
Sanskrit only: no published translation is held for this verse.
सो ऽहम् इच्छामि विज्ञातुं तथैवेयम् अनिन्दिता निजानुष्ठानम् अखिलं यस्याशेषम् इदं फलम्
so 'ham icchāmi vijñātuṃ tathaiveyam aninditā nijānuṣṭhānam akhilaṃ yasyāśeṣam idaṃ phalam
Sanskrit only: no published translation is held for this verse.
इति प्रष्टा नरेन्द्रेण समस्तास् ते तपोधनाः वसिष्ठं चोदयाम् आसुः कथ्यताम् इति भूभृतः
iti praṣṭā narendreṇa samastās te tapodhanāḥ vasiṣṭhaṃ codayām āsuḥ kathyatām iti bhūbhṛtaḥ
Sanskrit only: no published translation is held for this verse.
चोदितः सो ऽपि धर्मज्ञैर् मैत्रावरुणिर् आत्मवान् योगम् आस्थाय सुचिरं यथावद् यतमानसः ज्ञातवान् नृपतेस् तस्य पूर्वदेहविचेष्टितम्
coditaḥ so 'pi dharmajñair maitrāvaruṇir ātmavān yogam āsthāya suciraṃ yathāvad yatamānasaḥ jñātavān nṛpates tasya pūrvadehaviceṣṭitam
Sanskrit only: no published translation is held for this verse.
स तम् आह मुनिर् भूपं विदितार्थो महासुर मान्धातारं महाबुद्धिं सपत्नीकम् इदं वचः
sa tam āha munir bhūpaṃ viditārtho mahāsura māndhātāraṃ mahābuddhiṃ sapatnīkam idaṃ vacaḥ
Sanskrit only: no published translation is held for this verse.
शृणु भूपाल सकलं यस्येदं कर्मणः फलम् तव राज्यादिकं सुभ्रूर् येयं चासीन् महीपते
śṛṇu bhūpāla sakalaṃ yasyedaṃ karmaṇaḥ phalam tava rājyādikaṃ subhrūr yeyaṃ cāsīn mahīpate
Sanskrit only: no published translation is held for this verse.
त्वम् आसीः शूद्रजातीयः परहिंसापरायणः वाक्क्रूरो दण्डपारुष्यो निःस्नेहः सर्वजन्तुषु
tvam āsīḥ śūdrajātīyaḥ parahiṃsāparāyaṇaḥ vākkrūro daṇḍapāruṣyo niḥsnehaḥ sarvajantuṣu
Sanskrit only: no published translation is held for this verse.
तथेयं भवतो भार्या पूर्वम् अप्य् आयतेक्षणा द्वेष्या बभूव तच्चित्ता तव शुश्रूषणे रता
tatheyaṃ bhavato bhāryā pūrvam apy āyatekṣaṇā dveṣyā babhūva taccittā tava śuśrūṣaṇe ratā
Sanskrit only: no published translation is held for this verse.
पतिव्रता महाभागा भर्त्स्यमानाप्य् अनिष्ठुरा त्वद्वाक्याद् अनु सर्वेषु वीरकर्मसु चोद्यता
pativratā mahābhāgā bhartsyamānāpy aniṣṭhurā tvadvākyād anu sarveṣu vīrakarmasu codyatā
Sanskrit only: no published translation is held for this verse.
नैष्ठुर्याद् असहायस्य त्यज्यमानस्य बन्धुभिः क्षयं जगाम यो ऽर्थो ऽभूत् संचितः प्रपितामहैः
naiṣṭhuryād asahāyasya tyajyamānasya bandhubhiḥ kṣayaṃ jagāma yo 'rtho 'bhūt saṃcitaḥ prapitāmahaiḥ
Sanskrit only: no published translation is held for this verse.
तस्मिन् क्षीणे कृषिपरस् त्वम् आसीः पृथिवीपते सापि कर्मविपाकेन कृषिर् विफलतां गता
tasmin kṣīṇe kṛṣiparas tvam āsīḥ pṛthivīpate sāpi karmavipākena kṛṣir viphalatāṃ gatā
Sanskrit only: no published translation is held for this verse.
ततो निःस्वं परिक्षीणं परेषां भृत्यतां गतम् तत्याज साध्वी वेयं त्वां त्यज्यमानापि पार्थिव
tato niḥsvaṃ parikṣīṇaṃ pareṣāṃ bhṛtyatāṃ gatam tatyāja sādhvī veyaṃ tvāṃ tyajyamānāpi pārthiva
Sanskrit only: no published translation is held for this verse.
अनया च समं साध्व्या विष्णोर् आवसथे त्वया कृतं शुश्रूषणं वीर परिव्राड्ब्रह्मचारिणाम्
anayā ca samaṃ sādhvyā viṣṇor āvasathe tvayā kṛtaṃ śuśrūṣaṇaṃ vīra parivrāḍbrahmacāriṇām
Sanskrit only: no published translation is held for this verse.
भग्नेहः सर्वकामेभ्यस् तन्मयस् त्वं तदर्पणः अनन्यगतिर् एकस्थस् तस्मिन्न् आयतने हरेः
bhagnehaḥ sarvakāmebhyas tanmayas tvaṃ tadarpaṇaḥ ananyagatir ekasthas tasminn āyatane hareḥ
Sanskrit only: no published translation is held for this verse.
तद्वृत्तिलिप्सुः शुश्रूषां जनरञ्जनहेतुकः कृतवान् योगिनां वीर कृष्णस्य जगतः पतेः
tadvṛttilipsuḥ śuśrūṣāṃ janarañjanahetukaḥ kṛtavān yogināṃ vīra kṛṣṇasya jagataḥ pateḥ
Sanskrit only: no published translation is held for this verse.
वासुदेवाजिरे नित्यं कृतं संमार्जनं त्वया तथैवाभ्युक्षणं वीर नित्यं चैवानुलेपनम् पत्न्यानया च धर्मज्ञ यष्मच्चित्तानुवृत्तया
vāsudevājire nityaṃ kṛtaṃ saṃmārjanaṃ tvayā tathaivābhyukṣaṇaṃ vīra nityaṃ caivānulepanam patnyānayā ca dharmajña yaṣmaccittānuvṛttayā
Sanskrit only: no published translation is held for this verse.
अहन्य् अहनि तत् कर्म युवयोर् नृप कुर्वतोः तत्र चैतन्मयत्वेन पापहानिर् अजायत
ahany ahani tat karma yuvayor nṛpa kurvatoḥ tatra caitanmayatvena pāpahānir ajāyata
Sanskrit only: no published translation is held for this verse.
विष्णोः कार्यं मया कार्यं योगिशुश्रूषणं तथा न प्रभातं प्रभातं तु चिन्तेयम् अभवन् निशि
viṣṇoḥ kāryaṃ mayā kāryaṃ yogiśuśrūṣaṇaṃ tathā na prabhātaṃ prabhātaṃ tu cinteyam abhavan niśi
Sanskrit only: no published translation is held for this verse.
एवम् आयतनं रम्यम् इत्य् एवं च सुखावहम् स्थैर्यं न चैवम् एतत् स्याद् इत्य् आसीत् ते मनः सदा
evam āyatanaṃ ramyam ity evaṃ ca sukhāvaham sthairyaṃ na caivam etat syād ity āsīt te manaḥ sadā
Sanskrit only: no published translation is held for this verse.
योगिनां सुखदं त्व् एवं कर्मैवं नैवम् इत्य् अपि तव चित्तम् अभूत् तत्र योगिकर्मण्य् अहर्निशम्
yogināṃ sukhadaṃ tv evaṃ karmaivaṃ naivam ity api tava cittam abhūt tatra yogikarmaṇy aharniśam
Sanskrit only: no published translation is held for this verse.
एवं तन्मनसस् तत्र कृतोद्योगस्य पार्थिव भृत्यावसायिनः सम्यग् यथोक्ताधिककारिणः
evaṃ tanmanasas tatra kṛtodyogasya pārthiva bhṛtyāvasāyinaḥ samyag yathoktādhikakāriṇaḥ
Sanskrit only: no published translation is held for this verse.
स्मरतः पुण्डरीकाक्षं कार्येणातिदृढात्मनः निःशेषम् उपशान्तं तत् पापं योगिनिषेवणात्
smarataḥ puṇḍarīkākṣaṃ kāryeṇātidṛḍhātmanaḥ niḥśeṣam upaśāntaṃ tat pāpaṃ yoginiṣevaṇāt
Sanskrit only: no published translation is held for this verse.
ततो ऽधिकं पुरस् तस्माद् आदराद् अनुलेपनम् संमार्जनं च बहुशः सपत्निकेन ते कृतम्
tato 'dhikaṃ puras tasmād ādarād anulepanam saṃmārjanaṃ ca bahuśaḥ sapatnikena te kṛtam
Sanskrit only: no published translation is held for this verse.
तत्रागतश् च सौवीरः पुरुजिन् नाम भूपतिः महासैन्यपरीवारः प्रभूतगजवाहनः
tatrāgataś ca sauvīraḥ purujin nāma bhūpatiḥ mahāsainyaparīvāraḥ prabhūtagajavāhanaḥ
Sanskrit only: no published translation is held for this verse.
सर्वसंपदुपेतं तं सर्वाभरणभूषितम् वृतं भार्यासहस्रेण दृष्ट्वा स्रक्चन्दनोज्ज्वलम् स्पृहा कृता त्वया तत्र चारुमौलिनि पार्थिवे
sarvasaṃpadupetaṃ taṃ sarvābharaṇabhūṣitam vṛtaṃ bhāryāsahasreṇa dṛṣṭvā srakcandanojjvalam spṛhā kṛtā tvayā tatra cārumaulini pārthive
Sanskrit only: no published translation is held for this verse.
सर्वकामप्रदं कर्म देवदेवस्य कुर्वता तेनैतद् अखिलं राज्यम् अशेषद्वीपवत् तव
sarvakāmapradaṃ karma devadevasya kurvatā tenaitad akhilaṃ rājyam aśeṣadvīpavat tava
Sanskrit only: no published translation is held for this verse.
तेजश् चैवाधिकं यत् ते तथैतच् छृणु पार्थिव योगप्रभावोपलब्धं कथयाम्य् अखिलं तव
tejaś caivādhikaṃ yat te tathaitac chṛṇu pārthiva yogaprabhāvopalabdhaṃ kathayāmy akhilaṃ tava
Sanskrit only: no published translation is held for this verse.
तत्रैवावसथे दीपः प्रशान्तः स्नेहसंक्षयात् निजभोजनतैलेन पुनः प्रज्वालितस् त्वया
tatraivāvasathe dīpaḥ praśāntaḥ snehasaṃkṣayāt nijabhojanatailena punaḥ prajvālitas tvayā
Sanskrit only: no published translation is held for this verse.
अनया चोत्तरीयान्त- चीरवर्त्युपवृंहितः तव पत्न्या स जज्वाल कान्तिर् अस्यास् ततो ऽधिका
anayā cottarīyānta- cīravartyupavṛṃhitaḥ tava patnyā sa jajvāla kāntir asyās tato 'dhikā
Sanskrit only: no published translation is held for this verse.
तवाप्य् अखिलभूपाल- मनःक्षोभकरं ततः तेजो नरेन्द्र न स्याच् च किम् आराध्य जनार्दनम्
tavāpy akhilabhūpāla- manaḥkṣobhakaraṃ tataḥ tejo narendra na syāc ca kim ārādhya janārdanam
Sanskrit only: no published translation is held for this verse.
एवं नरेन्द्र शूद्रत्वाद् विष्णुकर्मपरायणः तन्मयत्वेन संप्राप्तो महिमानम् अनुत्तमम्
evaṃ narendra śūdratvād viṣṇukarmaparāyaṇaḥ tanmayatvena saṃprāpto mahimānam anuttamam
Sanskrit only: no published translation is held for this verse.
किं पुनर् यो नरो भक्त्या विष्णुशुश्रूषणादृतः करोति सततं पूजां निष्कामो नान्यमानसः
kiṃ punar yo naro bhaktyā viṣṇuśuśrūṣaṇādṛtaḥ karoti satataṃ pūjāṃ niṣkāmo nānyamānasaḥ
Sanskrit only: no published translation is held for this verse.
स त्वम् ऋद्धिम् इमां लब्ध्वा सर्वलोकेश्वरेश्वरम् पूजयाच्युतम् ईशेशं तम् आराध्य न सीदति
sa tvam ṛddhim imāṃ labdhvā sarvalokeśvareśvaram pūjayācyutam īśeśaṃ tam ārādhya na sīdati
Sanskrit only: no published translation is held for this verse.
पुष्पैर् धूपैस् तथा गन्धैर् दीपवस्त्रानुलेपनैः आराधयाच्युतं तद्वद् वेश्मसंमार्जनादिभिः
puṣpair dhūpais tathā gandhair dīpavastrānulepanaiḥ ārādhayācyutaṃ tadvad veśmasaṃmārjanādibhiḥ
Sanskrit only: no published translation is held for this verse.
यद् यद् इष्टतमं किंचिद् यद् यद् अत्यन्तदुर्लभम् तत् तद् दात्त्वा जगद्धात्रे वैकुण्ठाय न सीदति
yad yad iṣṭatamaṃ kiṃcid yad yad atyantadurlabham tat tad dāttvā jagaddhātre vaikuṇṭhāya na sīdati
Sanskrit only: no published translation is held for this verse.
सुगन्धागरुकर्पूर- चन्दनाक्षोदकुंकुमैः वासोभिर् विविधैर् धूपैः पुष्पस्रग्चामरैर् ध्वजैः
sugandhāgarukarpūra- candanākṣodakuṃkumaiḥ vāsobhir vividhair dhūpaiḥ puṣpasragcāmarair dhvajaiḥ
Sanskrit only: no published translation is held for this verse.
अन्नोपहारैर् विविधैर् घृतक्षीराभिषेचनैः गीतवादितनृत्याद्यैस् तोषयस्वाच्युतं नृप
annopahārair vividhair ghṛtakṣīrābhiṣecanaiḥ gītavāditanṛtyādyais toṣayasvācyutaṃ nṛpa
Sanskrit only: no published translation is held for this verse.
पुण्यरात्रिषु गोविन्दं नृत्यगीतरवोज्ज्वलैः भूप जागरणैर् भक्त्या तोषयाच्युतम् अव्ययम्
puṇyarātriṣu govindaṃ nṛtyagītaravojjvalaiḥ bhūpa jāgaraṇair bhaktyā toṣayācyutam avyayam
Sanskrit only: no published translation is held for this verse.
एवं संतोष्यते भक्त्या भगवान् भवभङ्गकृत् भूप भागवतैर् भूत- भव्यकृत् केशवो नरैः
evaṃ saṃtoṣyate bhaktyā bhagavān bhavabhaṅgakṛt bhūpa bhāgavatair bhūta- bhavyakṛt keśavo naraiḥ
Sanskrit only: no published translation is held for this verse.
येषां न वित्तं तैर् भक्त्या मार्जनाद्युपलेपनैः तोषितो भगवान् विष्णुर् ददात्य् अभिमतं फलम्
yeṣāṃ na vittaṃ tair bhaktyā mārjanādyupalepanaiḥ toṣito bhagavān viṣṇur dadāty abhimataṃ phalam
Sanskrit only: no published translation is held for this verse.
देवकर्मासमर्थाणां प्राणिनां स्मृतिसंस्तवैः तोषितो ऽभिमतान् कामान् प्रयच्छति जनार्दनः
devakarmāsamarthāṇāṃ prāṇināṃ smṛtisaṃstavaiḥ toṣito 'bhimatān kāmān prayacchati janārdanaḥ
Sanskrit only: no published translation is held for this verse.
नैष वित्तैर् न रत्नौघैः पुष्पधूपानुलेपनैः सद्भावेनैव गोविन्दस् तोषम् आयाति संस्मृतः
naiṣa vittair na ratnaughaiḥ puṣpadhūpānulepanaiḥ sadbhāvenaiva govindas toṣam āyāti saṃsmṛtaḥ
Sanskrit only: no published translation is held for this verse.
त्वयैकाग्रमनस्केन गृहसंमार्जनादिकम् कृत्वाल्पम् ईदृशं प्राप्तं राज्यम् अत्यन्तदुर्लभम्
tvayaikāgramanaskena gṛhasaṃmārjanādikam kṛtvālpam īdṛśaṃ prāptaṃ rājyam atyantadurlabham
Sanskrit only: no published translation is held for this verse.
प्राप्तोपकरणो यस् त्वम् एकाग्रमतिर् अच्युतम् तोषयिष्यसि नेन्द्रो ऽपि भविता तेन ते समः
prāptopakaraṇo yas tvam ekāgramatir acyutam toṣayiṣyasi nendro 'pi bhavitā tena te samaḥ
Sanskrit only: no published translation is held for this verse.
तस्मात् त्वम् अनया देव्या सहात्यन्तविनीतया केशवाराधने यत्नं कुरु धर्मभृतां वर
tasmāt tvam anayā devyā sahātyantavinītayā keśavārādhane yatnaṃ kuru dharmabhṛtāṃ vara
Sanskrit only: no published translation is held for this verse.