Visnudharma 83

एतन् मुनेर् वसिष्ठस्य निशाम्य वचनं नृपः भार्यासहायः स तदा संप्रहृष्टतनूरुहः

etan muner vasiṣṭhasya niśāmya vacanaṃ nṛpaḥ bhāryāsahāyaḥ sa tadā saṃprahṛṣṭatanūruhaḥ

Sanskrit only: no published translation is held for this verse.

कृतकार्यम् इवात्मानं मन्यमानो ऽसुरोत्तम उवाच प्रणतो भूत्वा मान्धाता वारुणिं वचः

kṛtakāryam ivātmānaṃ manyamāno 'surottama uvāca praṇato bhūtvā māndhātā vāruṇiṃ vacaḥ

Sanskrit only: no published translation is held for this verse.

यथामरत्वं संप्राप्य यथा वा ब्रह्म शाश्वतम् परं निर्वाणम् आप्नोति तथाहं वचसा तव

yathāmaratvaṃ saṃprāpya yathā vā brahma śāśvatam paraṃ nirvāṇam āpnoti tathāhaṃ vacasā tava

Sanskrit only: no published translation is held for this verse.

कृतकृत्यः सुखी चास्मि निर्वृतिं परमां गतः अज्ञानतमसाछन्ने यत् प्रदीपस् त्वयैधितः

kṛtakṛtyaḥ sukhī cāsmi nirvṛtiṃ paramāṃ gataḥ ajñānatamasāchanne yat pradīpas tvayaidhitaḥ

Sanskrit only: no published translation is held for this verse.

अहम् एषा च तन्वङ्गी विभूतिभ्रंसभीरुकौ आढ्याव् आपादितौ ब्रह्मन्न् इहाद्य वचसा तव

aham eṣā ca tanvaṅgī vibhūtibhraṃsabhīrukau āḍhyāv āpāditau brahmann ihādya vacasā tava

Sanskrit only: no published translation is held for this verse.

संपदां कथितं बीजम् आवयोर् भवता मुने तदुप्ताव् उद्यताव् आवां विजानीहि द्विजोत्तम

saṃpadāṃ kathitaṃ bījam āvayor bhavatā mune taduptāv udyatāv āvāṃ vijānīhi dvijottama

Sanskrit only: no published translation is held for this verse.

न रत्नैर् न च वित्तौघैर् न च पुष्पानुलेपनैः आराध्यते जगन्नाथो भावशून्यैर् जनार्दनः

na ratnair na ca vittaughair na ca puṣpānulepanaiḥ ārādhyate jagannātho bhāvaśūnyair janārdanaḥ

Sanskrit only: no published translation is held for this verse.

बाह्यार्थनिरपेक्षैश् च मनसैव मनोगतिः निःस्वैर् आराध्यते देवो विष्णुः सर्वेश्वरेश्वरः

bāhyārthanirapekṣaiś ca manasaiva manogatiḥ niḥsvair ārādhyate devo viṣṇuḥ sarveśvareśvaraḥ

Sanskrit only: no published translation is held for this verse.

सर्वम् एतन् मया ज्ञातं यत् त्वम् आत्थ महामुने यत् त्वां पृच्छामि तन् मे त्वं प्रसादसुमुखो वद

sarvam etan mayā jñātaṃ yat tvam āttha mahāmune yat tvāṃ pṛcchāmi tan me tvaṃ prasādasumukho vada

Sanskrit only: no published translation is held for this verse.

कानि व्रतानि यैर् देवो नरैः स्त्रीभिश् च केशवः तोषम् आराधितो ऽभ्येति कैश् च दानैर् महामुने

kāni vratāni yair devo naraiḥ strībhiś ca keśavaḥ toṣam ārādhito 'bhyeti kaiś ca dānair mahāmune

Sanskrit only: no published translation is held for this verse.

रहस्यानि च देवस्य प्रीतये यानि चक्रिणः तान्य् अशेषाणि मे ब्रूहि कृष्णाराधनकाङ्क्षिणः

rahasyāni ca devasya prītaye yāni cakriṇaḥ tāny aśeṣāṇi me brūhi kṛṣṇārādhanakāṅkṣiṇaḥ

Sanskrit only: no published translation is held for this verse.

शृणु भूपाल यैर् विष्णुर् नरैर् आराध्यते व्रतैः नारीभिश् चातिघोरे ऽस्मिन् पतिताभिर् भवार्णवे

śṛṇu bhūpāla yair viṣṇur narair ārādhyate vrataiḥ nārībhiś cātighore 'smin patitābhir bhavārṇave

Sanskrit only: no published translation is held for this verse.

समभ्यर्च्य जगन्नाथं वासुदेवं समाधिना एकम् अश्नाति यो भक्तं द्वितीयं ब्राह्मणात्मकम् करोति केशवप्रीत्यै कार्त्तिकं मासम् आत्मवान्

samabhyarcya jagannāthaṃ vāsudevaṃ samādhinā ekam aśnāti yo bhaktaṃ dvitīyaṃ brāhmaṇātmakam karoti keśavaprītyai kārttikaṃ māsam ātmavān

Sanskrit only: no published translation is held for this verse.

पूर्वे वयसि यत् तेन ज्ञानतो ऽज्ञानतो ऽपि वा पापम् आचरितं तस्मान् मुच्यते नात्र संशयः

pūrve vayasi yat tena jñānato 'jñānato 'pi vā pāpam ācaritaṃ tasmān mucyate nātra saṃśayaḥ

Sanskrit only: no published translation is held for this verse.

अनेनैव विधानेन मार्गशीर्षे ऽपि माधवम् समभ्यर्च्यैकभक्तं वै वर्णिभ्यो यः प्रयच्छति भगवत्प्रीणनार्थाय फलं तस्य शृणुष्व मे

anenaiva vidhānena mārgaśīrṣe 'pi mādhavam samabhyarcyaikabhaktaṃ vai varṇibhyo yaḥ prayacchati bhagavatprīṇanārthāya phalaṃ tasya śṛṇuṣva me

Sanskrit only: no published translation is held for this verse.

मध्ये वयसि यत् पापं योषिता पुरुषेण वा कृतं तस्माच् च तेनोक्तो विमोक्षः परमात्मना

madhye vayasi yat pāpaṃ yoṣitā puruṣeṇa vā kṛtaṃ tasmāc ca tenokto vimokṣaḥ paramātmanā

Sanskrit only: no published translation is held for this verse.

तथा चैवैकभक्तं वै वर्णाग्रेभ्यः प्रयच्छति पुण्डरीकाक्षम् अभ्यर्च्य पौषमासे महीपते

tathā caivaikabhaktaṃ vai varṇāgrebhyaḥ prayacchati puṇḍarīkākṣam abhyarcya pauṣamāse mahīpate

Sanskrit only: no published translation is held for this verse.

तत्प्रीणनाय यत् पापं वार्द्धिके तेन वै कृतम् स तस्मान् मुच्यते राजन् पुमान् योषिद् अथापि वा

tatprīṇanāya yat pāpaṃ vārddhike tena vai kṛtam sa tasmān mucyate rājan pumān yoṣid athāpi vā

Sanskrit only: no published translation is held for this verse.

त्रैमासिकव्रतम् इदं यः करोति नरेश्वर स विष्णुप्रीणनात् पापैर् लघुभिर् विप्रमुच्यते

traimāsikavratam idaṃ yaḥ karoti nareśvara sa viṣṇuprīṇanāt pāpair laghubhir vipramucyate

Sanskrit only: no published translation is held for this verse.

द्वितीये वत्सरे राजन् मुच्यते चोपपातकैः तद्वत् तृतीये ऽपि कृतं महापातकनाशनम्

dvitīye vatsare rājan mucyate copapātakaiḥ tadvat tṛtīye 'pi kṛtaṃ mahāpātakanāśanam

Sanskrit only: no published translation is held for this verse.

व्रतम् एतन् नरैः स्त्रीभिस् त्रिभिर् मासैर् अनुष्ठितम् त्रिभिः संवत्सरैर् एव प्रददाति फलं नृणाम्

vratam etan naraiḥ strībhis tribhir māsair anuṣṭhitam tribhiḥ saṃvatsarair eva pradadāti phalaṃ nṛṇām

Sanskrit only: no published translation is held for this verse.

त्रिभिर् मासैस् त्रिर् अवस्थास् त्रिविधात् पातकान् नृप त्रीणि नामानि देवस्य मोचयन्ति त्रिवार्षिकैः

tribhir māsais trir avasthās trividhāt pātakān nṛpa trīṇi nāmāni devasya mocayanti trivārṣikaiḥ

Sanskrit only: no published translation is held for this verse.

यतस् ततो व्रतम् इदं त्रिक्रमं समुदाहृतम् सर्वपापप्रशमनं केशवाराधनं परम्

yatas tato vratam idaṃ trikramaṃ samudāhṛtam sarvapāpapraśamanaṃ keśavārādhanaṃ param

Sanskrit only: no published translation is held for this verse.