शृणुष्व च महीपाल व्रतं विष्णुपदत्रयम् सर्वपापप्रशमनं यज् जगाद पुरा हरिः
śṛṇuṣva ca mahīpāla vrataṃ viṣṇupadatrayam sarvapāpapraśamanaṃ yaj jagāda purā hariḥ
Sanskrit only: no published translation is held for this verse.
Visnudharma 84
प्राचेतसाय दक्षाय दक्षश् चाह विवस्वते विवस्वान् अलसिध्राय अलसिध्रो ऽसिताय च
prācetasāya dakṣāya dakṣaś cāha vivasvate vivasvān alasidhrāya alasidhro 'sitāya ca
Sanskrit only: no published translation is held for this verse.
असितेन समाख्यातम् अल्पायासं महाफलम् तद् इदं श्रूयतां सम्यग् व्रतं विष्णुपदत्रयम्
asitena samākhyātam alpāyāsaṃ mahāphalam tad idaṃ śrūyatāṃ samyag vrataṃ viṣṇupadatrayam
Sanskrit only: no published translation is held for this verse.
दक्षः प्रजापतिः पूर्वं विष्णुम् आराध्य पृष्टवान् बहुशस् तु विपन्नायां सृष्टाव् अरिनिसूदन
dakṣaḥ prajāpatiḥ pūrvaṃ viṣṇum ārādhya pṛṣṭavān bahuśas tu vipannāyāṃ sṛṣṭāv arinisūdana
Sanskrit only: no published translation is held for this verse.
भगवन् सर्वकऋत्वं ममादिष्टं स्वयंभुवा ब्रह्मणा देवदेवेश तवादेशेन केशव
bhagavan sarvakaṛtvaṃ mamādiṣṭaṃ svayaṃbhuvā brahmaṇā devadeveśa tavādeśena keśava
Sanskrit only: no published translation is held for this verse.
विपन्ना च जगन्नाथ मम सृष्टिः कृता कृता पूर्वकर्मविपाकेन व्याकुलश् चास्मि चेतसा
vipannā ca jagannātha mama sṛṣṭiḥ kṛtā kṛtā pūrvakarmavipākena vyākulaś cāsmi cetasā
Sanskrit only: no published translation is held for this verse.
यथा च देव मुच्येय अस्मात् संसारसंकटात् विषयासङ्गविषमात् तन् ममाज्ञापयाच्युत
yathā ca deva mucyeya asmāt saṃsārasaṃkaṭāt viṣayāsaṅgaviṣamāt tan mamājñāpayācyuta
Sanskrit only: no published translation is held for this verse.
इत्य् एवम् उक्तो दक्षेण देवदेवो जनार्दनः आचष्ट दुःखक्षयदं व्रतं विष्णुपदत्रयम्
ity evam ukto dakṣeṇa devadevo janārdanaḥ ācaṣṭa duḥkhakṣayadaṃ vrataṃ viṣṇupadatrayam
Sanskrit only: no published translation is held for this verse.
सर्वारम्भविनिष्पत्ति- कारकं पापनाशनम् संसारोच्छेदकं धीरैर् आचीर्णं स्थिरबुद्धिभिः
sarvārambhaviniṣpatti- kārakaṃ pāpanāśanam saṃsārocchedakaṃ dhīrair ācīrṇaṃ sthirabuddhibhiḥ
Sanskrit only: no published translation is held for this verse.
तद् अहं तव राजेन्द्र व्रतानाम् उत्तमोत्तमम् कथयामि समाचष्ट यथा पूर्वं ममासितः
tad ahaṃ tava rājendra vratānām uttamottamam kathayāmi samācaṣṭa yathā pūrvaṃ mamāsitaḥ
Sanskrit only: no published translation is held for this verse.
आषाढे मासि पूर्वासु तथाषाढासु पार्थिव समभ्यर्च्य जगन्नाथम् अच्युतं नियतः शुचिः
āṣāḍhe māsi pūrvāsu tathāṣāḍhāsu pārthiva samabhyarcya jagannātham acyutaṃ niyataḥ śuciḥ
Sanskrit only: no published translation is held for this verse.
पुष्पैर् हृद्यैस् तथा धूपैर् गन्धैः सागरुचन्दनैः यथाविभवतश् चान्यैर् अन्नैर् वासोभिर् एव च
puṣpair hṛdyais tathā dhūpair gandhaiḥ sāgarucandanaiḥ yathāvibhavataś cānyair annair vāsobhir eva ca
Sanskrit only: no published translation is held for this verse.
क्षीरस्नेहस्थितं तद्वत् पैष्टं विष्णुपदद्वयम् समभ्यर्च्य यथान्यायं केशवस्याग्रतो न्यसेत्
kṣīrasnehasthitaṃ tadvat paiṣṭaṃ viṣṇupadadvayam samabhyarcya yathānyāyaṃ keśavasyāgrato nyaset
Sanskrit only: no published translation is held for this verse.
यवांश् च दद्याद् विप्राय भूगतिः प्रीयताम् इति नक्तं भुञ्जीत राजेन्द्र हविष्यान्नं सुसंस्कृतम्
yavāṃś ca dadyād viprāya bhūgatiḥ prīyatām iti naktaṃ bhuñjīta rājendra haviṣyānnaṃ susaṃskṛtam
Sanskrit only: no published translation is held for this verse.
तथोत्तरास्व् आषाढासु श्रावणे मासि मानवः तथैवाभ्यर्च्य गोविन्दं तद्वद् विष्णुपदद्वयम्
tathottarāsv āṣāḍhāsu śrāvaṇe māsi mānavaḥ tathaivābhyarcya govindaṃ tadvad viṣṇupadadvayam
Sanskrit only: no published translation is held for this verse.
विप्राय च यवान् दद्यात् प्रीणयित्वा च भूगतिम् नक्तं भूञ्जीत राजेन्द्र नरो योषिद् अथापि वा
viprāya ca yavān dadyāt prīṇayitvā ca bhūgatim naktaṃ bhūñjīta rājendra naro yoṣid athāpi vā
Sanskrit only: no published translation is held for this verse.
प्राप्ते भाद्रपदे मासि पूर्वभद्रपदासु च तथैवाभ्यर्च्य गोविन्दं तद्वद् विष्णुपदद्वयम्
prāpte bhādrapade māsi pūrvabhadrapadāsu ca tathaivābhyarcya govindaṃ tadvad viṣṇupadadvayam
Sanskrit only: no published translation is held for this verse.
विप्राय च यवान् दत्त्वा प्रीणयित्वा भुवोगतिम् भुञ्जीत गोरसप्रायं नरो योषिद् अथापि वा
viprāya ca yavān dattvā prīṇayitvā bhuvogatim bhuñjīta gorasaprāyaṃ naro yoṣid athāpi vā
Sanskrit only: no published translation is held for this verse.
तद्वद् आश्वयुजे दानं तद्वद् गोविन्दपूजनम् पदद्वयस्य पूजां च प्रीणनं च भुवोगतेः
tadvad āśvayuje dānaṃ tadvad govindapūjanam padadvayasya pūjāṃ ca prīṇanaṃ ca bhuvogateḥ
Sanskrit only: no published translation is held for this verse.
तथैव नक्तं भुञ्जीत गोरसं मौनम् आस्थितः स्त्री वा राजेन्द्र पूर्वासु तथा भद्रपदासु वै
tathaiva naktaṃ bhuñjīta gorasaṃ maunam āsthitaḥ strī vā rājendra pūrvāsu tathā bhadrapadāsu vai
Sanskrit only: no published translation is held for this verse.
फाल्गुने फल्गुनी पूर्वा भवती ह यदा नृप त्रिविक्रमं तदा देवं पूर्वोक्तविधिनार्चयेत्
phālgune phalgunī pūrvā bhavatī ha yadā nṛpa trivikramaṃ tadā devaṃ pūrvoktavidhinārcayet
Sanskrit only: no published translation is held for this verse.
पदद्वयं च देवस्य सम्यग् अभ्यर्च्य पार्थिव हिरण्यं दक्षिणां दत्त्वा स्वर्गतिः प्रीयताम् इति
padadvayaṃ ca devasya samyag abhyarcya pārthiva hiraṇyaṃ dakṣiṇāṃ dattvā svargatiḥ prīyatām iti
Sanskrit only: no published translation is held for this verse.
नक्तं भुञ्जीत राजेन्द्र वह्निपाकविवर्जितम् एष एवोत्तरायोगे चैत्रे मासे विधिः स्मृतः
naktaṃ bhuñjīta rājendra vahnipākavivarjitam eṣa evottarāyoge caitre māse vidhiḥ smṛtaḥ
Sanskrit only: no published translation is held for this verse.
एतज् जगाद गोविन्दः पुरा दक्षाय पृच्छते सर्वपापहरं पुण्यं व्रतं विष्णुपदत्रयम्
etaj jagāda govindaḥ purā dakṣāya pṛcchate sarvapāpaharaṃ puṇyaṃ vrataṃ viṣṇupadatrayam
Sanskrit only: no published translation is held for this verse.
यथोक्तम् एतद् यो भक्तो करोति नृपसत्तम सर्वकामान् अवाप्नोति केशवस्य वचो यथा
yathoktam etad yo bhakto karoti nṛpasattama sarvakāmān avāpnoti keśavasya vaco yathā
Sanskrit only: no published translation is held for this verse.
अपुत्रो लभते पुत्रम् अपतिर् लभते पतिम् समागमं प्रोषितैश् च तथा प्राप्नोति बान्धवैः
aputro labhate putram apatir labhate patim samāgamaṃ proṣitaiś ca tathā prāpnoti bāndhavaiḥ
Sanskrit only: no published translation is held for this verse.
द्रव्यम् ऐश्वर्यम् आरोग्यं सौभाग्यं चारुरूपताम् प्राप्नुवन्त्य् अखिलान् एतान् पूजयित्वा पदत्रयम्
dravyam aiśvaryam ārogyaṃ saubhāgyaṃ cārurūpatām prāpnuvanty akhilān etān pūjayitvā padatrayam
Sanskrit only: no published translation is held for this verse.
यान् यान् कामान् नरः स्त्री वा हृदयेनाभिवाञ्छन्ति तांस् तांश् चाप्नोति निष्कामो विष्णुलोकं च गच्छति
yān yān kāmān naraḥ strī vā hṛdayenābhivāñchanti tāṃs tāṃś cāpnoti niṣkāmo viṣṇulokaṃ ca gacchati
Sanskrit only: no published translation is held for this verse.
पूर्वं कृत्वापि पापानि नरः स्त्री वा नराधिप पदत्रयव्रतं चीर्त्वा मुच्यते सर्वकिल्बिषैः
pūrvaṃ kṛtvāpi pāpāni naraḥ strī vā narādhipa padatrayavrataṃ cīrtvā mucyate sarvakilbiṣaiḥ
Sanskrit only: no published translation is held for this verse.