विष्णोर् आराधनार्थाय यानि दानानि सत्तम देयानि तान्य् अशेषाणि ममाचक्ष्व द्विजोत्तम
viṣṇor ārādhanārthāya yāni dānāni sattama deyāni tāny aśeṣāṇi mamācakṣva dvijottama
Sanskrit only: no published translation is held for this verse.
Visnudharma 85
येन चैव विधानेन दानं पुंसः सुखावहम् प्रीणनाय च कृष्णस्य तन् ममाख्याहि विस्तरात्
yena caiva vidhānena dānaṃ puṃsaḥ sukhāvaham prīṇanāya ca kṛṣṇasya tan mamākhyāhi vistarāt
Sanskrit only: no published translation is held for this verse.
कृतोपवासः संप्राश्य पञ्चगव्यं नरेश्वर घृतक्षीराभिषेकं च कृत्वा विष्णोः समाहितः
kṛtopavāsaḥ saṃprāśya pañcagavyaṃ nareśvara ghṛtakṣīrābhiṣekaṃ ca kṛtvā viṣṇoḥ samāhitaḥ
Sanskrit only: no published translation is held for this verse.
समभ्यर्च्य च गोविन्दं पुष्पादिभिर् अरिंदम उदङ्मुखीम् अर्चयित्वा तथा गृष्टिं पयस्विनीम्
samabhyarcya ca govindaṃ puṣpādibhir ariṃdama udaṅmukhīm arcayitvā tathā gṛṣṭiṃ payasvinīm
Sanskrit only: no published translation is held for this verse.
सपुत्रां वस्त्रसंवीतां सितयज्ञोपवीतिनीम् स्वर्णशृङ्गीं शुभाकारां हिरण्योपरिसंस्थिताम्
saputrāṃ vastrasaṃvītāṃ sitayajñopavītinīm svarṇaśṛṅgīṃ śubhākārāṃ hiraṇyoparisaṃsthitām
Sanskrit only: no published translation is held for this verse.
हिरण्यं वाचयित्वाग्रे ब्राह्मणायोपपादयेत् इमां त्वं प्रतिगृह्णीष्व गोविन्दः प्रीयताम् इति
hiraṇyaṃ vācayitvāgre brāhmaṇāyopapādayet imāṃ tvaṃ pratigṛhṇīṣva govindaḥ prīyatām iti
Sanskrit only: no published translation is held for this verse.
सम्यग् उच्चार्य तं विप्रं गोविन्दं नृप कल्पयेत् अनुव्रजेच् च गच्छन्तं पदान्य् अष्टौ नराधिप
samyag uccārya taṃ vipraṃ govindaṃ nṛpa kalpayet anuvrajec ca gacchantaṃ padāny aṣṭau narādhipa
Sanskrit only: no published translation is held for this verse.
अनेन विधिना धेनुं यो विप्राय प्रयच्छति गोविन्दप्रीणनाद् राजन् विष्णुलोकं च गच्छति
anena vidhinā dhenuṃ yo viprāya prayacchati govindaprīṇanād rājan viṣṇulokaṃ ca gacchati
Sanskrit only: no published translation is held for this verse.
सप्तावरांस् तथा पूर्वान् सप्तात्मानं च मानवः सप्तजन्मकृतात् पापान् मोचयत्य् अवनीपते
saptāvarāṃs tathā pūrvān saptātmānaṃ ca mānavaḥ saptajanmakṛtāt pāpān mocayaty avanīpate
Sanskrit only: no published translation is held for this verse.
पदे पदे च यज्ञस्य गोसवस्य स मानवः फलम् आप्नोति राजेन्द्र दक्षायैवं जगौ हरिः
pade pade ca yajñasya gosavasya sa mānavaḥ phalam āpnoti rājendra dakṣāyaivaṃ jagau hariḥ
Sanskrit only: no published translation is held for this verse.
सर्वकामसमृद्धस्य सर्वकालेषु पार्थिव भवत्य् अघौघापहरा यावद् इन्द्राश् चतुर्दश
sarvakāmasamṛddhasya sarvakāleṣu pārthiva bhavaty aghaughāpaharā yāvad indrāś caturdaśa
Sanskrit only: no published translation is held for this verse.
सर्वेषाम् एव पापानां कृतानाम् अविजानता प्रायश्चित्तम् इदं शस्तम् अनुतापोपवृंहितम्
sarveṣām eva pāpānāṃ kṛtānām avijānatā prāyaścittam idaṃ śastam anutāpopavṛṃhitam
Sanskrit only: no published translation is held for this verse.
इक्ष्वाकुनैषा राजेन्द्र पूर्वं दत्ता महात्मना ततः स लोकान् अमलान् प्राप्तवान् अवनीपतिः
ikṣvākunaiṣā rājendra pūrvaṃ dattā mahātmanā tataḥ sa lokān amalān prāptavān avanīpatiḥ
Sanskrit only: no published translation is held for this verse.
तथैवान्यैर् महीपालैर् द्विजवैश्यादिभिस् तथा लोकाः कामदुघाः प्राप्ता दत्त्वेदृग्विधिना नृप
tathaivānyair mahīpālair dvijavaiśyādibhis tathā lokāḥ kāmadughāḥ prāptā dattvedṛgvidhinā nṛpa
Sanskrit only: no published translation is held for this verse.