जलधेनुं प्रवक्ष्यामि प्रीयते दत्तया यया देवदेवो हृषीकेशः सर्वेशः सर्वभावनः
jaladhenuṃ pravakṣyāmi prīyate dattayā yayā devadevo hṛṣīkeśaḥ sarveśaḥ sarvabhāvanaḥ
Sanskrit only: no published translation is held for this verse.
Visnudharma 88
जलकुम्भं नरव्याघ्र सुवर्णरजतान्वितम् रत्नगर्भम् अशेषैस् तु ग्राम्यैर् धान्यैः समन्वितम्
jalakumbhaṃ naravyāghra suvarṇarajatānvitam ratnagarbham aśeṣais tu grāmyair dhānyaiḥ samanvitam
Sanskrit only: no published translation is held for this verse.
सितवस्त्रयुगच्छन्नं दूर्वापल्लवशोभितम् कुष्ठं मांसीम् उशीरं च वालकामलकैर् युतम्
sitavastrayugacchannaṃ dūrvāpallavaśobhitam kuṣṭhaṃ māṃsīm uśīraṃ ca vālakāmalakair yutam
Sanskrit only: no published translation is held for this verse.
प्रियङ्गुपात्रसहितं सितयज्ञोपवीतिनम् सच्छत्त्रं सौपानत्कं दर्भविस्तरसंस्थितम्
priyaṅgupātrasahitaṃ sitayajñopavītinam sacchattraṃ saupānatkaṃ darbhavistarasaṃsthitam
Sanskrit only: no published translation is held for this verse.
चतुर्भिः संवृतं भूप तिलपात्रैश् चतुर्दिशम् स्थगितं दधिपात्रेण घृतक्षौद्रवता मुखे
caturbhiḥ saṃvṛtaṃ bhūpa tilapātraiś caturdiśam sthagitaṃ dadhipātreṇa ghṛtakṣaudravatā mukhe
Sanskrit only: no published translation is held for this verse.
उपोषितः समभ्यर्च्य वासुदेवं जनेश्वरम् पुष्पधूपोपहारैस् तु यथाविभवम् आदृतः
upoṣitaḥ samabhyarcya vāsudevaṃ janeśvaram puṣpadhūpopahārais tu yathāvibhavam ādṛtaḥ
Sanskrit only: no published translation is held for this verse.
संकल्प्य जलधेनुं च कुम्भं समभिपूज्य च पूजयेद् वत्सकं तद्वत् कृतं जलमयं बुधः
saṃkalpya jaladhenuṃ ca kumbhaṃ samabhipūjya ca pūjayed vatsakaṃ tadvat kṛtaṃ jalamayaṃ budhaḥ
Sanskrit only: no published translation is held for this verse.
एवं संपूज्य गोविन्दं जलधेनुं सवत्सकाम् सितवस्त्रधरः शान्तो वीतरागो विमत्सरः
evaṃ saṃpūjya govindaṃ jaladhenuṃ savatsakām sitavastradharaḥ śānto vītarāgo vimatsaraḥ
Sanskrit only: no published translation is held for this verse.
दद्याद् विप्राय राजेन्द्र प्रीत्यर्थं जलशायिनः जलशायी जगद्योनिः प्रीयतां मम केशवः
dadyād viprāya rājendra prītyarthaṃ jalaśāyinaḥ jalaśāyī jagadyoniḥ prīyatāṃ mama keśavaḥ
Sanskrit only: no published translation is held for this verse.
इति चोच्चार्य भूनाथ विप्राय प्रतिपाद्यताम् अपक्वान्नाशिना स्थेयम् अहोरात्रम् अतःपरम्
iti coccārya bhūnātha viprāya pratipādyatām apakvānnāśinā stheyam ahorātram ataḥparam
Sanskrit only: no published translation is held for this verse.
अनेन विधिना दत्त्वा जलधेनुं जनाधिप सर्वाह्लादान् अवाप्नोति ये दिव्या ये च मानुषाः
anena vidhinā dattvā jaladhenuṃ janādhipa sarvāhlādān avāpnoti ye divyā ye ca mānuṣāḥ
Sanskrit only: no published translation is held for this verse.
शरीरारोग्यम् आबाधा- प्रशमः सार्वकामिकः नृणां भवति दत्तायां जलधेन्वां न संशयः
śarīrārogyam ābādhā- praśamaḥ sārvakāmikaḥ nṛṇāṃ bhavati dattāyāṃ jaladhenvāṃ na saṃśayaḥ
Sanskrit only: no published translation is held for this verse.
अत्रापि श्रूयते भूप पुद्गलेन महात्मना जातिस्मरेण यद् गीतम् इहाभ्येत्य पुरा किल
atrāpi śrūyate bhūpa pudgalena mahātmanā jātismareṇa yad gītam ihābhyetya purā kila
Sanskrit only: no published translation is held for this verse.
स पुद्गलः पुरा विप्रो यमलोकगतो मुनिः ददर्श यातना घोराः पापकर्मकृतां किल
sa pudgalaḥ purā vipro yamalokagato muniḥ dadarśa yātanā ghorāḥ pāpakarmakṛtāṃ kila
Sanskrit only: no published translation is held for this verse.
दीप्ताग्नितीक्ष्णशस्त्रोत्थाः क्वाथतैलगतास् तथा उष्णक्षारनदीपाता भैरवाः पुरुषर्षभ
dīptāgnitīkṣṇaśastrotthāḥ kvāthatailagatās tathā uṣṇakṣāranadīpātā bhairavāḥ puruṣarṣabha
Sanskrit only: no published translation is held for this verse.
व्रणाः क्षारनिपातोग्राः कुम्भीपाकमहाभयाः ता दृष्ट्वा यातना विप्रश् चकार परमां कृपाम्
vraṇāḥ kṣāranipātogrāḥ kumbhīpākamahābhayāḥ tā dṛṣṭvā yātanā vipraś cakāra paramāṃ kṛpām
Sanskrit only: no published translation is held for this verse.
आह्लादं ते तदा जग्मुः पापास् तदनुकम्पिताः तं दृष्ट्वा नारकाः केचित् केचित् तदवलोकिनः
āhlādaṃ te tadā jagmuḥ pāpās tadanukampitāḥ taṃ dṛṣṭvā nārakāḥ kecit kecit tadavalokinaḥ
Sanskrit only: no published translation is held for this verse.
तदा स्वस्थं विलोक्यैव मुनिर् नारकमण्डलम् धर्मराजं स पप्रच्छ तेषां प्रशमकारणम्
tadā svasthaṃ vilokyaiva munir nārakamaṇḍalam dharmarājaṃ sa papraccha teṣāṃ praśamakāraṇam
Sanskrit only: no published translation is held for this verse.
तस्मै चाचष्ट राजेन्द्र तदा वैवस्वतो यमः आह्लादहेतुं विप्राय पृच्छते पृथिवीपते
tasmai cācaṣṭa rājendra tadā vaivasvato yamaḥ āhlādahetuṃ viprāya pṛcchate pṛthivīpate
Sanskrit only: no published translation is held for this verse.
तवानुभावाद् एतेषां नारकाणां द्विजोत्तम् संप्रवृत्तो ऽयम् आह्लादः कारणं यच् छृणुष्व तत्
tavānubhāvād eteṣāṃ nārakāṇāṃ dvijottam saṃpravṛtto 'yam āhlādaḥ kāraṇaṃ yac chṛṇuṣva tat
Sanskrit only: no published translation is held for this verse.
त्वयाभ्यर्च्य जगन्नाथं सर्वेशं जलशायिनम् जलधेनुः पुरा दत्ता विधिवन् मुनिपुङ्गव
tvayābhyarcya jagannāthaṃ sarveśaṃ jalaśāyinam jaladhenuḥ purā dattā vidhivan munipuṅgava
Sanskrit only: no published translation is held for this verse.
अस्मात् तु जन्मनो ऽतीते तृतीये द्विज जन्मनि तस्य दानस्य ते व्युष्टिर् इयम् आह्लाददायिनी
asmāt tu janmano 'tīte tṛtīye dvija janmani tasya dānasya te vyuṣṭir iyam āhlādadāyinī
Sanskrit only: no published translation is held for this verse.
येन त्वं तपसा युक्तो मानवानाम् अगोचरम् संप्राप्तो ऽसि महाप्रज्ञ सर्वशास्त्रविशारद
yena tvaṃ tapasā yukto mānavānām agocaram saṃprāpto 'si mahāprajña sarvaśāstraviśārada
Sanskrit only: no published translation is held for this verse.
ये त्वां पश्यन्ति शृण्वन्ति ये च ध्यायन्ति पापिनः शृणोषि यांस् त्वं विप्रेन्द्र यांश् च ध्यायसि पश्यसि
ye tvāṃ paśyanti śṛṇvanti ye ca dhyāyanti pāpinaḥ śṛṇoṣi yāṃs tvaṃ viprendra yāṃś ca dhyāyasi paśyasi
Sanskrit only: no published translation is held for this verse.
निर्वृतिः परमा तेषां सर्वाह्लादप्रदायिनी सद्यो भवति मात्र त्वं द्विजेन्द्र कुरु विस्मयम्
nirvṛtiḥ paramā teṣāṃ sarvāhlādapradāyinī sadyo bhavati mātra tvaṃ dvijendra kuru vismayam
Sanskrit only: no published translation is held for this verse.
आह्लादहेतुजननं नास्ति विप्रेन्द्र तादृशम् जलधेनुर् यथा नॄणां जन्मान्य् एकोनसप्ततिः
āhlādahetujananaṃ nāsti viprendra tādṛśam jaladhenur yathā nṝṇāṃ janmāny ekonasaptatiḥ
Sanskrit only: no published translation is held for this verse.
न दाघो न क्लमो नार्तिर् न मोहो विप्र जायते अपि जन्मसहस्रेषु जलधेनुप्रदायिनाम्
na dāgho na klamo nārtir na moho vipra jāyate api janmasahasreṣu jaladhenupradāyinām
Sanskrit only: no published translation is held for this verse.
एकजन्मकृतं वाञ्छा त्रिजन्मोत्थं समाहृता सप्तजन्मकृतं पापं हन्ति दत्ताम्बुगौर् नृणाम्
ekajanmakṛtaṃ vāñchā trijanmotthaṃ samāhṛtā saptajanmakṛtaṃ pāpaṃ hanti dattāmbugaur nṛṇām
Sanskrit only: no published translation is held for this verse.
स त्वं गच्छ गृहीत्वार्घम् अस्मत्तो द्विजसत्तम येषां समाश्रयः कृष्णो न नियम्या हि ते मया
sa tvaṃ gaccha gṛhītvārgham asmatto dvijasattama yeṣāṃ samāśrayaḥ kṛṣṇo na niyamyā hi te mayā
Sanskrit only: no published translation is held for this verse.
कृष्णः संपूजितो यैस् तु ये कृष्णार्थम् उपोषिताः यैश् च नित्यं स्मृतः कृष्णो न ते मद्विषयोपगाः
kṛṣṇaḥ saṃpūjito yais tu ye kṛṣṇārtham upoṣitāḥ yaiś ca nityaṃ smṛtaḥ kṛṣṇo na te madviṣayopagāḥ
Sanskrit only: no published translation is held for this verse.
नमः कृष्णाच्युतानन्त वासुदेवेत्य् उदीरितम् यैर् भावभावितैर् विप्र न ते मद्विषयोपगाः
namaḥ kṛṣṇācyutānanta vāsudevety udīritam yair bhāvabhāvitair vipra na te madviṣayopagāḥ
Sanskrit only: no published translation is held for this verse.
दानं ददद्भिर् यैर् उक्तम् अच्युतः प्रीयताम् इति श्रद्धापुरःसरैर् विप्र न ते मद्विषयोपगाः
dānaṃ dadadbhir yair uktam acyutaḥ prīyatām iti śraddhāpuraḥsarair vipra na te madviṣayopagāḥ
Sanskrit only: no published translation is held for this verse.
उत्तिष्ठद्भिः स्वपद्भिश् च व्रजद्भिश् च जनार्दनः यैः संस्मृतो द्विजश्रेष्ठ न ते मद्विषयोपगाः
uttiṣṭhadbhiḥ svapadbhiś ca vrajadbhiś ca janārdanaḥ yaiḥ saṃsmṛto dvijaśreṣṭha na te madviṣayopagāḥ
Sanskrit only: no published translation is held for this verse.
क्षुतस्खलितभीत्यादाव् असहद्भिश् च वेदनाम् कृष्णेत्य् उदीरितं यैश् च न ते मद्विषयोपगाः
kṣutaskhalitabhītyādāv asahadbhiś ca vedanām kṛṣṇety udīritaṃ yaiś ca na te madviṣayopagāḥ
Sanskrit only: no published translation is held for this verse.
सर्वाबाधासु ये कृष्णं स्मरन्त्य् उच्चारयन्ति च तद्भावभाविता विप्र न ते मद्विषयोपगाः
sarvābādhāsu ye kṛṣṇaṃ smaranty uccārayanti ca tadbhāvabhāvitā vipra na te madviṣayopagāḥ
Sanskrit only: no published translation is held for this verse.
स एव धाता सर्वस्य तन्नियोगकरा वयम् जनसंयमनोद्युक्ताः सो ऽस्मत्संयमनो हरिः
sa eva dhātā sarvasya tanniyogakarā vayam janasaṃyamanodyuktāḥ so 'smatsaṃyamano hariḥ
Sanskrit only: no published translation is held for this verse.
इत्थं निशाम्य वचनं यमस्य वदतो मुनिम् ऊचुस् ते नारकाः सर्वे वह्निशस्त्रास्त्रभीरवः
itthaṃ niśāmya vacanaṃ yamasya vadato munim ūcus te nārakāḥ sarve vahniśastrāstrabhīravaḥ
Sanskrit only: no published translation is held for this verse.
नमः कृष्णाय हरये विष्णवे जिष्णवे नमः हृषीकेशाय देवाय जगद्धात्रे ऽच्युताय च
namaḥ kṛṣṇāya haraye viṣṇave jiṣṇave namaḥ hṛṣīkeśāya devāya jagaddhātre 'cyutāya ca
Sanskrit only: no published translation is held for this verse.
नमः पङ्कजनेत्राय नमः पङ्कजनाभये जनार्दनाय श्रीशाय श्रीपते पीतवाससे
namaḥ paṅkajanetrāya namaḥ paṅkajanābhaye janārdanāya śrīśāya śrīpate pītavāsase
Sanskrit only: no published translation is held for this verse.
गोविन्दाय नमो नित्यं नमश् चोदधिशायिने नमः करालवक्त्राय नृसिंहायातिनादिने
govindāya namo nityaṃ namaś codadhiśāyine namaḥ karālavaktrāya nṛsiṃhāyātinādine
Sanskrit only: no published translation is held for this verse.
शार्ङ्गिणे सितखड्गाय शङ्खचक्रगदाधृते नमो वामनरूपाय क्रान्तलोकत्रयाय च
śārṅgiṇe sitakhaḍgāya śaṅkhacakragadādhṛte namo vāmanarūpāya krāntalokatrayāya ca
Sanskrit only: no published translation is held for this verse.
वराहरूपाय तथा नमो यज्ञाङ्गधारिणे व्याप्ताशेषदिगन्ताय शान्ताय परमात्मने
varāharūpāya tathā namo yajñāṅgadhāriṇe vyāptāśeṣadigantāya śāntāya paramātmane
Sanskrit only: no published translation is held for this verse.
वासुदेव नमस् तुभ्यं नमः कैटभसूदन केशवाय नमो व्यापिन् नमस् ते ऽस्तु महीधर
vāsudeva namas tubhyaṃ namaḥ kaiṭabhasūdana keśavāya namo vyāpin namas te 'stu mahīdhara
Sanskrit only: no published translation is held for this verse.
नमो ऽस्तु वासुदेवायेत्य् एवम् उच्चारिते ततः शस्त्राणि कुण्ठतां जग्मुर् अनलश् चाप्य् अशीशमत्
namo 'stu vāsudevāyety evam uccārite tataḥ śastrāṇi kuṇṭhatāṃ jagmur analaś cāpy aśīśamat
Sanskrit only: no published translation is held for this verse.
अभज्यन्त च यन्त्राणि समुत्पेतुर् अयोमुखाः संशुष्काः क्षारसरितः पतितः कूटशाल्मलिः
abhajyanta ca yantrāṇi samutpetur ayomukhāḥ saṃśuṣkāḥ kṣārasaritaḥ patitaḥ kūṭaśālmaliḥ
Sanskrit only: no published translation is held for this verse.
प्रकाशतामसीतत्त्वं नरकश् चागतस् तु सः विवान् बभञ्ज पवनो ऽप्य् असिपत्रवनं ततः
prakāśatāmasītattvaṃ narakaś cāgatas tu saḥ vivān babhañja pavano 'py asipatravanaṃ tataḥ
Sanskrit only: no published translation is held for this verse.
निरुत्साहा जडधियो बभूवुर् यमकिंकराः आसन् गन्धाम्बुवाहिन्यः पूयशोणितनिम्नगाः
nirutsāhā jaḍadhiyo babhūvur yamakiṃkarāḥ āsan gandhāmbuvāhinyaḥ pūyaśoṇitanimnagāḥ
Sanskrit only: no published translation is held for this verse.
ववौ सुगन्धी पवनो मनःप्रीतिकरस् ततः वेणुवीणास्वनयुतान् गीतशब्दांश् च शुश्रुवुः
vavau sugandhī pavano manaḥprītikaras tataḥ veṇuvīṇāsvanayutān gītaśabdāṃś ca śuśruvuḥ
Sanskrit only: no published translation is held for this verse.
तं तादृशम् अथालक्ष्य नृप वैवस्वतो यमः नरकस्य विपर्यासं संक्षुद्धहृदयस् ततः
taṃ tādṛśam athālakṣya nṛpa vaivasvato yamaḥ narakasya viparyāsaṃ saṃkṣuddhahṛdayas tataḥ
Sanskrit only: no published translation is held for this verse.
ददर्श नारकान् सद्यो दिव्यस्रगनुलेपनान् जाज्वल्यमानांस् तेजोभिर् अमलाम्बरवाससः
dadarśa nārakān sadyo divyasraganulepanān jājvalyamānāṃs tejobhir amalāmbaravāsasaḥ
Sanskrit only: no published translation is held for this verse.
नमो नमो ऽस्तु कृष्णाय गोविन्दायाव्ययात्मने वासुदेवाय देवाय विष्णवे प्रभविष्णवे
namo namo 'stu kṛṣṇāya govindāyāvyayātmane vāsudevāya devāya viṣṇave prabhaviṣṇave
Sanskrit only: no published translation is held for this verse.
इत्य् एवं वादिनस् तत्र प्रजासंयमनो यमः क्षीणपापचयांस् तांस् तु पाद्यार्घ्यादिभिर् अर्चयन्
ity evaṃ vādinas tatra prajāsaṃyamano yamaḥ kṣīṇapāpacayāṃs tāṃs tu pādyārghyādibhir arcayan
Sanskrit only: no published translation is held for this verse.
पूजयित्वा च तान् आह स कृष्णाय कृताञ्जलिः समाहितमना भूत्वा धर्मराजो नरेश्वर
pūjayitvā ca tān āha sa kṛṣṇāya kṛtāñjaliḥ samāhitamanā bhūtvā dharmarājo nareśvara
Sanskrit only: no published translation is held for this verse.
विष्णोर् देवातिदेवस्य जगद्धातुः प्रजापतेः प्रणामं ये ऽपि कुर्वन्ति तेषाम् अपि नमो नमः
viṣṇor devātidevasya jagaddhātuḥ prajāpateḥ praṇāmaṃ ye 'pi kurvanti teṣām api namo namaḥ
Sanskrit only: no published translation is held for this verse.
सर्वस्य सर्वसंस्थस्य सर्वाधारस्य योगिनः ये विष्णोः प्रणतास् तेभ्यो नमः सद्यः पुनः पुनः
sarvasya sarvasaṃsthasya sarvādhārasya yoginaḥ ye viṣṇoḥ praṇatās tebhyo namaḥ sadyaḥ punaḥ punaḥ
Sanskrit only: no published translation is held for this verse.
तस्य यज्ञवराहस्य विष्णोर् अमिततेजसः प्रणामं ये ऽपि कुर्वन्ति तेषाम् अपि नमो नमः
tasya yajñavarāhasya viṣṇor amitatejasaḥ praṇāmaṃ ye 'pi kurvanti teṣām api namo namaḥ
Sanskrit only: no published translation is held for this verse.
एवं ते संस्तुतास् तेन धर्मराजेन नारकाः विमानानि समारूढा नृत्तगान्धर्ववन्ति वै
evaṃ te saṃstutās tena dharmarājena nārakāḥ vimānāni samārūḍhā nṛttagāndharvavanti vai
Sanskrit only: no published translation is held for this verse.
पुद्गलो ऽपि महाबुद्धिर् दृष्ट्वैतद् अखिलं नृप जातिस्मरो ऽभवद् भूप कण्वगोत्रे महामुनिः
pudgalo 'pi mahābuddhir dṛṣṭvaitad akhilaṃ nṛpa jātismaro 'bhavad bhūpa kaṇvagotre mahāmuniḥ
Sanskrit only: no published translation is held for this verse.
संस्मृत्य यमवाक्यानि विष्णोर् माहात्म्यम् एव च जलधेन्वाश् च माहात्म्यं संस्मृत्यैतद् अगायत
saṃsmṛtya yamavākyāni viṣṇor māhātmyam eva ca jaladhenvāś ca māhātmyaṃ saṃsmṛtyaitad agāyata
Sanskrit only: no published translation is held for this verse.
अहो दुरुत्तरा विष्णोर् मायेयम् अतिगह्वरी यया मोहितचित्तस् तं न वेत्ति परमेश्वरम्
aho duruttarā viṣṇor māyeyam atigahvarī yayā mohitacittas taṃ na vetti parameśvaram
Sanskrit only: no published translation is held for this verse.
जीवो वाञ्छति कीटत्वं यूकामत्कुणयोनितः तस्माच् च शलभादीनां योनिं तस्माच् च पक्षिणाम्
jīvo vāñchati kīṭatvaṃ yūkāmatkuṇayonitaḥ tasmāc ca śalabhādīnāṃ yoniṃ tasmāc ca pakṣiṇām
Sanskrit only: no published translation is held for this verse.
ततश् च पशुतां प्राप्य नरत्वम् अभिवाञ्छति विमुक्तिहेतुकी धन्या नरयोनिः कृतात्मनाम्
tataś ca paśutāṃ prāpya naratvam abhivāñchati vimuktihetukī dhanyā narayoniḥ kṛtātmanām
Sanskrit only: no published translation is held for this verse.
न प्राप्नुवन्ति संसारे विभ्रान्तमनसो गतिम् जीवा मानुष्यताम् अन्ये जन्मनाम् अयुतैर् अपि
na prāpnuvanti saṃsāre vibhrāntamanaso gatim jīvā mānuṣyatām anye janmanām ayutair api
Sanskrit only: no published translation is held for this verse.
तद् ईदृग्दुर्लभं प्राप्य मुक्तिद्वारम् अचेतसः पतन्ति भूयः संसारे विष्णुमायाविमोहिताः
tad īdṛgdurlabhaṃ prāpya muktidvāram acetasaḥ patanti bhūyaḥ saṃsāre viṣṇumāyāvimohitāḥ
Sanskrit only: no published translation is held for this verse.
दुस्तरापि तु साध्यासौ माया कृष्णस्य मोहनी छिद्यते यामनोन्यस्ते मुधैव हि जनार्दने
dustarāpi tu sādhyāsau māyā kṛṣṇasya mohanī chidyate yāmanonyaste mudhaiva hi janārdane
Sanskrit only: no published translation is held for this verse.
असंत्यज्य च गार्हस्थ्यम् अतप्त्वैव तथा तपः छिन्दन्ति वैष्णवीं मायां केशवार्पितमानसाः
asaṃtyajya ca gārhasthyam ataptvaiva tathā tapaḥ chindanti vaiṣṇavīṃ māyāṃ keśavārpitamānasāḥ
Sanskrit only: no published translation is held for this verse.
अविरोधेन विषयाम् भुञ्जन् विष्णुव्यपाश्रयः कृत्वा मनस् तरत्य् एतां विष्णोर् मायां सुदुस्तराम्
avirodhena viṣayām bhuñjan viṣṇuvyapāśrayaḥ kṛtvā manas taraty etāṃ viṣṇor māyāṃ sudustarām
Sanskrit only: no published translation is held for this verse.
ईदृग्बहुफलां भक्तिं सर्वधातरि केशवे मायया तस्य देवस्य न कुर्वन्ति विमोहिताः
īdṛgbahuphalāṃ bhaktiṃ sarvadhātari keśave māyayā tasya devasya na kurvanti vimohitāḥ
Sanskrit only: no published translation is held for this verse.
मुधैवोक्तं मुधायातं मुधा तद् विधिचेष्टितम् मुधैव जन्म तन् नष्टं यत्र नाराधितो हरिः
mudhaivoktaṃ mudhāyātaṃ mudhā tad vidhiceṣṭitam mudhaiva janma tan naṣṭaṃ yatra nārādhito hariḥ
Sanskrit only: no published translation is held for this verse.
आराधितो हि यः पुंसाम् ऐहिकामुष्मिकं फलम् ददाति भगवान् देवः कस् तं न प्रतिपूजयेत्
ārādhito hi yaḥ puṃsām aihikāmuṣmikaṃ phalam dadāti bhagavān devaḥ kas taṃ na pratipūjayet
Sanskrit only: no published translation is held for this verse.
संवत्सरास् तथा मासा विफला दिवसाश् च ते नराणां विषयान्धानां येषु नाराधितो हरिः
saṃvatsarās tathā māsā viphalā divasāś ca te narāṇāṃ viṣayāndhānāṃ yeṣu nārādhito hariḥ
Sanskrit only: no published translation is held for this verse.
यो न वित्तर्द्धिविभवैर् न वसोभिर् न भूषणैः तुष्यते हृदयेनैव कस् तम् ईशं न पूजयेत्
yo na vittarddhivibhavair na vasobhir na bhūṣaṇaiḥ tuṣyate hṛdayenaiva kas tam īśaṃ na pūjayet
Sanskrit only: no published translation is held for this verse.
जलधेन्वाश् च माहात्म्यं निशाम्यापीदृशं नराः तां न यच्छन्ति ये तेषां विवेकः कुत्र तिष्ठति
jaladhenvāś ca māhātmyaṃ niśāmyāpīdṛśaṃ narāḥ tāṃ na yacchanti ye teṣāṃ vivekaḥ kutra tiṣṭhati
Sanskrit only: no published translation is held for this verse.
कर्मभूमौ हि मानुष्यं जन्मनाम् अयुतैर् अपि स्वर्गापवर्गफलदं कदाचित् प्राप्यते नरैः
karmabhūmau hi mānuṣyaṃ janmanām ayutair api svargāpavargaphaladaṃ kadācit prāpyate naraiḥ
Sanskrit only: no published translation is held for this verse.
संप्राप्य तन् न यैर् विष्णुस् तोषितो नाम्बुधेनुका दत्ता च सम्यक् ते मुष्टा जन्मनि सुबहूनि भोः
saṃprāpya tan na yair viṣṇus toṣito nāmbudhenukā dattā ca samyak te muṣṭā janmani subahūni bhoḥ
Sanskrit only: no published translation is held for this verse.
ऊर्ध्वबाहुर् विरौम्य् एष दृष्टलोकद्वयो ऽस्मि भोः आराधयत गोविन्दं जलधेनुं प्रयच्छत
ūrdhvabāhur viraumy eṣa dṛṣṭalokadvayo 'smi bhoḥ ārādhayata govindaṃ jaladhenuṃ prayacchata
Sanskrit only: no published translation is held for this verse.
दुःसहो नारको वह्निर् अविषह्याश् च यातनाः ज्ञानं ममैतद् आलम्ब्य कृष्णे भवत सुस्थिराः
duḥsaho nārako vahnir aviṣahyāś ca yātanāḥ jñānaṃ mamaitad ālambya kṛṣṇe bhavata susthirāḥ
Sanskrit only: no published translation is held for this verse.
अदेशिके देशिको ऽहम् अत्र मार्गे मयोदितम् विमृष्य सत्यम् इत्य् एतन् मनः कृष्णे निवेश्यताम्
adeśike deśiko 'ham atra mārge mayoditam vimṛṣya satyam ity etan manaḥ kṛṣṇe niveśyatām
Sanskrit only: no published translation is held for this verse.
प्रातः कृष्णेति देवेति गोविन्देति च जल्पताम् मध्याह्ने चापराह्ने च यो ऽवसादः स उच्यताम्
prātaḥ kṛṣṇeti deveti govindeti ca jalpatām madhyāhne cāparāhne ca yo 'vasādaḥ sa ucyatām
Sanskrit only: no published translation is held for this verse.
अनेकविषयालम्बि यच् चित्तं तज् जनार्दने कुरुध्वम् आलम्बनवत् संस्मृतः पुण्यदो हि सः
anekaviṣayālambi yac cittaṃ taj janārdane kurudhvam ālambanavat saṃsmṛtaḥ puṇyado hi saḥ
Sanskrit only: no published translation is held for this verse.
मुधैव जिह्वा कृष्णेति केशवेति च वक्ष्यति मुधा च चित्तं तद्गामि यदि स्यात् किम् अतो ऽधिकम्
mudhaiva jihvā kṛṣṇeti keśaveti ca vakṣyati mudhā ca cittaṃ tadgāmi yadi syāt kim ato 'dhikam
Sanskrit only: no published translation is held for this verse.
मयोक्तम् एतद् बहुशो विनष्टे तु शरीरके मनुष्यत्वं विना विष्णुर् दुर्लभो वो भविष्यति
mayoktam etad bahuśo vinaṣṭe tu śarīrake manuṣyatvaṃ vinā viṣṇur durlabho vo bhaviṣyati
Sanskrit only: no published translation is held for this verse.
एताः पुद्गलगाथास् ते यमवाक्यं तवोदितम् जलधेन्वाश् च माहात्म्यं विष्णुसंपूजनस्य च
etāḥ pudgalagāthās te yamavākyaṃ tavoditam jaladhenvāś ca māhātmyaṃ viṣṇusaṃpūjanasya ca
Sanskrit only: no published translation is held for this verse.
व्रतानि सोपवासानि सर्वकामप्रदानि ते व्रतम् अन्यन् महाभाग सर्वकामप्रदं शृणु
vratāni sopavāsāni sarvakāmapradāni te vratam anyan mahābhāga sarvakāmapradaṃ śṛṇu
Sanskrit only: no published translation is held for this verse.