भविष्यं चापरं भूप ममैतच् छ्रोतुम् अर्हसि यत् प्रक्ष्यति महीपालः परिक्षित् स्वपुरोहितम्
bhaviṣyaṃ cāparaṃ bhūpa mamaitac chrotum arhasi yat prakṣyati mahīpālaḥ parikṣit svapurohitam
Sanskrit only: no published translation is held for this verse.
Visnudharma 89
परीक्षितः पुरोधास् तु द्विजो गौरमुखो नृप भविष्यति शमीकस्य शिष्यः परमसंमतः
parīkṣitaḥ purodhās tu dvijo gauramukho nṛpa bhaviṣyati śamīkasya śiṣyaḥ paramasaṃmataḥ
Sanskrit only: no published translation is held for this verse.
स च राजा जगद्धातुर् देवदेवस्य शार्ङ्गिनः सदैवाराधने यत्नं भक्तियुक्तः करिष्यति
sa ca rājā jagaddhātur devadevasya śārṅginaḥ sadaivārādhane yatnaṃ bhaktiyuktaḥ kariṣyati
Sanskrit only: no published translation is held for this verse.
पुरोधसं गौरमुखं प्रणिपत्य स पार्थिवः प्रक्ष्यत्य् आराधनार्थाय देवदेवस्य चक्रिणः
purodhasaṃ gauramukhaṃ praṇipatya sa pārthivaḥ prakṣyaty ārādhanārthāya devadevasya cakriṇaḥ
Sanskrit only: no published translation is held for this verse.
भगवन् भवभीतो ऽहम् अभवाय ततो भवान् आराधयितुम् इच्छामि सर्वेच्छापूरकं हरिं
bhagavan bhavabhīto 'ham abhavāya tato bhavān ārādhayitum icchāmi sarvecchāpūrakaṃ hariṃ
Sanskrit only: no published translation is held for this verse.
संकुरुष्व महाभाग प्रसादं मम सुव्रत कृष्णाराधनकामस्य मनसो देशिको भव
saṃkuruṣva mahābhāga prasādaṃ mama suvrata kṛṣṇārādhanakāmasya manaso deśiko bhava
Sanskrit only: no published translation is held for this verse.
आराधनेन येनेशो जगताम् ईश्वरेश्वरः विष्णुर् आराध्यते पुंभिः संसाराब्धिपरिक्षतैः
ārādhanena yeneśo jagatām īśvareśvaraḥ viṣṇur ārādhyate puṃbhiḥ saṃsārābdhiparikṣataiḥ
Sanskrit only: no published translation is held for this verse.
तन् ममोपदिश ब्रह्मन् प्रसादप्रवणं मनः कृत्वा सदैवार्तिमतां शरण्यं शरणं गुरुः
tan mamopadiśa brahman prasādapravaṇaṃ manaḥ kṛtvā sadaivārtimatāṃ śaraṇyaṃ śaraṇaṃ guruḥ
Sanskrit only: no published translation is held for this verse.
एवं स तेन भूपाल भूपालेन र्षिपुङ्गवः केशवाराधनार्थाय सम्यक् पृष्टः प्रवक्ष्यति
evaṃ sa tena bhūpāla bhūpālena rṣipuṅgavaḥ keśavārādhanārthāya samyak pṛṣṭaḥ pravakṣyati
Sanskrit only: no published translation is held for this verse.
नमस्कृत्य जगद्धात्रे देवदेवाय शार्ङ्गिने परमेशसुरेशाय हृषीकेशाय वेधसे
namaskṛtya jagaddhātre devadevāya śārṅgine parameśasureśāya hṛṣīkeśāya vedhase
Sanskrit only: no published translation is held for this verse.
वरार्थिनाम् अमोघाय परस्मै हरिमेधसे सर्वकल्याणभूताय शङ्खचक्रगदाधृते
varārthinām amoghāya parasmai harimedhase sarvakalyāṇabhūtāya śaṅkhacakragadādhṛte
Sanskrit only: no published translation is held for this verse.
वरासिचर्मावितते क्रूरशान्तात्ममूर्तये यद्यद्भूतोपकाराय तत्तद्रूपविकारिणे
varāsicarmāvitate krūraśāntātmamūrtaye yadyadbhūtopakārāya tattadrūpavikāriṇe
Sanskrit only: no published translation is held for this verse.
परमाण्वन्तपर्यन्त- सहस्रांशाणुमूर्तये जठरान्तायुताशान्त- स्थितब्रह्माण्डधारिणे
paramāṇvantaparyanta- sahasrāṃśāṇumūrtaye jaṭharāntāyutāśānta- sthitabrahmāṇḍadhāriṇe
Sanskrit only: no published translation is held for this verse.
श्वेतादिदीर्घह्रस्वादि- कठिनादिविकल्पना योगिचिन्त्ये जगद्धाम्नि यत्र नास्त्य् अखिलात्मनि
śvetādidīrghahrasvādi- kaṭhinādivikalpanā yogicintye jagaddhāmni yatra nāsty akhilātmani
Sanskrit only: no published translation is held for this verse.
तम् अजं शाश्वतं नित्यं परिणामविवर्जितम् योगिभिश् चिन्त्यते मूर्तिर् यत्र तत्राखिलात्मनि
tam ajaṃ śāśvataṃ nityaṃ pariṇāmavivarjitam yogibhiś cintyate mūrtir yatra tatrākhilātmani
Sanskrit only: no published translation is held for this verse.
तत्र तत्रात्मनो नित्यं परिणामविवर्जितम् प्रणम्य जगताम् ईशम् अनन्तं परतः परम्
tatra tatrātmano nityaṃ pariṇāmavivarjitam praṇamya jagatām īśam anantaṃ parataḥ param
Sanskrit only: no published translation is held for this verse.
परं पराणां स्रष्टारं पुराणं पुरुषं प्रभुम् वरं वरेण्यं वरदं स्थूलसूक्ष्मस्वरूपिणम्
paraṃ parāṇāṃ sraṣṭāraṃ purāṇaṃ puruṣaṃ prabhum varaṃ vareṇyaṃ varadaṃ sthūlasūkṣmasvarūpiṇam
Sanskrit only: no published translation is held for this verse.
अशेषजगतां मूलम् अनादिनिधनस्थितिम् परापरस्वरूपस्थम् अविकारस्वरूपिणम्
aśeṣajagatāṃ mūlam anādinidhanasthitim parāparasvarūpastham avikārasvarūpiṇam
Sanskrit only: no published translation is held for this verse.
यस्योपचारतः स्वर्गं स्वरूपं व्यतिरिच्यते ज्ञानज्ञेयस्य मुनिभिर् ज्ञानविद्भिर् महात्मभिः
yasyopacārataḥ svargaṃ svarūpaṃ vyatiricyate jñānajñeyasya munibhir jñānavidbhir mahātmabhiḥ
Sanskrit only: no published translation is held for this verse.
तस्मै पार्थिवमुख्याय रघुवर्यमहात्मने श्रूयतां स मुनिश्रेष्ठो यद् वक्ष्यति परीक्षिते
tasmai pārthivamukhyāya raghuvaryamahātmane śrūyatāṃ sa muniśreṣṭho yad vakṣyati parīkṣite
Sanskrit only: no published translation is held for this verse.
देवकी नाम राजेन्द्र देवकस्याभवत् सुता अनपत्या तपस् तेपे पुत्रार्थं किल भामिनी
devakī nāma rājendra devakasyābhavat sutā anapatyā tapas tepe putrārthaṃ kila bhāminī
Sanskrit only: no published translation is held for this verse.
भार्या सा वसुदेवस्य सत्यधर्मपरायणा न चातुष्यत गोविन्दस् ततस् ताम् आह भार्गवः
bhāryā sā vasudevasya satyadharmaparāyaṇā na cātuṣyata govindas tatas tām āha bhārgavaḥ
Sanskrit only: no published translation is held for this verse.
किमर्थं तप्यते भद्रे तपः परमदुश्चरम् को ऽर्थस् तवाभिलषितो गन्तुं कुत्र तवेप्सितम्
kimarthaṃ tapyate bhadre tapaḥ paramaduścaram ko 'rthas tavābhilaṣito gantuṃ kutra tavepsitam
Sanskrit only: no published translation is held for this verse.
अपुत्राहं द्विजश्रेष्ठ पत्युर् मे नास्ति संततिः साहम् आराध्य गोविन्दं पुत्रम् इच्छामि शोभनम्
aputrāhaṃ dvijaśreṣṭha patyur me nāsti saṃtatiḥ sāham ārādhya govindaṃ putram icchāmi śobhanam
Sanskrit only: no published translation is held for this verse.
तपस् तावत् करिष्यामि परमेण समाधिना यावद् आराधितो विष्णुर् दास्यत्य् अभिमतं मम
tapas tāvat kariṣyāmi parameṇa samādhinā yāvad ārādhito viṣṇur dāsyaty abhimataṃ mama
Sanskrit only: no published translation is held for this verse.
गोविन्दाराधने यत्नो यदि ते कुलनन्दिनि तद् इदं व्रतम् आस्थाय तोषयाशु जनार्दनम्
govindārādhane yatno yadi te kulanandini tad idaṃ vratam āsthāya toṣayāśu janārdanam
Sanskrit only: no published translation is held for this verse.
प्रथमे कार्त्तिकस्याह्नि संप्राप्ते देवकात्मजे पञ्चगव्यजलस्नातः पञ्चगव्यकृताशनः
prathame kārttikasyāhni saṃprāpte devakātmaje pañcagavyajalasnātaḥ pañcagavyakṛtāśanaḥ
Sanskrit only: no published translation is held for this verse.
बाणपुष्पैः समभ्यर्च्य वासुदेवम् अजं विभुम् दत्त्वा च चन्दनं धूपं परमान्नं निवेदयेत् घृतेन वाचयेद् विप्रं गृह्णीयाच् च ततो व्रतम्
bāṇapuṣpaiḥ samabhyarcya vāsudevam ajaṃ vibhum dattvā ca candanaṃ dhūpaṃ paramānnaṃ nivedayet ghṛtena vācayed vipraṃ gṛhṇīyāc ca tato vratam
Sanskrit only: no published translation is held for this verse.
अद्यप्रभृत्य् अहं मासं विरतः प्राणिनां वधात् असत्यवचनात् स्तैन्यान् मधुमांसादिभक्षणात्
adyaprabhṛty ahaṃ māsaṃ virataḥ prāṇināṃ vadhāt asatyavacanāt stainyān madhumāṃsādibhakṣaṇāt
Sanskrit only: no published translation is held for this verse.
स्वपन् विबुध्यन् गच्छंश् च स्मरिष्याम्य् अहम् अच्युतम् परापवादपैशून्यं परपीडाकरं तथा
svapan vibudhyan gacchaṃś ca smariṣyāmy aham acyutam parāpavādapaiśūnyaṃ parapīḍākaraṃ tathā
Sanskrit only: no published translation is held for this verse.
सच्छास्त्रदेवतायज्वि- निन्दाम् अन्यस्य वा भुवि न वक्ष्यामि जगत्य् अस्मिन् पश्यन् सर्वगत हरिम्
sacchāstradevatāyajvi- nindām anyasya vā bhuvi na vakṣyāmi jagaty asmin paśyan sarvagata harim
Sanskrit only: no published translation is held for this verse.
इत्य् अन्यच् चापि शक्नोति यन् निर्वोढुं यशस्विनि कुर्वीत नियमं तस्य त्यागो धर्माय यस्य च
ity anyac cāpi śaknoti yan nirvoḍhuṃ yaśasvini kurvīta niyamaṃ tasya tyāgo dharmāya yasya ca
Sanskrit only: no published translation is held for this verse.
कृत्वैवं पुरतो विष्णोर् निवृत्तिं पापतः शुभे नैवेद्यं स्वयम् अश्नीयान् मौनी नित्यम् उदङ्मुखः
kṛtvaivaṃ purato viṣṇor nivṛttiṃ pāpataḥ śubhe naivedyaṃ svayam aśnīyān maunī nityam udaṅmukhaḥ
Sanskrit only: no published translation is held for this verse.
मार्गशीर्षे तथा मासि जातिपुष्पैर् जनार्दनम् समभ्यर्च्य शुभे धूपं चन्दनं संनिवेद्य च
mārgaśīrṣe tathā māsi jātipuṣpair janārdanam samabhyarcya śubhe dhūpaṃ candanaṃ saṃnivedya ca
Sanskrit only: no published translation is held for this verse.
परमान्नं च देवाय विप्राय च पुनर् घृतम् दत्त्वा तथैव गृह्णीयान् नियमं चास्य रोचते
paramānnaṃ ca devāya viprāya ca punar ghṛtam dattvā tathaiva gṛhṇīyān niyamaṃ cāsya rocate
Sanskrit only: no published translation is held for this verse.
तथैव नक्तं भुञ्जीत नैवेद्यं कुलनन्दिनि सर्वेष्व् एव तु मासेषु पञ्चगव्यादिकं समम्
tathaiva naktaṃ bhuñjīta naivedyaṃ kulanandini sarveṣv eva tu māseṣu pañcagavyādikaṃ samam
Sanskrit only: no published translation is held for this verse.
पुष्पधूपोपहारेषु विशेषो दक्षिणासु च स्नानप्राशनयोः साम्यं तथा वै नक्तभोजने
puṣpadhūpopahāreṣu viśeṣo dakṣiṇāsu ca snānaprāśanayoḥ sāmyaṃ tathā vai naktabhojane
Sanskrit only: no published translation is held for this verse.
अर्चयेत् प्रतिमासं च यैः पुष्पैस् तानि मे शृणु ये च धूपाः प्रदातव्या नैवेद्यान्नं च यद् यदा
arcayet pratimāsaṃ ca yaiḥ puṣpais tāni me śṛṇu ye ca dhūpāḥ pradātavyā naivedyānnaṃ ca yad yadā
Sanskrit only: no published translation is held for this verse.
बाणस्य जातिकुसुमैस् तथैव च कुरुण्ठकैः कुन्दातिमुक्तकै रक्त- करवीरैश् च देवकि
bāṇasya jātikusumais tathaiva ca kuruṇṭhakaiḥ kundātimuktakai rakta- karavīraiś ca devaki
Sanskrit only: no published translation is held for this verse.
श्वेतैस् ततो मालिकया तथा मल्लिकया ततः दधिपिण्ड्याथ केतक्या पद्मरक्तोत्पलेन च क्रमेणाभ्यर्चितो विष्णुर् ददाति मनसेप्सितम्
śvetais tato mālikayā tathā mallikayā tataḥ dadhipiṇḍyātha ketakyā padmaraktotpalena ca krameṇābhyarcito viṣṇur dadāti manasepsitam
Sanskrit only: no published translation is held for this verse.
कार्त्तिके मार्गशीर्षे च धूपः पौषे च चन्दनम् माघफाल्गुनचैत्रेषु दद्याद् विष्णोस् तथागरुम्
kārttike mārgaśīrṣe ca dhūpaḥ pauṣe ca candanam māghaphālgunacaitreṣu dadyād viṣṇos tathāgarum
Sanskrit only: no published translation is held for this verse.
वैशाखादिषु मासेषु त्रिषु देवकि भक्तितः कर्पूरं देवदेवाय गुग्गुलं श्रावणादिषु
vaiśākhādiṣu māseṣu triṣu devaki bhaktitaḥ karpūraṃ devadevāya guggulaṃ śrāvaṇādiṣu
Sanskrit only: no published translation is held for this verse.
कार्त्तिकादिषु मासेषु परमान्नं शुभे त्रिषु कासारं माघपूर्वेषु यवान्नं च ततस् त्रिषु
kārttikādiṣu māseṣu paramānnaṃ śubhe triṣu kāsāraṃ māghapūrveṣu yavānnaṃ ca tatas triṣu
Sanskrit only: no published translation is held for this verse.
घृतं तिलाञ् जलघटान् हिरण्यम् अथवाजिनम् प्रतिमासं तथा दद्याद् ब्राह्मणाय शुभव्रते
ghṛtaṃ tilāñ jalaghaṭān hiraṇyam athavājinam pratimāsaṃ tathā dadyād brāhmaṇāya śubhavrate
Sanskrit only: no published translation is held for this verse.
यथोक्तं नियमानां च ग्रहणं प्रतिमासिकम् कुर्वञ् जगत्पतिर् विष्णुः प्रीयताम् इति मानवः
yathoktaṃ niyamānāṃ ca grahaṇaṃ pratimāsikam kurvañ jagatpatir viṣṇuḥ prīyatām iti mānavaḥ
Sanskrit only: no published translation is held for this verse.
योषिद् अप्य् अमलप्रज्ञे व्रतम् एतद् यथाविधि करोति या सा सकलान् अवाप्नोति मनोरथान्
yoṣid apy amalaprajñe vratam etad yathāvidhi karoti yā sā sakalān avāpnoti manorathān
Sanskrit only: no published translation is held for this verse.
व्रतेनाराधितो विष्णुर् अनेन जगतः पतिः ददात्य् अभिमतान् कामान् अल्पकालेन भामिनि
vratenārādhito viṣṇur anena jagataḥ patiḥ dadāty abhimatān kāmān alpakālena bhāmini
Sanskrit only: no published translation is held for this verse.
धन्यं यशस्यम् आयुष्यं सौभाग्यारोग्यदं तथा व्रतम् एतत् प्रियतमं व्रतेभ्यो ऽव्यक्तजन्मनः
dhanyaṃ yaśasyam āyuṣyaṃ saubhāgyārogyadaṃ tathā vratam etat priyatamaṃ vratebhyo 'vyaktajanmanaḥ
Sanskrit only: no published translation is held for this verse.
व्रतेनानेन शुद्धानाम् अब्देनैकेन केशवः सुखदृश्यो न संदेहो दीपेनैवाग्रतः स्थितः
vratenānena śuddhānām abdenaikena keśavaḥ sukhadṛśyo na saṃdeho dīpenaivāgrataḥ sthitaḥ
Sanskrit only: no published translation is held for this verse.
कायवाङ्मनसो शुद्धिं करोत्य् एतन् महाव्रतम् शुद्धानां चामलो देवो दृश्य एव जनार्दनः
kāyavāṅmanaso śuddhiṃ karoty etan mahāvratam śuddhānāṃ cāmalo devo dṛśya eva janārdanaḥ
Sanskrit only: no published translation is held for this verse.
तस्मिन्न् एकाग्रचित्तानां प्राणिनां वरवर्णिनि विप्रा एव प्रयत्नेन मुक्तिभाजो विभूतयः
tasminn ekāgracittānāṃ prāṇināṃ varavarṇini viprā eva prayatnena muktibhājo vibhūtayaḥ
Sanskrit only: no published translation is held for this verse.
यथा कल्पतरुं प्राप्य यद् यद् इच्छति चेतसा तत् तत् फलम् अवाप्नोति तथा संप्राप्य तं विभुम्
yathā kalpataruṃ prāpya yad yad icchati cetasā tat tat phalam avāpnoti tathā saṃprāpya taṃ vibhum
Sanskrit only: no published translation is held for this verse.
शुद्धिव्रतम् इदं तस्मान् महापातकनाशनम् आराधनाय कृष्णस्य कुरु देवकि पावनम्
śuddhivratam idaṃ tasmān mahāpātakanāśanam ārādhanāya kṛṣṇasya kuru devaki pāvanam
Sanskrit only: no published translation is held for this verse.
तस्मिंश् चीर्णे हृषीकेशस् तुभ्यं दास्यति दर्शनम् दृष्टे चाभिमतं यत् ते तद् अशेषं भविष्यति
tasmiṃś cīrṇe hṛṣīkeśas tubhyaṃ dāsyati darśanam dṛṣṭe cābhimataṃ yat te tad aśeṣaṃ bhaviṣyati
Sanskrit only: no published translation is held for this verse.