देवकी भार्गवस्यैतच् श्रुत्वा वाक्यं नराधिप शुद्धिकामा चचाराथ सर्वकामप्रदं व्रतम्
devakī bhārgavasyaitac śrutvā vākyaṃ narādhipa śuddhikāmā cacārātha sarvakāmapradaṃ vratam
Sanskrit only: no published translation is held for this verse.
Visnudharma 90
व्रतेनाराधितस् तेन तदा देव्या जनार्दनः ददौ दर्शनम् ईशेशः शङ्खचक्रगदाधरः
vratenārādhitas tena tadā devyā janārdanaḥ dadau darśanam īśeśaḥ śaṅkhacakragadādharaḥ
Sanskrit only: no published translation is held for this verse.
दृष्टे तस्मिन्न् अशेषेशे जगद्धातरि केशवे कृत्वा प्रणामम् आहेदं भक्तिनम्राथ देवकी
dṛṣṭe tasminn aśeṣeśe jagaddhātari keśave kṛtvā praṇāmam āhedaṃ bhaktinamrātha devakī
Sanskrit only: no published translation is held for this verse.
जगताम् ईश्वरेशेश ज्ञान ज्ञेय भवाव्यय समस्तदेवतादेव वासुदेव नमो ऽस्तु ते
jagatām īśvareśeśa jñāna jñeya bhavāvyaya samastadevatādeva vāsudeva namo 'stu te
Sanskrit only: no published translation is held for this verse.
प्रधानपुंसोर् अजयोर् यः कारणम् अकारणम् अविशेष्यम् अजं रूपं तव तस्मै नमो ऽस्तु ते
pradhānapuṃsor ajayor yaḥ kāraṇam akāraṇam aviśeṣyam ajaṃ rūpaṃ tava tasmai namo 'stu te
Sanskrit only: no published translation is held for this verse.
त्वं प्रधानं पुमांश् चैव कारणाकारणात्मकः सद् असच् चाखिलं देव केनोक्तेन तव स्तवः
tvaṃ pradhānaṃ pumāṃś caiva kāraṇākāraṇātmakaḥ sad asac cākhilaṃ deva kenoktena tava stavaḥ
Sanskrit only: no published translation is held for this verse.
प्रसीद देव देवानाम् अरिशातन वामन लोभाभिभूता यद् अहं वरयामि प्रयच्छ तत्
prasīda deva devānām ariśātana vāmana lobhābhibhūtā yad ahaṃ varayāmi prayaccha tat
Sanskrit only: no published translation is held for this verse.
अदितिस् त्वं महाभागे भुवं प्राप्ता सुरारणि भर्ता च ते कश्यपो ऽयं देयस् तव वरो मया
aditis tvaṃ mahābhāge bhuvaṃ prāptā surāraṇi bhartā ca te kaśyapo 'yaṃ deyas tava varo mayā
Sanskrit only: no published translation is held for this verse.
अपुत्रास्मि न मे भर्तुर् अस्ति केशव संततिः प्रसीद देहि मे पुत्रम् अरिदुर्धारपौरुषम्
aputrāsmi na me bhartur asti keśava saṃtatiḥ prasīda dehi me putram aridurdhārapauruṣam
Sanskrit only: no published translation is held for this verse.
भविष्यत्य् अचिराद् देवि मदंशेन सुतस् तव हन्तव्या दानवास् तेन सद्धर्मपरिपन्थिनः
bhaviṣyaty acirād devi madaṃśena sutas tava hantavyā dānavās tena saddharmaparipanthinaḥ
Sanskrit only: no published translation is held for this verse.
त्वाम् अहं जगद्धातारम् उदारोरुपराक्रमम् धारयिष्यामि गर्भेण कथम् अच्युत शंस मे
tvām ahaṃ jagaddhātāram udāroruparākramam dhārayiṣyāmi garbheṇa katham acyuta śaṃsa me
Sanskrit only: no published translation is held for this verse.
तवोदरे ऽवतारं वै पुरापि बलिबन्धने कुर्वता विधृताः सप्त लोकास् त्वं चात्ममायया
tavodare 'vatāraṃ vai purāpi balibandhane kurvatā vidhṛtāḥ sapta lokās tvaṃ cātmamāyayā
Sanskrit only: no published translation is held for this verse.
तथा सांप्रतम् अप्य् एतांल् लोकान् सस्थाणुजङ्गमान् धारयिष्याम्य् अथात्मानं त्वां च देवकि लीलया
tathā sāṃpratam apy etāṃl lokān sasthāṇujaṅgamān dhārayiṣyāmy athātmānaṃ tvāṃ ca devaki līlayā
Sanskrit only: no published translation is held for this verse.
इत्य् एवम् उक्त्वा तां देवीं देवकीं भगवान् प्रभुः तिरोबभूव गोविन्दो भूर्भुवःप्रभवो विभुः
ity evam uktvā tāṃ devīṃ devakīṃ bhagavān prabhuḥ tirobabhūva govindo bhūrbhuvaḥprabhavo vibhuḥ
Sanskrit only: no published translation is held for this verse.
अवाप च ततो गर्भं
avāpa ca tato garbhaṃ
Sanskrit only: no published translation is held for this verse.
नीलोत्पलदलश्यामं ताम्रायतविलोचनम् चतुर्बाहुम् उदाराङ्गं श्रीवत्साङ्कितवक्षसम्
nīlotpaladalaśyāmaṃ tāmrāyatavilocanam caturbāhum udārāṅgaṃ śrīvatsāṅkitavakṣasam
Sanskrit only: no published translation is held for this verse.
तं जातं देवकी देवं निधानं सर्वतेजसाम् प्रणिपत्याभितुष्टाव संप्रस्तुतपयोधरा
taṃ jātaṃ devakī devaṃ nidhānaṃ sarvatejasām praṇipatyābhituṣṭāva saṃprastutapayodharā
Sanskrit only: no published translation is held for this verse.
अबालो बालरूपेण येनेश त्वम् इहास्थितः त्वद्रूपं प्रणिपत्याहं यद् ब्रवीमि निबोध तत्
abālo bālarūpeṇa yeneśa tvam ihāsthitaḥ tvadrūpaṃ praṇipatyāhaṃ yad bravīmi nibodha tat
Sanskrit only: no published translation is held for this verse.
नमस् ते सर्वभूतेश नमस् ते मधुसूदन नमस् ते पुण्डरीकाक्ष नमस् ते ऽस्तु जनार्दन
namas te sarvabhūteśa namas te madhusūdana namas te puṇḍarīkākṣa namas te 'stu janārdana
Sanskrit only: no published translation is held for this verse.
नमस् ते शार्ङ्गचक्रासि- गदापरिघपाणये उपेन्द्रायाप्रमेयाय हृषीकेशाय वै नमः
namas te śārṅgacakrāsi- gadāparighapāṇaye upendrāyāprameyāya hṛṣīkeśāya vai namaḥ
Sanskrit only: no published translation is held for this verse.
नमो ऽस्तु ते ऽणुरूपाय बृहद्रूपाय वै नमः अशेषभूतरूपाय तथारूपाय ते नमः
namo 'stu te 'ṇurūpāya bṛhadrūpāya vai namaḥ aśeṣabhūtarūpāya tathārūpāya te namaḥ
Sanskrit only: no published translation is held for this verse.
अनिर्देश्यविशेषाय तुभ्यं सर्वात्मने नमः सर्वेश्वराय सर्वाय सर्वभूताय ते नमः
anirdeśyaviśeṣāya tubhyaṃ sarvātmane namaḥ sarveśvarāya sarvāya sarvabhūtāya te namaḥ
Sanskrit only: no published translation is held for this verse.
नमो ऽस्तु ते वासुदेव नमो ऽस्तु कमलेक्षण नमो ऽस्तु ते सदाचिन्त्य योगिचिन्त्य जगत्पते
namo 'stu te vāsudeva namo 'stu kamalekṣaṇa namo 'stu te sadācintya yogicintya jagatpate
Sanskrit only: no published translation is held for this verse.
विष्णो नमो ऽस्तु ते कृष्ण नमस् ते पुरुषोत्तम नमो नारायण हरे नमस् ते ऽस्तु सदाच्युत
viṣṇo namo 'stu te kṛṣṇa namas te puruṣottama namo nārāyaṇa hare namas te 'stu sadācyuta
Sanskrit only: no published translation is held for this verse.
नमो नमस् ते गोविन्द नमस् ते गरुडध्वज श्रीश श्रीवत्स योगीश श्रीकान्तेश नमो ऽस्तु ते
namo namas te govinda namas te garuḍadhvaja śrīśa śrīvatsa yogīśa śrīkānteśa namo 'stu te
Sanskrit only: no published translation is held for this verse.
नीलोत्पलदलश्याम दंष्ट्रोद्धृतवसुंधर हिरण्याक्षरिपो देव नमस् ते यज्ञसूकर
nīlotpaladalaśyāma daṃṣṭroddhṛtavasuṃdhara hiraṇyākṣaripo deva namas te yajñasūkara
Sanskrit only: no published translation is held for this verse.
नृसिंह जय विश्वात्मन् दैत्योरःस्थलदारक नमो नमस् ते ऽस्तु सदा विक्षेपध्वस्ततारक
nṛsiṃha jaya viśvātman daityoraḥsthaladāraka namo namas te 'stu sadā vikṣepadhvastatāraka
Sanskrit only: no published translation is held for this verse.
मायावामनरूपाय तुभ्यं देव नमो नमः त्रिविक्रम नमस् तुभ्यं त्रैलोक्यक्रान्ति दुर्जय
māyāvāmanarūpāya tubhyaṃ deva namo namaḥ trivikrama namas tubhyaṃ trailokyakrānti durjaya
Sanskrit only: no published translation is held for this verse.
ऋग्यजुःसामभूताय वेदाहरणकर्मणे प्रणवोद्गीतवचसे महाश्वशिरसे नमः
ṛgyajuḥsāmabhūtāya vedāharaṇakarmaṇe praṇavodgītavacase mahāśvaśirase namaḥ
Sanskrit only: no published translation is held for this verse.
निःक्षत्रियोर्वीकरण विकरालपराक्रम जामदग्न्य नमस् तुभ्यं कार्तवीर्यासुतस्कर
niḥkṣatriyorvīkaraṇa vikarālaparākrama jāmadagnya namas tubhyaṃ kārtavīryāsutaskara
Sanskrit only: no published translation is held for this verse.
पौलस्त्यकुलनाशाय साधुमार्गविचारिणे नलसेतुकृते तुभ्यं नमो राघवरूपिणे
paulastyakulanāśāya sādhumārgavicāriṇe nalasetukṛte tubhyaṃ namo rāghavarūpiṇe
Sanskrit only: no published translation is held for this verse.
सांप्रतं मत्प्रसन्नाय संभूताय ममोदरे स्वमायाबालरूपाय नमः कृष्णाय वै हरे
sāṃprataṃ matprasannāya saṃbhūtāya mamodare svamāyābālarūpāya namaḥ kṛṣṇāya vai hare
Sanskrit only: no published translation is held for this verse.
यावन्ति तव रूपाणि यावत्यश् च विभूतयः नमामि कृष्ण सर्वेभ्यस् तेभ्यस् ताभ्यश् च सर्वदा
yāvanti tava rūpāṇi yāvatyaś ca vibhūtayaḥ namāmi kṛṣṇa sarvebhyas tebhyas tābhyaś ca sarvadā
Sanskrit only: no published translation is held for this verse.
स्वरूपचेष्टितं यत् ते यद् देवत्वे विचेष्टितम् यच् च तिर्यङ्मनुष्यत्वे चेष्टितं तन् नमाम्य् अहम्
svarūpaceṣṭitaṃ yat te yad devatve viceṣṭitam yac ca tiryaṅmanuṣyatve ceṣṭitaṃ tan namāmy aham
Sanskrit only: no published translation is held for this verse.
परमेश परेशेश तिर्यगीश नरेश्वर सर्वेश्वरेश्वरेशेश नमस् ते पुरुषोत्तम
parameśa pareśeśa tiryagīśa nareśvara sarveśvareśvareśeśa namas te puruṣottama
Sanskrit only: no published translation is held for this verse.
एवं स्तुतस् तया देव्या देवक्या मधुसूदनः बालरूपी जगादैवं वसुदेवस्य शृण्वतः
evaṃ stutas tayā devyā devakyā madhusūdanaḥ bālarūpī jagādaivaṃ vasudevasya śṛṇvataḥ
Sanskrit only: no published translation is held for this verse.
सम्यग् आराधितेनोक्तं यत् प्रसन्नेन वै शुभे तत् कृतं सकलं भूयो यद् वृणोषि ददामि तत्
samyag ārādhitenoktaṃ yat prasannena vai śubhe tat kṛtaṃ sakalaṃ bhūyo yad vṛṇoṣi dadāmi tat
Sanskrit only: no published translation is held for this verse.
अवतारे तथैवास्मिन् वर्षाणाम् अधिकं शतम् स्थास्यामि नरतां प्राप्तो दुष्टदैत्यनिबर्हणः
avatāre tathaivāsmin varṣāṇām adhikaṃ śatam sthāsyāmi naratāṃ prāpto duṣṭadaityanibarhaṇaḥ
Sanskrit only: no published translation is held for this verse.
तत् त्वं वरय भद्रं ते वरं यन् मनसेच्छसि दास्याम्य् अहम् असंदिग्धं यद्य् अपि स्यात् सुदुर्लभम्
tat tvaṃ varaya bhadraṃ te varaṃ yan manasecchasi dāsyāmy aham asaṃdigdhaṃ yady api syāt sudurlabham
Sanskrit only: no published translation is held for this verse.
यदि देव प्रसन्नस् त्वं प्रददासि ममेप्सितम् वृणोमि तद् अहं नित्यं तव केशव दर्शनम्
yadi deva prasannas tvaṃ pradadāsi mamepsitam vṛṇomi tad ahaṃ nityaṃ tava keśava darśanam
Sanskrit only: no published translation is held for this verse.
तवेदृग्रूपम् आलोक्य हार्दप्रस्रुतलोचना नालं वियोगं संसोढुं तवाहं मधुसूदन
tavedṛgrūpam ālokya hārdaprasrutalocanā nālaṃ viyogaṃ saṃsoḍhuṃ tavāhaṃ madhusūdana
Sanskrit only: no published translation is held for this verse.
दाक्षायणी त्वम् अदितिः संभूता वसुधातले नित्यम् एव जगद्धात्रि प्रसादं ते करोम्य् अहम्
dākṣāyaṇī tvam aditiḥ saṃbhūtā vasudhātale nityam eva jagaddhātri prasādaṃ te karomy aham
Sanskrit only: no published translation is held for this verse.
षष्ठे षष्ठे तदा पक्षे दिने ऽस्मिन्न् एव भामिनि त्वं मां द्रक्ष्यस्य् असंदिग्धं प्रसादस् ते कृतो मया
ṣaṣṭhe ṣaṣṭhe tadā pakṣe dine 'sminn eva bhāmini tvaṃ māṃ drakṣyasy asaṃdigdhaṃ prasādas te kṛto mayā
Sanskrit only: no published translation is held for this verse.
अनेनैव महाभागे बालरूपेण संवृतः तव दर्शनम् एष्यामि यत्र ते स्नेहवन् मनः
anenaiva mahābhāge bālarūpeṇa saṃvṛtaḥ tava darśanam eṣyāmi yatra te snehavan manaḥ
Sanskrit only: no published translation is held for this verse.
तस्मिन् काले च लोकास् त्वां पूजयिष्यन्ति देवकि मां च पुष्पादिभिर् देवि तवोत्सङ्गव्यवस्थितम्
tasmin kāle ca lokās tvāṃ pūjayiṣyanti devaki māṃ ca puṣpādibhir devi tavotsaṅgavyavasthitam
Sanskrit only: no published translation is held for this verse.
संपूजितो ऽहं लोकानां तस्मिन् काले सुतोषितः प्रदास्यामि जगद्धात्रि यथाभिलषितं वरम्
saṃpūjito 'haṃ lokānāṃ tasmin kāle sutoṣitaḥ pradāsyāmi jagaddhātri yathābhilaṣitaṃ varam
Sanskrit only: no published translation is held for this verse.
अपुत्राणां वरान् पुत्रान् अधनानां तथा धनम् शुभान् दारान् अदाराणां सरोगाणाम् अरोगताम्
aputrāṇāṃ varān putrān adhanānāṃ tathā dhanam śubhān dārān adārāṇāṃ sarogāṇām arogatām
Sanskrit only: no published translation is held for this verse.
सुगतिं गतिकामानां विद्यां विद्यार्थिनाम् अपि प्रदास्यसि महाभागे मत्प्रसादोपवृंहिता
sugatiṃ gatikāmānāṃ vidyāṃ vidyārthinām api pradāsyasi mahābhāge matprasādopavṛṃhitā
Sanskrit only: no published translation is held for this verse.
प्रसादिता हि मर्त्यानां यत् त्वं दास्यसि शोभने तत् तेषां मत्प्रसादेन भविष्यति न दुर्लभम्
prasāditā hi martyānāṃ yat tvaṃ dāsyasi śobhane tat teṣāṃ matprasādena bhaviṣyati na durlabham
Sanskrit only: no published translation is held for this verse.
त्वाम् अभ्यर्च्योपचारेण स्नापयित्वा घृतेन माम् सर्वकामान् अवाप्स्यन्ति काले षट्पक्षसंज्ञिते
tvām abhyarcyopacāreṇa snāpayitvā ghṛtena mām sarvakāmān avāpsyanti kāle ṣaṭpakṣasaṃjñite
Sanskrit only: no published translation is held for this verse.
देवकी वसुदेवतः
devakī vasudevataḥ
Sanskrit only: no published translation is held for this verse.
एवं पूर्वं हृषीकेशो देवक्याः प्रददौ वरम् तस्मात् कृष्णाष्टमी पुंसाम् अशेषाघौघहारिणी
evaṃ pūrvaṃ hṛṣīkeśo devakyāḥ pradadau varam tasmāt kṛṣṇāṣṭamī puṃsām aśeṣāghaughahāriṇī
Sanskrit only: no published translation is held for this verse.
तस्यां हि पूजितः कृष्णो देवकी च समाधिना पापापनोदं कुरुते ददाति च मनोरथान्
tasyāṃ hi pūjitaḥ kṛṣṇo devakī ca samādhinā pāpāpanodaṃ kurute dadāti ca manorathān
Sanskrit only: no published translation is held for this verse.
तद् एष पुष्टिकामानां नॄणां पुण्यार्थिनाम् अपि उपवासो महीपाल शस्तः केशवतोषदः
tad eṣa puṣṭikāmānāṃ nṝṇāṃ puṇyārthinām api upavāso mahīpāla śastaḥ keśavatoṣadaḥ
Sanskrit only: no published translation is held for this verse.