Visnudharma 93

इदं च शृणु भूपाल नश्यते दुर्विचिन्तितम् येनोपायेन वै पुंसां योषितां वाप्य् असंशयम्

idaṃ ca śṛṇu bhūpāla naśyate durvicintitam yenopāyena vai puṃsāṃ yoṣitāṃ vāpy asaṃśayam

Sanskrit only: no published translation is held for this verse.

परदारपरद्रव्य- जीवहिंसादिके सदा प्रवर्तते नृणां चित्तं तद् एतद् अभिसंस्मरेत्

paradāraparadravya- jīvahiṃsādike sadā pravartate nṛṇāṃ cittaṃ tad etad abhisaṃsmaret

Sanskrit only: no published translation is held for this verse.

विष्णवे विष्णवे नित्यं विष्णवे विष्णवे नमः जिष्णवे जिष्णवे सर्वं जिष्णवे जिष्णवे नमः

viṣṇave viṣṇave nityaṃ viṣṇave viṣṇave namaḥ jiṣṇave jiṣṇave sarvaṃ jiṣṇave jiṣṇave namaḥ

Sanskrit only: no published translation is held for this verse.

नमामि विष्णुं बुद्धिस्थम् अहंकार-गतं हरिम् चित्तस्थम् ईशम् अव्यक्तम् अनन्तम् अपराजितम् विष्णुम् ईड्यम् अशेषेशम् अनादिनिधनं विभुम्

namāmi viṣṇuṃ buddhistham ahaṃkāra-gataṃ harim cittastham īśam avyaktam anantam aparājitam viṣṇum īḍyam aśeṣeśam anādinidhanaṃ vibhum

Sanskrit only: no published translation is held for this verse.

विष्णुश् चित्तगतो यन् मे विष्णुर् बुद्धिगतश् च यत् यच् चाहंकारगो विष्णुर् यद् विष्णुर् मयि संस्थितः

viṣṇuś cittagato yan me viṣṇur buddhigataś ca yat yac cāhaṃkārago viṣṇur yad viṣṇur mayi saṃsthitaḥ

Sanskrit only: no published translation is held for this verse.

करोति कर्तृभूतो ऽसौ स्थावरस्य चरस्य च तत् पापं नाशम् आयातु तस्मिन्न् एव विचिन्तिते

karoti kartṛbhūto 'sau sthāvarasya carasya ca tat pāpaṃ nāśam āyātu tasminn eva vicintite

Sanskrit only: no published translation is held for this verse.

ध्यातो हरति यः पापं स्वप्ने दृष्टः शुभावहः तम् उपेन्द्रम् अहं विष्णुं प्रणतो ऽर्तिहरं हरिम्

dhyāto harati yaḥ pāpaṃ svapne dṛṣṭaḥ śubhāvahaḥ tam upendram ahaṃ viṣṇuṃ praṇato 'rtiharaṃ harim

Sanskrit only: no published translation is held for this verse.

जगत्य् अस्मिन् निराधारे मज्जमाने तमस्य् अधः हस्तावलम्बदं विष्णुं प्रणतो ऽस्मि परात्परम्

jagaty asmin nirādhāre majjamāne tamasy adhaḥ hastāvalambadaṃ viṣṇuṃ praṇato 'smi parātparam

Sanskrit only: no published translation is held for this verse.

सर्वेश्वरेश्वर विभो परमात्मन्न् अधोक्षज हृषीकेश हृषीकेश हृषीकेश नमो ऽस्तु ते

sarveśvareśvara vibho paramātmann adhokṣaja hṛṣīkeśa hṛṣīkeśa hṛṣīkeśa namo 'stu te

Sanskrit only: no published translation is held for this verse.

नृसिंहानन्त गोविन्द भूतभावन केशव दुरुक्तं दुष्कृतं ध्यातं प्रशमाग्र्य नमो ऽस्तु ते

nṛsiṃhānanta govinda bhūtabhāvana keśava duruktaṃ duṣkṛtaṃ dhyātaṃ praśamāgrya namo 'stu te

Sanskrit only: no published translation is held for this verse.

यन् मया चिन्तितं दुष्टं स्वचित्तवशवर्तिना नरकावहम् अत्युग्रं तच् छमं नय केशव

yan mayā cintitaṃ duṣṭaṃ svacittavaśavartinā narakāvaham atyugraṃ tac chamaṃ naya keśava

Sanskrit only: no published translation is held for this verse.

ब्रह्मण्यदेव गोविन्द परमार्थ परायण जगन्नाथ जगद्धातः पापं प्रशमयाच्युत

brahmaṇyadeva govinda paramārtha parāyaṇa jagannātha jagaddhātaḥ pāpaṃ praśamayācyuta

Sanskrit only: no published translation is held for this verse.

यच् चापराह्ने पूर्वाह्ने मध्याह्ने च तथा निशि कायेन मनसा वाचा कृतं पापम् अजानता

yac cāparāhne pūrvāhne madhyāhne ca tathā niśi kāyena manasā vācā kṛtaṃ pāpam ajānatā

Sanskrit only: no published translation is held for this verse.

जानता वा हृषीकेश पुण्डरीकाक्ष माधव नामत्रयोच्चारणतस् तत् प्रयातु मम क्षयम्

jānatā vā hṛṣīkeśa puṇḍarīkākṣa mādhava nāmatrayoccāraṇatas tat prayātu mama kṣayam

Sanskrit only: no published translation is held for this verse.

शारीरं मे हृषीकेश पुण्डरीकाक्ष मानसम् पापं प्रशमयाद्य त्वं वाक्कृतं मम माधव

śārīraṃ me hṛṣīkeśa puṇḍarīkākṣa mānasam pāpaṃ praśamayādya tvaṃ vākkṛtaṃ mama mādhava

Sanskrit only: no published translation is held for this verse.

यद् व्रजन् यत् स्वपन् भुञ्जन् यद् उत्तिष्ठन् यद् आस्थितः कृतवांश् चापि यच् चाहं कायेन मनसा गिरा

yad vrajan yat svapan bhuñjan yad uttiṣṭhan yad āsthitaḥ kṛtavāṃś cāpi yac cāhaṃ kāyena manasā girā

Sanskrit only: no published translation is held for this verse.

महत् स्वल्पम् अतिस्थूलं कुयोनिनरकावहम् तद् यातु प्रशमं सर्वं वासुदेवस्य कीर्तनात्

mahat svalpam atisthūlaṃ kuyoninarakāvaham tad yātu praśamaṃ sarvaṃ vāsudevasya kīrtanāt

Sanskrit only: no published translation is held for this verse.

परं ब्रह्म परं धाम पवित्रं परमं च यत् तस्मिन् संकीर्तिते विष्णोः पदे पापं प्रणश्यतु

paraṃ brahma paraṃ dhāma pavitraṃ paramaṃ ca yat tasmin saṃkīrtite viṣṇoḥ pade pāpaṃ praṇaśyatu

Sanskrit only: no published translation is held for this verse.

सूरयो यत् प्रवेक्ष्यन्ति ह्य् अपुनर्भवकाङ्क्षिणः ममाखिलं दह त्वं हि तद् विष्णोः परमं पदम्

sūrayo yat pravekṣyanti hy apunarbhavakāṅkṣiṇaḥ mamākhilaṃ daha tvaṃ hi tad viṣṇoḥ paramaṃ padam

Sanskrit only: no published translation is held for this verse.

यत् प्राप्य न निन्वर्तन्ते गन्धस्पर्शादिवर्जितम् पापं प्रणाशयत्व् अद्य तद् विष्णोः परमं पदम्

yat prāpya na ninvartante gandhasparśādivarjitam pāpaṃ praṇāśayatv adya tad viṣṇoḥ paramaṃ padam

Sanskrit only: no published translation is held for this verse.

सदसद् यत् तथा व्यक्ता- व्यक्तरूपम् अजाजरम् प्रणमामि जगद्धाम तद् विष्णोः परमं पदम्

sadasad yat tathā vyaktā- vyaktarūpam ajājaram praṇamāmi jagaddhāma tad viṣṇoḥ paramaṃ padam

Sanskrit only: no published translation is held for this verse.

शारीरे मानसे चैव पापे वाग्जे च पार्थिव कृते सम्यङ् नरो भक्त्या पठेच् छ्रद्धासमन्वितः मुच्यते सर्वपापेभ्यः कृष्णनामप्रकीर्तनात्

śārīre mānase caiva pāpe vāgje ca pārthiva kṛte samyaṅ naro bhaktyā paṭhec chraddhāsamanvitaḥ mucyate sarvapāpebhyaḥ kṛṣṇanāmaprakīrtanāt

Sanskrit only: no published translation is held for this verse.

उच्चार्यमाने चैतस्मिन् देवदेवस्य संस्तवे विलयं पापम् आयाति भाण्डम् आमम् इवाम्भसि

uccāryamāne caitasmin devadevasya saṃstave vilayaṃ pāpam āyāti bhāṇḍam āmam ivāmbhasi

Sanskrit only: no published translation is held for this verse.

तस्मात् संचिन्तिते पापे समनन्तरम् एव ते जप्तव्यम् एतत् पापस्य प्रशमाय महीपते

tasmāt saṃcintite pāpe samanantaram eva te japtavyam etat pāpasya praśamāya mahīpate

Sanskrit only: no published translation is held for this verse.