Visnudharmottara-Purana 2

पुष्कर उवाच- शान्तातीतं गणं हुत्वा शान्तिम् आप्नोति मानवः । भैषज्यं च गणं हुत्वा सर्वान् रोगान् व्यपोहति

puṣkara uvāca- śāntātītaṃ gaṇaṃ hutvā śāntim āpnoti mānavaḥ / bhaiṣajyaṃ ca gaṇaṃ hutvā sarvān rogān vyapohati

Sanskrit only: no published translation is held for this verse.

त्रिषप्तीयं गणं हुत्वा सर्वपापैः प्रमुच्यते । क्वचिन् नाअप्नोति च भयं हुत्वा चैवाभयं गणम्

triṣaptīyaṃ gaṇaṃ hutvā sarvapāpaiḥ pramucyate / kvacin nāapnoti ca bhayaṃ hutvā caivābhayaṃ gaṇam

Sanskrit only: no published translation is held for this verse.

न पराजायते राम गणं हुत्वापराजितम् । आयुष्यं च गणम् हुत्वा चापमृत्यूं व्यपोहति

na parājāyate rāma gaṇaṃ hutvāparājitam / āyuṣyaṃ ca gaṇam hutvā cāpamṛtyūṃ vyapohati

Sanskrit only: no published translation is held for this verse.

स्वस्तिम् आप्नोति सर्वत्र हुत्वा स्वस्त्ययनं गणं । श्रेयसा योगम् आप्नोति शर्मवर्मगणं तथा

svastim āpnoti sarvatra hutvā svastyayanaṃ gaṇaṃ / śreyasā yogam āpnoti śarmavarmagaṇaṃ tathā

Sanskrit only: no published translation is held for this verse.

वास्तोष्पत्यगणं हुत्वा वास्तुदोषान् व्यपोहति । तथा रौद्रगणं हुत्वा सर्वान् दोषान् व्यपोहति ॥ एतैर् दशगणैर् होमो ह्य् अष्टादशसु शान्तिषु

vāstoṣpatyagaṇaṃ hutvā vāstudoṣān vyapohati / tathā raudragaṇaṃ hutvā sarvān doṣān vyapohati // etair daśagaṇair homo hy aṣṭādaśasu śāntiṣu

Sanskrit only: no published translation is held for this verse.

वैष्णवी शान्तिर् ऐन्द्री च ब्राह्मी रौद्री तथैव च । वायव्या वारुणी चैव कौबेरी भार्गवी तथा

vaiṣṇavī śāntir aindrī ca brāhmī raudrī tathaiva ca / vāyavyā vāruṇī caiva kauberī bhārgavī tathā

Sanskrit only: no published translation is held for this verse.

प्राजापत्या तथा त्वाष्ट्री कौमारी वह्निदेवता । मारुद्गणा च गान्धर्वी शान्तैर् नैरृतकी तथा

prājāpatyā tathā tvāṣṭrī kaumārī vahnidevatā / mārudgaṇā ca gāndharvī śāntair nairṛtakī tathā

Sanskrit only: no published translation is held for this verse.

शान्तिर् आङ्गिरसी याम्या पार्थिवी च भृगूत्तम । एतास् तु शान्तयः प्रोक्ताः सर्वकर्महिताः सदा

śāntir āṅgirasī yāmyā pārthivī ca bhṛgūttama / etās tu śāntayaḥ proktāḥ sarvakarmahitāḥ sadā

Sanskrit only: no published translation is held for this verse.

यस् त्वा मृत्युर् इति ह्य् एतज् जप्तं मृत्युविनाशनं । हुत्वा च मातृनामानि कामान् एवम् अवाप्नुयात्

yas tvā mṛtyur iti hy etaj japtaṃ mṛtyuvināśanaṃ / hutvā ca mātṛnāmāni kāmān evam avāpnuyāt

Sanskrit only: no published translation is held for this verse.

यस्येदं भूम्याम् इति च भूमिकामो जपेत् सदा

yasyedaṃ bhūmyām iti ca bhūmikāmo japet sadā

Sanskrit only: no published translation is held for this verse.

पृथिव्याम् उत्तमो ऽसीति हुतं श्रैष्ठ्यप्रदं सदा । औदुम्बरं यो न इति तथा वीर्यविवर्धनम्

pṛthivyām uttamo 'sīti hutaṃ śraiṣṭhyapradaṃ sadā / audumbaraṃ yo na iti tathā vīryavivardhanam

Sanskrit only: no published translation is held for this verse.

इन्द्रेण दत्तम् इत्य् एतत् सर्वबाधाविनाशनम् । हिरण्यवर्णा इति च स्नानं पापहरं भवेत्

indreṇa dattam ity etat sarvabādhāvināśanam / hiraṇyavarṇā iti ca snānaṃ pāpaharaṃ bhavet

Sanskrit only: no published translation is held for this verse.

असितस्येति सर्वाणि विषघ्नानि भृगूत्तम । सरस्वतीति मन्त्रांश् च विषघ्नान् निर्विशेद् बुधः

asitasyeti sarvāṇi viṣaghnāni bhṛgūttama / sarasvatīti mantrāṃś ca viṣaghnān nirviśed budhaḥ

Sanskrit only: no published translation is held for this verse.

शरभादीनि सर्वाणि पिशाचक्षपणानि च । इमा देवीति मन्त्रश् च सर्वशान्तिकरः परः

śarabhādīni sarvāṇi piśācakṣapaṇāni ca / imā devīti mantraś ca sarvaśāntikaraḥ paraḥ

Sanskrit only: no published translation is held for this verse.

देवा मरुत इत्य् एतत् सर्वकामकरं भवेत् । यमस्य लोकाद् इत्य् एतद् दुःस्वप्नशमनं परं

devā maruta ity etat sarvakāmakaraṃ bhavet / yamasya lokād ity etad duḥsvapnaśamanaṃ paraṃ

Sanskrit only: no published translation is held for this verse.

अग्नेर् व इति चाप्य् एतत् कथितं मन्युनाशनम् । ऊर्ध्वो भवति विज्ञेयः कृत्वा स्थानकरः परः

agner va iti cāpy etat kathitaṃ manyunāśanam / ūrdhvo bhavati vijñeyaḥ kṛtvā sthānakaraḥ paraḥ

Sanskrit only: no published translation is held for this verse.

कामो मे राज्ञ इत्य् एतत् स्त्रीणां सौभाग्यवर्धनम्

kāmo me rājña ity etat strīṇāṃ saubhāgyavardhanam

Sanskrit only: no published translation is held for this verse.

भद्राय कर्णम् इत्य् एतत् कर्णप्रस्यन्दने जपेत् । भद्रास्य् अक्षिरोधे जाता कर्णप्रस्यन्दने तथा

bhadrāya karṇam ity etat karṇaprasyandane japet / bhadrāsy akṣirodhe jātā karṇaprasyandane tathā

Sanskrit only: no published translation is held for this verse.

तुब्यम् एव जरिमन्न् आयुष्यं तु हुतं भवेत् । आयातु मित्र इत्य् एतन् मित्रलब्धिकरं हुतम्

tubyam eva jarimann āyuṣyaṃ tu hutaṃ bhavet / āyātu mitra ity etan mitralabdhikaraṃ hutam

Sanskrit only: no published translation is held for this verse.

आशासानम् इदं जना मिश्रधान्येन होमयेत् । आधिपत्यम् अवाप्नोति सर्वत्र मनुजोत्तम

āśāsānam idaṃ janā miśradhānyena homayet / ādhipatyam avāpnoti sarvatra manujottama

Sanskrit only: no published translation is held for this verse.

अग्ने गोभिर् न इत्य् एतद् गवां वृद्धिकरं परम् । द्वादशाहं तु जुहुयात् पराकेण विशेषतः

agne gobhir na ity etad gavāṃ vṛddhikaraṃ param / dvādaśāhaṃ tu juhuyāt parākeṇa viśeṣataḥ

Sanskrit only: no published translation is held for this verse.

शान्तो अग्निर् इतीत्य् एतद् ग्रामस्वास्थ्यकरं भवेत् । तस्माद् ग्रामान् मृदा कृत्वा वेदिसाम्यं समश्नुते

śānto agnir itīty etad grāmasvāsthyakaraṃ bhavet / tasmād grāmān mṛdā kṛtvā vedisāmyaṃ samaśnute

Sanskrit only: no published translation is held for this verse.

विद्मास्य सर्वा चित्तानि राष्ट्रस्वीकरणानि तु । त्रिभ्यो रुद्रेभ्य इत्य् एतद् वास्तोष्पतम् उदाहृतम्

vidmāsya sarvā cittāni rāṣṭrasvīkaraṇāni tu / tribhyo rudrebhya ity etad vāstoṣpatam udāhṛtam

Sanskrit only: no published translation is held for this verse.

ध्रुवं ध्रुवेणेति हुतं स्थानलाभकरं भवेत् । अच्युता द्यौस् तथा राम कथितं स्थानलाभदम्

dhruvaṃ dhruveṇeti hutaṃ sthānalābhakaraṃ bhavet / acyutā dyaus tathā rāma kathitaṃ sthānalābhadam

Sanskrit only: no published translation is held for this verse.

पयो देवेष्व् इति हुतं रायस्पोषकरं परम् । युनक्रसीरेति शुना कृषिलाभकरं भवेत्

payo deveṣv iti hutaṃ rāyaspoṣakaraṃ param / yunakrasīreti śunā kṛṣilābhakaraṃ bhavet

Sanskrit only: no published translation is held for this verse.

अयं ते योनिर् इत्य् एतत् पुत्रलाभकरं भवेत् । शुनं वत्सान् तथा ह्य् एतद् गवां वृद्धिकरं हुतम्

ayaṃ te yonir ity etat putralābhakaraṃ bhavet / śunaṃ vatsān tathā hy etad gavāṃ vṛddhikaraṃ hutam

Sanskrit only: no published translation is held for this verse.

॥। मेति कथितं सर्वत्श्रैष्ठ्यकारकम् । अहं ते भग इत्य् एतद् भवेत् सौभाग्यवर्धनं

... meti kathitaṃ sarvatśraiṣṭhyakārakam / ahaṃ te bhaga ity etad bhavet saubhāgyavardhanaṃ

Sanskrit only: no published translation is held for this verse.

ये ते पाशास् तथाप्य् एतद् बन्धनान् मोक्षकारकम् । यो न स्व इति चाप्य् एतच् छत्रुनाशकरं परम्

ye te pāśās tathāpy etad bandhanān mokṣakārakam / yo na sva iti cāpy etac chatrunāśakaraṃ param

Sanskrit only: no published translation is held for this verse.

सपत्नहनम् इति तथा नात्र कार्या विचारणा । त्वम् उत्तमम् इतीत्य् एतद् यशसो वर्धनं परम्

sapatnahanam iti tathā nātra kāryā vicāraṇā / tvam uttamam itīty etad yaśaso vardhanaṃ param

Sanskrit only: no published translation is held for this verse.

यथा मृगो गोपयसि स्त्रीणां सौभाग्यवर्धनम् । आ नो अग्न इत्य् एतच् च कथितं पतिलाभदम्

yathā mṛgo gopayasi strīṇāṃ saubhāgyavardhanam / ā no agna ity etac ca kathitaṃ patilābhadam

Sanskrit only: no published translation is held for this verse.

येन वेहद् इषं चैव गर्भलाभकरं भवेत् । इमं तपस्विन्न् इति तथा भवेत् सौभाग्यवर्धनम्

yena vehad iṣaṃ caiva garbhalābhakaraṃ bhavet / imaṃ tapasvinn iti tathā bhavet saubhāgyavardhanam

Sanskrit only: no published translation is held for this verse.

कृत्वा तु शंसनं ज्ञेयं नात्र कार्या विचारणा

kṛtvā tu śaṃsanaṃ jñeyaṃ nātra kāryā vicāraṇā

Sanskrit only: no published translation is held for this verse.

॥॥॥ । शिवः शिवाभिर् इत्य् एतद् भवेच् छ्रेयस्^करं परम्

...... / śivaḥ śivābhir ity etad bhavec chreyas^karaṃ param

Sanskrit only: no published translation is held for this verse.

कृत्यादूषण इत्य् एतत् कृत्यादूषणम् उच्यते । बृहस्पतिः परिपातु पथि स्वस्त्ययनं भवेत्

kṛtyādūṣaṇa ity etat kṛtyādūṣaṇam ucyate / bṛhaspatiḥ paripātu pathi svastyayanaṃ bhavet

Sanskrit only: no published translation is held for this verse.

मनो न्व् एदम् अभयदं पथि स्वस्त्ययनं भवेत् । अयं नो अग्निर् अध्यक्षो भवेद् अग्निप्रसादतः

mano nv edam abhayadaṃ pathi svastyayanaṃ bhavet / ayaṃ no agnir adhyakṣo bhaved agniprasādataḥ

Sanskrit only: no published translation is held for this verse.

मन्त्रम् एतज् जपेन् नित्यम् आग्नेयाशामुखः स्थितः ॥ अनग्निज्वलनं कुर्याद् राम संवत्सरे गते

mantram etaj japen nityam āgneyāśāmukhaḥ sthitaḥ // anagnijvalanaṃ kuryād rāma saṃvatsare gate

Sanskrit only: no published translation is held for this verse.

दूष्या दूषीत्त्य् एतज् जपेन् मन्त्रम् अनुत्तमम् । कुर्यात् प्रतिसराबन्धं सर्वदोषनिबर्हणम्

dūṣyā dūṣītty etaj japen mantram anuttamam / kuryāt pratisarābandhaṃ sarvadoṣanibarhaṇam

Sanskrit only: no published translation is held for this verse.

प्राणसूक्तञ् च कथितं तथा प्राणविवर्धनम् । मुञ्चामि त्वेति कथितम् अपमृत्युविमोक्षणम्

prāṇasūktañ ca kathitaṃ tathā prāṇavivardhanam / muñcāmi tveti kathitam apamṛtyuvimokṣaṇam

Sanskrit only: no published translation is held for this verse.

अथर्वशिरसो ऽध्येता सर्वपापैः प्रमुच्यते । परमं पावनं तद् धि सर्वकल्मषनाशनम्

atharvaśiraso 'dhyetā sarvapāpaiḥ pramucyate / paramaṃ pāvanaṃ tad dhi sarvakalmaṣanāśanam

Sanskrit only: no published translation is held for this verse.

एवम् एते शुभा मन्त्राः प्रतिवेदं मया तव । समासात् कथिता राम समुद्धृत्य प्रधानतः

evam ete śubhā mantrāḥ prativedaṃ mayā tava / samāsāt kathitā rāma samuddhṛtya pradhānataḥ

Sanskrit only: no published translation is held for this verse.

कथिता भृगुशार्दूल पुराणैः सुमहात्मभिः

kathitā bhṛguśārdūla purāṇaiḥ sumahātmabhiḥ

Sanskrit only: no published translation is held for this verse.

न ते शक्या महाभाग वक्तुं वर्षशतैर् अपि । प्राधान्येन तु मन्त्राणां किञ्चित् कर्म तवेरितम्

na te śakyā mahābhāga vaktuṃ varṣaśatair api / prādhānyena tu mantrāṇāṃ kiñcit karma taveritam

Sanskrit only: no published translation is held for this verse.

होमे यत्र न निर्दिष्टं मया द्रव्यं पुरा तव । हवींषि तत्र वक्ष्यामि तानि मे गदतः शृणु

home yatra na nirdiṣṭaṃ mayā dravyaṃ purā tava / havīṃṣi tatra vakṣyāmi tāni me gadataḥ śṛṇu

Sanskrit only: no published translation is held for this verse.

वृक्षाणां यज्ञियानान् तु समिधः प्रथमं हविः । आज्यञ् च व्रीहयश् चैव तथा वै गौरसर्षपाः

vṛkṣāṇāṃ yajñiyānān tu samidhaḥ prathamaṃ haviḥ / ājyañ ca vrīhayaś caiva tathā vai gaurasarṣapāḥ

Sanskrit only: no published translation is held for this verse.

अक्षतानि तिलाश् चैव दधि क्षीरञ् च भार्गव । दर्भास् तथैव दूर्वाश् च बिल्वानि कमलानि च

akṣatāni tilāś caiva dadhi kṣīrañ ca bhārgava / darbhās tathaiva dūrvāś ca bilvāni kamalāni ca

Sanskrit only: no published translation is held for this verse.

शान्तिपुष्टिकराण्य् आहुर् द्रव्याण्य् एतानि भार्गव । तैलेन्धनानि धर्मज्ञ राजिकां रुधिरं विषम् । समिधः कण्टकोपेता अभिचारेषु योजयेत्

śāntipuṣṭikarāṇy āhur dravyāṇy etāni bhārgava / tailendhanāni dharmajña rājikāṃ rudhiraṃ viṣam / samidhaḥ kaṇṭakopetā abhicāreṣu yojayet

Sanskrit only: no published translation is held for this verse.

आर्षं वै दैवतं छन्दस् त्व् अविज्ञाय भृगूत्तम । मन्त्रस्य तेन मन्त्रेण जप्यहोमौ न कारयेत्

ārṣaṃ vai daivataṃ chandas tv avijñāya bhṛgūttama / mantrasya tena mantreṇa japyahomau na kārayet

Sanskrit only: no published translation is held for this verse.

छन्दसि ब्राह्मणे सूक्ते यद् अव्यक्तं प्रदृश्यते । विद्वद्भिः सह निश्चित्य तद् यज्ञम् अवतारयेत्

chandasi brāhmaṇe sūkte yad avyaktaṃ pradṛśyate / vidvadbhiḥ saha niścitya tad yajñam avatārayet

Sanskrit only: no published translation is held for this verse.

सम्भारा ये यथा यत्र यानि द्रव्याणि यो विधिः । शाखां प्रति तथा तत्र तत् प्रमाणम् इति स्थितिः

sambhārā ye yathā yatra yāni dravyāṇi yo vidhiḥ / śākhāṃ prati tathā tatra tat pramāṇam iti sthitiḥ

Sanskrit only: no published translation is held for this verse.

यः स्वसूत्रम् अतिक्रम्य परसूत्रेण वर्तते । अप्रमाणम् ऋषिं कृत्वा सो ऽप्य् अधर्मेण युज्यते

yaḥ svasūtram atikramya parasūtreṇa vartate / apramāṇam ṛṣiṃ kṛtvā so 'py adharmeṇa yujyate

Sanskrit only: no published translation is held for this verse.

तस्मात् सर्वप्रयत्नेन स्वसूत्रं न विलङ्घयेत् । प्राक्तन्त्रोत्तरतन्त्रे द्वे स्वशाखाप्रत्यये द्विज । सर्वकर्मसु कर्तव्ये मध्ये कर्म विधीयते

tasmāt sarvaprayatnena svasūtraṃ na vilaṅghayet / prāktantrottaratantre dve svaśākhāpratyaye dvija / sarvakarmasu kartavye madhye karma vidhīyate

Sanskrit only: no published translation is held for this verse.

आथर्वणो ऽयं कथितो विधिस् ते संक्षेपतो भार्गवांशमुख्य । अतः परं किं कथयामि तुभ्यं तन् मे वदस्वायतलोहिताक्ष

ātharvaṇo 'yaṃ kathito vidhis te saṃkṣepato bhārgavāṃśamukhya / ataḥ paraṃ kiṃ kathayāmi tubhyaṃ tan me vadasvāyatalohitākṣa

Sanskrit only: no published translation is held for this verse.