Library·Visnu-Smrti (plain text)·100

Visnu-Smrti (plain text) 100

Vi 100.1

धर्मशास्त्रम् इदं श्रेष्ठं स्वयं देवेन भाषितम् । ये द्विजा धारयिष्यन्ति तेषां स्वर्गे गतिः परा

dharmaśāstram idaṃ śreṣṭhaṃ svayaṃ devena bhāṣitam / ye dvijā dhārayiṣyanti teṣāṃ svarge gatiḥ parā

Sanskrit only: no published translation is held for this verse.

Vi 100.2

इदं पवित्रं मङ्गल्यं स्वर्ग्यम् आयुष्यम् एव च । ज्ञानं चैव यशस्यं च धनसौभाग्यवर्धनम्

idaṃ pavitraṃ maṅgalyaṃ svargyam āyuṣyam eva ca / jñānaṃ caiva yaśasyaṃ ca dhanasaubhāgyavardhanam

Sanskrit only: no published translation is held for this verse.

Vi 100.3

अध्येतव्यं धारणीयं श्राव्यं श्रोतव्यम् एव च । श्राद्धेषु श्रावणीयं च भूतिकामैर् नरैः सदा

adhyetavyaṃ dhāraṇīyaṃ śrāvyaṃ śrotavyam eva ca / śrāddheṣu śrāvaṇīyaṃ ca bhūtikāmair naraiḥ sadā

Sanskrit only: no published translation is held for this verse.

Vi 100.4

य इदं पठते नित्यं भूतिकामो नरः सदा । इदं रहस्यं परमं कथितं च धरे तव

ya idaṃ paṭhate nityaṃ bhūtikāmo naraḥ sadā / idaṃ rahasyaṃ paramaṃ kathitaṃ ca dhare tava

Sanskrit only: no published translation is held for this verse.

Vi 100.5

मया प्रसन्नेन जगद्धितार्थं सौभाग्यम् एतत् परमं यशस्यम् । दुःस्वप्ननाशं बहुपुण्ययुक्तं शिवालयं शाश्वतधर्मशास्त्रम्

mayā prasannena jagaddhitārthaṃ saubhāgyam etat paramaṃ yaśasyam / duḥsvapnanāśaṃ bahupuṇyayuktaṃ śivālayaṃ śāśvatadharmaśāstram

Sanskrit only: no published translation is held for this verse.