Visnu-Smrti (plain text) 11

अथाग्निः

athāgniḥ

Sanskrit only: no published translation is held for this verse.

षोडशाङ्गुलं तावद् अन्तरं मण्डलसप्तकं कुर्यात्

ṣoḍaśāṅgulaṃ tāvad antaraṃ maṇḍalasaptakaṃ kuryāt

Sanskrit only: no published translation is held for this verse.

ततः प्राङ्मुखस्य प्रसारितभुजद्वयस्य सप्ताश्वत्थपत्राणि करयोर् दद्यात्

tataḥ prāṅmukhasya prasāritabhujadvayasya saptāśvatthapatrāṇi karayor dadyāt

Sanskrit only: no published translation is held for this verse.

तानि च करद्वयसहितानि सूत्रेण वेष्टयेत्

tāni ca karadvayasahitāni sūtreṇa veṣṭayet

Sanskrit only: no published translation is held for this verse.

ततस् तत्राग्निवर्णं लोहपिण्डं पञ्चाशत्पलिकं समं न्यसेत्

tatas tatrāgnivarṇaṃ lohapiṇḍaṃ pañcāśatpalikaṃ samaṃ nyaset

Sanskrit only: no published translation is held for this verse.

तम् आदाय नातिद्रुतं नातिविलम्बितं मण्डलेषु पादन्यासं कुर्वन् व्रजेत्

tam ādāya nātidrutaṃ nātivilambitaṃ maṇḍaleṣu pādanyāsaṃ kurvan vrajet

Sanskrit only: no published translation is held for this verse.

ततः सप्तमं मण्डलम् अतीत्य भूमौ लोहपिण्डं जह्यात्

tataḥ saptamaṃ maṇḍalam atītya bhūmau lohapiṇḍaṃ jahyāt

Sanskrit only: no published translation is held for this verse.

यो हस्तयोः क्वचिद् दग्धस् तम् अशुद्धं विनिर्दिषेत् । न दग्धः सर्वथा यस् तु स विशुद्धो भवेन् नरः

yo hastayoḥ kvacid dagdhas tam aśuddhaṃ vinirdiṣet / na dagdhaḥ sarvathā yas tu sa viśuddho bhaven naraḥ

Sanskrit only: no published translation is held for this verse.

भयाद् वा पातयेद् यस् तु दग्धो वा न विभाव्यते । पुनस् तं हारयेल् लोहं समयस्याविशोधनात्

bhayād vā pātayed yas tu dagdho vā na vibhāvyate / punas taṃ hārayel lohaṃ samayasyāviśodhanāt

Sanskrit only: no published translation is held for this verse.

करौ विमृदितव्रीहेस् तस्यादाव् एव लक्षयेत् । अभिमन्त्र्यास्य करयोर् लोहपिण्डं ततो न्यसेत्

karau vimṛditavrīhes tasyādāv eva lakṣayet / abhimantryāsya karayor lohapiṇḍaṃ tato nyaset

Sanskrit only: no published translation is held for this verse.

त्वम् अग्ने सर्वभूतानाम् अन्तश् चरसि साक्षिवत् । त्वम् एवाग्ने विजानीषे न विदुर् यानि मानवाः

tvam agne sarvabhūtānām antaś carasi sākṣivat / tvam evāgne vijānīṣe na vidur yāni mānavāḥ

Sanskrit only: no published translation is held for this verse.

व्यवहाराभिशस्तो ऽयं मानुषः शुद्धिम् इच्छति । तद् एनं संशयाद् अस्माद् धर्मतस् त्रातुम् अर्हसि

vyavahārābhiśasto 'yaṃ mānuṣaḥ śuddhim icchati / tad enaṃ saṃśayād asmād dharmatas trātum arhasi

Sanskrit only: no published translation is held for this verse.