Visnu-Smrti (plain text) 21

अथाशौचव्यपगमे सुस्नातः सुप्रक्षालितपाणिपादः स्वाचान्तस् त्व् एवंविधान् एव ब्राह्मणान् यथाशक्ति उदङ्मुखान् गन्धमाल्यवस्त्रालंकारादिभिः पूजितान् भोजयेत्

athāśaucavyapagame susnātaḥ suprakṣālitapāṇipādaḥ svācāntas tv evaṃvidhān eva brāhmaṇān yathāśakti udaṅmukhān gandhamālyavastrālaṃkārādibhiḥ pūjitān bhojayet

Sanskrit only: no published translation is held for this verse.

एकवन्मन्त्रान् ऊहेद् एकोद्दिष्टे

ekavanmantrān ūhed ekoddiṣṭe

Sanskrit only: no published translation is held for this verse.

उच्छिष्टसंनिधाव् एकम् एव तन्नामगोत्राभ्यां पिण्डं निर्वपेत्

ucchiṣṭasaṃnidhāv ekam eva tannāmagotrābhyāṃ piṇḍaṃ nirvapet

Sanskrit only: no published translation is held for this verse.

भुक्तवत्सु ब्राह्मणेषु दक्षिणयाभिपूजितेषु प्रेतनामगोत्राभ्यां दत्ताक्षय्योदकः चतुरङ्गुलपृथ्वीः तावदन्तराः तावदधःखाताः वितस्त्यायताः तिस्रः कर्षूः कुर्यात्

bhuktavatsu brāhmaṇeṣu dakṣiṇayābhipūjiteṣu pretanāmagotrābhyāṃ dattākṣayyodakaḥ caturaṅgulapṛthvīḥ tāvadantarāḥ tāvadadhaḥkhātāḥ vitastyāyatāḥ tisraḥ karṣūḥ kuryāt

Sanskrit only: no published translation is held for this verse.

कर्षूसमीपे चाग्नित्रयम् उपसमाधाय परिस्तीर्य तत्रैकैकस्मिन् आहुतित्रयं जुहुयात्

karṣūsamīpe cāgnitrayam upasamādhāya paristīrya tatraikaikasmin āhutitrayaṃ juhuyāt

Sanskrit only: no published translation is held for this verse.

सोमाय पितृमते स्वधा नमः

somāya pitṛmate svadhā namaḥ

Sanskrit only: no published translation is held for this verse.

अग्नये कव्यवाहनाय स्वथा नमः

agnaye kavyavāhanāya svathā namaḥ

Sanskrit only: no published translation is held for this verse.

यमायाङ्गिरसे स्वधा नमः

yamāyāṅgirase svadhā namaḥ

Sanskrit only: no published translation is held for this verse.

स्थानत्रये च प्राग्वत् पिण्डनिर्वपणं कुर्यात्

sthānatraye ca prāgvat piṇḍanirvapaṇaṃ kuryāt

Sanskrit only: no published translation is held for this verse.

अन्नदधिघृतमधुमांसैः कर्षूत्रयं पूरयित्वा एतत् त इति जपेत्

annadadhighṛtamadhumāṃsaiḥ karṣūtrayaṃ pūrayitvā etat ta iti japet

Sanskrit only: no published translation is held for this verse.

एवं मृताहे प्रतिमासं कुर्यात्

evaṃ mṛtāhe pratimāsaṃ kuryāt

Sanskrit only: no published translation is held for this verse.

संवत्सरान्ते प्रेताय तत्पित्रे तत्पितामहाय तत्प्रपितामहाय च ब्राह्मणान् देवपूर्वान् भोजयेत्

saṃvatsarānte pretāya tatpitre tatpitāmahāya tatprapitāmahāya ca brāhmaṇān devapūrvān bhojayet

Sanskrit only: no published translation is held for this verse.

अत्राग्नौकरणम् आवाहनं पाद्यं च कुर्यात्

atrāgnaukaraṇam āvāhanaṃ pādyaṃ ca kuryāt

Sanskrit only: no published translation is held for this verse.

संसृजतु त्वा पृथिवी समानी च इति च प्रेतपाद्यपात्रे पितृपाद्यपात्रत्रये योजयेत्

saṃsṛjatu tvā pṛthivī samānī ca iti ca pretapādyapātre pitṛpādyapātratraye yojayet

Sanskrit only: no published translation is held for this verse.

उच्छिष्टसंनिधौ पिण्डचतुष्टयं कुर्यात्

ucchiṣṭasaṃnidhau piṇḍacatuṣṭayaṃ kuryāt

Sanskrit only: no published translation is held for this verse.

ब्राह्मणांश् च स्वाचान्तान् दत्तदक्षिणांश् चानुव्रज्य विसर्जयेत्

brāhmaṇāṃś ca svācāntān dattadakṣiṇāṃś cānuvrajya visarjayet

Sanskrit only: no published translation is held for this verse.

ततः प्रेतपिण्डं पाद्यपात्रोदकवत् पिण्डत्रये निदध्यात्

tataḥ pretapiṇḍaṃ pādyapātrodakavat piṇḍatraye nidadhyāt

Sanskrit only: no published translation is held for this verse.

कर्षूत्रयसंनिक्र्षे ऽप्य् एवम् एव

karṣūtrayasaṃnikrṣe 'py evam eva

Sanskrit only: no published translation is held for this verse.

सपिण्डीकरणं मासिकार्थवत् द्वादशाहं श्राद्धं कृत्वा त्रयोदशे ऽह्नि वा कुर्यात्

sapiṇḍīkaraṇaṃ māsikārthavat dvādaśāhaṃ śrāddhaṃ kṛtvā trayodaśe 'hni vā kuryāt

Sanskrit only: no published translation is held for this verse.

मन्त्रवर्जं हि शूद्राणां द्वादशे ऽह्नि

mantravarjaṃ hi śūdrāṇāṃ dvādaśe 'hni

Sanskrit only: no published translation is held for this verse.

संवत्सराभ्यन्तरे यद्य् अधिमासो भवेत्, तदा मासिकार्थे दिनम् एकं वर्धयेत्

saṃvatsarābhyantare yady adhimāso bhavet, tadā māsikārthe dinam ekaṃ vardhayet

Sanskrit only: no published translation is held for this verse.

सपिण्डीकरणं स्त्रीणां कार्यम् एवं तथा भवेत् । यावज् जीवं तथा कुर्याच् छ्राद्धं तु प्रतिवत्सरम्

sapiṇḍīkaraṇaṃ strīṇāṃ kāryam evaṃ tathā bhavet / yāvaj jīvaṃ tathā kuryāc chrāddhaṃ tu prativatsaram

Sanskrit only: no published translation is held for this verse.

अर्वाक् सपिण्डीकरणं यस्य संवत्सरात् कृतं । तस्याप्य् अन्नं सोदकुम्भं दद्याद् वर्षं द्विजन्मने

arvāk sapiṇḍīkaraṇaṃ yasya saṃvatsarāt kṛtaṃ / tasyāpy annaṃ sodakumbhaṃ dadyād varṣaṃ dvijanmane

Sanskrit only: no published translation is held for this verse.