Visnu-Smrti (plain text) 29

यस् तूपनीय व्रतादेशं कृत्वा वेदम् अध्यापयेत् तम् आचार्यं विद्यात्

yas tūpanīya vratādeśaṃ kṛtvā vedam adhyāpayet tam ācāryaṃ vidyāt

Sanskrit only: no published translation is held for this verse.

यस् त्व् एनं मूल्येनाध्यापयेत् तम् उपाध्यायम् एकदेशं वा

yas tv enaṃ mūlyenādhyāpayet tam upādhyāyam ekadeśaṃ vā

Sanskrit only: no published translation is held for this verse.

यो यस्य यज्ञ्नकर्माणि कुर्यात् तम् ऋत्विजं विद्यात्

yo yasya yajñnakarmāṇi kuryāt tam ṛtvijaṃ vidyāt

Sanskrit only: no published translation is held for this verse.

नापरीक्षितं योजयेत्

nāparīkṣitaṃ yojayet

Sanskrit only: no published translation is held for this verse.

नाध्यापयेत्

nādhyāpayet

Sanskrit only: no published translation is held for this verse.

नोपनयेत्

nopanayet

Sanskrit only: no published translation is held for this verse.

अधर्मेण च यः प्राह यश् चाधर्मेण पृच्छति । तयोर् अन्यतरः प्रैति विद्वेषं वाधिगच्छति

adharmeṇa ca yaḥ prāha yaś cādharmeṇa pṛcchati / tayor anyataraḥ praiti vidveṣaṃ vādhigacchati

Sanskrit only: no published translation is held for this verse.

धर्मार्थौ यत्र न स्यातां शुश्रूषा वापि तद्विधा । तत्र विद्या न वक्तव्या शुभं बीजम् इवोषरे

dharmārthau yatra na syātāṃ śuśrūṣā vāpi tadvidhā / tatra vidyā na vaktavyā śubhaṃ bījam ivoṣare

Sanskrit only: no published translation is held for this verse.

विद्या ह वै ब्रह्मणम् आजगाम गोपाय मा शेवधिष्टे ऽहम् अस्ति । असूयकायानृजवे ऽयताय न मां ब्रूया अवीर्यवती तथा स्याम्

vidyā ha vai brahmaṇam ājagāma gopāya mā śevadhiṣṭe 'ham asti / asūyakāyānṛjave 'yatāya na māṃ brūyā avīryavatī tathā syām

Sanskrit only: no published translation is held for this verse.

यम् एव विद्याः शुचिम् अप्रमत्तं मेधाविनं ब्रह्मचर्योपपन्नम् । यस् ते न द्रुह्येत् कतमच् च नाह तस्मै मां ब्रूया निधिपाय ब्रह्मन्

yam eva vidyāḥ śucim apramattaṃ medhāvinaṃ brahmacaryopapannam / yas te na druhyet katamac ca nāha tasmai māṃ brūyā nidhipāya brahman

Sanskrit only: no published translation is held for this verse.