Visnu-Smrti (plain text) 30

श्रावण्यां प्रौष्ठपद्यां वा छन्दांस्य् उपाकृत्यार्धपञ्चमान् मासान् अधीयीत

śrāvaṇyāṃ prauṣṭhapadyāṃ vā chandāṃsy upākṛtyārdhapañcamān māsān adhīyīta

Sanskrit only: no published translation is held for this verse.

ततस् तेषाम् उत्सर्गं बहिः कुर्यात्

tatas teṣām utsargaṃ bahiḥ kuryāt

Sanskrit only: no published translation is held for this verse.

उत्सर्जनोपाकर्मणोर् मध्ये वेदाङ्गाध्ययनं कुर्यात्

utsarjanopākarmaṇor madhye vedāṅgādhyayanaṃ kuryāt

Sanskrit only: no published translation is held for this verse.

नाधीयीताहोरात्रं चतुर्दश्यष्टमीषु च

nādhīyītāhorātraṃ caturdaśyaṣṭamīṣu ca

Sanskrit only: no published translation is held for this verse.

न+ऋत्वन्तरग्रहसूतके

na+ṛtvantaragrahasūtake

Sanskrit only: no published translation is held for this verse.

नेन्द्रप्रयाणे

nendraprayāṇe

Sanskrit only: no published translation is held for this verse.

न वाति चण्डपवने

na vāti caṇḍapavane

Sanskrit only: no published translation is held for this verse.

नाकालवर्षविद्युत्स्तनितेषु

nākālavarṣavidyutstaniteṣu

Sanskrit only: no published translation is held for this verse.

न भूकंपोल्कापातदिग्दाहेषु

na bhūkaṃpolkāpātadigdāheṣu

Sanskrit only: no published translation is held for this verse.

नान्तःशवे ग्रामे

nāntaḥśave grāme

Sanskrit only: no published translation is held for this verse.

न शास्त्रसंपाते

na śāstrasaṃpāte

Sanskrit only: no published translation is held for this verse.

न श्वसृगालगर्दभनिर्ह्रादेषु

na śvasṛgālagardabhanirhrādeṣu

Sanskrit only: no published translation is held for this verse.

न वादित्रशब्दे

na vāditraśabde

Sanskrit only: no published translation is held for this verse.

न शूद्रपतितयोः समीपे

na śūdrapatitayoḥ samīpe

Sanskrit only: no published translation is held for this verse.

न देवतायतनश्मशानचतुष्पथरथ्यासु

na devatāyatanaśmaśānacatuṣpatharathyāsu

Sanskrit only: no published translation is held for this verse.

नोदकान्तः

nodakāntaḥ

Sanskrit only: no published translation is held for this verse.

न पीठोपहितपादः

na pīṭhopahitapādaḥ

Sanskrit only: no published translation is held for this verse.

न हस्त्यश्वोष्ट्रनौगोयानेषु

na hastyaśvoṣṭranaugoyāneṣu

Sanskrit only: no published translation is held for this verse.

न वान्तः

na vāntaḥ

Sanskrit only: no published translation is held for this verse.

न विरिक्तः

na viriktaḥ

Sanskrit only: no published translation is held for this verse.

नाजीर्णी

nājīrṇī

Sanskrit only: no published translation is held for this verse.

न पञ्चनखान्तरागमने

na pañcanakhāntarāgamane

Sanskrit only: no published translation is held for this verse.

न राजश्रोत्रियगोब्राह्मणव्यसने

na rājaśrotriyagobrāhmaṇavyasane

Sanskrit only: no published translation is held for this verse.

नोपाकर्मणि

nopākarmaṇi

Sanskrit only: no published translation is held for this verse.

नोत्सर्गे

notsarge

Sanskrit only: no published translation is held for this verse.

न सामध्वनाव् ऋग्यजुषी

na sāmadhvanāv ṛgyajuṣī

Sanskrit only: no published translation is held for this verse.

नापररात्रम् अधीत्य शयीत

nāpararātram adhītya śayīta

Sanskrit only: no published translation is held for this verse.

अभियुक्तो ऽप्य् अनध्यायेष्व् अध्ययनं परिहरेत्

abhiyukto 'py anadhyāyeṣv adhyayanaṃ pariharet

Sanskrit only: no published translation is held for this verse.

यस्माद् अनध्यायाधीतं नेहामुत्र फलप्रदम्

yasmād anadhyāyādhītaṃ nehāmutra phalapradam

Sanskrit only: no published translation is held for this verse.

तदध्ययनेनायुषः क्षयो गुरुशिष्ययोश् च

tadadhyayanenāyuṣaḥ kṣayo guruśiṣyayoś ca

Sanskrit only: no published translation is held for this verse.

तस्माद् अनध्यायवर्जं गुरुणा ब्रह्मलोककामेन विद्या सत्शिष्यक्षेत्रेषु वप्तव्या

tasmād anadhyāyavarjaṃ guruṇā brahmalokakāmena vidyā satśiṣyakṣetreṣu vaptavyā

Sanskrit only: no published translation is held for this verse.

शिष्येण ब्रह्मारम्भावसानयोर् गुरोः पादोपसंग्रहणं कार्यम्

śiṣyeṇa brahmārambhāvasānayor guroḥ pādopasaṃgrahaṇaṃ kāryam

Sanskrit only: no published translation is held for this verse.

प्रणवश् च व्याहर्तव्यः

praṇavaś ca vyāhartavyaḥ

Sanskrit only: no published translation is held for this verse.

तत्र च यद् ऋचो ऽधीते तेनास्याज्येन पितॄणां तृप्तिर् भवति

tatra ca yad ṛco 'dhīte tenāsyājyena pitṝṇāṃ tṛptir bhavati

Sanskrit only: no published translation is held for this verse.

यद् यजूंषि तेन मधुना

yad yajūṃṣi tena madhunā

Sanskrit only: no published translation is held for this verse.

यत् सामानि तेन पयसा

yat sāmāni tena payasā

Sanskrit only: no published translation is held for this verse.

यद् आथर्वणं तेन मांसेन

yad ātharvaṇaṃ tena māṃsena

Sanskrit only: no published translation is held for this verse.

यत् पुराणेतिहासवेदाङ्गधर्मशास्त्राण्य् अधीते तेनास्यान्नेन

yat purāṇetihāsavedāṅgadharmaśāstrāṇy adhīte tenāsyānnena

Sanskrit only: no published translation is held for this verse.

यश् च विद्याम् आसाद्यास्मिन् लोके तया जीवेत्, न सा तस्य परलोके फलप्रदा भवेत्

yaś ca vidyām āsādyāsmin loke tayā jīvet, na sā tasya paraloke phalapradā bhavet

Sanskrit only: no published translation is held for this verse.

यश् च विद्यया यशः परेषां हन्ति

yaś ca vidyayā yaśaḥ pareṣāṃ hanti

Sanskrit only: no published translation is held for this verse.

अननुज्ञातश् चान्यस्माद् अधीयानान् न विद्याम् आदद्यात्

ananujñātaś cānyasmād adhīyānān na vidyām ādadyāt

Sanskrit only: no published translation is held for this verse.

तदादानम् अस्य ब्रह्मस्तेयं नरकाय भवति

tadādānam asya brahmasteyaṃ narakāya bhavati

Sanskrit only: no published translation is held for this verse.

लौकिकं वैदिकं वापि तथाध्यात्मिकम् एव वा । आददीत यतो ज्ञानं न तं द्रुह्येत् कदाचन

laukikaṃ vaidikaṃ vāpi tathādhyātmikam eva vā / ādadīta yato jñānaṃ na taṃ druhyet kadācana

Sanskrit only: no published translation is held for this verse.

उत्पादकब्रह्मदात्रोर् गरीयान् ब्रह्मदः पिता । ब्रह्मजन्म हि विप्रस्य प्रेत्य चेह च शाश्वतम्

utpādakabrahmadātror garīyān brahmadaḥ pitā / brahmajanma hi viprasya pretya ceha ca śāśvatam

Sanskrit only: no published translation is held for this verse.

कामान् माता पिता चैनं यद् उत्पादयतो मिथः । संभूतिं तस्य तां विद्याद् यद् योनाव् इह जायते

kāmān mātā pitā cainaṃ yad utpādayato mithaḥ / saṃbhūtiṃ tasya tāṃ vidyād yad yonāv iha jāyate

Sanskrit only: no published translation is held for this verse.

आचार्यस् त्व् अस्य यां जातिं विधिवद् वेदपारगः । उत्पादयति सावित्र्या सा सत्या साजरामरा

ācāryas tv asya yāṃ jātiṃ vidhivad vedapāragaḥ / utpādayati sāvitryā sā satyā sājarāmarā

Sanskrit only: no published translation is held for this verse.

य आवृणोत्य् अवितथेन कर्णाव् अदुःखं कुर्वन्न् अमृतं संप्रयच्छन् । तं मन्येत पितरं मातरं च तस्मै न द्रुह्येत् कृतम् अस्य जानन्

ya āvṛṇoty avitathena karṇāv aduḥkhaṃ kurvann amṛtaṃ saṃprayacchan / taṃ manyeta pitaraṃ mātaraṃ ca tasmai na druhyet kṛtam asya jānan

Sanskrit only: no published translation is held for this verse.