Visnu-Smrti (plain text) 31

त्रयः पुरुषस्यातिगुरवो भवन्ति

trayaḥ puruṣasyātiguravo bhavanti

Sanskrit only: no published translation is held for this verse.

माता पिता आचार्यश् च

mātā pitā ācāryaś ca

Sanskrit only: no published translation is held for this verse.

तेषां नित्यम् एव शुश्रूषुणा भवितव्यम्

teṣāṃ nityam eva śuśrūṣuṇā bhavitavyam

Sanskrit only: no published translation is held for this verse.

यत् ते ब्रूयुस् तत् कुर्यात्

yat te brūyus tat kuryāt

Sanskrit only: no published translation is held for this verse.

तेषां प्रियहितम् आचरेत्

teṣāṃ priyahitam ācaret

Sanskrit only: no published translation is held for this verse.

न तैर् अननुज्ञातः किंचिद् अपि कुर्यात्

na tair ananujñātaḥ kiṃcid api kuryāt

Sanskrit only: no published translation is held for this verse.

एत एव त्रयो वेदा एत एव त्रयः सुराः । एत एव त्रयो लोका एत एव त्रयो ऽग्नयः

eta eva trayo vedā eta eva trayaḥ surāḥ / eta eva trayo lokā eta eva trayo 'gnayaḥ

Sanskrit only: no published translation is held for this verse.

पिता गार्हप्त्यो ऽग्निः दक्षिनाग्निर् माता गुरुर् आहवनीयः

pitā gārhaptyo 'gniḥ dakṣināgnir mātā gurur āhavanīyaḥ

Sanskrit only: no published translation is held for this verse.

सर्वे तस्यादृता धर्मा यस्यैते त्रय आदृताः । अनादृत्यास् तु यस्यैते सर्वास् तस्याफलाः क्रियाः

sarve tasyādṛtā dharmā yasyaite traya ādṛtāḥ / anādṛtyās tu yasyaite sarvās tasyāphalāḥ kriyāḥ

Sanskrit only: no published translation is held for this verse.

इमं लोकं मातृभक्त्या पितृभक्त्या तु मध्यमम् । गुरुशुश्रूषया त्व् एव ब्रह्मलोकं समाश्नुते

imaṃ lokaṃ mātṛbhaktyā pitṛbhaktyā tu madhyamam / guruśuśrūṣayā tv eva brahmalokaṃ samāśnute

Sanskrit only: no published translation is held for this verse.