Visnu-Smrti (plain text) 46

अथ कृच्छ्राणि भवन्ति

atha kṛcchrāṇi bhavanti

Sanskrit only: no published translation is held for this verse.

त्र्यहं नाश्नीयात्

tryahaṃ nāśnīyāt

Sanskrit only: no published translation is held for this verse.

प्रत्यहं च त्रिषवणं स्नानम् आचरेत्

pratyahaṃ ca triṣavaṇaṃ snānam ācaret

Sanskrit only: no published translation is held for this verse.

त्रिः प्रतिस्नानम् अप्सु मज्जनम्

triḥ pratisnānam apsu majjanam

Sanskrit only: no published translation is held for this verse.

मग्नस् त्रिर् अघमर्षणं जपेत्

magnas trir aghamarṣaṇaṃ japet

Sanskrit only: no published translation is held for this verse.

दिवा स्थितस् तिष्ठेत्

divā sthitas tiṣṭhet

Sanskrit only: no published translation is held for this verse.

रात्राव् आसीनः

rātrāv āsīnaḥ

Sanskrit only: no published translation is held for this verse.

कर्मणो ऽन्ते पयस्विनीं दद्यात्

karmaṇo 'nte payasvinīṃ dadyāt

Sanskrit only: no published translation is held for this verse.

इत्य् अघ्मर्षणम्

ity aghmarṣaṇam

Sanskrit only: no published translation is held for this verse.

त्र्यहं सायं त्र्यहं प्रातस् त्र्यहम् अयाचितम् अश्नीयात् । एष प्राजापत्यः

tryahaṃ sāyaṃ tryahaṃ prātas tryaham ayācitam aśnīyāt / eṣa prājāpatyaḥ

Sanskrit only: no published translation is held for this verse.

त्र्यहम् उष्णाः पिबेद् अपस् त्र्यहम् उष्णं घृतं त्र्यहम् उष्णं पयस् त्र्यहं च नाश्नीयाद् एष तप्तकृच्छ्रः

tryaham uṣṇāḥ pibed apas tryaham uṣṇaṃ ghṛtaṃ tryaham uṣṇaṃ payas tryahaṃ ca nāśnīyād eṣa taptakṛcchraḥ

Sanskrit only: no published translation is held for this verse.

एतैर् एव शीतैः शीतकृच्छ्रः

etair eva śītaiḥ śītakṛcchraḥ

Sanskrit only: no published translation is held for this verse.

कृच्छ्रातिकृच्छ्रः पयसा दिवसैकविंशतिक्षपणम्

kṛcchrātikṛcchraḥ payasā divasaikaviṃśatikṣapaṇam

Sanskrit only: no published translation is held for this verse.

उदकसक्तूनां मासाभ्यवहारेणोदककृच्छ्रः

udakasaktūnāṃ māsābhyavahāreṇodakakṛcchraḥ

Sanskrit only: no published translation is held for this verse.

बिसाभ्यवहारेण मूलकृच्छ्रः

bisābhyavahāreṇa mūlakṛcchraḥ

Sanskrit only: no published translation is held for this verse.

बिल्वाभ्यवहारेण श्रीफलकृच्छ्रः

bilvābhyavahāreṇa śrīphalakṛcchraḥ

Sanskrit only: no published translation is held for this verse.

पद्माक्षैर् वा

padmākṣair vā

Sanskrit only: no published translation is held for this verse.

निराहारस्य द्वादशाहेन पराकः

nirāhārasya dvādaśāhena parākaḥ

Sanskrit only: no published translation is held for this verse.

गोमूत्रं गोमयं क्षीरं दधि सर्पिः कुशोदकान्य् एकदिवसम् अश्नीयात् । द्वितीयम् उपवसेत् । एतत् सांतपनम्

gomūtraṃ gomayaṃ kṣīraṃ dadhi sarpiḥ kuśodakāny ekadivasam aśnīyāt / dvitīyam upavaset / etat sāṃtapanam

Sanskrit only: no published translation is held for this verse.

गोमूत्रादिभिः प्रत्यहम् अभ्यस्तैर् महासांतपनम्

gomūtrādibhiḥ pratyaham abhyastair mahāsāṃtapanam

Sanskrit only: no published translation is held for this verse.

त्र्यहाभ्यस्तैश् चातिसांतपनम्

tryahābhyastaiś cātisāṃtapanam

Sanskrit only: no published translation is held for this verse.

पिण्याकाचामतक्रोदकसक्तूनाम् उपवासान्तरितो ऽभ्यवहारस् तुलापुरुषः

piṇyākācāmatakrodakasaktūnām upavāsāntarito 'bhyavahāras tulāpuruṣaḥ

Sanskrit only: no published translation is held for this verse.

कुशपलाशोदुम्बरपद्मशङ्खपुष्पीवटब्राह्मीसुवर्चलापत्रैः क्वथितस्याम्भसः प्रत्येकं पानेन पर्णकृच्छ्रः

kuśapalāśodumbarapadmaśaṅkhapuṣpīvaṭabrāhmīsuvarcalāpatraiḥ kvathitasyāmbhasaḥ pratyekaṃ pānena parṇakṛcchraḥ

Sanskrit only: no published translation is held for this verse.

कृच्छ्राण्य् एतानि सर्वाणि कुर्वीत कृतवापनः । नित्यं त्रिषवणस्नायी अधःशायी जितेन्द्रियः

kṛcchrāṇy etāni sarvāṇi kurvīta kṛtavāpanaḥ / nityaṃ triṣavaṇasnāyī adhaḥśāyī jitendriyaḥ

Sanskrit only: no published translation is held for this verse.

स्त्रीशूद्रपतितानां च वर्जयेच् चातिभाषणम् । पवित्राणि जपेन् नित्यं जुहुयाच् चैव शक्तितः

strīśūdrapatitānāṃ ca varjayec cātibhāṣaṇam / pavitrāṇi japen nityaṃ juhuyāc caiva śaktitaḥ

Sanskrit only: no published translation is held for this verse.