Visnu-Smrti (plain text) 49

मार्गशीर्षशुक्लैकादश्याम् उपोषितो द्वादश्यां भगवन्तं श्रीवासुदेवम् अर्चयेत्

mārgaśīrṣaśuklaikādaśyām upoṣito dvādaśyāṃ bhagavantaṃ śrīvāsudevam arcayet

Sanskrit only: no published translation is held for this verse.

पुष्पधूपानुलेपनदीपनैवेद्यैः वह्निब्राह्मणतर्पणैश् च

puṣpadhūpānulepanadīpanaivedyaiḥ vahnibrāhmaṇatarpaṇaiś ca

Sanskrit only: no published translation is held for this verse.

व्रतम् एतत् संवत्सरं कृत्वा पापेभ्यः पूतो भवति

vratam etat saṃvatsaraṃ kṛtvā pāpebhyaḥ pūto bhavati

Sanskrit only: no published translation is held for this verse.

यावज् जीवं कृत्वा श्वेतद्वीपम् आप्नोति

yāvaj jīvaṃ kṛtvā śvetadvīpam āpnoti

Sanskrit only: no published translation is held for this verse.

उभयपक्षद्वादशीष्व् एवं संवत्सरेण स्वर्गलोकम् आप्नोति

ubhayapakṣadvādaśīṣv evaṃ saṃvatsareṇa svargalokam āpnoti

Sanskrit only: no published translation is held for this verse.

यावज् जीवं कृत्वा विष्णुलोकम्

yāvaj jīvaṃ kṛtvā viṣṇulokam

Sanskrit only: no published translation is held for this verse.

एवम् एव पञ्चदशीष्व् अपि

evam eva pañcadaśīṣv api

Sanskrit only: no published translation is held for this verse.

ब्रह्मभूतम् अमावास्यां पौर्णमास्यां तथैव च । योगभूतं परिचरन् केशवं महद् आप्नुयात्

brahmabhūtam amāvāsyāṃ paurṇamāsyāṃ tathaiva ca / yogabhūtaṃ paricaran keśavaṃ mahad āpnuyāt

Sanskrit only: no published translation is held for this verse.

दृश्येते सहितौ यस्यां दिवि चन्द्रबृहस्पती । पौर्णमासी तु महती प्रोक्ता संवत्सरे तु सा

dṛśyete sahitau yasyāṃ divi candrabṛhaspatī / paurṇamāsī tu mahatī proktā saṃvatsare tu sā

Sanskrit only: no published translation is held for this verse.

तस्यां दानोपवासाद्यम् अक्षयं परिकीर्तितम् । तथैव द्वादशी शुक्ला या स्याच् छ्रवणसंयुता

tasyāṃ dānopavāsādyam akṣayaṃ parikīrtitam / tathaiva dvādaśī śuklā yā syāc chravaṇasaṃyutā

Sanskrit only: no published translation is held for this verse.