सुरापः सर्वकर्मवर्जितः कणान् वर्षम् अश्नीयात्
surāpaḥ sarvakarmavarjitaḥ kaṇān varṣam aśnīyāt
Sanskrit only: no published translation is held for this verse.
Library·Visnu-Smrti (plain text)·51
Visnu-Smrti (plain text) 51
मलानां मद्यानां चान्यतमस्य प्राशने चान्द्रायणं कुर्यात्
malānāṃ madyānāṃ cānyatamasya prāśane cāndrāyaṇaṃ kuryāt
Sanskrit only: no published translation is held for this verse.
लशुनपलाण्डुगृञ्जनैतद्गन्धिविड्वराहग्रामकुक्कुटवानरगोमांसभक्षणे च
laśunapalāṇḍugṛñjanaitadgandhiviḍvarāhagrāmakukkuṭavānaragomāṃsabhakṣaṇe ca
Sanskrit only: no published translation is held for this verse.
सर्वेष्व् एतेषु द्विजानां प्रायश्चित्तान्ते भूयः संस्कारं कुर्यात्
sarveṣv eteṣu dvijānāṃ prāyaścittānte bhūyaḥ saṃskāraṃ kuryāt
Sanskrit only: no published translation is held for this verse.
वपनमेखलादण्डभैक्ष्यचर्याव्रतानि पुनःसंस्कारकर्मणि वर्जनीयानि
vapanamekhalādaṇḍabhaikṣyacaryāvratāni punaḥsaṃskārakarmaṇi varjanīyāni
Sanskrit only: no published translation is held for this verse.
शशकशल्यकगोधाखड्गकूर्मवर्जं पञ्चनखमांसाशने सप्तरात्रम् उपवसेत्
śaśakaśalyakagodhākhaḍgakūrmavarjaṃ pañcanakhamāṃsāśane saptarātram upavaset
Sanskrit only: no published translation is held for this verse.
गणगणिकास्तेनगायनान्नानि भुक्त्वा सप्तरात्रं पयसा वर्तेत
gaṇagaṇikāstenagāyanānnāni bhuktvā saptarātraṃ payasā varteta
Sanskrit only: no published translation is held for this verse.
तक्षकान्नं चर्मकर्तुश् च
takṣakānnaṃ carmakartuś ca
Sanskrit only: no published translation is held for this verse.
वार्धुषिककदर्यदीक्षितबद्धनिगडाभिशस्तषण्ढानां च
vārdhuṣikakadaryadīkṣitabaddhanigaḍābhiśastaṣaṇḍhānāṃ ca
Sanskrit only: no published translation is held for this verse.
पुंश्चलीदाम्भिकचिकित्सकलुब्धकक्रूरोग्रोच्छिष्टभोजिनां च
puṃścalīdāmbhikacikitsakalubdhakakrūrogrocchiṣṭabhojināṃ ca
Sanskrit only: no published translation is held for this verse.
अवीरस्त्री सुवर्णकारसपत्नपतितानां च
avīrastrī suvarṇakārasapatnapatitānāṃ ca
Sanskrit only: no published translation is held for this verse.
पिशुनानृतवादिक्षतधर्मात्मरसविक्रयिणां च
piśunānṛtavādikṣatadharmātmarasavikrayiṇāṃ ca
Sanskrit only: no published translation is held for this verse.
शैलूषतन्तुवायकृतघ्नरजकानां च
śailūṣatantuvāyakṛtaghnarajakānāṃ ca
Sanskrit only: no published translation is held for this verse.
कर्मकारनिषादरङ्गावतारिवैणशस्त्रविक्रयिणां च
karmakāraniṣādaraṅgāvatārivaiṇaśastravikrayiṇāṃ ca
Sanskrit only: no published translation is held for this verse.
श्वजीविशौण्डिकतैलिकचैलनिर्णेजकानां च
śvajīviśauṇḍikatailikacailanirṇejakānāṃ ca
Sanskrit only: no published translation is held for this verse.
रजस्वलासहोपपतिवेश्मानां च
rajasvalāsahopapativeśmānāṃ ca
Sanskrit only: no published translation is held for this verse.
भ्रूणघ्नावेक्षितम् उदक्यासंस्पृष्टं पतत्रिणावलीढं शुना संस्पृष्टं गवाघ्रातं च
bhrūṇaghnāvekṣitam udakyāsaṃspṛṣṭaṃ patatriṇāvalīḍhaṃ śunā saṃspṛṣṭaṃ gavāghrātaṃ ca
Sanskrit only: no published translation is held for this verse.
कामतः पदा स्पृष्टम् अवक्षुतम्
kāmataḥ padā spṛṣṭam avakṣutam
Sanskrit only: no published translation is held for this verse.
मत्तक्रुद्धातुराणां च
mattakruddhāturāṇāṃ ca
Sanskrit only: no published translation is held for this verse.
अनर्चितं वृथा मांसं च
anarcitaṃ vṛthā māṃsaṃ ca
Sanskrit only: no published translation is held for this verse.
पाठीनरोहितराजीवसिंहतुण्डशकुलवर्जं सर्वमत्स्यमांसाशने त्रिरात्रम् उपवसेत्
pāṭhīnarohitarājīvasiṃhatuṇḍaśakulavarjaṃ sarvamatsyamāṃsāśane trirātram upavaset
Sanskrit only: no published translation is held for this verse.
सर्वजलजमांसाशने च
sarvajalajamāṃsāśane ca
Sanskrit only: no published translation is held for this verse.
आपः सुराभाण्डस्थाः पीत्वा सप्तरात्रं शङ्खपुष्पीशृतं पयः पिबेत्
āpaḥ surābhāṇḍasthāḥ pītvā saptarātraṃ śaṅkhapuṣpīśṛtaṃ payaḥ pibet
Sanskrit only: no published translation is held for this verse.
मद्यभाण्डस्थाश् च पञ्चरात्रम्
madyabhāṇḍasthāś ca pañcarātram
Sanskrit only: no published translation is held for this verse.
सोमपः सुरापस्याघ्राय गन्धम् उदकमग्नस् त्रिर् अघमर्षणं जप्त्वा घृतप्राशनम् आचरेत्
somapaḥ surāpasyāghrāya gandham udakamagnas trir aghamarṣaṇaṃ japtvā ghṛtaprāśanam ācaret
Sanskrit only: no published translation is held for this verse.
खरोष्ट्रकाकमांसाशने चान्द्रायणं कुर्यात्
kharoṣṭrakākamāṃsāśane cāndrāyaṇaṃ kuryāt
Sanskrit only: no published translation is held for this verse.
प्राश्याज्ञातं सूनास्थं शुष्कमांसं च
prāśyājñātaṃ sūnāsthaṃ śuṣkamāṃsaṃ ca
Sanskrit only: no published translation is held for this verse.
क्रव्यादमृगपक्षिमांसाशने तप्तकृच्छ्रम्
kravyādamṛgapakṣimāṃsāśane taptakṛcchram
Sanskrit only: no published translation is held for this verse.
कलविङ्कप्लवचक्रवाकहंसरज्जुदालसारसदात्यूहशुकसारिकाबकबलाकाकोकिलखञ्जरीटाशने त्रिरात्रम् उपवसेत्
kalaviṅkaplavacakravākahaṃsarajjudālasārasadātyūhaśukasārikābakabalākākokilakhañjarīṭāśane trirātram upavaset
Sanskrit only: no published translation is held for this verse.
एकशफोभयदन्ताशने च
ekaśaphobhayadantāśane ca
Sanskrit only: no published translation is held for this verse.
तित्तिरिकपिञ्जललावकवर्तिकामयूरवर्जं सर्वपक्षिमांसाशने चाहोरात्रम्
tittirikapiñjalalāvakavartikāmayūravarjaṃ sarvapakṣimāṃsāśane cāhorātram
Sanskrit only: no published translation is held for this verse.
कीटाशने दिनम् एकं ब्रह्मसुवर्चलां पिबेत्
kīṭāśane dinam ekaṃ brahmasuvarcalāṃ pibet
Sanskrit only: no published translation is held for this verse.
शुनां मांसाशने च
śunāṃ māṃsāśane ca
Sanskrit only: no published translation is held for this verse.
छत्राककवकाशने सांतपनम्
chatrākakavakāśane sāṃtapanam
Sanskrit only: no published translation is held for this verse.
यवगोधूमपयोविकारं स्नेहाक्तं शुक्तं खाण्डवं च वर्जयित्वा यत् पर्युषितं तत् प्राश्योपवसेत्
yavagodhūmapayovikāraṃ snehāktaṃ śuktaṃ khāṇḍavaṃ ca varjayitvā yat paryuṣitaṃ tat prāśyopavaset
Sanskrit only: no published translation is held for this verse.
व्रश्चनामेध्यप्रभवान् लोहितांश् च वृक्षनिर्यासान्
vraścanāmedhyaprabhavān lohitāṃś ca vṛkṣaniryāsān
Sanskrit only: no published translation is held for this verse.
शालूकवृथाकृसरसंयावपायसापूपशष्कुलीदेवान्नानि हवींषि च
śālūkavṛthākṛsarasaṃyāvapāyasāpūpaśaṣkulīdevānnāni havīṃṣi ca
Sanskrit only: no published translation is held for this verse.
गोअजामहिषीवर्जं सर्वपयांसि च
goajāmahiṣīvarjaṃ sarvapayāṃsi ca
Sanskrit only: no published translation is held for this verse.
अनिर्दशाहानि तान्य् अपि
anirdaśāhāni tāny api
Sanskrit only: no published translation is held for this verse.
स्यन्दिनीसन्धिनीविवत्साक्षीरं च
syandinīsandhinīvivatsākṣīraṃ ca
Sanskrit only: no published translation is held for this verse.
अमेध्यभुजश् च
amedhyabhujaś ca
Sanskrit only: no published translation is held for this verse.
दधिवर्जं केवलानि च शुक्तानि
dadhivarjaṃ kevalāni ca śuktāni
Sanskrit only: no published translation is held for this verse.
ब्रह्मचर्याश्रमी श्राद्धभोजने त्रिरात्रम् उपवसेत्
brahmacaryāśramī śrāddhabhojane trirātram upavaset
Sanskrit only: no published translation is held for this verse.
दिनम् एकं चोदके वसेत्
dinam ekaṃ codake vaset
Sanskrit only: no published translation is held for this verse.
मधुमांसाशने प्राजापत्यम्
madhumāṃsāśane prājāpatyam
Sanskrit only: no published translation is held for this verse.
बिडालकाकनकुलाखूच्छिष्टभक्षणे ब्रह्मसुवर्चलां पिबेत्
biḍālakākanakulākhūcchiṣṭabhakṣaṇe brahmasuvarcalāṃ pibet
Sanskrit only: no published translation is held for this verse.
श्वोच्छिष्टाशने दिनम् एकम् उपोषितः पञ्चगव्यं पिबेत्
śvocchiṣṭāśane dinam ekam upoṣitaḥ pañcagavyaṃ pibet
Sanskrit only: no published translation is held for this verse.
पञ्चनखविण्मूत्राशने सप्तरात्रम्
pañcanakhaviṇmūtrāśane saptarātram
Sanskrit only: no published translation is held for this verse.
आमश्राद्धाशने त्रिरात्रं पयसा वर्तेत
āmaśrāddhāśane trirātraṃ payasā varteta
Sanskrit only: no published translation is held for this verse.
ब्राह्मणः शूद्रोच्छिष्टाशने सप्तरात्रम्
brāhmaṇaḥ śūdrocchiṣṭāśane saptarātram
Sanskrit only: no published translation is held for this verse.
वैश्योच्छिष्टाशने पञ्चरात्रम्
vaiśyocchiṣṭāśane pañcarātram
Sanskrit only: no published translation is held for this verse.
राजन्योच्छिष्टाशने त्रिरात्रम्
rājanyocchiṣṭāśane trirātram
Sanskrit only: no published translation is held for this verse.
ब्राह्मणोच्छिष्टाशने त्व् एकाहम्
brāhmaṇocchiṣṭāśane tv ekāham
Sanskrit only: no published translation is held for this verse.
राजन्यः शूद्रोच्छिष्टाशी पञ्चरात्रम्
rājanyaḥ śūdrocchiṣṭāśī pañcarātram
Sanskrit only: no published translation is held for this verse.
वैश्योच्छिष्टाशी त्रिरात्रम्
vaiśyocchiṣṭāśī trirātram
Sanskrit only: no published translation is held for this verse.
वैश्यः शूद्रोच्छिष्टाशी च
vaiśyaḥ śūdrocchiṣṭāśī ca
Sanskrit only: no published translation is held for this verse.
चण्डालान्नं भुक्त्वा त्रिरात्रम् उपवसेत्
caṇḍālānnaṃ bhuktvā trirātram upavaset
Sanskrit only: no published translation is held for this verse.
सिद्धं भुक्त्वा पराकः
siddhaṃ bhuktvā parākaḥ
Sanskrit only: no published translation is held for this verse.
असंस्कृतान् पशून् मन्त्रैर् नाद्याद् विप्रः कथंचन । मन्त्रैस् तु संस्कृतान् अद्याच् छाश्वतं विधिम् आस्थितः
asaṃskṛtān paśūn mantrair nādyād vipraḥ kathaṃcana / mantrais tu saṃskṛtān adyāc chāśvataṃ vidhim āsthitaḥ
Sanskrit only: no published translation is held for this verse.
यावन्ति पशुरोमाणि तावत् कृत्वेह मारणम् । वृथा पशुघ्नः प्राप्नोति प्रेत्य चेह च निष्कृतिम्
yāvanti paśuromāṇi tāvat kṛtveha māraṇam / vṛthā paśughnaḥ prāpnoti pretya ceha ca niṣkṛtim
Sanskrit only: no published translation is held for this verse.
यज्ञार्थं पशवः सृष्टाः स्वयम् एव स्वयंभुवा । यज्ञो हि भूत्यै सर्वस्य तस्माद् यज्ञे वधो ऽवधः
yajñārthaṃ paśavaḥ sṛṣṭāḥ svayam eva svayaṃbhuvā / yajño hi bhūtyai sarvasya tasmād yajñe vadho 'vadhaḥ
Sanskrit only: no published translation is held for this verse.
न तादृशं भवत्य् एनो मृगहन्तुर् धनार्थिनः । यादृशं भवति प्रेत्य वृथा मांसानि खादतः
na tādṛśaṃ bhavaty eno mṛgahantur dhanārthinaḥ / yādṛśaṃ bhavati pretya vṛthā māṃsāni khādataḥ
Sanskrit only: no published translation is held for this verse.
ओषध्यः पशवो वृक्षास् तिर्यञ्चः पक्षिणस् तथा । यज्ञार्थं निधनम् प्राप्ताः प्राप्नुवन्त्य् उच्छ्रितीः पुनः
oṣadhyaḥ paśavo vṛkṣās tiryañcaḥ pakṣiṇas tathā / yajñārthaṃ nidhanam prāptāḥ prāpnuvanty ucchritīḥ punaḥ
Sanskrit only: no published translation is held for this verse.
मधुपर्के च यज्ञे च पितृदैवतकर्मणि । अत्रैव पशवो हिंस्या नान्यत्रेति कथंचन
madhuparke ca yajñe ca pitṛdaivatakarmaṇi / atraiva paśavo hiṃsyā nānyatreti kathaṃcana
Sanskrit only: no published translation is held for this verse.
यज्ञार्थेषु पशून् हिंसन् वेदतत्त्वार्थविद् द्विजः । आत्मानं च पशूंश् चैव गमयत्य् उत्तमां गतिम्
yajñārtheṣu paśūn hiṃsan vedatattvārthavid dvijaḥ / ātmānaṃ ca paśūṃś caiva gamayaty uttamāṃ gatim
Sanskrit only: no published translation is held for this verse.
गृहे गुराव् अरण्ये वा निवसन्न् आत्मवान् द्विजः । नावेदविहितां हिंसाम् आपद्य् अपि समाचरेत्
gṛhe gurāv araṇye vā nivasann ātmavān dvijaḥ / nāvedavihitāṃ hiṃsām āpady api samācaret
Sanskrit only: no published translation is held for this verse.
या वेदविहिता हिंसा नियतास्मिंश् चराचरे । अहिंसाम् एव तां विद्याद् वेदाद् धर्मो हि निर्बभौ
yā vedavihitā hiṃsā niyatāsmiṃś carācare / ahiṃsām eva tāṃ vidyād vedād dharmo hi nirbabhau
Sanskrit only: no published translation is held for this verse.
यो ऽहिंसकानि भूतानि हिनस्त्य् आत्मसुखेच्छया । स जीवंश् च मृतश् चैव न क्वचित् सुखम् एधते
yo 'hiṃsakāni bhūtāni hinasty ātmasukhecchayā / sa jīvaṃś ca mṛtaś caiva na kvacit sukham edhate
Sanskrit only: no published translation is held for this verse.
यो बन्धनवधक्लेशान् प्राणिनां न चिकीर्षति । स सर्वस्य हितप्रेप्सुः सुखम् अत्यन्तम् अश्नुते
yo bandhanavadhakleśān prāṇināṃ na cikīrṣati / sa sarvasya hitaprepsuḥ sukham atyantam aśnute
Sanskrit only: no published translation is held for this verse.
यद् ध्यायति यत् कुरुते रतिं बध्नाति यत्र च । तद् एवाप्नोत्य् अयत्नेन यो हिनस्ति न किंचन
yad dhyāyati yat kurute ratiṃ badhnāti yatra ca / tad evāpnoty ayatnena yo hinasti na kiṃcana
Sanskrit only: no published translation is held for this verse.
नाकृत्वा प्राणिनां हिंसां मांसम् उत्पद्यते क्वचित् । न च प्राणिवधः स्वर्ग्यस् तस्मान् मांसं विवर्जयेत्
nākṛtvā prāṇināṃ hiṃsāṃ māṃsam utpadyate kvacit / na ca prāṇivadhaḥ svargyas tasmān māṃsaṃ vivarjayet
Sanskrit only: no published translation is held for this verse.
समुत्पत्तिं च मांसस्य वधबन्धौ च देहिनाम् । प्रसमीक्ष्य निवर्तेत सर्वमांसस्य भक्षणात्
samutpattiṃ ca māṃsasya vadhabandhau ca dehinām / prasamīkṣya nivarteta sarvamāṃsasya bhakṣaṇāt
Sanskrit only: no published translation is held for this verse.
न भक्षयति यो मांसं विधिं हित्वा पिशाचवत् । स लोके प्रियतां याति व्याधिभिश् च न पीड्यते
na bhakṣayati yo māṃsaṃ vidhiṃ hitvā piśācavat / sa loke priyatāṃ yāti vyādhibhiś ca na pīḍyate
Sanskrit only: no published translation is held for this verse.
अनुमन्ता विशसिता निहन्ता क्रयविक्रयी । संस्कर्ता चोपहर्ता च खादकश् चेति घातकाः
anumantā viśasitā nihantā krayavikrayī / saṃskartā copahartā ca khādakaś ceti ghātakāḥ
Sanskrit only: no published translation is held for this verse.
स्वमांसं परमांसेन यो वर्धयितुम् इच्छति । अनभ्यर्च्य पितॄन् देवान् न ततो ऽन्यो ऽस्त्य् अपुण्यकृत्
svamāṃsaṃ paramāṃsena yo vardhayitum icchati / anabhyarcya pitṝn devān na tato 'nyo 'sty apuṇyakṛt
Sanskrit only: no published translation is held for this verse.
वर्षे वर्षे ऽश्वमेधेन यो यजेत शतं समाः । मांसानि च न खादेद् यस् तयोः पुण्यफलं समम्
varṣe varṣe 'śvamedhena yo yajeta śataṃ samāḥ / māṃsāni ca na khāded yas tayoḥ puṇyaphalaṃ samam
Sanskrit only: no published translation is held for this verse.
फलमूलाशनैर् दिव्यैर् मुन्यन्नानां च भोजनैः । न तत् फलम् अवाप्नोति यन् मांसपरिवर्जनात्
phalamūlāśanair divyair munyannānāṃ ca bhojanaiḥ / na tat phalam avāpnoti yan māṃsaparivarjanāt
Sanskrit only: no published translation is held for this verse.
मां स भक्षयितामुत्र यस्य मांसम् इहाद्म्य् अहम् । एतन् मांसस्य मांसत्वं प्रवदन्ति मनीषिणः
māṃ sa bhakṣayitāmutra yasya māṃsam ihādmy aham / etan māṃsasya māṃsatvaṃ pravadanti manīṣiṇaḥ
Sanskrit only: no published translation is held for this verse.