Visnu-Smrti (plain text) 87

अथ वैशाख्यां पौर्णमास्यां कृष्णाजिनं सखुरं सशृङ्गं सुवर्णशृङ्गं रौप्यखुरं मौक्तिकलाङ्गूलभूषितं कृत्वाविके च वस्त्रे प्रसारयेत्

atha vaiśākhyāṃ paurṇamāsyāṃ kṛṣṇājinaṃ sakhuraṃ saśṛṅgaṃ suvarṇaśṛṅgaṃ raupyakhuraṃ mauktikalāṅgūlabhūṣitaṃ kṛtvāvike ca vastre prasārayet

Sanskrit only: no published translation is held for this verse.

ततस् तिलैः प्रच्छादयेत्

tatas tilaiḥ pracchādayet

Sanskrit only: no published translation is held for this verse.

सुवर्णनाभिं च कुर्यात्

suvarṇanābhiṃ ca kuryāt

Sanskrit only: no published translation is held for this verse.

अहतेन वासोयुगेन प्रच्छादयेत्

ahatena vāsoyugena pracchādayet

Sanskrit only: no published translation is held for this verse.

सर्वगन्धरत्नैश् चालंकृतं कुर्यात्

sarvagandharatnaiś cālaṃkṛtaṃ kuryāt

Sanskrit only: no published translation is held for this verse.

चतसृषु दिक्षु चत्वारि तैजसानि पात्राणि क्षीरदधिमधुघृतपूर्णानि निध्यायाहिताग्नये ब्राह्मणायालंकृताय वासोयुगेन प्रच्छादिताय दद्यात्

catasṛṣu dikṣu catvāri taijasāni pātrāṇi kṣīradadhimadhughṛtapūrṇāni nidhyāyāhitāgnaye brāhmaṇāyālaṃkṛtāya vāsoyugena pracchāditāya dadyāt

Sanskrit only: no published translation is held for this verse.

अत्र च गाथा भवन्ति

atra ca gāthā bhavanti

Sanskrit only: no published translation is held for this verse.

यस् तु कृष्णाजिनं दद्यात् सखुरं शृङ्गसंयुतम् । तिलैः प्रच्छाद्य वासोभिः सर्वरत्नैर् अलंकृतम्

yas tu kṛṣṇājinaṃ dadyāt sakhuraṃ śṛṅgasaṃyutam / tilaiḥ pracchādya vāsobhiḥ sarvaratnair alaṃkṛtam

Sanskrit only: no published translation is held for this verse.

ससमुद्रगुहा तेन सशैलवनकानना । चतुरन्ता भवेद् दत्ता पृथिवी नात्र संशयः

sasamudraguhā tena saśailavanakānanā / caturantā bhaved dattā pṛthivī nātra saṃśayaḥ

Sanskrit only: no published translation is held for this verse.

कृष्णाजिने तिलान् कृत्वा हिरण्यं मधुसर्पिषी । ददाति यस् तु विप्राय सर्वं तरति दुष्कृतम्

kṛṣṇājine tilān kṛtvā hiraṇyaṃ madhusarpiṣī / dadāti yas tu viprāya sarvaṃ tarati duṣkṛtam

Sanskrit only: no published translation is held for this verse.