Library·Visnu-Smrti (plain text)·90
मार्गशीर्षशुक्लपञ्चदश्यां मृगशिरसा युक्तायां चूर्णितलवणस्य सुवर्णनाभं प्रस्थम् एकं चन्द्रोदये ब्राह्मणाय प्रदापयेत्
mārgaśīrṣaśuklapañcadaśyāṃ mṛgaśirasā yuktāyāṃ cūrṇitalavaṇasya suvarṇanābhaṃ prastham ekaṃ candrodaye brāhmaṇāya pradāpayet
Sanskrit only: no published translation is held for this verse.
अनेन कर्मणा रूपसौभाग्यवान् अभिजायते
anena karmaṇā rūpasaubhāgyavān abhijāyate
Sanskrit only: no published translation is held for this verse.
पौषी चेत् पुष्ययुक्ता स्यात्, तस्यां गौरसर्षपकल्कोद्वर्तितशरीरो गव्यघृतपूर्णकुम्भेनाभिषिक्तः सर्वौषधिभिः सर्वगन्धैः सर्वबीजैश् च स्नातो घृतेन भगवन्तं वासुदेवं स्नापयित्वा गन्धपुष्पधूपदीपनैवेद्यादिभिर् अभ्यर्च्य वैष्णवैः शाक्रैर् बार्हस्पत्यैश् च मन्त्रैः पावके हुत्वा ससुवर्णेन घृतेन ब्राह्मणान् स्वस्ति वाचयेत्
pauṣī cet puṣyayuktā syāt, tasyāṃ gaurasarṣapakalkodvartitaśarīro gavyaghṛtapūrṇakumbhenābhiṣiktaḥ sarvauṣadhibhiḥ sarvagandhaiḥ sarvabījaiś ca snāto ghṛtena bhagavantaṃ vāsudevaṃ snāpayitvā gandhapuṣpadhūpadīpanaivedyādibhir abhyarcya vaiṣṇavaiḥ śākrair bārhaspatyaiś ca mantraiḥ pāvake hutvā sasuvarṇena ghṛtena brāhmaṇān svasti vācayet
Sanskrit only: no published translation is held for this verse.
वासोयुगं कर्त्रे दद्यात्
vāsoyugaṃ kartre dadyāt
Sanskrit only: no published translation is held for this verse.
अनेन कर्मणा पुष्यते
anena karmaṇā puṣyate
Sanskrit only: no published translation is held for this verse.
माघी मघायुता चेत्, तस्यां तिलैः श्राद्धं कृत्वा पूतो भवति
māghī maghāyutā cet, tasyāṃ tilaiḥ śrāddhaṃ kṛtvā pūto bhavati
Sanskrit only: no published translation is held for this verse.
फाल्गुनी फल्गुनीयुता चेत्, तस्यां ब्राह्मणाय सुसंस्कृतं स्वास्तीर्णं शयनं निवेद्य भार्यां मनोज्ञां रूपवतीं द्रविणवतीं चाप्नोति
phālgunī phalgunīyutā cet, tasyāṃ brāhmaṇāya susaṃskṛtaṃ svāstīrṇaṃ śayanaṃ nivedya bhāryāṃ manojñāṃ rūpavatīṃ draviṇavatīṃ cāpnoti
Sanskrit only: no published translation is held for this verse.
नार्य् अपि भर्तारम्
nāry api bhartāram
Sanskrit only: no published translation is held for this verse.
चैत्री चित्रायुता चेत्, तस्यां चित्रवस्त्रप्रदानेन सौभाग्यम् आप्नोति
caitrī citrāyutā cet, tasyāṃ citravastrapradānena saubhāgyam āpnoti
Sanskrit only: no published translation is held for this verse.
वैशाखी विशाखायुता चेत्, तस्यां ब्राह्मणसप्तकं क्षौद्रयुक्तैस् तिलैः संतर्प्य धर्मराजानं प्रीणयित्वा पापेभ्यः पूतो भवति
vaiśākhī viśākhāyutā cet, tasyāṃ brāhmaṇasaptakaṃ kṣaudrayuktais tilaiḥ saṃtarpya dharmarājānaṃ prīṇayitvā pāpebhyaḥ pūto bhavati
Sanskrit only: no published translation is held for this verse.
ज्यैष्ठी ज्येष्ठायुता चेत् स्यात्, तस्यां छत्रोपानहप्रदानेन गवाधिपत्यं प्राप्नोति
jyaiṣṭhī jyeṣṭhāyutā cet syāt, tasyāṃ chatropānahapradānena gavādhipatyaṃ prāpnoti
Sanskrit only: no published translation is held for this verse.
आषाढ्याम् आषाढायुक्तायाम् अन्नपानदानेन तद् एवाक्षय्यम् आप्नोति
āṣāḍhyām āṣāḍhāyuktāyām annapānadānena tad evākṣayyam āpnoti
Sanskrit only: no published translation is held for this verse.
श्रावण्यां श्रवणयुक्तायां जलधेनुं सान्नां वासोयुगाच् छादितां दत्त्वा स्वर्गम् आप्नोति
śrāvaṇyāṃ śravaṇayuktāyāṃ jaladhenuṃ sānnāṃ vāsoyugāc chāditāṃ dattvā svargam āpnoti
Sanskrit only: no published translation is held for this verse.
प्रौष्ठपद्यां प्रोष्ठपदायुक्तायां गोदानेन सर्वपापविनिर्मुक्तो भवति
prauṣṭhapadyāṃ proṣṭhapadāyuktāyāṃ godānena sarvapāpavinirmukto bhavati
Sanskrit only: no published translation is held for this verse.
आश्वयुज्याम् अश्विनीगते चन्द्रमसि घृतपूर्णं भाजनं सुवर्णयुतं विप्राय दत्त्वा दीप्ताग्निर् भवति
āśvayujyām aśvinīgate candramasi ghṛtapūrṇaṃ bhājanaṃ suvarṇayutaṃ viprāya dattvā dīptāgnir bhavati
Sanskrit only: no published translation is held for this verse.
कार्त्तिकी कृत्तिकायुता चेत् स्यात्, तस्यां सितम् उक्षाणम् अन्यवर्णं वा शशाङ्कोद्ये सर्वसस्यरत्नगन्धोपेतं दीपमध्ये ब्राह्मणाय दत्त्वा कान्तारभयं न पश्यति
kārttikī kṛttikāyutā cet syāt, tasyāṃ sitam ukṣāṇam anyavarṇaṃ vā śaśāṅkodye sarvasasyaratnagandhopetaṃ dīpamadhye brāhmaṇāya dattvā kāntārabhayaṃ na paśyati
Sanskrit only: no published translation is held for this verse.
वैशाखशुक्लतृतीयायाम् उपोषितो ऽक्षतैः श्रीवासुदेवम् अभ्यर्च्य तान् एव हुत्वा दत्त्वा च सर्वपापेभ्यः पूतो भवति
vaiśākhaśuklatṛtīyāyām upoṣito 'kṣataiḥ śrīvāsudevam abhyarcya tān eva hutvā dattvā ca sarvapāpebhyaḥ pūto bhavati
Sanskrit only: no published translation is held for this verse.
यच् च तस्मिन्न् अहनि प्रयच्छति तद् अक्षय्यताम् आप्नोति
yac ca tasminn ahani prayacchati tad akṣayyatām āpnoti
Sanskrit only: no published translation is held for this verse.
पौष्यां समतीतायां कृष्णपक्षद्वादश्यां सोपवासस् तिलैः स्नातस् तिलोककं दत्त्वा तिलैर् वासुदेवम् अभ्यर्च्य तान् एव हुत्वा दत्त्वा भुक्त्वा च पापेभ्यः पूतो भवति
pauṣyāṃ samatītāyāṃ kṛṣṇapakṣadvādaśyāṃ sopavāsas tilaiḥ snātas tilokakaṃ dattvā tilair vāsudevam abhyarcya tān eva hutvā dattvā bhuktvā ca pāpebhyaḥ pūto bhavati
Sanskrit only: no published translation is held for this verse.
माघ्यां समतीतायां कृष्णद्वादश्यां सोपवासः श्रवणं प्राप्य श्रीवासुदेवाग्रतो महावर्तिद्वयेन दीपद्वयं दद्यात्
māghyāṃ samatītāyāṃ kṛṣṇadvādaśyāṃ sopavāsaḥ śravaṇaṃ prāpya śrīvāsudevāgrato mahāvartidvayena dīpadvayaṃ dadyāt
Sanskrit only: no published translation is held for this verse.
दक्षिणपार्श्वे महारजनरक्तेन समग्रेण वाससा घृततुलाम् अष्टाधिकां दत्त्वा
dakṣiṇapārśve mahārajanaraktena samagreṇa vāsasā ghṛtatulām aṣṭādhikāṃ dattvā
Sanskrit only: no published translation is held for this verse.
वामपार्श्वे तिलतैलयुतां साष्टां दत्त्वा श्वेतेन समग्रेण वाससा
vāmapārśve tilatailayutāṃ sāṣṭāṃ dattvā śvetena samagreṇa vāsasā
Sanskrit only: no published translation is held for this verse.
एतत् कृत्वा यस्मिन् राष्ट्रे ऽभिजायते यस्मिन् देशे यस्मिन् कुले तत्रोज्ज्वलो भवति
etat kṛtvā yasmin rāṣṭre 'bhijāyate yasmin deśe yasmin kule tatrojjvalo bhavati
Sanskrit only: no published translation is held for this verse.
आश्विनं सकलं मासं ब्राह्मणेभ्यः प्रत्यहं घृतं प्रदायाश्विनौ प्रीणयित्वा रूपभाग् भवति
āśvinaṃ sakalaṃ māsaṃ brāhmaṇebhyaḥ pratyahaṃ ghṛtaṃ pradāyāśvinau prīṇayitvā rūpabhāg bhavati
Sanskrit only: no published translation is held for this verse.
तस्मिन्न् एव मासि प्रत्यहं गोरसैर् ब्राह्मणान् भोजयित्वा राज्यभाग् भवति
tasminn eva māsi pratyahaṃ gorasair brāhmaṇān bhojayitvā rājyabhāg bhavati
Sanskrit only: no published translation is held for this verse.
प्रतिमासं रेवतीयुते चन्द्रमसि मधुघृतयुतं पायसं रेवतीप्रीत्यै परमान्नं ब्राह्मणान् भोजयित्वा रेवतीं प्रीणयित्वा रूपस्य भागी भवति
pratimāsaṃ revatīyute candramasi madhughṛtayutaṃ pāyasaṃ revatīprītyai paramānnaṃ brāhmaṇān bhojayitvā revatīṃ prīṇayitvā rūpasya bhāgī bhavati
Sanskrit only: no published translation is held for this verse.
माघे मास्य् अग्निं प्रत्यहं तिलैर् हुत्वा सघृतं कुल्माषं ब्राह्मणान् भोजयित्वा दीप्ताग्निर् भवति
māghe māsy agniṃ pratyahaṃ tilair hutvā saghṛtaṃ kulmāṣaṃ brāhmaṇān bhojayitvā dīptāgnir bhavati
Sanskrit only: no published translation is held for this verse.
सर्वां चतुर्दशीं नदीजले स्नात्वा धर्मराजानं पूजयित्वा सर्वपापेभ्यः पूतो भवति
sarvāṃ caturdaśīṃ nadījale snātvā dharmarājānaṃ pūjayitvā sarvapāpebhyaḥ pūto bhavati
Sanskrit only: no published translation is held for this verse.
यदीच्छेद् विपुलान् भोगांश् चन्द्रसूर्यग्रहोपगान् । प्रातःस्नायी भवेन् नित्यं द्वौ मासौ माघफाल्गुनौ
yadīcched vipulān bhogāṃś candrasūryagrahopagān / prātaḥsnāyī bhaven nityaṃ dvau māsau māghaphālgunau
Sanskrit only: no published translation is held for this verse.