Visnu-Smrti (plain text) 91

Vi 91.1

अथ कूपकर्तुस् तत्प्रवृत्ते पानीये दुष्कृतस्यार्धं विनश्यति

atha kūpakartus tatpravṛtte pānīye duṣkṛtasyārdhaṃ vinaśyati

Sanskrit only: no published translation is held for this verse.

Vi 91.2

तडागकृन् नित्यतृप्तो वारुणं लोकम् अश्नुते

taḍāgakṛn nityatṛpto vāruṇaṃ lokam aśnute

Sanskrit only: no published translation is held for this verse.

Vi 91.3

जलप्रदः सदा तृप्तो भवति

jalapradaḥ sadā tṛpto bhavati

Sanskrit only: no published translation is held for this verse.

Vi 91.4

वृक्षारोपयितुर् वृक्षाः परलोके पुत्रा भवन्ति

vṛkṣāropayitur vṛkṣāḥ paraloke putrā bhavanti

Sanskrit only: no published translation is held for this verse.

Vi 91.5

वृक्षप्रदो वृक्षप्रसूनैर् देवान् प्रीणयति

vṛkṣaprado vṛkṣaprasūnair devān prīṇayati

Sanskrit only: no published translation is held for this verse.

Vi 91.6

फलैश् चातिथीन्

phalaiś cātithīn

Sanskrit only: no published translation is held for this verse.

Vi 91.7

छायया चाभ्यागतान्

chāyayā cābhyāgatān

Sanskrit only: no published translation is held for this verse.

Vi 91.8

देवे वर्षत्य् उदकेन पितॄन्

deve varṣaty udakena pitṝn

Sanskrit only: no published translation is held for this verse.

Vi 91.9

सेतुकृत् स्वर्गम् आप्नोति

setukṛt svargam āpnoti

Sanskrit only: no published translation is held for this verse.

Vi 91.10

देवायतनकारी यस्य देवस्यायतनं करोति तस्यैव लोकम् आप्नोति

devāyatanakārī yasya devasyāyatanaṃ karoti tasyaiva lokam āpnoti

Sanskrit only: no published translation is held for this verse.

Vi 91.11

सुधासिक्तं कृत्वा यशसा विराजते

sudhāsiktaṃ kṛtvā yaśasā virājate

Sanskrit only: no published translation is held for this verse.

Vi 91.12

विचित्रं कृत्वा गन्धर्वलोकम् आप्नोति

vicitraṃ kṛtvā gandharvalokam āpnoti

Sanskrit only: no published translation is held for this verse.

Vi 91.13

पुष्पप्रदानेन श्रीमान् भवति

puṣpapradānena śrīmān bhavati

Sanskrit only: no published translation is held for this verse.

Vi 91.14

अनुलेपनप्रदानेन कीर्तिमान्

anulepanapradānena kīrtimān

Sanskrit only: no published translation is held for this verse.

Vi 91.15

दीपप्रदानेन चक्षुष्मान् सर्वत्रोज्ज्वलश् च

dīpapradānena cakṣuṣmān sarvatrojjvalaś ca

Sanskrit only: no published translation is held for this verse.

Vi 91.16

अन्नप्रदानेन बलवान्

annapradānena balavān

Sanskrit only: no published translation is held for this verse.

Vi 91.17

देवनिर्माल्यापनयनात् गोदानफलम् आप्नोति

devanirmālyāpanayanāt godānaphalam āpnoti

Sanskrit only: no published translation is held for this verse.

Vi 91.18

देवगृहमार्जनात् तदुपलेपनात् ब्राह्मणोच्छिष्टमार्जनात् पादशौचाद् अकल्यपरिचरणाच् च

devagṛhamārjanāt tadupalepanāt brāhmaṇocchiṣṭamārjanāt pādaśaucād akalyaparicaraṇāc ca

Sanskrit only: no published translation is held for this verse.

Vi 91.19

कूपारामतडागेषु देवतायतनेषु च । पुनः संस्कारकर्ता च लभते मौलिकं फलम्

kūpārāmataḍāgeṣu devatāyataneṣu ca / punaḥ saṃskārakartā ca labhate maulikaṃ phalam

Sanskrit only: no published translation is held for this verse.