Library·Viṣṇu Purāṇa·4·4.14
अनमित्रस्य सुतः शिनिर् नामाभवत् । तस्यापि सत्यकः सत्यकात् सात्यकिर् युयुधाननामा । तस्माद् अप्य् असङ्गस् तत्पुत्रश् च तूणिस् तूणेर् युगंधरः । इति शैनेयाः
anamitrasya sutaḥ śinir nāmābhavat | tasyāpi satyakaḥ satyakāt sātyakir yuyudhānanāmā | tasmād apy asaṅgas tatputraś ca tūṇis tūṇer yugaṃdharaḥ | iti śaineyāḥ
Sanskrit only: no published translation is held for this verse.
तस्यापि सत्यकः सत्यकात्सात्यकिर्युयुधानापरनामा
tasyāpi satyakaḥ satyakātsātyakiryuyudhānāparanāmā
Sanskrit only: no published translation is held for this verse.
अनमित्रस्यैवान्वये वृष्णिः । तस्माच् च श्वफल्कस् तत्प्रभावः कथित एव । श्वफल्कस्य कनीयांश् चित्रको नामाभवद् भ्राता । श्वफल्काद् अक्रूरो गान्दिन्याम् अभवत् । तथोपमद्गुर् उपमद्गोर् मृदुरविशारिमेजयगिरिक्षत्रोपक्षत्रशत्रुघ्नारिमर्दनधर्मदृग्दृष्टवर्मगन्धमोजवाहप्रतिवाहाख्याः पुत्राः सुताराख्या च कन्या । देववान् उपदेवश् चाक्रूरपुत्रौ । पृथुविपृथुप्रमुखाश् चित्रकस्य पुत्रा बहवो ऽभवन् कुकुरभजमानशुचिकम्बलबर्हिषाख्यास् तथान्धकस्य चत्वारः पुत्राः
anamitrasyaivānvaye vṛṣṇiḥ | tasmāc ca śvaphalkas tatprabhāvaḥ kathita eva | śvaphalkasya kanīyāṃś citrako nāmābhavad bhrātā | śvaphalkād akrūro gāndinyām abhavat | tathopamadgur upamadgor mṛduraviśārimejayagirikṣatropakṣatraśatrughnārimardanadharmadṛgdṛṣṭavarmagandhamojavāhaprativāhākhyāḥ putrāḥ sutārākhyā ca kanyā | devavān upadevaś cākrūraputrau | pṛthuvipṛthupramukhāś citrakasya putrā bahavo 'bhavan kukurabhajamānaśucikambalabarhiṣākhyās tathāndhakasya catvāraḥ putrāḥ
Sanskrit only: no published translation is held for this verse.
कुकुराद् धृष्टस् तस्माच् च कपोतरोमा ततश् च विलोमा । तस्माद् अपि तुम्बुरुसखा भवसंज्ञश् चन्दनोदकदुन्दुभिः । ततश् चाभिजित् ततः पुनर्वसुः । तस्याप्य् आहुकः पुत्र आहुकी च कन्या
kukurād dhṛṣṭas tasmāc ca kapotaromā tataś ca vilomā | tasmād api tumburusakhā bhavasaṃjñaś candanodakadundubhiḥ | tataś cābhijit tataḥ punarvasuḥ | tasyāpy āhukaḥ putra āhukī ca kanyā
Sanskrit only: no published translation is held for this verse.
आहुकस्य देवकोग्रसेनौ द्वौ पुत्रौ । देववान् उपदेवः सहदेवो देवरक्षितो देवकस्यापि चत्वारः पुत्राः । तेषां च वृकदेवोपदेवा देवरक्षिता श्रीदेवा शान्तिदेवा सहदेवा देवकी च सप्त भगिन्यः । ताश् च सर्वा एव वसुदेव उपयेमे । उग्रसेनस्यापि कंसन्यग्रोधसुनामकङ्कशङ्कुसुभूमिराष्ट्रपालयुद्धमुष्टितुष्टिमत्संज्ञाः पुत्राः । कंसा कंसवती सुतनू राष्ट्रपाली कङ्की च उग्रसेनतनूजाः । भजमानाच् च विदूरथः पुत्रो ऽभवत् । विदूरथाच् छूरः शूराच् छमी शमिनः प्रतिक्षत्रः । तस्मात् स्वयंभोजस् ततश् च हृदिकः
āhukasya devakograsenau dvau putrau | devavān upadevaḥ sahadevo devarakṣito devakasyāpi catvāraḥ putrāḥ | teṣāṃ ca vṛkadevopadevā devarakṣitā śrīdevā śāntidevā sahadevā devakī ca sapta bhaginyaḥ | tāś ca sarvā eva vasudeva upayeme | ugrasenasyāpi kaṃsanyagrodhasunāmakaṅkaśaṅkusubhūmirāṣṭrapālayuddhamuṣṭituṣṭimatsaṃjñāḥ putrāḥ | kaṃsā kaṃsavatī sutanū rāṣṭrapālī kaṅkī ca ugrasenatanūjāḥ | bhajamānāc ca vidūrathaḥ putro 'bhavat | vidūrathāc chūraḥ śūrāc chamī śaminaḥ pratikṣatraḥ | tasmāt svayaṃbhojas tataś ca hṛdikaḥ
Sanskrit only: no published translation is held for this verse.
तस्यापि कृतवर्मशतधनुर्देवमीढुषाख्याः पुत्रा बभूवुः
tasyāpi kṛtavarmaśatadhanurdevamīḍhuṣākhyāḥ putrā babhūvuḥ
Sanskrit only: no published translation is held for this verse.
देवमीढुषस्य शूरस्य मारिषा नाम पत्न्य् अभवत्
devamīḍhuṣasya śūrasya māriṣā nāma patny abhavat
Sanskrit only: no published translation is held for this verse.
तस्यां चासौ दश पुत्रान् अजनयद् वसुदेवपूर्वान् । वसुदेवस्य जातमात्रस्यैव तद्गृहे भगवदंशावतारम् अव्याहतदृष्ट्या पश्यद्भिर् देवैर् दिव्यानकदुन्दुभयश् च वादिताः । ततस् तदैवानकदुन्दुभिसंज्ञाम् अवाप । तस्यापि देवभागदेवश्रवानाधृष्टिकरुन्धकवत्सबालकसृञ्जयश्यामशमीकगण्डूषसंज्ञा नव भ्रातरो बभूवुः । पृथा श्रुतदेवा श्रुतकीर्तिः श्रुतश्रवा राजाधिदेवी च वसुदेवादीनां पञ्च भगिन्यो ऽभवन्
tasyāṃ cāsau daśa putrān ajanayad vasudevapūrvān | vasudevasya jātamātrasyaiva tadgṛhe bhagavadaṃśāvatāram avyāhatadṛṣṭyā paśyadbhir devair divyānakadundubhayaś ca vāditāḥ | tatas tadaivānakadundubhisaṃjñām avāpa | tasyāpi devabhāgadevaśravānādhṛṣṭikarundhakavatsabālakasṛñjayaśyāmaśamīkagaṇḍūṣasaṃjñā nava bhrātaro babhūvuḥ | pṛthā śrutadevā śrutakīrtiḥ śrutaśravā rājādhidevī ca vasudevādīnāṃ pañca bhaginyo 'bhavan
Sanskrit only: no published translation is held for this verse.
शूरस्य कुन्तिर् नाम सखाभवत् । तस्मै चापुत्राय पृथाम् आत्मजां विधिना शूरो दत्तवान् । तां च पाण्डुर् उवाह । तस्यां च धर्मानिलशक्रैर् युधिष्ठिरभीमार्जुनाख्यास् त्रयः पुत्राः समुत्पादिताः । पूर्वम् अनूढायाश् च भगवता भास्वता कानीनः कर्णो नाम पुत्रो ऽजन्यत
śūrasya kuntir nāma sakhābhavat | tasmai cāputrāya pṛthām ātmajāṃ vidhinā śūro dattavān | tāṃ ca pāṇḍur uvāha | tasyāṃ ca dharmānilaśakrair yudhiṣṭhirabhīmārjunākhyās trayaḥ putrāḥ samutpāditāḥ | pūrvam anūḍhāyāś ca bhagavatā bhāsvatā kānīnaḥ karṇo nāma putro 'janyata
Sanskrit only: no published translation is held for this verse.
तस्याश् च सपत्नी माद्री नामाभवत् । नासत्यदस्राभ्यां तस्याम् अपि नकुलसहदेवौ पाण्डोः पुत्रौ जनितौ । श्रुतदेवां तु वृद्धशर्मा नाम कारूश उपयेमे । तस्यां दन्तवक्रो नाम महासुरो जज्ञे । श्रुतकीर्तिम् अपि कैकेयराज उपयेमे । तस्यां संतर्दनादयः कैकेयाः पञ्च पुत्रा बभूवुः । राजाधिदेव्याम् आवन्त्यौ विन्दानुविन्दौ जज्ञाते । श्रुतश्रवसम् अपि चेदिराजो दमघोषनामोपयेमे । तस्यां शिशुपालम् उत्पादयाम् आस । स हि पूर्वम् अप्य् अनाचारविक्रमसंपन्नो दैत्यानाम् आदिपुरुषो हिरण्यकशिपुर् अभूत्
tasyāś ca sapatnī mādrī nāmābhavat | nāsatyadasrābhyāṃ tasyām api nakulasahadevau pāṇḍoḥ putrau janitau | śrutadevāṃ tu vṛddhaśarmā nāma kārūśa upayeme | tasyāṃ dantavakro nāma mahāsuro jajñe | śrutakīrtim api kaikeyarāja upayeme | tasyāṃ saṃtardanādayaḥ kaikeyāḥ pañca putrā babhūvuḥ | rājādhidevyām āvantyau vindānuvindau jajñāte | śrutaśravasam api cedirājo damaghoṣanāmopayeme | tasyāṃ śiśupālam utpādayām āsa | sa hi pūrvam apy anācāravikramasaṃpanno daityānām ādipuruṣo hiraṇyakaśipur abhūt
Sanskrit only: no published translation is held for this verse.
यश् च भगवता सकललोकगुरुणा घातितः । पुनर् अप्य् अक्षतवीर्यशौर्यसंपत्पराक्रमगुणः समाक्रान्तसकलत्रैलोक्येश्वरप्रतापो दशाननो ऽभवत्
yaś ca bhagavatā sakalalokaguruṇā ghātitaḥ | punar apy akṣatavīryaśauryasaṃpatparākramaguṇaḥ samākrāntasakalatrailokyeśvarapratāpo daśānano 'bhavat
Sanskrit only: no published translation is held for this verse.
बहुकालोपभुक्तभगवत्सकाशाद् अवाप्तशरीरपातोद्भवपुण्यफलो ऽथ भगवताएव राघवरूपिणा सो ऽपि निधनम् उपपादितः । चेदिराजदमघोषात्मजश् चेदिपतिः शिशुपालनामाभवत्
bahukālopabhuktabhagavatsakāśād avāptaśarīrapātodbhavapuṇyaphalo 'tha bhagavatāeva rāghavarūpiṇā so 'pi nidhanam upapāditaḥ | cedirājadamaghoṣātmajaś cedipatiḥ śiśupālanāmābhavat
Sanskrit only: no published translation is held for this verse.
शिशुपालत्वे ऽपि भगवतो भूभारावतारणायावतीर्णांशस्य पुण्डरीकनयनाख्यस्योपरि द्वेषानुबन्धम् अतितराञ् चकार । भगवता च निधनम् उपनीतस् तत्रैव परमात्मभूते मनसस् तदेकाग्रतया तत्रैव सायुज्यम् अवाप
śiśupālatve 'pi bhagavato bhūbhārāvatāraṇāyāvatīrṇāṃśasya puṇḍarīkanayanākhyasyopari dveṣānubandham atitarāñ cakāra | bhagavatā ca nidhanam upanītas tatraiva paramātmabhūte manasas tadekāgratayā tatraiva sāyujyam avāpa
Sanskrit only: no published translation is held for this verse.
भगवान् हि प्रसन्नो यथाभिलषितं ददात्य् अप्रसन्नो ऽपि निघ्नन् दिव्यम् अनुपमं स्थानं प्रयच्छतीति
bhagavān hi prasanno yathābhilaṣitaṃ dadāty aprasanno 'pi nighnan divyam anupamaṃ sthānaṃ prayacchatīti
Sanskrit only: no published translation is held for this verse.
तस्याप्याहुकः आहुकी च कन्या
tasyāpyāhukaḥ āhukī ca kanyā
Sanskrit only: no published translation is held for this verse.
आहुकस्य देवकोग्रसेनौ द्वौ पुत्रौ
āhukasya devakograsenau dvau putrau
Sanskrit only: no published translation is held for this verse.
देववानुपदेवः सहदेवो देवरक्षिता च देवकस्य चत्वारः पुत्राः
devavānupadevaḥ sahadevo devarakṣitā ca devakasya catvāraḥ putrāḥ
Sanskrit only: no published translation is held for this verse.
तेषां वृकदेवोपदेवा देवरक्षिता श्रीदेवा शान्तिदेवा सहदेवा देवकी च सप्तभगिन्यः
teṣāṃ vṛkadevopadevā devarakṣitā śrīdevā śāntidevā sahadevā devakī ca saptabhaginyaḥ
Sanskrit only: no published translation is held for this verse.
ताश् च सर्वा वसुदेव उपयेमे
tāś ca sarvā vasudeva upayeme
Sanskrit only: no published translation is held for this verse.
उग्रसेनस्यापि कंसन्यग्रोधसुनामानकाह्वशङ्कुसुभूमिराष्ट्रपालयुद्धतुष्टिसुतुष्टिंमत्संज्ञाः पुत्रा बभूवुः
ugrasenasyāpi kaṃsanyagrodhasunāmānakāhvaśaṅkusubhūmirāṣṭrapālayuddhatuṣṭisutuṣṭiṃmatsaṃjñāḥ putrā babhūvuḥ
Sanskrit only: no published translation is held for this verse.
कंसाकंसवतीसुतनूराष्ट्रपलिकाह्वाश्चोग्रसेनस्य तनूजाः कन्याः
kaṃsākaṃsavatīsutanūrāṣṭrapalikāhvāścograsenasya tanūjāḥ kanyāḥ
Sanskrit only: no published translation is held for this verse.
भजमानाच्च विदूरथः पुत्रो ऽभवत्
bhajamānācca vidūrathaḥ putro 'bhavat
Sanskrit only: no published translation is held for this verse.
विदूरथाच्छूरः शुराच्छमी शमिनः प्रतिक्षत्रः तस्मात्स्वयंभोजः ततश् च हृदिकः
vidūrathācchūraḥ śurācchamī śaminaḥ pratikṣatraḥ tasmātsvayaṃbhojaḥ tataś ca hṛdikaḥ
Sanskrit only: no published translation is held for this verse.
तस्यापि कृतवर्मशतधनुर्दवार्हदेवगर्भाद्याः पुत्रा बभूवुः
tasyāpi kṛtavarmaśatadhanurdavārhadevagarbhādyāḥ putrā babhūvuḥ
Sanskrit only: no published translation is held for this verse.
देवगर्भस्यापि शुरः
devagarbhasyāpi śuraḥ
Sanskrit only: no published translation is held for this verse.
शुरस्यापि मारीषा नाम पत्न्यभवत्
śurasyāpi mārīṣā nāma patnyabhavat
Sanskrit only: no published translation is held for this verse.
तस्यां चासौ दशपुत्रानजनयद्वसुदेवरूर्वान्
tasyāṃ cāsau daśaputrānajanayadvasudevarūrvān
Sanskrit only: no published translation is held for this verse.
वसुदेवस्य जातमात्रस्यैव तद्गृहे भगवदंशावतारमव्याहतदृष्ट्या पश्यद्भिर् देवैर् दिव्यानकदुन्दुभयो वादिताः
vasudevasya jātamātrasyaiva tadgṛhe bhagavadaṃśāvatāramavyāhatadṛṣṭyā paśyadbhir devair divyānakadundubhayo vāditāḥ
Sanskrit only: no published translation is held for this verse.
ततश्चसावानकदुन्दुभिसंज्ञामवाप
tataścasāvānakadundubhisaṃjñāmavāpa
Sanskrit only: no published translation is held for this verse.
तस्य च देवभागदेवश्रवाष्टकककुच्चक्रवत्सधारकसृंजयश्यामशमिकगञ्जूषसंज्ञा नव भ्रतरो ऽभवन्
tasya ca devabhāgadevaśravāṣṭakakakuccakravatsadhārakasṛṃjayaśyāmaśamikagañjūṣasaṃjñā nava bhrataro 'bhavan
Sanskrit only: no published translation is held for this verse.
पृथा श्रुतदेवा श्रुत कीर्तिः श्रुतश्रवा राजाधिदेवी च वसुदेदादीनां पञ्च भगिन्यो ऽभवन्
pṛthā śrutadevā śruta kīrtiḥ śrutaśravā rājādhidevī ca vasudedādīnāṃ pañca bhaginyo 'bhavan
Sanskrit only: no published translation is held for this verse.
शुरस्य कुन्तिर्नाम सखाभवत्
śurasya kuntirnāma sakhābhavat
Sanskrit only: no published translation is held for this verse.
तस्मै चापुत्राय पृथामात्मजां विधिना शुरो दत्तवान्
tasmai cāputrāya pṛthāmātmajāṃ vidhinā śuro dattavān
Sanskrit only: no published translation is held for this verse.
तां च पाण्डुरुवाह
tāṃ ca pāṇḍuruvāha
Sanskrit only: no published translation is held for this verse.
तस्यां च धर्मानिलेन्द्रैर् युधिष्ठरभीमसेनार्जुनाख्यास्त्रयः पुत्राःसमुत्पादिताः
tasyāṃ ca dharmānilendrair yudhiṣṭharabhīmasenārjunākhyāstrayaḥ putrāḥsamutpāditāḥ
Sanskrit only: no published translation is held for this verse.
पूर्वमेवानूढायाश् च भगवता भास्वता कानीनः कर्णो नाम पुत्रो ऽजन्यत
pūrvamevānūḍhāyāś ca bhagavatā bhāsvatā kānīnaḥ karṇo nāma putro 'janyata
Sanskrit only: no published translation is held for this verse.
तस्याश् च सपत्नी माद्री नामाभूत्
tasyāś ca sapatnī mādrī nāmābhūt
Sanskrit only: no published translation is held for this verse.
तस्यां च नासत्यदस्त्राभ्यां नकुलसहदेवौ पाण्डोः पुत्रौ जनितौ
tasyāṃ ca nāsatyadastrābhyāṃ nakulasahadevau pāṇḍoḥ putrau janitau
Sanskrit only: no published translation is held for this verse.
श्रुतदेवां तु वृद्धधर्मा नाम कारूश उवयेमे
śrutadevāṃ tu vṛddhadharmā nāma kārūśa uvayeme
Sanskrit only: no published translation is held for this verse.
तस्याञ्च च दन्तवक्रो नाम महासुरो जज्ञे
tasyāñca ca dantavakro nāma mahāsuro jajñe
Sanskrit only: no published translation is held for this verse.
श्रुतकीर्तिमपि केकयराजा उपयेमे
śrutakīrtimapi kekayarājā upayeme
Sanskrit only: no published translation is held for this verse.
तस्यां च संतर्दनादयः कैकेयाः पञ्च पुत्रा बभूवुः
tasyāṃ ca saṃtardanādayaḥ kaikeyāḥ pañca putrā babhūvuḥ
Sanskrit only: no published translation is held for this verse.
राजाधिदेव्यमावन्त्यौ विन्दानुविन्दौ जज्ञाते
rājādhidevyamāvantyau vindānuvindau jajñāte
Sanskrit only: no published translation is held for this verse.
श्रुतश्रवसमपि चेदिराजो दमघोषनामोपयेमे
śrutaśravasamapi cedirājo damaghoṣanāmopayeme
Sanskrit only: no published translation is held for this verse.
तस्यां च शिशुपालमुत्पादयामास
tasyāṃ ca śiśupālamutpādayāmāsa
Sanskrit only: no published translation is held for this verse.
स वा पूर्वमप्युदारविक्रमो दैत्यानामादिपुरुषो हिरण्यकशिपुरभवत्
sa vā pūrvamapyudāravikramo daityānāmādipuruṣo hiraṇyakaśipurabhavat
Sanskrit only: no published translation is held for this verse.
यश् च भगवता सकललोकगुरुणा नारसिंहेन घातितः
yaś ca bhagavatā sakalalokaguruṇā nārasiṃhena ghātitaḥ
Sanskrit only: no published translation is held for this verse.
पुनरपि अक्षयवीर्यशौर्यसंपत्पराक्रमगुणःसमाक्रान्तसकलत्रैलोकेश्वरप्रभावो दशाननो नामाभूत्
punarapi akṣayavīryaśauryasaṃpatparākramaguṇaḥsamākrāntasakalatrailokeśvaraprabhāvo daśānano nāmābhūt
Sanskrit only: no published translation is held for this verse.
बहुकालोपभुक्तभगवत्सकाशावाप्तशरीरपातोद्भवपुण्यफलो भगवता राघवरूपिणा सो ऽपि निधनमुपपादितः
bahukālopabhuktabhagavatsakāśāvāptaśarīrapātodbhavapuṇyaphalo bhagavatā rāghavarūpiṇā so 'pi nidhanamupapāditaḥ
Sanskrit only: no published translation is held for this verse.
पुनश्चेदिराजस्य दमघोषस्यात्मजः शिशु पालनामाभवत्
punaścedirājasya damaghoṣasyātmajaḥ śiśu pālanāmābhavat
Sanskrit only: no published translation is held for this verse.
शिशुपालत्वेपि भगवतो भूभारावतारणायावतीर्णांशस्य पुण्डरीकनयनाख्यस्योपरि द्वेषानुबन्धमतितराञ्चकार
śiśupālatvepi bhagavato bhūbhārāvatāraṇāyāvatīrṇāṃśasya puṇḍarīkanayanākhyasyopari dveṣānubandhamatitarāñcakāra
Sanskrit only: no published translation is held for this verse.
भगवता च स निधनमुपानीतस्तत्रैव परमात्मभूते मनस एकाग्रतया सायुज्यमवाप
bhagavatā ca sa nidhanamupānītastatraiva paramātmabhūte manasa ekāgratayā sāyujyamavāpa
Sanskrit only: no published translation is held for this verse.
भगवान् यदि प्रसन्नो यथाभिलषितं ददाति तथा अग्रसन्नोपि निघ्नन् दिव्यमनुपमं स्थानं प्रयच्छति
bhagavān yadi prasanno yathābhilaṣitaṃ dadāti tathā agrasannopi nighnan divyamanupamaṃ sthānaṃ prayacchati
Sanskrit only: no published translation is held for this verse.