Viṣṇu Purāṇa 4.24

कलौ ते बीजभूता वै केचित्तिष्ठन्ति वै मुने । यथैव देवापिपुरू सांप्रतं समधिष्ठितौ

kalau te bījabhūtā vai kecittiṣṭhanti vai mune / yathaiva devāpipurū sāṃprataṃ samadhiṣṭhitau

Sanskrit only: no published translation is held for this verse.

एष तूद्देशतो वंशस्तवोक्तो भूभुजां मया । निखिलो गदितुं शक्यो नैष वर्षशतैर् अपि

eṣa tūddeśato vaṃśastavokto bhūbhujāṃ mayā / nikhilo gadituṃ śakyo naiṣa varṣaśatair api

Sanskrit only: no published translation is held for this verse.

एते चान्ये च भूपाला यैर् अत्र क्षितिमण्डले । कृतं ममत्वं मोहान्धैर् नित्यं हेयकलेवरे

ete cānye ca bhūpālā yair atra kṣitimaṇḍale / kṛtaṃ mamatvaṃ mohāndhair nityaṃ heyakalevare

Sanskrit only: no published translation is held for this verse.

कथं ममेयमचला मत्पुत्रस्य कथं मही । मद्वंशस्येतिचिन्तार्ता जग्मुरन्तमिमे नृपाः

kathaṃ mameyamacalā matputrasya kathaṃ mahī / madvaṃśasyeticintārtā jagmurantamime nṛpāḥ

Sanskrit only: no published translation is held for this verse.

तेभ्यः पूर्वतराश्चान्ये तेभ्यस्तेभ्यस् तथा परे । भविष्याश्चैव यास्यन्ति तेषामन्ये च ये ऽप्यनु

tebhyaḥ pūrvatarāścānye tebhyastebhyas tathā pare / bhaviṣyāścaiva yāsyanti teṣāmanye ca ye 'pyanu

Sanskrit only: no published translation is held for this verse.

विलोक्यात्मजयोद्योगं यात्राव्यग्रान्नराधिपान् । पुष्पप्रहासैः शरदि हसंतीव वसुंधरा

vilokyātmajayodyogaṃ yātrāvyagrānnarādhipān / puṣpaprahāsaiḥ śaradi hasaṃtīva vasuṃdharā

Sanskrit only: no published translation is held for this verse.

मैत्रेय पृथिवीगीताञ्छ्लोकांश्चात्र निबोध मे । यानाह धर्मध्वजिने नजकायासितो मुनिः

maitreya pṛthivīgītāñchlokāṃścātra nibodha me / yānāha dharmadhvajine najakāyāsito muniḥ

Sanskrit only: no published translation is held for this verse.

पृथिव्युवाच कथमेष नरेद्राणां मोहो बुद्धिमतामपि । येन केन सधर्माणोप्यतिविश्वस्तचेतसः

pṛthivyuvāca kathameṣa naredrāṇāṃ moho buddhimatāmapi / yena kena sadharmāṇopyativiśvastacetasaḥ

Sanskrit only: no published translation is held for this verse.

पूर्वमात्मजयं कृत्वा जेतुमिच्छन्ति मन्त्रिणः । ततो भृत्यांश् च पौरांश् च जिगीषन्ते तथा रिपून्

pūrvamātmajayaṃ kṛtvā jetumicchanti mantriṇaḥ / tato bhṛtyāṃś ca paurāṃś ca jigīṣante tathā ripūn

Sanskrit only: no published translation is held for this verse.

क्रमेणानेन जेष्यामो वयं पृथ्वीं ससागराम् । इत्यासक्तधियो मृत्युं न पश्यन्त्यविद्वरगम्

krameṇānena jeṣyāmo vayaṃ pṛthvīṃ sasāgarām / ityāsaktadhiyo mṛtyuṃ na paśyantyavidvaragam

Sanskrit only: no published translation is held for this verse.

समुद्रावरणं याति भूमण्डलमथो वशम् । कियदात्मजयस्यैतन्मुक्तिरात्मजयेफलम्

samudrāvaraṇaṃ yāti bhūmaṇḍalamatho vaśam / kiyadātmajayasyaitanmuktirātmajayephalam

Sanskrit only: no published translation is held for this verse.

उत्सृज्य पूर्वजा याता यां नादाय गतः पिता । तां मामतीव मूढत्वाज्जेतुमिच्छन्ति पार्थिवाः

utsṛjya pūrvajā yātā yāṃ nādāya gataḥ pitā / tāṃ māmatīva mūḍhatvājjetumicchanti pārthivāḥ

Sanskrit only: no published translation is held for this verse.

मत्कृते पितृ पुत्राणां भ्रातॄणां चापि विग्रहः । जायतेत्यन्तमोहेन ममत्वादृतचेतसाम्

matkṛte pitṛ putrāṇāṃ bhrātṝṇāṃ cāpi vigrahaḥ / jāyatetyantamohena mamatvādṛtacetasām

Sanskrit only: no published translation is held for this verse.

पृथ्वी ममेयं सकला ममैषा मदन्वयस्यापि च शाश्वतीयम् । योयो मृते ऽन्यत्र बभूव राजा कुबुद्धिरा सीदिति तस्यतस्य

pṛthvī mameyaṃ sakalā mamaiṣā madanvayasyāpi ca śāśvatīyam / yoyo mṛte 'nyatra babhūva rājā kubuddhirā sīditi tasyatasya

Sanskrit only: no published translation is held for this verse.

दृष्ट्वा ममत्वादृतचित्तमेकं विहाय मां मृत्युवशं व्रजन्तम् । तस्यानुयस्तस्य कथं ममत्वं हृद्यास्पदं मत्प्रभवं करोति

dṛṣṭvā mamatvādṛtacittamekaṃ vihāya māṃ mṛtyuvaśaṃ vrajantam / tasyānuyastasya kathaṃ mamatvaṃ hṛdyāspadaṃ matprabhavaṃ karoti

Sanskrit only: no published translation is held for this verse.

पृथ्वी ममैषाऽशु परित्यजैनां वदन्ति ये दूतमुखैः स्वशत्रून् । नराधिपास्तेषु ममातिहासः पुनश् च मूढेषु दयाभ्युपैति

pṛthvī mamaiṣā'śu parityajaināṃ vadanti ye dūtamukhaiḥ svaśatrūn / narādhipāsteṣu mamātihāsaḥ punaś ca mūḍheṣu dayābhyupaiti

Sanskrit only: no published translation is held for this verse.

श्रीपराशर उवाच इत्येते धरणीगीतः श्लोका मैत्रेय यैः श्रुताः । ममत्वं विलयं याति तपत्यर्के यथा हिमम्

śrīparāśara uvāca ityete dharaṇīgītaḥ ślokā maitreya yaiḥ śrutāḥ / mamatvaṃ vilayaṃ yāti tapatyarke yathā himam

Sanskrit only: no published translation is held for this verse.

इत्येष कथितः सम्यङ्मनोर्वशो मया तव । यत्र स्थितिप्रवृत्तस्य विष्णोरंशांशका नृपाः

ityeṣa kathitaḥ samyaṅmanorvaśo mayā tava / yatra sthitipravṛttasya viṣṇoraṃśāṃśakā nṛpāḥ

Sanskrit only: no published translation is held for this verse.

शृणोति य इमं भक्त्या मनोर्वशमनुक्रमात् । तस्य पापमशेषं वै प्रणश्यत्यमलात्मनः

śṛṇoti ya imaṃ bhaktyā manorvaśamanukramāt / tasya pāpamaśeṣaṃ vai praṇaśyatyamalātmanaḥ

Sanskrit only: no published translation is held for this verse.

धनधान्यर्धिमतुलां प्राप्नोत्यव्याहतेन्द्रियः । श्रुत्वैवमखिलं वंशं प्रशस्तं शशीसूर्ययोः

dhanadhānyardhimatulāṃ prāpnotyavyāhatendriyaḥ / śrutvaivamakhilaṃ vaṃśaṃ praśastaṃ śaśīsūryayoḥ

Sanskrit only: no published translation is held for this verse.

इक्ष्वाकुजह्नुमान्धातृसगराविक्षितान्रघून् । ययातिनहुषाद्यांश् च ज्ञात्वा निष्ठामुपागतान्

ikṣvākujahnumāndhātṛsagarāvikṣitānraghūn / yayātinahuṣādyāṃś ca jñātvā niṣṭhāmupāgatān

Sanskrit only: no published translation is held for this verse.

महाबलान्महावीर्याननन्तधनसंचयान् । कृतान्कालेन बलिना कथाशेषान्नराधिपान्

mahābalānmahāvīryānanantadhanasaṃcayān / kṛtānkālena balinā kathāśeṣānnarādhipān

Sanskrit only: no published translation is held for this verse.

श्रुत्वा न पुत्रदारादौ गृहक्षेत्रादिके तथा । द्रव्यादौ वा कृतप्रज्ञो ममत्वं कुरुते नरः

śrutvā na putradārādau gṛhakṣetrādike tathā / dravyādau vā kṛtaprajño mamatvaṃ kurute naraḥ

Sanskrit only: no published translation is held for this verse.

तप्तं तपो यैः पुरुषप्रवीरैर् उद्वाहुभिर् वर्षगणाननेकान् । इष्ट्वा सुयज्ञैर् बलिनोतिवीर्याः कृतानुकालेन कथावशेषाः

taptaṃ tapo yaiḥ puruṣapravīrair udvāhubhir varṣagaṇānanekān / iṣṭvā suyajñair balinotivīryāḥ kṛtānukālena kathāvaśeṣāḥ

Sanskrit only: no published translation is held for this verse.

पृथुःसमस्तान्विचचार लोकानव्याहतो योविजितारिचक्रः । स कालवाताभिहतः प्रणष्टः क्षिप्तं यथा शाल्मलितूलमग्नौ

pṛthuḥsamastānvicacāra lokānavyāhato yovijitāricakraḥ / sa kālavātābhihataḥ praṇaṣṭaḥ kṣiptaṃ yathā śālmalitūlamagnau

Sanskrit only: no published translation is held for this verse.

यः कार्तवीर्यो बुभुजे समस्तान्द्वीपान्समाक्रम्यहतारिचक्रः । कथाप्रसंगेष्वभिधीयमानःस एव संकल्पविकल्पहेतुः

yaḥ kārtavīryo bubhuje samastāndvīpānsamākramyahatāricakraḥ / kathāprasaṃgeṣvabhidhīyamānaḥsa eva saṃkalpavikalpahetuḥ

Sanskrit only: no published translation is held for this verse.

दशाननाविक्षतराघवाणामैश्वर्यमुद्भासितदिङ्मुखानाम् । भस्मापि शिष्टं न कथं क्षणेन भ्रूभङ्गपातेन धिगन्तकस्य

daśānanāvikṣatarāghavāṇāmaiśvaryamudbhāsitadiṅmukhānām / bhasmāpi śiṣṭaṃ na kathaṃ kṣaṇena bhrūbhaṅgapātena dhigantakasya

Sanskrit only: no published translation is held for this verse.

कथाशरीरत्वमवाप यद्वै मान्धातृनामा भुवि चक्रवर्ती । श्रुत्वापि तत्कोहि करोति साधुर्ममत्वमान्मन्यपि मन्दचेताः

kathāśarīratvamavāpa yadvai māndhātṛnāmā bhuvi cakravartī / śrutvāpi tatkohi karoti sādhurmamatvamānmanyapi mandacetāḥ

Sanskrit only: no published translation is held for this verse.

भगीरथाद्याःसगरं ककुत्स्थो दशननो राघवलक्ष्मणौ च । युधिष्ठिराद्याश् च बभूवुरेते सत्यं न मिथ्या क्व नु ते न विद्मः

bhagīrathādyāḥsagaraṃ kakutstho daśanano rāghavalakṣmaṇau ca / yudhiṣṭhirādyāś ca babhūvurete satyaṃ na mithyā kva nu te na vidmaḥ

Sanskrit only: no published translation is held for this verse.

ये सांप्रतं ये च नृपा भविष्याः प्रोक्ता मया विप्रवरोग्रवीयाः । एते तथान्ये च तथाभिधेयाः सर्वे भविष्यन्ति यथैव पूर्वे

ye sāṃprataṃ ye ca nṛpā bhaviṣyāḥ proktā mayā vipravarogravīyāḥ / ete tathānye ca tathābhidheyāḥ sarve bhaviṣyanti yathaiva pūrve

Sanskrit only: no published translation is held for this verse.

एत द्विदित्वा न नरेण कार्यं ममत्वमात्मन्यपि पण्डितेन । तिष्ठन्तु तावत्तनयात्मजायाः क्षेत्रादयो ये च शरीरिणो ऽन्ये

eta dviditvā na nareṇa kāryaṃ mamatvamātmanyapi paṇḍitena / tiṣṭhantu tāvattanayātmajāyāḥ kṣetrādayo ye ca śarīriṇo 'nye

Sanskrit only: no published translation is held for this verse.