Viṣṇu Purāṇa 4.8

पुरूरवसो ज्येष्ठपुत्रो यस् त्व् आयुर्नामा स राहोर् दुहितरम् उपयेमे

purūravaso jyeṣṭhaputro yas tv āyurnāmā sa rāhor duhitaram upayeme

Sanskrit only: no published translation is held for this verse.

तस्यां स पञ्च पुत्रान् उत्पादयाम् आस । नहुषक्षत्रवृद्धरम्भरजिसंज्ञास् तथैवानेनाः पञ्चमः पुत्रो ऽभूत् । क्षत्रवृद्धात् सुहोत्रः पुत्रो ऽभवत्

tasyāṃ sa pañca putrān utpādayām āsa | nahuṣakṣatravṛddharambharajisaṃjñās tathaivānenāḥ pañcamaḥ putro 'bhūt | kṣatravṛddhāt suhotraḥ putro 'bhavat

Sanskrit only: no published translation is held for this verse.

काश्यलेशगृत्समदास् तस्य पुत्रास् त्रयो ऽभवन् । गृत्समदस्य शौनकश् चातुर्वर्ण्यप्रवर्तयिताभूत्

kāśyaleśagṛtsamadās tasya putrās trayo 'bhavan | gṛtsamadasya śaunakaś cāturvarṇyapravartayitābhūt

Sanskrit only: no published translation is held for this verse.

काश्यस्य काशीराजस् ततो दीर्घतमाः पुत्रो ऽभवत् । धन्वन्तरिस् तु दीर्घतमसो ऽभवत् । स हि संसिद्धकार्यकरणः सकलसंभूतिष्व् अशेषज्ञानविद् भगवता नारायणेन चातीतसंभूताव् अस्मै वरो दत्तः

kāśyasya kāśīrājas tato dīrghatamāḥ putro 'bhavat | dhanvantaris tu dīrghatamaso 'bhavat | sa hi saṃsiddhakāryakaraṇaḥ sakalasaṃbhūtiṣv aśeṣajñānavid bhagavatā nārāyaṇena cātītasaṃbhūtāv asmai varo dattaḥ

Sanskrit only: no published translation is held for this verse.

काशीराजगोत्रे ऽवतीर्य त्वम् अष्टधा सम्यग् आयुर्वेदं करिष्यसि यज्ञभाक् च भविष्यसीति अभिहितः

kāśīrājagotre 'vatīrya tvam aṣṭadhā samyag āyurvedaṃ kariṣyasi yajñabhāk ca bhaviṣyasīti abhihitaḥ

Sanskrit only: no published translation is held for this verse.

तस्य च धन्वन्तरेः पुत्रः केतुमान् केतुमतो भीमरथः । तस्यापि दिवोदासस् ततः प्रतर्दनः । स च भद्रश्रेण्यवंशविनाशाद् अशेषाः शत्रवो ऽनेन जिता इति शत्रुजिद् अभवत्

tasya ca dhanvantareḥ putraḥ ketumān ketumato bhīmarathaḥ | tasyāpi divodāsas tataḥ pratardanaḥ | sa ca bhadraśreṇyavaṃśavināśād aśeṣāḥ śatravo 'nena jitā iti śatrujid abhavat

Sanskrit only: no published translation is held for this verse.

तेन च प्रीतिमतात्मपुत्रो वत्स वत्सेत्य् अभिहितस् ततो वत्सो साव् ऽभवत् । सत्यपरतया ऋतध्वजसंज्ञाम् अवाप । पुनश् च कुवलयनामानम् अश्वं लेभे ततः कुवलयाश्व इत्य् अस्यां पृथिव्यां प्रथितः

tena ca prītimatātmaputro vatsa vatsety abhihitas tato vatso sāv 'bhavat | satyaparatayā ṛtadhvajasaṃjñām avāpa | punaś ca kuvalayanāmānam aśvaṃ lebhe tataḥ kuvalayāśva ity asyāṃ pṛthivyāṃ prathitaḥ

Sanskrit only: no published translation is held for this verse.

तस्य च वत्सस्य पुत्रो ऽलर्को नामाभवत् । यस्यायम् अद्यापि श्लोको गीयते । षष्टिवर्षसहस्राणि षष्टिवर्षशतानि च । अलर्काद् अपरो नान्यो बुभुजे मेदिनीं युवा

tasya ca vatsasya putro 'larko nāmābhavat | yasyāyam adyāpi śloko gīyate | ṣaṣṭivarṣasahasrāṇi ṣaṣṭivarṣaśatāni ca / alarkād aparo nānyo bubhuje medinīṃ yuvā

Sanskrit only: no published translation is held for this verse.

तस्याप्य् अलर्कस्य सन्नतिर् नामात्मजो ऽभवत् । ततः सुनीथस् तस्य सुकेतुस् ततो धर्मकेतुः । ततः सत्यकेतुस् तस्माद् विभुस् तत्तनयः सुविभुस् ततश् च सुकुमारस् तस्यापि दृष्टकेतुः । ततश् च वैनहोत्रस् ततश् च भर्गो भार्गस्य भार्गभूमिः । ततश् चातुर्वर्ण्यप्रवृत्तिः इत्य् एते काशयो भूपतयः कथिताः । रजेस् तु संततिः श्रूयताम् इति

tasyāpy alarkasya sannatir nāmātmajo 'bhavat | tataḥ sunīthas tasya suketus tato dharmaketuḥ | tataḥ satyaketus tasmād vibhus tattanayaḥ suvibhus tataś ca sukumāras tasyāpi dṛṣṭaketuḥ | tataś ca vainahotras tataś ca bhargo bhārgasya bhārgabhūmiḥ | tataś cāturvarṇyapravṛttiḥ ity ete kāśayo bhūpatayaḥ kathitāḥ | rajes tu saṃtatiḥ śrūyatām iti

Sanskrit only: no published translation is held for this verse.

काशीराजगोत्रे ऽवतीर्य त्वमष्टधा सम्यगायुर्वेदं करिष्यसि यज्ञभागभुग्भविष्यसीति

kāśīrājagotre 'vatīrya tvamaṣṭadhā samyagāyurvedaṃ kariṣyasi yajñabhāgabhugbhaviṣyasīti

Sanskrit only: no published translation is held for this verse.

तस्य च धन्वन्तरेः पत्रः केतुमान् केतुमतो भीमरथः तस्यापि दिवोदासः तस्यापि प्रतर्दनः

tasya ca dhanvantareḥ patraḥ ketumān ketumato bhīmarathaḥ tasyāpi divodāsaḥ tasyāpi pratardanaḥ

Sanskrit only: no published translation is held for this verse.

स च भद्रश्रेण्यवंशविनाशनादशेषशत्रवोनेनजिता इति शत्रुजिदभवत्

sa ca bhadraśreṇyavaṃśavināśanādaśeṣaśatravonenajitā iti śatrujidabhavat

Sanskrit only: no published translation is held for this verse.

तेन च प्रीतिमतात्मपुत्रो वत्सवत्सेत्यभिहितो वत्सो ऽभवत्

tena ca prītimatātmaputro vatsavatsetyabhihito vatso 'bhavat

Sanskrit only: no published translation is held for this verse.

सत्यपरतया ऋतध्वजसंज्ञामवाप

satyaparatayā ṛtadhvajasaṃjñāmavāpa

Sanskrit only: no published translation is held for this verse.

ततश् च कुवलयनामानमश्वं लेभे ततः कुवलयाश्व इत्यस्यां पृथिव्यां प्रथितः

tataś ca kuvalayanāmānamaśvaṃ lebhe tataḥ kuvalayāśva ityasyāṃ pṛthivyāṃ prathitaḥ

Sanskrit only: no published translation is held for this verse.

तस्यच च वत्सस्य पुत्रो ऽलर्कनामाभवत् यस्यायमद्यापिश्लोको गीयते

tasyaca ca vatsasya putro 'larkanāmābhavat yasyāyamadyāpiśloko gīyate

Sanskrit only: no published translation is held for this verse.

षष्टिवर्षसहस्राणि षष्टिवर्षशतानि च । अलर्कादपरो नान्यो बुभुजे मेदिनीं युवा

ṣaṣṭivarṣasahasrāṇi ṣaṣṭivarṣaśatāni ca / alarkādaparo nānyo bubhuje medinīṃ yuvā

Sanskrit only: no published translation is held for this verse.

तस्याप्यलर्कस्य सन्नतिनामाभवदात्मज

tasyāpyalarkasya sannatināmābhavadātmaja

Sanskrit only: no published translation is held for this verse.

सन्नतेः सुनीथः तस्यापि सुकेतुः तस्माच्च धर्मकेतुर्जज्ञे

sannateḥ sunīthaḥ tasyāpi suketuḥ tasmācca dharmaketurjajñe

Sanskrit only: no published translation is held for this verse.

ततश् च सत्यकेतुः तस्माद्विभुः तत्तयःसुविभुः ततश् च सुकुमारस्तस्यापि दृष्टकेतुः ततश् च वीतिहोत्रः तस्माद्भार्गः भार्गस्य भार्गभूमिः ततश्चातुर्वर्ण्यंप्रवृत्तिरित्येते काश्यपभूभृतः कथिताः

tataś ca satyaketuḥ tasmādvibhuḥ tattayaḥsuvibhuḥ tataś ca sukumārastasyāpi dṛṣṭaketuḥ tataś ca vītihotraḥ tasmādbhārgaḥ bhārgasya bhārgabhūmiḥ tataścāturvarṇyaṃpravṛttirityete kāśyapabhūbhṛtaḥ kathitāḥ

Sanskrit only: no published translation is held for this verse.

रजेस्तु संततिः श्रुयताम्

rajestu saṃtatiḥ śruyatām

Sanskrit only: no published translation is held for this verse.