Viṣṇu Purāṇa 4.9

रजेः पञ्च पुत्रशतान्य् अतुलवीर्यसाराण्य् आसन्

rajeḥ pañca putraśatāny atulavīryasārāṇy āsan

Sanskrit only: no published translation is held for this verse.

देवासुरसंग्रामारम्भे परस्परवधेप्सवो देवाश् चासुराश् च ब्रह्माणम् पप्रच्छुः

devāsurasaṃgrāmārambhe parasparavadhepsavo devāś cāsurāś ca brahmāṇam papracchuḥ

Sanskrit only: no published translation is held for this verse.

भगवन्न् अस्माकम् अत्र विरोधे कतरः पक्षो जेता भविष्यतीति

bhagavann asmākam atra virodhe kataraḥ pakṣo jetā bhaviṣyatīti

Sanskrit only: no published translation is held for this verse.

अथाह भगवान् येषाम् अर्थे रजिर् आत्तायुधो योत्स्यतीति । अथ दैत्यैर् उपेत्य रजिर् आत्मसाहाय्यदानायाभ्यर्थितः प्राह । योत्स्ये ऽहं भवताम् अर्थे यद्य् अहम् अमरजयाद् भवताम् इन्द्रो भविष्यामीत्य् आकर्ण्यैतत् तैर् अभिहितो न वयम् अन्यथा वदिष्यामो ऽन्यथा करिष्यामो ऽस्माकम् इन्द्रः प्रह्लादस् तदर्थम् अयम् उद्यम इत्य् उक्त्वा गतेष्व् असुरेषु देवैर् अप्य् असाव् अवनीपतिर् एवम् एवोक्तस् तेनापि च तथैवोक्ते देवैर् इन्द्रस् त्वं भविष्यसीति समन्विच्छितम्

athāha bhagavān yeṣām arthe rajir āttāyudho yotsyatīti | atha daityair upetya rajir ātmasāhāyyadānāyābhyarthitaḥ prāha | yotsye 'haṃ bhavatām arthe yady aham amarajayād bhavatām indro bhaviṣyāmīty ākarṇyaitat tair abhihito na vayam anyathā vadiṣyāmo 'nyathā kariṣyāmo 'smākam indraḥ prahlādas tadartham ayam udyama ity uktvā gateṣv asureṣu devair apy asāv avanīpatir evam evoktas tenāpi ca tathaivokte devair indras tvaṃ bhaviṣyasīti samanvicchitam

Sanskrit only: no published translation is held for this verse.

रजिनापि देवसैन्यसहायेनानेकैर् महास्त्रैस् तद् अशेषम् असुरबलं निषूदितम्

rajināpi devasainyasahāyenānekair mahāstrais tad aśeṣam asurabalaṃ niṣūditam

Sanskrit only: no published translation is held for this verse.

अवजितारातिपक्षश् चेन्द्रो रजिचरणयुगलम् आत्मशिरसा निपीड्याह । भयत्राणदानाद् अस्मत्पिता बवान् अशेषलोकानाम् उत्तमो भवान् यस्याहं पुत्रस् त्रिलोकेन्द्रः

avajitārātipakṣaś cendro rajicaraṇayugalam ātmaśirasā nipīḍyāha | bhayatrāṇadānād asmatpitā bavān aśeṣalokānām uttamo bhavān yasyāhaṃ putras trilokendraḥ

Sanskrit only: no published translation is held for this verse.

स चापि राजा प्रहस्याह । एवम् एवास्त्व् अनतिक्रमणीया हि वैरिपक्षाद् अप्य् अनेकविधचाटुवाक्यगर्भा प्रणतिर् इत्य् उक्त्वा स्वपुरं जगाम

sa cāpi rājā prahasyāha | evam evāstv anatikramaṇīyā hi vairipakṣād apy anekavidhacāṭuvākyagarbhā praṇatir ity uktvā svapuraṃ jagāma

Sanskrit only: no published translation is held for this verse.

शतक्रतुर् अपीन्द्रत्वं चकार

śatakratur apīndratvaṃ cakāra

Sanskrit only: no published translation is held for this verse.

स्वर्याते तु रजौ नारदर्षिचोदिता रजिसुताः शतक्रतुम् आत्मपितृपुत्रं आचाराद् राज्यं याचितवन्तः

svaryāte tu rajau nāradarṣicoditā rajisutāḥ śatakratum ātmapitṛputraṃ ācārād rājyaṃ yācitavantaḥ

Sanskrit only: no published translation is held for this verse.

अप्रदाने चावजित्येन्द्रम् अतिबलिनः स्वयम् इन्द्रत्वं चक्रुः

apradāne cāvajityendram atibalinaḥ svayam indratvaṃ cakruḥ

Sanskrit only: no published translation is held for this verse.

ततश् च बहुतिथे काले व्यतीते बृहस्पतिम् एकान्ते दृष्ट्वापहृतत्रैलोक्ययज्ञभागः शतक्रतुर् उवाच

tataś ca bahutithe kāle vyatīte bṛhaspatim ekānte dṛṣṭvāpahṛtatrailokyayajñabhāgaḥ śatakratur uvāca

Sanskrit only: no published translation is held for this verse.

बदरीफलमात्रम् अप्य् अर्हसि ममाप्यायनाय पुरोडाशखण्डं दातुम् इत्य् उक्तो बृहस्पतिर् उवाच । यद्य् एवं पूर्वम् एव त्वयाहं चोदितः स्यां तन् मया त्वदर्थं किम् अकर्तव्यम् इति । स्वल्पैर् एवाहोभिस् त्वां निजं पदं प्रापयिष्यामीत्य् अभिधाय तेषाम् अनुदिनाभिचारिकं बुद्धिमोहाय शक्रस्य च तेजोभिवृद्धये जुहाव । ते चापि तेन बुद्धिमोहेनाभिभूयमाना ब्रह्मद्विषो धर्मत्यागिनो वेदवादपराङ्मुखा बभूवुः

badarīphalamātram apy arhasi mamāpyāyanāya puroḍāśakhaṇḍaṃ dātum ity ukto bṛhaspatir uvāca | yady evaṃ pūrvam eva tvayāhaṃ coditaḥ syāṃ tan mayā tvadarthaṃ kim akartavyam iti | svalpair evāhobhis tvāṃ nijaṃ padaṃ prāpayiṣyāmīty abhidhāya teṣām anudinābhicārikaṃ buddhimohāya śakrasya ca tejobhivṛddhaye juhāva | te cāpi tena buddhimohenābhibhūyamānā brahmadviṣo dharmatyāgino vedavādaparāṅmukhā babhūvuḥ

Sanskrit only: no published translation is held for this verse.

ततश् च तान् अपेतधर्माचारान् इन्द्रो जघान । पुरोहिताप्यायिततेजाश् च त्रिदिवम् आक्रमत् । एतद् इन्द्रस्य स्वपदच्यावनारोहणं श्रुत्वा पुरुषः स्वपदभ्रंशं दौरात्म्यं च नाप्नोति

tataś ca tān apetadharmācārān indro jaghāna | purohitāpyāyitatejāś ca tridivam ākramat | etad indrasya svapadacyāvanārohaṇaṃ śrutvā puruṣaḥ svapadabhraṃśaṃ daurātmyaṃ ca nāpnoti

Sanskrit only: no published translation is held for this verse.

तत्पुत्रः संजयस् तस्यापि जयस् ततश् च विजयस् तस्माच् च जज्ञे कृतः । तस्य हर्षवर्धनो हर्षवर्धनसुतः सहदेवस् तस्माद् अदीनस् तस्य जयत्सेनः ततश् च संकृतिस् तत्पुत्रः क्षत्रधर्मा इत्य् एते क्षत्रवृद्धस्यातो नहुषवंशं प्रवक्ष्यामीति

tatputraḥ saṃjayas tasyāpi jayas tataś ca vijayas tasmāc ca jajñe kṛtaḥ | tasya harṣavardhano harṣavardhanasutaḥ sahadevas tasmād adīnas tasya jayatsenaḥ tataś ca saṃkṛtis tatputraḥ kṣatradharmā ity ete kṣatravṛddhasyāto nahuṣavaṃśaṃ pravakṣyāmīti

Sanskrit only: no published translation is held for this verse.

स्वर्याते तु रजौ नारदर्षिचोदिता रजिपुत्राः शतक्रतुमात्मपितृपुत्रं समाचाराद्राज्यं याचितवन्तः

svaryāte tu rajau nāradarṣicoditā rajiputrāḥ śatakratumātmapitṛputraṃ samācārādrājyaṃ yācitavantaḥ

Sanskrit only: no published translation is held for this verse.

अप्रदानेन च विजित्येन्द्रमतिबलिनः स्वयमिन्द्रत्वं चक्रुः

apradānena ca vijityendramatibalinaḥ svayamindratvaṃ cakruḥ

Sanskrit only: no published translation is held for this verse.

ततश् च बहुतिथे काले ह्यतीते बृहस्पतिमेकान्ते दृष्ट्वा अपहृतत्रैलोक्ययज्ञभागः शतक्रतुरुवाच

tataś ca bahutithe kāle hyatīte bṛhaspatimekānte dṛṣṭvā apahṛtatrailokyayajñabhāgaḥ śatakraturuvāca

Sanskrit only: no published translation is held for this verse.

बदरीफलमात्रमप्यर्हसि ममाप्यायनाय पुरोडाशखण्डं दातुमित्युक्तो बृहस्पतिरुवाच

badarīphalamātramapyarhasi mamāpyāyanāya puroḍāśakhaṇḍaṃ dātumityukto bṛhaspatiruvāca

Sanskrit only: no published translation is held for this verse.

यद्येवन्त्वयाहं पूर्वमेव चोदितःस्यां तन्मया त्वदर्थं किमकर्तव्यमत्यिल्पैर् एवाहोभिस्त्वां निजं पदं प्रपयिष्यामीत्यभिधाय तेषामनुदिनमाभिचारकं बुद्धिमोहाय शक्रस्य तेजोभिवृद्धये जुहाव

yadyevantvayāhaṃ pūrvameva coditaḥsyāṃ tanmayā tvadarthaṃ kimakartavyamatyilpair evāhobhistvāṃ nijaṃ padaṃ prapayiṣyāmītyabhidhāya teṣāmanudinamābhicārakaṃ buddhimohāya śakrasya tejobhivṛddhaye juhāva

Sanskrit only: no published translation is held for this verse.

ते चापि तेन बुद्धिमोहेनाभिभूयमाना ब्रह्मद्विषो धर्मत्यागिनो वेदवादपराङ्मुखाबभुवूः

te cāpi tena buddhimohenābhibhūyamānā brahmadviṣo dharmatyāgino vedavādaparāṅmukhābabhuvūḥ

Sanskrit only: no published translation is held for this verse.

ततस्तानपेतधर्माचारनिन्द्रो जघान

tatastānapetadharmācāranindro jaghāna

Sanskrit only: no published translation is held for this verse.

पुरोहिताप्यायिततेजाश् च शक्रो दिवमाक्रमत्

purohitāpyāyitatejāś ca śakro divamākramat

Sanskrit only: no published translation is held for this verse.

एतदिन्द्रस्य स्वपदच्यवनादारोहणं श्रुत्वा पुरुषः स्वपदभ्रंशं दौरात्मयं च नाप्नोति

etadindrasya svapadacyavanādārohaṇaṃ śrutvā puruṣaḥ svapadabhraṃśaṃ daurātmayaṃ ca nāpnoti

Sanskrit only: no published translation is held for this verse.

रंभस्त्वपत्त्यो ऽभवत्

raṃbhastvapattyo 'bhavat

Sanskrit only: no published translation is held for this verse.

रम्भस् त्व् अनपत्यो ऽभवत् । क्षत्रवृद्धसुतः प्रतिक्षत्रस्

rambhas tv anapatyo 'bhavat | kṣatravṛddhasutaḥ pratikṣatras

Sanskrit only: no published translation is held for this verse.

तत्पुत्रः संजयः तस्यापि जयः तस्यापि विजयः तस्माच्च जज्ञे कृतः

tatputraḥ saṃjayaḥ tasyāpi jayaḥ tasyāpi vijayaḥ tasmācca jajñe kṛtaḥ

Sanskrit only: no published translation is held for this verse.

तस्य च हर्यधनः हर्यधनसुतःसहदेवः तस्माददीनस्तस्य जयत्सेय जयत्सेनः ततश् च संकृतिः तत्पुत्रः क्षत्रधर्मा इत्येते क्षत्रवृद्धस्य वंश्याः

tasya ca haryadhanaḥ haryadhanasutaḥsahadevaḥ tasmādadīnastasya jayatseya jayatsenaḥ tataś ca saṃkṛtiḥ tatputraḥ kṣatradharmā ityete kṣatravṛddhasya vaṃśyāḥ

Sanskrit only: no published translation is held for this verse.

ततो नहुषवंशं प्रवक्ष्यामि

tato nahuṣavaṃśaṃ pravakṣyāmi

Sanskrit only: no published translation is held for this verse.