Viṣṇu Purāṇa 5.15

ककुद्मिनि हते ऽरिष्टे धेनुके विनिपातिते । प्रलम्बे निधनं नीते धृते गोवर्धनाचले

kakudmini hate 'riṣṭe dhenuke vinipātite / pralambe nidhanaṃ nīte dhṛte govardhanācale

Sanskrit only: no published translation is held for this verse.

दमिते कालिये नागे भग्ने तुङ्गद्रुमद्वये । हतायां पूतनायां च शकटे परिवर्तिते

damite kāliye nāge bhagne tuṅgadrumadvaye / hatāyāṃ pūtanāyāṃ ca śakaṭe parivartite

Sanskrit only: no published translation is held for this verse.

कंसाय नारदः प्राह यथावृत्तम् अनुक्रमात् । यशोदादेवकीगर्भपरिवर्ताद्य् अशेषतः

kaṃsāya nāradaḥ prāha yathāvṛttam anukramāt / yaśodādevakīgarbhaparivartādy aśeṣataḥ

Sanskrit only: no published translation is held for this verse.

श्रुत्वा तत् सकलं कंसो नारदाद् देवदर्शनात् । वसुदेवं प्रति तदा कोपं चक्रे सुदुर्मतिः

śrutvā tat sakalaṃ kaṃso nāradād devadarśanāt / vasudevaṃ prati tadā kopaṃ cakre sudurmatiḥ

Sanskrit only: no published translation is held for this verse.

सो ऽतिकोपाद् उपालभ्य सर्वयादवसंसदि । जगर्ह यादवांश् चैव कार्यं चैतद् अचिन्तयत्

so 'tikopād upālabhya sarvayādavasaṃsadi / jagarha yādavāṃś caiva kāryaṃ caitad acintayat

Sanskrit only: no published translation is held for this verse.

यावन् न बलम् आरूढौ रामकृष्णौ सुबालकौ । तावद् एव मया वध्याव् असाध्यौ रूढयौवनौ

yāvan na balam ārūḍhau rāmakṛṣṇau subālakau / tāvad eva mayā vadhyāv asādhyau rūḍhayauvanau

Sanskrit only: no published translation is held for this verse.

चाणूरो ऽत्र महावीर्यो मुष्टिकश् च महाबलः । एताभ्यां मल्लयुद्धेन घातयिष्यामि दुर्मदौ

cāṇūro 'tra mahāvīryo muṣṭikaś ca mahābalaḥ / etābhyāṃ mallayuddhena ghātayiṣyāmi durmadau

Sanskrit only: no published translation is held for this verse.

धनुर्महमहायागव्याजेनानीय तौ व्रजात् । तथा तथा यतिष्यामि यास्येते संक्षयं यथा

dhanurmahamahāyāgavyājenānīya tau vrajāt / tathā tathā yatiṣyāmi yāsyete saṃkṣayaṃ yathā

Sanskrit only: no published translation is held for this verse.

श्वफल्कतनयं सो ऽहम् अक्रूरं यदुपुंगवम् । तयोर् आनयनार्थाय प्रेषयिष्यामि गोकुलम्

śvaphalkatanayaṃ so 'ham akrūraṃ yadupuṃgavam / tayor ānayanārthāya preṣayiṣyāmi gokulam

Sanskrit only: no published translation is held for this verse.

वृन्दावनचरं घोरम् आदेक्ष्यामि च केशिनम् । तत्रैवासाव् अतिबलस् ताव् उभौ घातयिष्यति

vṛndāvanacaraṃ ghoram ādekṣyāmi ca keśinam / tatraivāsāv atibalas tāv ubhau ghātayiṣyati

Sanskrit only: no published translation is held for this verse.

गजः कुवलायापीडो मत्समीपम् उपागतौ । घातयिष्यति वा गोपौ वसुदेवसुताव् उभौ

gajaḥ kuvalāyāpīḍo matsamīpam upāgatau / ghātayiṣyati vā gopau vasudevasutāv ubhau

Sanskrit only: no published translation is held for this verse.

इत्य् आलोच्य स दुष्टात्मा कंसो रामजनार्दनौ । हन्तुं कृतमतिर् वीरम् अक्रूरं वाक्यम् अब्रवीत्

ity ālocya sa duṣṭātmā kaṃso rāmajanārdanau / hantuṃ kṛtamatir vīram akrūraṃ vākyam abravīt

Sanskrit only: no published translation is held for this verse.

भो भो दानपते वाक्यं क्रियतां प्रीतये मम । इतः स्यन्दनम् आरुह्य गम्यतां नन्दगोकुलम्

bho bho dānapate vākyaṃ kriyatāṃ prītaye mama / itaḥ syandanam āruhya gamyatāṃ nandagokulam

Sanskrit only: no published translation is held for this verse.

वसुदेवसुतौ तत्र विष्णोर् अंशसमुद्भवौ । नाशाय किल संभूतौ मम दुष्टौ प्रवर्धतः

vasudevasutau tatra viṣṇor aṃśasamudbhavau / nāśāya kila saṃbhūtau mama duṣṭau pravardhataḥ

Sanskrit only: no published translation is held for this verse.

धनुर्महो ममाप्य् अत्र चतुर्दश्यां भविष्यति । आनेयौ भवता गत्वा मल्लयुद्धाय ताव् उभौ

dhanurmaho mamāpy atra caturdaśyāṃ bhaviṣyati / āneyau bhavatā gatvā mallayuddhāya tāv ubhau

Sanskrit only: no published translation is held for this verse.

चाणूरमुष्टिकौ मल्लौ नियुद्धकुशलौ मम । ताभ्यां सहानयोर् युद्धं सर्वलोको ऽत्र पश्यतु

cāṇūramuṣṭikau mallau niyuddhakuśalau mama / tābhyāṃ sahānayor yuddhaṃ sarvaloko 'tra paśyatu

Sanskrit only: no published translation is held for this verse.

नागः कुवलयापीडो महामात्रप्रचोदितः । स वा हनिष्यते पापौ वसुदेवात्मजौ शिशू

nāgaḥ kuvalayāpīḍo mahāmātrapracoditaḥ / sa vā haniṣyate pāpau vasudevātmajau śiśū

Sanskrit only: no published translation is held for this verse.

तौ हत्वा वसुदेवं च नन्दगोपं च दुर्मतिम् । हनिष्ये पितरं चेमम् उग्रसेनं च दुर्मतिम्

tau hatvā vasudevaṃ ca nandagopaṃ ca durmatim / haniṣye pitaraṃ cemam ugrasenaṃ ca durmatim

Sanskrit only: no published translation is held for this verse.

ततः समस्तगोपानां गोधनान्य् अखिलान्य् अहम् । वित्तं चापहरिष्यामि दुष्टानां मद्वधैषिणाम्

tataḥ samastagopānāṃ godhanāny akhilāny aham / vittaṃ cāpahariṣyāmi duṣṭānāṃ madvadhaiṣiṇām

Sanskrit only: no published translation is held for this verse.

त्वाम् ऋते यादवाश् चैते दुष्टा दानपते मयि । एतेषां च वधायाहं यतिष्ये ऽनुक्रमात् ततः

tvām ṛte yādavāś caite duṣṭā dānapate mayi / eteṣāṃ ca vadhāyāhaṃ yatiṣye 'nukramāt tataḥ

Sanskrit only: no published translation is held for this verse.

ततो निष्कण्टकं सर्वं राज्यम् एतद् अयादवम् । प्रशासिष्ये त्वया तस्मान् मत्प्रीत्या वीर गम्यताम्

tato niṣkaṇṭakaṃ sarvaṃ rājyam etad ayādavam / praśāsiṣye tvayā tasmān matprītyā vīra gamyatām

Sanskrit only: no published translation is held for this verse.

यथा च माहिषं सर्पिर् दधि चाप्य् उपहार्य वै । गोपाः समानयन्त्य् आशु त्वया वाच्यास् तथा तथा

yathā ca māhiṣaṃ sarpir dadhi cāpy upahārya vai / gopāḥ samānayanty āśu tvayā vācyās tathā tathā

Sanskrit only: no published translation is held for this verse.

इत्य् आज्ञप्तस् तदाक्रूरो महाभागवतो द्विज । प्रीतिमान् अभवत् कृष्णं श्वो द्रक्ष्यामीति सत्वरः

ity ājñaptas tadākrūro mahābhāgavato dvija / prītimān abhavat kṛṣṇaṃ śvo drakṣyāmīti satvaraḥ

Sanskrit only: no published translation is held for this verse.

तथेत्य् उक्त्वा च राजानं रथम् आरुह्य शोभनम् । निश्चक्राम तदा पुर्या मथुराया मधुप्रियः

tathety uktvā ca rājānaṃ ratham āruhya śobhanam / niścakrāma tadā puryā mathurāyā madhupriyaḥ

Sanskrit only: no published translation is held for this verse.