राजमार्गे ततः कृष्णः सानुलेपनभाजनाम् । ददर्श कुब्जाम् आयान्तीं नवयौवनगोचराम्
rājamārge tataḥ kṛṣṇaḥ sānulepanabhājanām / dadarśa kubjām āyāntīṃ navayauvanagocarām
Sanskrit only: no published translation is held for this verse.
Library·Viṣṇu Purāṇa·5·5.20
Viṣṇu Purāṇa 5.20
ताम् आह ललितं कृष्णः कस्येदम् अनुलेपनम् । भवत्या नीयते सत्यं वदेन्दीवरलोचने
tām āha lalitaṃ kṛṣṇaḥ kasyedam anulepanam / bhavatyā nīyate satyaṃ vadendīvaralocane
Sanskrit only: no published translation is held for this verse.
सकामेनैव सा प्रोक्ता सानुरागा हरिं प्रति । प्राह सा ललितं कुब्जा तद्दर्शनबलात्कृता
sakāmenaiva sā proktā sānurāgā hariṃ prati / prāha sā lalitaṃ kubjā taddarśanabalātkṛtā
Sanskrit only: no published translation is held for this verse.
कान्त कस्मान् न जानासि कंसेनाभिनियोजिताम् । नैकवक्रेति विख्याताम् अनुलेपनकर्मणि
kānta kasmān na jānāsi kaṃsenābhiniyojitām / naikavakreti vikhyātām anulepanakarmaṇi
Sanskrit only: no published translation is held for this verse.
नान्यपिष्टं हि कंसस्य प्रीतये ह्य् अनुलेपनम् । भवत्य् अहम् अतीवास्य प्रसादधनभाजनम्
nānyapiṣṭaṃ hi kaṃsasya prītaye hy anulepanam / bhavaty aham atīvāsya prasādadhanabhājanam
Sanskrit only: no published translation is held for this verse.
सुगन्धम् एतद् राजार्हं रुचिरं रुचिरानने । आवयोर् गात्रसदृशं दीयताम् अनुलेपनम्
sugandham etad rājārhaṃ ruciraṃ rucirānane / āvayor gātrasadṛśaṃ dīyatām anulepanam
Sanskrit only: no published translation is held for this verse.
श्रुत्वैतद् आह सा कुब्जा गृह्यताम् इति सादरम् । अनुलेपनं च ददौ गात्रयोग्यम् अथोभयोः
śrutvaitad āha sā kubjā gṛhyatām iti sādaram / anulepanaṃ ca dadau gātrayogyam athobhayoḥ
Sanskrit only: no published translation is held for this verse.
भक्तिच्छेदानुलिप्ताङ्गौ ततस् तौ पुरुषर्षभौ । सेन्द्रचापौ विराजेतां सितकृष्णाव् इवाम्बुदौ
bhakticchedānuliptāṅgau tatas tau puruṣarṣabhau / sendracāpau virājetāṃ sitakṛṣṇāv ivāmbudau
Sanskrit only: no published translation is held for this verse.
ततस् तां चिबुके शौरिर् उल्लापनविधानवित् । उत्पाट्य तोलयाम् आस द्व्यङ्गुलेनाग्रपाणिना
tatas tāṃ cibuke śaurir ullāpanavidhānavit / utpāṭya tolayām āsa dvyaṅgulenāgrapāṇinā
Sanskrit only: no published translation is held for this verse.
चकर्ष पद्भ्यां च तदा ऋजुत्वं केशवो ऽनयत् । ततः सा ऋजुतां प्राप्ता योषिताम् अभवद् वरा
cakarṣa padbhyāṃ ca tadā ṛjutvaṃ keśavo 'nayat / tataḥ sā ṛjutāṃ prāptā yoṣitām abhavad varā
Sanskrit only: no published translation is held for this verse.
विलासललितं प्राह प्रेमगर्भभरालसम् । वस्त्रे प्रगृह्य गोविन्दं व्रज गेहं ममेति वै
vilāsalalitaṃ prāha premagarbhabharālasam / vastre pragṛhya govindaṃ vraja gehaṃ mameti vai
Sanskrit only: no published translation is held for this verse.
आयास्ये भवतीगेहम् इति तां प्रहसन् हरिः । विससर्ज जहासोच्चै रामस्यालोक्य चाननम्
āyāsye bhavatīgeham iti tāṃ prahasan hariḥ / visasarja jahāsoccai rāmasyālokya cānanam
Sanskrit only: no published translation is held for this verse.
भक्तिच्छेदानुलिप्ताङ्गौ नीलपीताम्बरौ च तौ । धनुःशालां ततो यातौ चित्रमाल्योपशोभितौ
bhakticchedānuliptāṅgau nīlapītāmbarau ca tau / dhanuḥśālāṃ tato yātau citramālyopaśobhitau
Sanskrit only: no published translation is held for this verse.
आयोगवं धनूरत्नं ताभ्यां पृष्टैस् तु रक्षिभिः । आख्याते सहसा कृष्णो गृहीत्वापूरयद् धनुः
āyogavaṃ dhanūratnaṃ tābhyāṃ pṛṣṭais tu rakṣibhiḥ / ākhyāte sahasā kṛṣṇo gṛhītvāpūrayad dhanuḥ
Sanskrit only: no published translation is held for this verse.
ततः पूरयता तेन भज्यमानं बलाद् धनुः । चकार सुमहाशब्दं मथुरा येन पूरिता
tataḥ pūrayatā tena bhajyamānaṃ balād dhanuḥ / cakāra sumahāśabdaṃ mathurā yena pūritā
Sanskrit only: no published translation is held for this verse.
अनुयुक्तौ ततस् तौ तु भग्ने धनुषि रक्षिभिः । रक्षिसैन्यं निकृत्योभौ निष्क्रान्तौ कार्मुकालयात्
anuyuktau tatas tau tu bhagne dhanuṣi rakṣibhiḥ / rakṣisainyaṃ nikṛtyobhau niṣkrāntau kārmukālayāt
Sanskrit only: no published translation is held for this verse.
अक्रूरागमवृत्तान्तम् उपलभ्य तथा धनुः । भग्नं श्रुत्वाथ कंसो ऽपि प्राह चाणूरमुष्टिकौ
akrūrāgamavṛttāntam upalabhya tathā dhanuḥ / bhagnaṃ śrutvātha kaṃso 'pi prāha cāṇūramuṣṭikau
Sanskrit only: no published translation is held for this verse.
गोपालदारकौ प्राप्तौ भवद्भ्यां तौ ममाग्रतः । मल्लयुद्धे निहन्तव्यौ मम प्राणहरौ हि तौ
gopāladārakau prāptau bhavadbhyāṃ tau mamāgrataḥ / mallayuddhe nihantavyau mama prāṇaharau hi tau
Sanskrit only: no published translation is held for this verse.
नियुद्धे तद्विनाशेन भवद्भ्यां तोषितो ह्य् अहम् । दास्याम्य् अभिमतान् कामान् नान्यथैतन् महाबलौ
niyuddhe tadvināśena bhavadbhyāṃ toṣito hy aham / dāsyāmy abhimatān kāmān nānyathaitan mahābalau
Sanskrit only: no published translation is held for this verse.
न्यायतो ऽन्यायतो वापि भवद्भ्यां तौ ममाहितौ । हन्तव्यौ तद्वधाद् राज्यं सामान्यं वो भविष्यति
nyāyato 'nyāyato vāpi bhavadbhyāṃ tau mamāhitau / hantavyau tadvadhād rājyaṃ sāmānyaṃ vo bhaviṣyati
Sanskrit only: no published translation is held for this verse.
इत्य् आदिश्य स तौ मल्लौ ततश् चाहूय हस्तिपम् । प्रोवाचोच्चैस् त्वया मल्लसमाजद्वारि कुञ्जरः
ity ādiśya sa tau mallau tataś cāhūya hastipam / provācoccais tvayā mallasamājadvāri kuñjaraḥ
Sanskrit only: no published translation is held for this verse.
स्थाप्यः कुवलयापीडस् तेन तौ गोपदारकौ । घातनीयौ नियुद्धाय रङ्गद्वारम् उपागतौ
sthāpyaḥ kuvalayāpīḍas tena tau gopadārakau / ghātanīyau niyuddhāya raṅgadvāram upāgatau
Sanskrit only: no published translation is held for this verse.
तम् अप्य् आज्ञाप्य दृष्ट्वा च मञ्चान् सर्वान् उपाकृतान् । आसन्नमरणः कंसः सूर्योदयम् उदैक्षत
tam apy ājñāpya dṛṣṭvā ca mañcān sarvān upākṛtān / āsannamaraṇaḥ kaṃsaḥ sūryodayam udaikṣata
Sanskrit only: no published translation is held for this verse.
ततः समस्तमञ्चेषु नागरः स तदा जनः । राजमञ्चेषु चारूढाः सह भृत्यैर् महीभृतः
tataḥ samastamañceṣu nāgaraḥ sa tadā janaḥ / rājamañceṣu cārūḍhāḥ saha bhṛtyair mahībhṛtaḥ
Sanskrit only: no published translation is held for this verse.
मल्लप्राश्निकवर्गश् च रङ्गमध्यसमीपतः । कृतः कंसेन कंसो ऽपि तुङ्गमञ्चे व्यवस्थितः
mallaprāśnikavargaś ca raṅgamadhyasamīpataḥ / kṛtaḥ kaṃsena kaṃso 'pi tuṅgamañce vyavasthitaḥ
Sanskrit only: no published translation is held for this verse.
अन्तःपुराणां मञ्चाश् च तथान्ये परिकल्पिताः । अन्ये च वारमुख्यानाम् अन्ये नागरयोषिताम्
antaḥpurāṇāṃ mañcāś ca tathānye parikalpitāḥ / anye ca vāramukhyānām anye nāgarayoṣitām
Sanskrit only: no published translation is held for this verse.
नन्दगोपादयो गोपा मञ्चेष्व् अन्येष्व् अवस्थिताः । अक्रूरवसुदेवौ च मञ्चप्रान्ते व्यवस्थितौ
nandagopādayo gopā mañceṣv anyeṣv avasthitāḥ / akrūravasudevau ca mañcaprānte vyavasthitau
Sanskrit only: no published translation is held for this verse.
नागरीयोषितां मध्ये देवकी पुत्रगृद्धिनी । अन्तकाले ऽपि पुत्रस्य द्रक्ष्यामि रुचिरं मुखम्
nāgarīyoṣitāṃ madhye devakī putragṛddhinī / antakāle 'pi putrasya drakṣyāmi ruciraṃ mukham
Sanskrit only: no published translation is held for this verse.
वाद्यमानेषु तूर्येषु चाणूरे चातिवल्गति । हाहाकारपरे लोके आस्फोटयति मुष्टिके
vādyamāneṣu tūryeṣu cāṇūre cātivalgati / hāhākārapare loke āsphoṭayati muṣṭike
Sanskrit only: no published translation is held for this verse.
हत्वा कुवलयापीडं हस्त्यारोहप्रचोदितम् । मदासृगनुलिप्ताङ्गौ गजदन्तवरायुधौ
hatvā kuvalayāpīḍaṃ hastyārohapracoditam / madāsṛganuliptāṅgau gajadantavarāyudhau
Sanskrit only: no published translation is held for this verse.
मृगमध्ये यथा सिम्हौ गर्वलीलावलोकिनौ । प्रविष्टौ सुमहारङ्गं बलभद्रजनार्दनौ
mṛgamadhye yathā simhau garvalīlāvalokinau / praviṣṭau sumahāraṅgaṃ balabhadrajanārdanau
Sanskrit only: no published translation is held for this verse.
हाहाकारो महाञ् जज्ञे सर्वमञ्चेष्व् अनन्तरम् । कृष्णो ऽयं बलभद्रो ऽयम् इति लोकस्य विस्मयात्
hāhākāro mahāñ jajñe sarvamañceṣv anantaram / kṛṣṇo 'yaṃ balabhadro 'yam iti lokasya vismayāt
Sanskrit only: no published translation is held for this verse.
सो ऽयं येन हता घोरा पूतना सा निशाचरी । क्षिप्तं तु शकटं येन भग्नौ च यमलार्जुनौ
so 'yaṃ yena hatā ghorā pūtanā sā niśācarī / kṣiptaṃ tu śakaṭaṃ yena bhagnau ca yamalārjunau
Sanskrit only: no published translation is held for this verse.
सो ऽयं यः कालियं नागं ननर्तारुह्य बालकः । धृतो गोवर्धनो येन सप्तरात्रं महागिरिः
so 'yaṃ yaḥ kāliyaṃ nāgaṃ nanartāruhya bālakaḥ / dhṛto govardhano yena saptarātraṃ mahāgiriḥ
Sanskrit only: no published translation is held for this verse.
अरिष्टो धेनुकः केशी लीलयैव महात्मना । निहता येन दुर्वृत्ता दृश्यतां सो ऽयम् अच्युतः
ariṣṭo dhenukaḥ keśī līlayaiva mahātmanā / nihatā yena durvṛttā dṛśyatāṃ so 'yam acyutaḥ
Sanskrit only: no published translation is held for this verse.
अयं चास्य महाबाहुर् बलभद्रो ऽग्रजो ऽग्रतः । प्रयाति लीलया योषिन्मनोनयननन्दनः
ayaṃ cāsya mahābāhur balabhadro 'grajo 'grataḥ / prayāti līlayā yoṣinmanonayananandanaḥ
Sanskrit only: no published translation is held for this verse.
अयं स कथ्यते प्राज्ञैः पुराणार्थावलोकिभिः । गोपालो यादवं वंशं मग्नम् अभ्युद्धरिष्यति
ayaṃ sa kathyate prājñaiḥ purāṇārthāvalokibhiḥ / gopālo yādavaṃ vaṃśaṃ magnam abhyuddhariṣyati
Sanskrit only: no published translation is held for this verse.
अयं स सर्वभूतस्य विष्णोर् अखिलजन्मनः । अवतीर्णो महीम् अंशो नूनं भारहरो भुवः
ayaṃ sa sarvabhūtasya viṣṇor akhilajanmanaḥ / avatīrṇo mahīm aṃśo nūnaṃ bhāraharo bhuvaḥ
Sanskrit only: no published translation is held for this verse.
इत्य् एवं वर्णिते पौरै रामे कृष्णे च तत्क्षणात् उरस् तताप देवक्याः स्नेहस्नुतपयोधरम्
ity evaṃ varṇite paurai rāme kṛṣṇe ca tatkṣaṇāt uras tatāpa devakyāḥ snehasnutapayodharam
Sanskrit only: no published translation is held for this verse.
महोत्सवम् इवासाद्य पुत्राननविलोकनम् । युवेव वसुदेवो ऽभूद् विहायाभ्यागतां जराम्
mahotsavam ivāsādya putrānanavilokanam / yuveva vasudevo 'bhūd vihāyābhyāgatāṃ jarām
Sanskrit only: no published translation is held for this verse.
विस्तारिताक्षियुगलो राजान्तःपुरयोषितः । नागरस्त्रीसमूहश् च द्रष्टुं न विरराम तम्
vistāritākṣiyugalo rājāntaḥpurayoṣitaḥ / nāgarastrīsamūhaś ca draṣṭuṃ na virarāma tam
Sanskrit only: no published translation is held for this verse.
सख्यः पश्यत कृष्णस्य मुखम् अत्यरुणेक्षणम् । गजयुद्धकृतायासस्वेदाम्बुकणिकाचितम्
sakhyaḥ paśyata kṛṣṇasya mukham atyaruṇekṣaṇam / gajayuddhakṛtāyāsasvedāmbukaṇikācitam
Sanskrit only: no published translation is held for this verse.
विकासिशरदम्भोजम् अवश्यायजलोक्षितम् । परिभूय स्थितं जन्म सफलं क्रियतां दृशः
vikāsiśaradambhojam avaśyāyajalokṣitam / paribhūya sthitaṃ janma saphalaṃ kriyatāṃ dṛśaḥ
Sanskrit only: no published translation is held for this verse.
श्रीवत्साङ्कं महद्धाम बालस्यैतद् विलोक्यताम् । विपक्षक्षपणं वक्षो भुजयुग्मं च भामिनि
śrīvatsāṅkaṃ mahaddhāma bālasyaitad vilokyatām / vipakṣakṣapaṇaṃ vakṣo bhujayugmaṃ ca bhāmini
Sanskrit only: no published translation is held for this verse.
किं न पश्यसि कुन्देन्दुमृणालधवलाननम् । बलभद्रम् इमं नीलपरिधानम् उपागतम्
kiṃ na paśyasi kundendumṛṇāladhavalānanam / balabhadram imaṃ nīlaparidhānam upāgatam
Sanskrit only: no published translation is held for this verse.
वल्गता मुष्टिकेनैतच् चाणूरेण तथा सखि । क्रियते बलभद्रस्य हास्यम् एतद् विलोक्यताम्
valgatā muṣṭikenaitac cāṇūreṇa tathā sakhi / kriyate balabhadrasya hāsyam etad vilokyatām
Sanskrit only: no published translation is held for this verse.
सख्यः पश्यत चाणूरं नियुद्धार्थम् अयं हरिः । समुपैति न सन्त्य् अत्र किं वृद्धा युक्तकारिणः
sakhyaḥ paśyata cāṇūraṃ niyuddhārtham ayaṃ hariḥ / samupaiti na santy atra kiṃ vṛddhā yuktakāriṇaḥ
Sanskrit only: no published translation is held for this verse.
क्व यौवनोन्मुखीभूतसुकुमारतनुर् हरिः । क्व वज्रकठिनाभोगशरीरो ऽयं महासुरः
kva yauvanonmukhībhūtasukumāratanur hariḥ / kva vajrakaṭhinābhogaśarīro 'yaṃ mahāsuraḥ
Sanskrit only: no published translation is held for this verse.
इमौ सुललितौ रङ्गे वर्तेते नवयौवनौ । दैतेयमल्लाश् चाणूरप्रमुखास् त्व् अतिदारुणाः
imau sulalitau raṅge vartete navayauvanau / daiteyamallāś cāṇūrapramukhās tv atidāruṇāḥ
Sanskrit only: no published translation is held for this verse.
नियुद्धप्राश्निकानां तु महान् एष व्यतिक्रमः । यद् बालबलिनोर् युद्धं मध्यस्थैः समुपेक्ष्यते
niyuddhaprāśnikānāṃ tu mahān eṣa vyatikramaḥ / yad bālabalinor yuddhaṃ madhyasthaiḥ samupekṣyate
Sanskrit only: no published translation is held for this verse.
इत्थं पुरस्त्रीलोकस्य वदतश् चालयन् भुवम् ववल्ग बद्धकक्ष्यो ऽन्तर् जनस्य भगवान् हरिः
itthaṃ purastrīlokasya vadataś cālayan bhuvam vavalga baddhakakṣyo 'ntar janasya bhagavān hariḥ
Sanskrit only: no published translation is held for this verse.
बलभद्रो ऽपि चास्फोट्य ववल्ग ललितं यदा । पदे पदे तदा भूमिर् यन् न शीर्णा तद् अद्भुतम्
balabhadro 'pi cāsphoṭya vavalga lalitaṃ yadā / pade pade tadā bhūmir yan na śīrṇā tad adbhutam
Sanskrit only: no published translation is held for this verse.
चाणूरेण ततः कृष्णो युयुधे ऽमितविक्रमः । नियुद्धकुशलो दैत्यो बलभद्रेण मुष्टिकः
cāṇūreṇa tataḥ kṛṣṇo yuyudhe 'mitavikramaḥ / niyuddhakuśalo daityo balabhadreṇa muṣṭikaḥ
Sanskrit only: no published translation is held for this verse.
संनिपातावधूतैस् तु चाणूरेण समं हरिः । क्षेपणैर् मुष्टिभिश् चैव कीलवज्रनिपातनैः
saṃnipātāvadhūtais tu cāṇūreṇa samaṃ hariḥ / kṣepaṇair muṣṭibhiś caiva kīlavajranipātanaiḥ
Sanskrit only: no published translation is held for this verse.
पादोद्धूतैः प्रमृष्टैश् च तयोर् युद्धम् अभून् महत्
pādoddhūtaiḥ pramṛṣṭaiś ca tayor yuddham abhūn mahat
Sanskrit only: no published translation is held for this verse.
अशस्त्रम् अतिघोरं तत् तयोर् युद्धं सुदारुणम् । बलप्राणविनिष्पाद्यं समाजोत्सवसंनिधौ
aśastram atighoraṃ tat tayor yuddhaṃ sudāruṇam / balaprāṇaviniṣpādyaṃ samājotsavasaṃnidhau
Sanskrit only: no published translation is held for this verse.
यावद् यावच् च चाणूरो युयुधे हरिणा सह । प्राणहानिम् अवापाग्र्यां तावत् तावल् लवाल् लवम्
yāvad yāvac ca cāṇūro yuyudhe hariṇā saha / prāṇahānim avāpāgryāṃ tāvat tāval lavāl lavam
Sanskrit only: no published translation is held for this verse.
कृष्णो ऽपि युयुधे तेन लीलयैव जगन्मयः । खेदाच् चालयता कोपान् निजशेखरकेसरम्
kṛṣṇo 'pi yuyudhe tena līlayaiva jaganmayaḥ / khedāc cālayatā kopān nijaśekharakesaram
Sanskrit only: no published translation is held for this verse.
बलक्षयं विवृद्धिं च दृष्ट्वा चाणूरकृष्णयोः । वारयाम् आस तूर्याणि कंसः कोपपरायणः
balakṣayaṃ vivṛddhiṃ ca dṛṣṭvā cāṇūrakṛṣṇayoḥ / vārayām āsa tūryāṇi kaṃsaḥ kopaparāyaṇaḥ
Sanskrit only: no published translation is held for this verse.
मृदङ्गादिषु तूर्येषु प्रतिषिद्धेषु तत्क्षणात् । खे संगतान्य् अवाद्यन्त देवतूर्याण्य् अनेकशः
mṛdaṅgādiṣu tūryeṣu pratiṣiddheṣu tatkṣaṇāt / khe saṃgatāny avādyanta devatūryāṇy anekaśaḥ
Sanskrit only: no published translation is held for this verse.
जय गोविन्द चाणूरं जहि केशव दानवम् । इत्य् अन्तर्धानगा देवास् तदोचुर् अतिहर्षिताः
jaya govinda cāṇūraṃ jahi keśava dānavam / ity antardhānagā devās tadocur atiharṣitāḥ
Sanskrit only: no published translation is held for this verse.
चाणूरेण चिरं कालं क्रीडित्वा मधुसूदनः । उत्पाट्य भ्रामयाम् आस तद्वधाय कृतोद्यमः
cāṇūreṇa ciraṃ kālaṃ krīḍitvā madhusūdanaḥ / utpāṭya bhrāmayām āsa tadvadhāya kṛtodyamaḥ
Sanskrit only: no published translation is held for this verse.
भ्रामयित्वा शतगुणं दैत्यमल्लम् अमित्रजित् । भूमाव् आस्फोटयाम् आस गगने गतजीवितम्
bhrāmayitvā śataguṇaṃ daityamallam amitrajit / bhūmāv āsphoṭayām āsa gagane gatajīvitam
Sanskrit only: no published translation is held for this verse.
भूमाव् आस्फोटितस् तेन चाणूरः शतधाव्रजत् । रक्तस्रावमहापङ्कां चकार स तदा भुवम्
bhūmāv āsphoṭitas tena cāṇūraḥ śatadhāvrajat / raktasrāvamahāpaṅkāṃ cakāra sa tadā bhuvam
Sanskrit only: no published translation is held for this verse.
बलदेवो ऽपि तत्कालं मुष्टिकेन महाबलः । युयुधे दैत्यमल्लेन चाणूरेण यथा हरिः
baladevo 'pi tatkālaṃ muṣṭikena mahābalaḥ / yuyudhe daityamallena cāṇūreṇa yathā hariḥ
Sanskrit only: no published translation is held for this verse.
सो ऽप्य् एनं मुष्टिना मूर्ध्नि वक्षस्य् आहत्य जानुना । पातयित्वा धरापृष्ठे निष्पिपेष गतायुषम्
so 'py enaṃ muṣṭinā mūrdhni vakṣasy āhatya jānunā / pātayitvā dharāpṛṣṭhe niṣpipeṣa gatāyuṣam
Sanskrit only: no published translation is held for this verse.
कृष्णस् तोशलकं भूयो मल्लराजं महाबलम् । वाममुष्टिप्रहारेण पातयाम् आस भूतले
kṛṣṇas tośalakaṃ bhūyo mallarājaṃ mahābalam / vāmamuṣṭiprahāreṇa pātayām āsa bhūtale
Sanskrit only: no published translation is held for this verse.
चाणूरे निहते मल्ले मुष्टिके विनिपातिते । नीते क्षयं तोशलके सर्वे मल्लाः प्रदुद्रुवुः
cāṇūre nihate malle muṣṭike vinipātite / nīte kṣayaṃ tośalake sarve mallāḥ pradudruvuḥ
Sanskrit only: no published translation is held for this verse.
ववल्गतुस् तदा रङ्गे कृष्णसंकर्षणाव् उभौ । समानवयसो गोपान् बलाद् आकृष्य हर्षितौ
vavalgatus tadā raṅge kṛṣṇasaṃkarṣaṇāv ubhau / samānavayaso gopān balād ākṛṣya harṣitau
Sanskrit only: no published translation is held for this verse.
कंसो ऽपि कोपरक्ताक्षः प्राहोच्चैर् व्यापृतान् नरान् । गोपाव् एतौ समाजौघान् निष्क्राम्येतां बलाद् इतः
kaṃso 'pi koparaktākṣaḥ prāhoccair vyāpṛtān narān / gopāv etau samājaughān niṣkrāmyetāṃ balād itaḥ
Sanskrit only: no published translation is held for this verse.
नन्दो ऽपि गृह्यतां पापो निगडैर् आयसैर् इह । अवृद्धार्हेण दण्डेन वसुदेवो ऽपि हन्यताम्
nando 'pi gṛhyatāṃ pāpo nigaḍair āyasair iha / avṛddhārheṇa daṇḍena vasudevo 'pi hanyatām
Sanskrit only: no published translation is held for this verse.
वल्गन्ति गोपाः कृष्णेन ये चेमे सहिताः पुरः । गावो ह्रियन्ताम् एतेषां यच् चास्ति वसु किंचन
valganti gopāḥ kṛṣṇena ye ceme sahitāḥ puraḥ / gāvo hriyantām eteṣāṃ yac cāsti vasu kiṃcana
Sanskrit only: no published translation is held for this verse.
एवम् आज्ञापयानं तु प्रहस्य मधुसूदनः । उत्प्लुत्यारुह्य तं मञ्चं कंसं जग्राह वेगतः
evam ājñāpayānaṃ tu prahasya madhusūdanaḥ / utplutyāruhya taṃ mañcaṃ kaṃsaṃ jagrāha vegataḥ
Sanskrit only: no published translation is held for this verse.
केशेष्व् आकृष्य विगलत्किरीटम् अवनीतले । कंसं स पातयाम् आस तस्योपरि पपात च
keśeṣv ākṛṣya vigalatkirīṭam avanītale / kaṃsaṃ sa pātayām āsa tasyopari papāta ca
Sanskrit only: no published translation is held for this verse.
निःशेषजगदाधारगुरुणा पततोपरि । कृष्णेन त्याजितः प्राणान् उग्रसेनात्मजो नृपः
niḥśeṣajagadādhāraguruṇā patatopari / kṛṣṇena tyājitaḥ prāṇān ugrasenātmajo nṛpaḥ
Sanskrit only: no published translation is held for this verse.
मृतस्य केशेषु तदा गृहीत्वा मधुसूदनः । चकर्ष देहं कंसस्य रङ्गमध्ये महाबलः
mṛtasya keśeṣu tadā gṛhītvā madhusūdanaḥ / cakarṣa dehaṃ kaṃsasya raṅgamadhye mahābalaḥ
Sanskrit only: no published translation is held for this verse.
गौरवेणातिमहता परिखा तेन कृष्यता । कृता कंसस्य देहेन वेगेनेव महाम्भसः
gauraveṇātimahatā parikhā tena kṛṣyatā / kṛtā kaṃsasya dehena vegeneva mahāmbhasaḥ
Sanskrit only: no published translation is held for this verse.
कंसे गृहीते कृष्णेन तद्भ्राताभ्यागतो रुषा । सुनामा बलभद्रेण लीलयैव निपातितः
kaṃse gṛhīte kṛṣṇena tadbhrātābhyāgato ruṣā / sunāmā balabhadreṇa līlayaiva nipātitaḥ
Sanskrit only: no published translation is held for this verse.
ततो हाहाकृतं सर्वम् आसीत् तद् रङ्गमण्डलम् । अवज्ञया हतं दृष्ट्वा कृष्णेन मथुरेश्वरम्
tato hāhākṛtaṃ sarvam āsīt tad raṅgamaṇḍalam / avajñayā hataṃ dṛṣṭvā kṛṣṇena mathureśvaram
Sanskrit only: no published translation is held for this verse.
कृष्णो ऽपि वसुदेवस्य पादौ जग्राह सत्वरः । देवक्याश् च महाबाहुर् बलदेवसहायवान्
kṛṣṇo 'pi vasudevasya pādau jagrāha satvaraḥ / devakyāś ca mahābāhur baladevasahāyavān
Sanskrit only: no published translation is held for this verse.
उत्थाप्य वसुदेवस् तं देवकी च जनार्दनम् । स्मृतजन्मोक्तवचनौ ताव् एव प्रणतौ स्थितौ
utthāpya vasudevas taṃ devakī ca janārdanam / smṛtajanmoktavacanau tāv eva praṇatau sthitau
Sanskrit only: no published translation is held for this verse.
प्रसीद सीदतां देव देवानां वरद प्रभो । तथावयोः प्रसादेन कृतोद्धारश् च केशव
prasīda sīdatāṃ deva devānāṃ varada prabho / tathāvayoḥ prasādena kṛtoddhāraś ca keśava
Sanskrit only: no published translation is held for this verse.
आराधितो यद् भगवान् अवतीर्णो गृहे मम । दुर्वृत्तनिधनार्थाय तेन नः पावितं कुलम्
ārādhito yad bhagavān avatīrṇo gṛhe mama / durvṛttanidhanārthāya tena naḥ pāvitaṃ kulam
Sanskrit only: no published translation is held for this verse.
त्वम् अन्तः सर्वभूतानां सर्वभूतेष्व् अवस्थितः । प्रवर्तेते समस्तात्मंस् त्वत्तो भूतभविष्यती
tvam antaḥ sarvabhūtānāṃ sarvabhūteṣv avasthitaḥ / pravartete samastātmaṃs tvatto bhūtabhaviṣyatī
Sanskrit only: no published translation is held for this verse.
यज्ञैस् त्वम् इज्यसे नित्यं सर्वदेवमयाच्युत । त्वम् एव यज्ञो यष्टा च यज्ञानां परमेश्वरः
yajñais tvam ijyase nityaṃ sarvadevamayācyuta / tvam eva yajño yaṣṭā ca yajñānāṃ parameśvaraḥ
Sanskrit only: no published translation is held for this verse.
सापह्नवं मम मनो यद् एतत् त्वयि जायते । देवक्याश् चात्मजप्रीत्या तद् अत्यन्तविडम्बना
sāpahnavaṃ mama mano yad etat tvayi jāyate / devakyāś cātmajaprītyā tad atyantaviḍambanā
Sanskrit only: no published translation is held for this verse.
क्व कर्ता सर्वभूतानाम् अनादिनिधनो भवान् । क्व मे मनुष्यकस्यैषा जिह्वा पुत्रेति वक्ष्यति
kva kartā sarvabhūtānām anādinidhano bhavān / kva me manuṣyakasyaiṣā jihvā putreti vakṣyati
Sanskrit only: no published translation is held for this verse.
जगद् एतज् जगन्नाथ संभूतम् अखिलं यतः । कया युक्त्या विना मायां सो ऽस्मत्तः संभविष्यति
jagad etaj jagannātha saṃbhūtam akhilaṃ yataḥ / kayā yuktyā vinā māyāṃ so 'smattaḥ saṃbhaviṣyati
Sanskrit only: no published translation is held for this verse.
यस्मिन् प्रतिष्ठितं सर्वं जगत् स्थावरजङ्गमम् । स कोष्ठोत्सङ्गशयनो मनुष्याज् जायते कथम्
yasmin pratiṣṭhitaṃ sarvaṃ jagat sthāvarajaṅgamam / sa koṣṭhotsaṅgaśayano manuṣyāj jāyate katham
Sanskrit only: no published translation is held for this verse.
स त्वं प्रसीद परमेश्वर पाहि विश्वम् अंशावतारकरणैर् न ममासि पुत्रः । आब्रह्मपादपम् अयं जगद् एतद् ईश त्वत्तो विमोहयसि किं परमेश्वरात्मन्
sa tvaṃ prasīda parameśvara pāhi viśvam aṃśāvatārakaraṇair na mamāsi putraḥ / ābrahmapādapam ayaṃ jagad etad īśa tvatto vimohayasi kiṃ parameśvarātman
Sanskrit only: no published translation is held for this verse.
मायाविमोहितदृशा तनयो ममेति कंसाद् भयं कृतम् अपास्तभयातितीव्रम् । नीतो ऽसि गोकुलम् इतो ऽतिभयाकुलस्य वृद्धिं गतो ऽसि मम नास्ति ममत्वम् ईश
māyāvimohitadṛśā tanayo mameti kaṃsād bhayaṃ kṛtam apāstabhayātitīvram / nīto 'si gokulam ito 'tibhayākulasya vṛddhiṃ gato 'si mama nāsti mamatvam īśa
Sanskrit only: no published translation is held for this verse.
कर्माणि रुद्रमरुदश्विशतक्रतूनां साध्यानि यानि न भवन्ति निरीक्षितानि । त्वं विष्णुर् ईश जगताम् उपकारहेतोः प्राप्तो ऽसि नः परिगतं विगतो हि मोहः
karmāṇi rudramarudaśviśatakratūnāṃ sādhyāni yāni na bhavanti nirīkṣitāni / tvaṃ viṣṇur īśa jagatām upakārahetoḥ prāpto 'si naḥ parigataṃ vigato hi mohaḥ
Sanskrit only: no published translation is held for this verse.
उत्थाप्य वसुदेवस्तं देवकी च जनार्दनम् । स्मृतजन्मोक्तवचनौ तावे व प्रणतौ स्थितौ
utthāpya vasudevastaṃ devakī ca janārdanam / smṛtajanmoktavacanau tāve va praṇatau sthitau
Sanskrit only: no published translation is held for this verse.
श्रीवसुदेव उवाच प्रसीद सीदतां दत्तो देवानां यो वरः प्रभो । तथावयोः प्रसादेन कृतोद्धारःस केशव
śrīvasudeva uvāca prasīda sīdatāṃ datto devānāṃ yo varaḥ prabho / tathāvayoḥ prasādena kṛtoddhāraḥsa keśava
Sanskrit only: no published translation is held for this verse.
आराधितो यद्भगवानवतीर्णो गृहे मम । दुर्वृत्तनिधनार्थाय तेन नः पावितं कुलम्
ārādhito yadbhagavānavatīrṇo gṛhe mama / durvṛttanidhanārthāya tena naḥ pāvitaṃ kulam
Sanskrit only: no published translation is held for this verse.
त्वमन्तः सर्वभूतानां सर्वभूतमयस्थितः । प्रवर्तेते समस्तात्मंस्त्वत्तो भूतभविष्यति
tvamantaḥ sarvabhūtānāṃ sarvabhūtamayasthitaḥ / pravartete samastātmaṃstvatto bhūtabhaviṣyati
Sanskrit only: no published translation is held for this verse.
यज्ञैस् त्वम् इज्यसे ऽचिन्त्य सर्वदेवमयाच्युत । त्वमेव यज्ञो यष्टा च यज्वनां परमेश्वरः
yajñais tvam ijyase 'cintya sarvadevamayācyuta / tvameva yajño yaṣṭā ca yajvanāṃ parameśvaraḥ
Sanskrit only: no published translation is held for this verse.
समुद्भवःसमस्तस्य जगतस्त्वं जनार्दन
samudbhavaḥsamastasya jagatastvaṃ janārdana
Sanskrit only: no published translation is held for this verse.
सापह्नवं मम मनो यदेतत्त्वयि जायते । देवक्याश्चात्मजप्रीत्या तदत्यन्तविडंबना
sāpahnavaṃ mama mano yadetattvayi jāyate / devakyāścātmajaprītyā tadatyantaviḍaṃbanā
Sanskrit only: no published translation is held for this verse.
त्वं कर्ता सर्वभूतानामनादिनिधनो भवान् । त्वं मनुष्यस्य कस्यैषा जिह्वा पुत्रेते वक्ष्यति
tvaṃ kartā sarvabhūtānāmanādinidhano bhavān / tvaṃ manuṣyasya kasyaiṣā jihvā putrete vakṣyati
Sanskrit only: no published translation is held for this verse.
जगदेतज्जगन्नाथ संभूतमखिलं यतः । कया युक्त्या विना मायां सो ऽस्मत्तः संभविष्यति
jagadetajjagannātha saṃbhūtamakhilaṃ yataḥ / kayā yuktyā vinā māyāṃ so 'smattaḥ saṃbhaviṣyati
Sanskrit only: no published translation is held for this verse.
यस्मिन्प्रतिष्ठितं सर्वं जगत्स्थावरजङ्गमम् । स कोष्ठोत्संगशयने मानुषो जाय ते कथम्
yasminpratiṣṭhitaṃ sarvaṃ jagatsthāvarajaṅgamam / sa koṣṭhotsaṃgaśayane mānuṣo jāya te katham
Sanskrit only: no published translation is held for this verse.
स त्वं प्रसीद परम्श्वर पाहि विश्वमंशावतारकरणैर् न ममासि पुत्रः । आब्रह्यपादपमिदं जगदेतदीश त्वत्तो विमोहयसि किं पुरुषोत्तमास्मान्
sa tvaṃ prasīda paramśvara pāhi viśvamaṃśāvatārakaraṇair na mamāsi putraḥ / ābrahyapādapamidaṃ jagadetadīśa tvatto vimohayasi kiṃ puruṣottamāsmān
Sanskrit only: no published translation is held for this verse.
मायाविमोहितदृशा तनयो ममेति कंसाद्भायं कृतमपास्तभयो ऽतितीव्रम् । नितो ऽसि गोकुलमरातिभया कुलेन वृद्धिं गतो ऽसि मम नास्ति ममत्वमीश
māyāvimohitadṛśā tanayo mameti kaṃsādbhāyaṃ kṛtamapāstabhayo 'titīvram / nito 'si gokulamarātibhayā kulena vṛddhiṃ gato 'si mama nāsti mamatvamīśa
Sanskrit only: no published translation is held for this verse.
कर्माणि रुद्रमरुदश्विशतक्रतूनां साध्यानि यस्य न भवन्ति निरीक्षितानि । त्वं विष्णुरीश जगतामुपकारहेतोः प्राप्तोसि नः परिगतो विगतो हि मोहः
karmāṇi rudramarudaśviśatakratūnāṃ sādhyāni yasya na bhavanti nirīkṣitāni / tvaṃ viṣṇurīśa jagatāmupakārahetoḥ prāptosi naḥ parigato vigato hi mohaḥ
Sanskrit only: no published translation is held for this verse.