Viṣṇu Purāṇa 5.24

इत्थं स्तुतस् तदा तेन मुचुकुन्देन धीमता । प्राहेशः सर्वभूतानाम् अनादिर् भगवान् हरिः

itthaṃ stutas tadā tena mucukundena dhīmatā / prāheśaḥ sarvabhūtānām anādir bhagavān hariḥ

Sanskrit only: no published translation is held for this verse.

यथाभिवाञ्छितान् दिव्यान् लोकान् गच्छ नरेश्वर । अव्याहतपरैश्वर्यो मत्प्रसादोपबृंहितः

yathābhivāñchitān divyān lokān gaccha nareśvara / avyāhataparaiśvaryo matprasādopabṛṃhitaḥ

Sanskrit only: no published translation is held for this verse.

भुक्त्वा दिव्यान् महाभोगान् भविष्यसि महाकुले । जातिस्मरो मत्प्रसादात् ततो मोक्षम् अवाप्स्यसि

bhuktvā divyān mahābhogān bhaviṣyasi mahākule / jātismaro matprasādāt tato mokṣam avāpsyasi

Sanskrit only: no published translation is held for this verse.

इत्य् उक्तः प्रणिपत्येशं जगताम् अच्युतं नृपः । गुहामुखाद् विनिष्क्रान्तः ददृशे सो ऽल्पकान् नरान्

ity uktaḥ praṇipatyeśaṃ jagatām acyutaṃ nṛpaḥ / guhāmukhād viniṣkrāntaḥ dadṛśe so 'lpakān narān

Sanskrit only: no published translation is held for this verse.

ततः कलियुगं ज्ञात्वा प्राप्तं तप्तुं नृपस् तपः । नरनारायणस्थानं प्रययौ गन्धमादनम्

tataḥ kaliyugaṃ jñātvā prāptaṃ taptuṃ nṛpas tapaḥ / naranārāyaṇasthānaṃ prayayau gandhamādanam

Sanskrit only: no published translation is held for this verse.

कृष्णो ऽपि घातयित्वारिम् उपायेन हि तद्बलम् । जग्राह मथुराम् एत्य हस्त्यश्वस्यन्दनोज्ज्वलम्

kṛṣṇo 'pi ghātayitvārim upāyena hi tadbalam / jagrāha mathurām etya hastyaśvasyandanojjvalam

Sanskrit only: no published translation is held for this verse.

आनीय चोग्रसेनाय द्वारवत्यां न्यवेदयत् । पराभिभवनिःशङ्कं बभूव च यदोः कुलम्

ānīya cograsenāya dvāravatyāṃ nyavedayat / parābhibhavaniḥśaṅkaṃ babhūva ca yadoḥ kulam

Sanskrit only: no published translation is held for this verse.

बलदेवो ऽपि मैत्रेय प्रशान्ताखिलविग्रहः । ज्ञातिदर्शनसोत्कण्ठः प्रययौ नन्दगोकुलम्

baladevo 'pi maitreya praśāntākhilavigrahaḥ / jñātidarśanasotkaṇṭhaḥ prayayau nandagokulam

Sanskrit only: no published translation is held for this verse.

ततो गोपांश् च गोपीश् च यथापूर्वम् अमित्रजित् । तथैवाभ्यवदत् प्रेम्णा बहुमानपुरःसरम्

tato gopāṃś ca gopīś ca yathāpūrvam amitrajit / tathaivābhyavadat premṇā bahumānapuraḥsaram

Sanskrit only: no published translation is held for this verse.

कैश् चापि संपरिष्वक्तः कांश्चिच् च परिषस्वजे । हास्यं चक्रे समं कैश्चिद् गोपैर् गोपीजनैस् तथा

kaiś cāpi saṃpariṣvaktaḥ kāṃścic ca pariṣasvaje / hāsyaṃ cakre samaṃ kaiścid gopair gopījanais tathā

Sanskrit only: no published translation is held for this verse.

प्रियाण्य् अनेकान्य् अवदन् गोपास् तत्र हलायुधम् । गोप्यश् च प्रेमकुपिताः प्रोचुः सेर्ष्यम् अथापराः

priyāṇy anekāny avadan gopās tatra halāyudham / gopyaś ca premakupitāḥ procuḥ serṣyam athāparāḥ

Sanskrit only: no published translation is held for this verse.

गोप्यः पप्रच्छुर् अपरा नागरीजनवल्लभः । कच्चिद् आस्ते सुखं कृष्णश् चलत्प्रेमलवात्मकः

gopyaḥ papracchur aparā nāgarījanavallabhaḥ / kaccid āste sukhaṃ kṛṣṇaś calatpremalavātmakaḥ

Sanskrit only: no published translation is held for this verse.

अस्मच्चेष्टाम् अपहसन् न कच्चित् पुरयोषिताम् । सौभाग्यमानम् अधिकं करोति क्षणसौहृदः

asmacceṣṭām apahasan na kaccit purayoṣitām / saubhāgyamānam adhikaṃ karoti kṣaṇasauhṛdaḥ

Sanskrit only: no published translation is held for this verse.

कच्चित् स्मरति नः कृष्णो गीतानुगमनं कलम् । अप्य् असौ मातरं द्रष्टुं सकृद् अप्य् आगमिष्यति

kaccit smarati naḥ kṛṣṇo gītānugamanaṃ kalam / apy asau mātaraṃ draṣṭuṃ sakṛd apy āgamiṣyati

Sanskrit only: no published translation is held for this verse.

अथ वा किं तदालापैर् अपरा क्रियतां कथा । यस्यास्माभिर् विना तेन विनास्माकं भविष्यति

atha vā kiṃ tadālāpair aparā kriyatāṃ kathā / yasyāsmābhir vinā tena vināsmākaṃ bhaviṣyati

Sanskrit only: no published translation is held for this verse.

पिता माता तथा भ्राता भर्ता बन्धुजनश् च किम् । न त्यक्तस् तत्कृते ऽस्माभिर् अकृतज्ञध्वजो हि सः

pitā mātā tathā bhrātā bhartā bandhujanaś ca kim / na tyaktas tatkṛte 'smābhir akṛtajñadhvajo hi saḥ

Sanskrit only: no published translation is held for this verse.

तथापि कच्चिद् आलापम् इहागमनसंश्रयम् । करोति कृष्णो वक्तव्यं भवता राम नानृतम्

tathāpi kaccid ālāpam ihāgamanasaṃśrayam / karoti kṛṣṇo vaktavyaṃ bhavatā rāma nānṛtam

Sanskrit only: no published translation is held for this verse.

दामोदरः स गोविन्दः पुरस्त्रीसक्तमानसः । अपेतप्रीतिर् अस्मासु दुर्दर्शः प्रतिभाति नः

dāmodaraḥ sa govindaḥ purastrīsaktamānasaḥ / apetaprītir asmāsu durdarśaḥ pratibhāti naḥ

Sanskrit only: no published translation is held for this verse.

आमन्त्रितः स कृष्णेति पुनर् दामोदरेति च । रुरुदुः सस्वरं गोप्यो हरिणा हृतचेतसः

āmantritaḥ sa kṛṣṇeti punar dāmodareti ca / ruruduḥ sasvaraṃ gopyo hariṇā hṛtacetasaḥ

Sanskrit only: no published translation is held for this verse.

संदेशैः साममधुरैः प्रेमगर्भैर् अगर्वितैः । रामेणाश्वासिता गोप्यः कृष्णस्यातिमनोहरैः

saṃdeśaiḥ sāmamadhuraiḥ premagarbhair agarvitaiḥ / rāmeṇāśvāsitā gopyaḥ kṛṣṇasyātimanoharaiḥ

Sanskrit only: no published translation is held for this verse.

गोपैश् च पूर्ववद् रामः परिहासमनोरमाः । कथाश् चकार रेमे च सह तैर् व्रजभूमिषु

gopaiś ca pūrvavad rāmaḥ parihāsamanoramāḥ / kathāś cakāra reme ca saha tair vrajabhūmiṣu

Sanskrit only: no published translation is held for this verse.