Viṣṇu Purāṇa 5.35

भूय एवाहम् इच्छामि बलभद्रस्य धीमतः । श्रोतुं पराक्रमं ब्रह्मन् तन् ममाख्यातुम् अर्हसि

bhūya evāham icchāmi balabhadrasya dhīmataḥ / śrotuṃ parākramaṃ brahman tan mamākhyātum arhasi

Sanskrit only: no published translation is held for this verse.

यमुनाकर्षणादीनि श्रुतानि भगवन् मया । तत् कथ्यतां महाभाग यद् अन्यत् कृतवान् बलः

yamunākarṣaṇādīni śrutāni bhagavan mayā / tat kathyatāṃ mahābhāga yad anyat kṛtavān balaḥ

Sanskrit only: no published translation is held for this verse.

मैत्रेय श्रूयतां कर्म यद् रामेणाभवत् कृतम् । अनन्तेनाप्रमेयेन शेषेण धरणीभृता

maitreya śrūyatāṃ karma yad rāmeṇābhavat kṛtam / anantenāprameyena śeṣeṇa dharaṇībhṛtā

Sanskrit only: no published translation is held for this verse.

दुर्योधनस्य तनयां स्वयंवरकृतक्षणाम् । बलाद् आदत्तवान् वीरः साम्बो जाम्बवतीसुतः

duryodhanasya tanayāṃ svayaṃvarakṛtakṣaṇām / balād ādattavān vīraḥ sāmbo jāmbavatīsutaḥ

Sanskrit only: no published translation is held for this verse.

ततः क्रुद्धा महावीर्याः कर्णदुर्योधनादयः । भीष्मद्रोणादयश् चैनं बबन्धुर् युधि निर्जितम्

tataḥ kruddhā mahāvīryāḥ karṇaduryodhanādayaḥ / bhīṣmadroṇādayaś cainaṃ babandhur yudhi nirjitam

Sanskrit only: no published translation is held for this verse.

तच् छ्रुत्वा यादवाः सर्वे क्रोधं दुर्योधनादिषु । मैत्रेय चक्रुश् चक्रुश् च तान् निहन्तुं महोद्यमम्

tac chrutvā yādavāḥ sarve krodhaṃ duryodhanādiṣu / maitreya cakruś cakruś ca tān nihantuṃ mahodyamam

Sanskrit only: no published translation is held for this verse.

तान् निवार्य बलः प्राह मदलोलकलाक्षरम् । मोक्ष्यन्ति ते मद्वचनाद् यास्याम्य् एको हि कौरवान्

tān nivārya balaḥ prāha madalolakalākṣaram / mokṣyanti te madvacanād yāsyāmy eko hi kauravān

Sanskrit only: no published translation is held for this verse.

बलदेवस् ततो गत्वा नगरं नागसाह्वयम् । बाह्योपवनमध्ये ऽभून् न विवेश च तत् पुरम्

baladevas tato gatvā nagaraṃ nāgasāhvayam / bāhyopavanamadhye 'bhūn na viveśa ca tat puram

Sanskrit only: no published translation is held for this verse.

बलम् आगतम् आज्ञाय भूपा दुर्योधनादयः । गाम् अर्घ्यम् उदकं चैव रामाय प्रत्यवेदयन्

balam āgatam ājñāya bhūpā duryodhanādayaḥ / gām arghyam udakaṃ caiva rāmāya pratyavedayan

Sanskrit only: no published translation is held for this verse.

गृहीत्वा विधिवत् सर्वं ततस् तान् आह कौरवान् । आज्ञापयत्य् उग्रसेनः साम्बम् आशु विमुञ्चत

gṛhītvā vidhivat sarvaṃ tatas tān āha kauravān / ājñāpayaty ugrasenaḥ sāmbam āśu vimuñcata

Sanskrit only: no published translation is held for this verse.

ततस् ते तद्वचः श्रुत्वा भीष्मद्रोणादयो द्विज । कर्णदुर्योधनाद्याश् च चुक्रुधुर् द्विजसत्तम

tatas te tadvacaḥ śrutvā bhīṣmadroṇādayo dvija / karṇaduryodhanādyāś ca cukrudhur dvijasattama

Sanskrit only: no published translation is held for this verse.

ऊचुश् च कुपिताः सर्वे बाह्लिकाद्याश् च कौरवाः । अराज्यार्हं यदोर् वंशम् अवेक्ष्य मुसलायुधम्

ūcuś ca kupitāḥ sarve bāhlikādyāś ca kauravāḥ / arājyārhaṃ yador vaṃśam avekṣya musalāyudham

Sanskrit only: no published translation is held for this verse.

भो भोः किम् एतद् भवता बलभद्रेरितं वचः । आज्ञां कुरुकुलोत्थानां यादवः कः प्रदास्यति

bho bhoḥ kim etad bhavatā balabhadreritaṃ vacaḥ / ājñāṃ kurukulotthānāṃ yādavaḥ kaḥ pradāsyati

Sanskrit only: no published translation is held for this verse.

उग्रसेनो ऽपि यद्य् आज्ञां कौरवाणां प्रदास्यति । तद् अलं पाण्डुरैश् छत्रैर् नृपयोग्यैर् विडम्बितैः

ugraseno 'pi yady ājñāṃ kauravāṇāṃ pradāsyati / tad alaṃ pāṇḍuraiś chatrair nṛpayogyair viḍambitaiḥ

Sanskrit only: no published translation is held for this verse.

तद् गच्छ बल मा वा त्वं साम्बम् अन्यायचेष्टितम् । विमोक्ष्यामो न भवतो नोग्रसेनस्य शासनात्

tad gaccha bala mā vā tvaṃ sāmbam anyāyaceṣṭitam / vimokṣyāmo na bhavato nograsenasya śāsanāt

Sanskrit only: no published translation is held for this verse.

प्रणतिर् या कृतास्माकं मान्यानां कुकुरान्धकैः । ननाम सा कृता केयम् आज्ञा स्वामिनि भृत्यतः

praṇatir yā kṛtāsmākaṃ mānyānāṃ kukurāndhakaiḥ / nanāma sā kṛtā keyam ājñā svāmini bhṛtyataḥ

Sanskrit only: no published translation is held for this verse.

गर्वम् आरोपिता यूयं समानासनभोजनैः । को दोषो भवतां नीतिर् यत् प्रीत्या नावलोकिता

garvam āropitā yūyaṃ samānāsanabhojanaiḥ / ko doṣo bhavatāṃ nītir yat prītyā nāvalokitā

Sanskrit only: no published translation is held for this verse.

अस्माभिर् अर्घो भवतो यो ऽयं बल निवेदितः । प्रेम्णैतन् नैतद् अस्माकं कुलाद् युष्मत्कुलोचितम्

asmābhir argho bhavato yo 'yaṃ bala niveditaḥ / premṇaitan naitad asmākaṃ kulād yuṣmatkulocitam

Sanskrit only: no published translation is held for this verse.

इत्य् उक्त्वा कुरवः सर्वे न मुञ्चामो हरेः सुतम् । कृतैकनिश्चयास् तूर्णं विविशुर् गजसाह्वयम्

ity uktvā kuravaḥ sarve na muñcāmo hareḥ sutam / kṛtaikaniścayās tūrṇaṃ viviśur gajasāhvayam

Sanskrit only: no published translation is held for this verse.

मत्तः कोपेन चाघूर्णस् ततो ऽधिक्षेपजन्मना । उत्थाय पार्ष्ण्या वसुधां जघान स हलायुधः

mattaḥ kopena cāghūrṇas tato 'dhikṣepajanmanā / utthāya pārṣṇyā vasudhāṃ jaghāna sa halāyudhaḥ

Sanskrit only: no published translation is held for this verse.

ततो विदारिता पृथ्वी पार्ष्णिघातान् महात्मनः । आस्फोटयाम् आस तदा दिशः शब्देन पूरयन्

tato vidāritā pṛthvī pārṣṇighātān mahātmanaḥ / āsphoṭayām āsa tadā diśaḥ śabdena pūrayan

Sanskrit only: no published translation is held for this verse.

उवाच चातिताम्राक्षो भृकुटीकुटिलाननः

uvāca cātitāmrākṣo bhṛkuṭīkuṭilānanaḥ

Sanskrit only: no published translation is held for this verse.

अहो मदावलेपो ऽयम् असाराणां दुरात्मनाम् । कौरवाणाम् आधिपत्यम् अस्माकं किल कालजम् । उग्रसेनस्य येनाज्ञां मन्यन्ते ऽद्यापि लङ्घनम्

aho madāvalepo 'yam asārāṇāṃ durātmanām / kauravāṇām ādhipatyam asmākaṃ kila kālajam / ugrasenasya yenājñāṃ manyante 'dyāpi laṅghanam

Sanskrit only: no published translation is held for this verse.

आज्ञां प्रतीच्छेद् धर्मेण सह देवैः शचीपतिः समध्यास्ते सुधर्मां ताम् उग्रसेनः शचीपतेः

ājñāṃ pratīcched dharmeṇa saha devaiḥ śacīpatiḥ samadhyāste sudharmāṃ tām ugrasenaḥ śacīpateḥ

Sanskrit only: no published translation is held for this verse.

धिङ् मनुष्यशतोच्छिष्टे तुष्टिर् एषां नृपासने । पारिजाततरोः पुष्पमञ्जरीर् वनिताजनः । बिभर्ति यस्य भृत्यानां सो ऽप्य् एषां न महीपतिः

dhiṅ manuṣyaśatocchiṣṭe tuṣṭir eṣāṃ nṛpāsane / pārijātataroḥ puṣpamañjarīr vanitājanaḥ / bibharti yasya bhṛtyānāṃ so 'py eṣāṃ na mahīpatiḥ

Sanskrit only: no published translation is held for this verse.

समस्तभूभृतां नाथ उग्रसेनः स तिष्ठतु । अद्य निष्कौरवाम् उर्वीं कृत्वा यास्यामि तत्पुरीम्

samastabhūbhṛtāṃ nātha ugrasenaḥ sa tiṣṭhatu / adya niṣkauravām urvīṃ kṛtvā yāsyāmi tatpurīm

Sanskrit only: no published translation is held for this verse.

कर्णं दुर्योधनं द्रोणम् अद्य भीष्मं सबाह्लिकम् । दुःशासनादीन् भूरिं च भूरिश्रवसम् एव च

karṇaṃ duryodhanaṃ droṇam adya bhīṣmaṃ sabāhlikam / duḥśāsanādīn bhūriṃ ca bhūriśravasam eva ca

Sanskrit only: no published translation is held for this verse.

सोमदत्तं शलं भीमम् अर्जुनं सयुधिष्ठिरम् । यमजौ कौरवांश् चान्यान् हत्वा साश्वरथद्विपान्

somadattaṃ śalaṃ bhīmam arjunaṃ sayudhiṣṭhiram / yamajau kauravāṃś cānyān hatvā sāśvarathadvipān

Sanskrit only: no published translation is held for this verse.

वीरम् आदाय तं साम्बं सपत्नीकं ततः पुरीम् । द्वारकाम् उग्रसेनादीन् गत्वा द्रक्ष्यामि बान्धवान्

vīram ādāya taṃ sāmbaṃ sapatnīkaṃ tataḥ purīm / dvārakām ugrasenādīn gatvā drakṣyāmi bāndhavān

Sanskrit only: no published translation is held for this verse.

अथवा कौरवाधानीं समस्तैः कुरुभिः सह भागीरथ्यां क्षिपाम्य् आशु नगरं नागसाह्वयम्

athavā kauravādhānīṃ samastaiḥ kurubhiḥ saha bhāgīrathyāṃ kṣipāmy āśu nagaraṃ nāgasāhvayam

Sanskrit only: no published translation is held for this verse.

इत्य् उक्त्वा मदरक्ताक्षः कर्षणाधोमुखं हलम् । प्राकारवप्रे विन्यस्य चकर्ष मुसलायुधः

ity uktvā madaraktākṣaḥ karṣaṇādhomukhaṃ halam / prākāravapre vinyasya cakarṣa musalāyudhaḥ

Sanskrit only: no published translation is held for this verse.

आघूर्णितं तत् सहसा ततो वै हस्तिनापुरम् । दृष्ट्वा संक्षुब्धहृदयाश् चुक्रुशुः सर्वकौरवाः

āghūrṇitaṃ tat sahasā tato vai hastināpuram / dṛṣṭvā saṃkṣubdhahṛdayāś cukruśuḥ sarvakauravāḥ

Sanskrit only: no published translation is held for this verse.

राम राम महाबाहो क्षम्यतां क्षम्यतां त्वया । उपसंह्रियतां कोपः प्रसीद मुसलायुध

rāma rāma mahābāho kṣamyatāṃ kṣamyatāṃ tvayā / upasaṃhriyatāṃ kopaḥ prasīda musalāyudha

Sanskrit only: no published translation is held for this verse.

एष साम्बः सपत्नीकस् तव निर्यातितो बल । अविज्ञातप्रभावाणां क्षम्यताम् अपराधिनाम्

eṣa sāmbaḥ sapatnīkas tava niryātito bala / avijñātaprabhāvāṇāṃ kṣamyatām aparādhinām

Sanskrit only: no published translation is held for this verse.

ततो निर्यातयाम् आसुः साम्बं पत्न्या समन्वितम् । निष्क्रम्य स्वपुरात् तूर्णं कौरवा मुनिपुंगव

tato niryātayām āsuḥ sāmbaṃ patnyā samanvitam / niṣkramya svapurāt tūrṇaṃ kauravā munipuṃgava

Sanskrit only: no published translation is held for this verse.

भीष्मद्रोणकृपादीनां प्रणम्य वदतां प्रियम् । क्षान्तम् एव मयेत्य् आह बलो बलवतां वरः

bhīṣmadroṇakṛpādīnāṃ praṇamya vadatāṃ priyam / kṣāntam eva mayety āha balo balavatāṃ varaḥ

Sanskrit only: no published translation is held for this verse.

अद्याप्य् आघूर्णिताकारं लक्ष्यते तत् पुरं द्विज । एष प्रभावो रामस्य बलशौर्योपलक्षणः

adyāpy āghūrṇitākāraṃ lakṣyate tat puraṃ dvija / eṣa prabhāvo rāmasya balaśauryopalakṣaṇaḥ

Sanskrit only: no published translation is held for this verse.

ततस् तु कौरवाः साम्बं संपूज्य हलिना सह । प्रेषयाम् आसुर् उद्वाहधनभार्यासमन्वितम्

tatas tu kauravāḥ sāmbaṃ saṃpūjya halinā saha / preṣayām āsur udvāhadhanabhāryāsamanvitam

Sanskrit only: no published translation is held for this verse.