Vidyakara: Subhasitaratnakosa 14

अयं स भुवन-त्रय-प्रथित-संयमी शङ्करो बिभर्ति वपुषाधुना विरह-कातरः कामिनीम् । अनेन किल निर्जिता वयम् इति प्रयायाः करं करेण परिलालयञ् जयति जात-हासः स्मरः

ayaṃ sa bhuvana-traya-prathita-saṃyamī śaṅkaro bibharti vapuṣādhunā viraha-kātaraḥ kāminīm / anena kila nirjitā vayam iti prayāyāḥ karaṃ kareṇa parilālayañ jayati jāta-hāsaḥ smaraḥ

Sanskrit only: no published translation is held for this verse.

नीलपटहस्य । (स्क्म्सौक। ४६८) भ्रू-शार्ङ्गाकृष्ट-मुक्ताः कुवलय-मधुप-स्तोम-लक्ष्मी-मुषो ये क्षेपीयाः कृष्णसारा नर-हृदय-भिदस् तारव-क्रूर-शल्याः । ते दीर्घापाङ्ग-पुङ्खाः स्मित-विष-विषमाः पक्ष्मलाः स्त्री-कटाक्षाः पायासुर् वो ऽतिवीर्यास् त्रिभुवन-जयिनः पञ्चबाणस्य बाणाः

nīlapaṭahasya | (Skmsa.u.ka. 468) bhrū-śārṅgākṛṣṭa-muktāḥ kuvalaya-madhupa-stoma-lakṣmī-muṣo ye kṣepīyāḥ kṛṣṇasārā nara-hṛdaya-bhidas tārava-krūra-śalyāḥ / te dīrghāpāṅga-puṅkhāḥ smita-viṣa-viṣamāḥ pakṣmalāḥ strī-kaṭākṣāḥ pāyāsur vo 'tivīryās tribhuvana-jayinaḥ pañcabāṇasya bāṇāḥ

Sanskrit only: no published translation is held for this verse.

मनसि कुसुम-बाणैर् एक-कालं त्रिलोकीं कुसुम-धनुर् अनङ्गस् ताडयत्य् अस्पृशद्भिः । इति वितत-विचित्राश्चर्य-संकल्प-शिल्पो जयति मनसिजन्मा जन्मिभिर् मानिताज्ञः

manasi kusuma-bāṇair eka-kālaṃ trilokīṃ kusuma-dhanur anaṅgas tāḍayaty aspṛśadbhiḥ / iti vitata-vicitrāścarya-saṃkalpa-śilpo jayati manasijanmā janmibhir mānitājñaḥ

Sanskrit only: no published translation is held for this verse.

मनोविनोदस्य । (स्क्म्सौक। ४६४) शत्रुः कारणं मन्मनो ऽपि भगवान् वामाङ्ग-नित्याङ्गनः स्वर्-लोकस्य सुधैक-पान-चषको मित्रं च तारा-पतिः । चुम्बन्तो जगतां मनः सुमनसो मर्म्-अस्पृशः सायकाः दाराः प्रीति-रती इति क्व महिमा कामस्य नालौकिकः

manovinodasya | (Skmsa.u.ka. 464) śatruḥ kāraṇaṃ manmano 'pi bhagavān vāmāṅga-nityāṅganaḥ svar-lokasya sudhaika-pāna-caṣako mitraṃ ca tārā-patiḥ / cumbanto jagatāṃ manaḥ sumanaso marm-aspṛśaḥ sāyakāḥ dārāḥ prīti-ratī iti kva mahimā kāmasya nālaukikaḥ

Sanskrit only: no published translation is held for this verse.

मनिविनोदस्यामी -- कुल-गुरुर् अबलानां केलि-दीक्षा-प्रदाने परम-सुहृद्-अनन्ङ्गो रोहिणी-वल्लभस्य । अपि कुसुम-पृषत्कैर् देव-देवस्य जेता जयति सुरतलीला-नाटिका-सूत्र-धारः

manivinodasyāmī -- kula-gurur abalānāṃ keli-dīkṣā-pradāne parama-suhṛd-ananṅgo rohiṇī-vallabhasya / api kusuma-pṛṣatkair deva-devasya jetā jayati suratalīlā-nāṭikā-sūtra-dhāraḥ

Sanskrit only: no published translation is held for this verse.

राजशेखरस्य । (व्स्ब्विशाभ। १।१, स्क्म्सौक। ४६९, स्प्द्शाप। ३०७७, स्म्व्सूमु। १।२५) वन्दे देवम् अनङ्गम् एव रमणी-नेत्रोत्पल-च्छद्मना पाशेनायत-शालिना सुनिविडं संयम्य लोक-त्रयम् । येनासाव् अपि भस्म-लाञ्छित-तनुर् देवः कपाली बलात् प्रेम-क्रुद्धनगात्मजाङ्घ्रि-विनति-क्रीडा-व्रते दीक्षितः

rājaśekharasya | (Vsbvi.śā.bha. 1.1, Skmsa.u.ka. 469, Spdśā.pa. 3077, Smvsū.mu. 1.25) vande devam anaṅgam eva ramaṇī-netrotpala-cchadmanā pāśenāyata-śālinā suniviḍaṃ saṃyamya loka-trayam / yenāsāv api bhasma-lāñchita-tanur devaḥ kapālī balāt prema-kruddhanagātmajāṅghri-vinati-krīḍā-vrate dīkṣitaḥ

Sanskrit only: no published translation is held for this verse.

ललितोकस्य स जयति संकल्पभवो रतिमुखशतपत्रचुम्बनभ्रमरः । यस्या७नुरक्तललनानयनान्तविलोकितं वसतिः

lalitokasya sa jayati saṃkalpabhavo ratimukhaśatapatracumbanabhramaraḥ / yasyā7nuraktalalanānayanāntavilokitaṃ vasatiḥ

Sanskrit only: no published translation is held for this verse.

स जयति संकल्प-भवो रति-मुख-शत-पत्र-चुम्बन-भ्रमरः ।* यस्यानुरक्त-ललना-नयनान्त-विलोकितं वसतिः ॥ विद्स्र्क् १४।७ *(३२९) ॥* दामोदर-गुप्तस्य -- अहो धनुषि नैपुण्यं मन्मथस्य महात्मनः । शरीरम् अक्षतं कृत्वा भिनत्त्य् अन्तर्गतं मनः

sa jayati saṃkalpa-bhavo rati-mukha-śata-patra-cumbana-bhramaraḥ /* yasyānurakta-lalanā-nayanānta-vilokitaṃ vasatiḥ // VidSrk 14.7 *(329) //* dāmodara-guptasya -- aho dhanuṣi naipuṇyaṃ manmathasya mahātmanaḥ / śarīram akṣataṃ kṛtvā bhinatty antargataṃ manaḥ

Sanskrit only: no published translation is held for this verse.

धनुर् माला मौर्वी क्वणद्-अलिकुलं लक्ष्यम् अबला- मनो-भेद्यं शब्द-प्रभृतय इमे पञ्च-विशिखाः । इयां जेतुं यस्य त्रिभुवनम् अदेहस्य विभवः स वः कामः कामान् दिशतु दयितापाङ्ग-वसतिः

dhanur mālā maurvī kvaṇad-alikulaṃ lakṣyam abalā- mano-bhedyaṃ śabda-prabhṛtaya ime pañca-viśikhāḥ / iyāṃ jetuṃ yasya tribhuvanam adehasya vibhavaḥ sa vaḥ kāmaḥ kāmān diśatu dayitāpāṅga-vasatiḥ

Sanskrit only: no published translation is held for this verse.

कस्यचित् । (स्व्सुआ। ८२, स्क्म्सौक। ४७०) जयति स मद-लेखोच्छृङ्खल-प्रेम-रामा- ललित-सुरत-लीला-दैवतं पुष्प-चापः । त्रिभुवन-जय-सिद्ध्यै यस्य शृङ्गार-मूर्तेर् उपकरणम् अपूर्वं माल्यम् इन्दुर् मधूनि

kasyacit | (Svsu.ā. 82, Skmsa.u.ka. 470) jayati sa mada-lekhocchṛṅkhala-prema-rāmā- lalita-surata-līlā-daivataṃ puṣpa-cāpaḥ / tribhuvana-jaya-siddhyai yasya śṛṅgāra-mūrter upakaraṇam apūrvaṃ mālyam indur madhūni

Sanskrit only: no published translation is held for this verse.

याच्यो न कश्चन गुरुः प्रतिमा च कान्ता पूजा विलोकन-विगूहन-चुम्बनानि । आत्मा निवेद्यम् इतर-व्रत-सार-जेत्रीं वन्दामहे मकर-केतन देव दीक्षाम्

yācyo na kaścana guruḥ pratimā ca kāntā pūjā vilokana-vigūhana-cumbanāni / ātmā nivedyam itara-vrata-sāra-jetrīṃ vandāmahe makara-ketana deva dīkṣām

Sanskrit only: no published translation is held for this verse.