अङ्गामोद-समोच्छलद्-घृणि-पतद्-भृङ्गावली-मालित- स्फूर्जल्-लञ्छन-सूत्र-गुम्फित-मिलन्-नीलोत्पल-श्रीर् इव । निर्यत्-पाद-नखोन्मुखांशु-विसर-स्रग्-दन्तुरः स्मर्यतां मञ्जुश्रीः सुर-मुक्त-मञ्जरि-शिखा-वर्षैर् इवाभ्यर्चितः
aṅgāmoda-samocchalad-ghṛṇi-patad-bhṛṅgāvalī-mālita- sphūrjal-lañchana-sūtra-gumphita-milan-nīlotpala-śrīr iva / niryat-pāda-nakhonmukhāṃśu-visara-srag-danturaḥ smaryatāṃ mañjuśrīḥ sura-mukta-mañjari-śikhā-varṣair ivābhyarcitaḥ
Sanskrit only: no published translation is held for this verse.
शस्त्रोद्यद्-बाहु-देह-स्फुरद्-अनल-मिलद्-धूम-कल्पान्त-पुञ्जः शृङ्गान्तानन्त-विश्वार्पित-महिष-शिरो-मक्षिका-लीवि-कल्पः । त्रास-त्यक्त-स्व-पर्णास्तृत-सुर-घृणयेवालसत्-पाद-वृन्दस् तारौघ-प्लुष्ट-भानुर् जगद् अवतु नटद्-भैरवात्मा कुमारः
śastrodyad-bāhu-deha-sphurad-anala-milad-dhūma-kalpānta-puñjaḥ śṛṅgāntānanta-viśvārpita-mahiṣa-śiro-makṣikā-līvi-kalpaḥ / trāsa-tyakta-sva-parṇāstṛta-sura-ghṛṇayevālasat-pāda-vṛndas tāraugha-pluṣṭa-bhānur jagad avatu naṭad-bhairavātmā kumāraḥ
Sanskrit only: no published translation is held for this verse.
वल्लणस्यैतौ -- खड्गी स-शब्दम् अथ पुस्तकवान् स-चिन्तं बालः स-खेलम् अभिराम-तमः स-कामम् । नाना-विधं सुर-वधूभिर् इतीक्षितो वः पायाच् चिरं सुगत-वंश-धरः कुमारः
vallaṇasyaitau -- khaḍgī sa-śabdam atha pustakavān sa-cintaṃ bālaḥ sa-khelam abhirāma-tamaḥ sa-kāmam / nānā-vidhaṃ sura-vadhūbhir itīkṣito vaḥ pāyāc ciraṃ sugata-vaṃśa-dharaḥ kumāraḥ
Sanskrit only: no published translation is held for this verse.
पुरुषोत्तमस्य -- मुग्धाङ्गुली-किशलयाङ्घ्रि-सुवर्ण-कुम्भ- वान्तेन कान्ति-पयसा धुसृणारुणेन । यो वन्दमानम् अभिषिञ्चति धर्म-राज्ये जागर्तु वो हित-सुखाय स मञ्जु-वज्रः
puruṣottamasya -- mugdhāṅgulī-kiśalayāṅghri-suvarṇa-kumbha- vāntena kānti-payasā dhusṛṇāruṇena / yo vandamānam abhiṣiñcati dharma-rājye jāgartu vo hita-sukhāya sa mañju-vajraḥ
Sanskrit only: no published translation is held for this verse.
जितारिपादानाम् -- अमीषां मञ्जुश्री-रुचिर-वदन-श्री-कृत-रुचां श्रुतं नो नामापि क्व नु खलु हिमांशु-प्रकृतयः । ममाभ्यर्णे धार्ष्ट्याच् चरति पुनर् इन्दीवरम् इति क्रुधेवेदं प्रान्तारुणम् अवतु वो लोचन-युगम्
jitāripādānām -- amīṣāṃ mañjuśrī-rucira-vadana-śrī-kṛta-rucāṃ śrutaṃ no nāmāpi kva nu khalu himāṃśu-prakṛtayaḥ / mamābhyarṇe dhārṣṭyāc carati punar indīvaram iti krudhevedaṃ prāntāruṇam avatu vo locana-yugam
Sanskrit only: no published translation is held for this verse.