शिल्पं त्रीणि जगन्ति यस्य कविता यस्य त्रिवेदी गुरोर् यश् चक्रे त्रिपुर-व्ययं त्रिपथगा यन्-मूर्ध्नि माल्यायते । त्रीन् कालान् इव वीक्षितुं वहति यो विस्फूर्जद्-अक्ष्णां त्रयं स त्रैगुण्य-परिच्छेदो विजयते देवस् त्रिशूलायुधः
śilpaṃ trīṇi jaganti yasya kavitā yasya trivedī guror yaś cakre tripura-vyayaṃ tripathagā yan-mūrdhni mālyāyate / trīn kālān iva vīkṣituṃ vahati yo visphūrjad-akṣṇāṃ trayaṃ sa traiguṇya-paricchedo vijayate devas triśūlāyudhaḥ
Sanskrit only: no published translation is held for this verse.
वसुकल्प-दत्तस्य ॥ (स्क्म्सौक। १६) वाणीभूत-पुराण-पूरुष-धृति-प्रत्याशया धाविते निद्राति क्षण-जाशु-शुक्षणि-कण-क्लान्ते शकुन्तेश्वरे । नम्रोन्नम्र-भुजङ्ग-पुङ्गव-गुण-व्याकृष्ट-बाणासन- क्षिप्तास्त्रस्य पुरद्रुहो विजयते संधान-सीमाश्रमः
vasukalpa-dattasya || (Skmsa.u.ka. 16) vāṇībhūta-purāṇa-pūruṣa-dhṛti-pratyāśayā dhāvite nidrāti kṣaṇa-jāśu-śukṣaṇi-kaṇa-klānte śakunteśvare / namronnamra-bhujaṅga-puṅgava-guṇa-vyākṛṣṭa-bāṇāsana- kṣiptāstrasya puradruho vijayate saṃdhāna-sīmāśramaḥ
Sanskrit only: no published translation is held for this verse.
मुरारेः । (अर् अरा। ७।११४, स्क्म्सौक। ७४) पीयूष-द्रव-पान-दोहद-रस-व्यग्रोरग-ग्रामणी- दष्टः पातु शशी महेश्वर-शिरो-मेपथ्य-रत्नाङ्कुरः । यो बिम्ब-प्रतिपूरणाय विधृतो निष्पीड्य संदंशिका- यन्त्रे शैव-ललाट-लोचन-शिखा-ज्वालाभिर् आबर्ह्यते
murāreḥ | (Ar a.rā. 7.114, Skmsa.u.ka. 74) pīyūṣa-drava-pāna-dohada-rasa-vyagroraga-grāmaṇī- daṣṭaḥ pātu śaśī maheśvara-śiro-mepathya-ratnāṅkuraḥ / yo bimba-pratipūraṇāya vidhṛto niṣpīḍya saṃdaṃśikā- yantre śaiva-lalāṭa-locana-śikhā-jvālābhir ābarhyate
Sanskrit only: no published translation is held for this verse.
मुरारेर् एतौ -- भद्रं चन्द्र-कले शिवं सुरनदि श्रेयः कपालआवले कल्याणं भुजगेन्द्र-वल्लि कुशलं विश्वे शटा-संतते । इत्य् आहुर् मिलिताः परस्परम् अमूर् यस्मिन् प्रशान्तिं गते कपान्तार-भटी-नटस्य भवतात् तद् वः श्रिये ताण्डवम्
murārer etau -- bhadraṃ candra-kale śivaṃ suranadi śreyaḥ kapālaāvale kalyāṇaṃ bhujagendra-valli kuśalaṃ viśve śaṭā-saṃtate / ity āhur militāḥ parasparam amūr yasmin praśāntiṃ gate kapāntāra-bhaṭī-naṭasya bhavatāt tad vaḥ śriye tāṇḍavam
Sanskrit only: no published translation is held for this verse.
देवि त्वद्-वदनोपमान-सुहृदाम् एषां सरोजन्मनां पश्य व्योमनि लोहितायति शनैर् एषा दशा वर्तते । इत्थं संकुचद्-अम्बजानुकरण-व्याजोपनीताञ्जलेः शम्भोर् वञ्चित-पार्वती-कमुचितम् संध्यार्चनं पातु वः
devi tvad-vadanopamāna-suhṛdām eṣāṃ sarojanmanāṃ paśya vyomani lohitāyati śanair eṣā daśā vartate / itthaṃ saṃkucad-ambajānukaraṇa-vyājopanītāñjaleḥ śambhor vañcita-pārvatī-kamucitam saṃdhyārcanaṃ pātu vaḥ
Sanskrit only: no published translation is held for this verse.
राजशेखरस्य -- कस्मात् पार्वति निष्ठुरासि सहज शैलीद्भवानाम् इदं निःस्नेहासि कुतो न भस्म-परुषः स्नेहं क्वचिन् निन्दति । कोपस् ते मयि निष्फलः प्रियतमे स्थाणौ फलं किं भवेद् इत्थं निर्वचनीकृतो दयितया शम्भुः शिवायास् तु वः
rājaśekharasya -- kasmāt pārvati niṣṭhurāsi sahaja śailīdbhavānām idaṃ niḥsnehāsi kuto na bhasma-paruṣaḥ snehaṃ kvacin nindati / kopas te mayi niṣphalaḥ priyatame sthāṇau phalaṃ kiṃ bhaved itthaṃ nirvacanīkṛto dayitayā śambhuḥ śivāyās tu vaḥ
Sanskrit only: no published translation is held for this verse.
भोजदेवस्य (स्क्म्सौक। ३१) वपुः प्रादुर्भावाद् अनुमितम् इदं जन्मनि पुरा पुरारे न प्रायः क्वचिद् अपि भवन्तं प्रणतवान् । नमन् जन्मन्य् अस्मिन्न् अहम् अतनुर् अग्रे ऽप्य् अनतिभाङ् महेश क्षन्तव्यं तद् इदम् अपराध-द्वयम् अपि
bhojadevasya (Skmsa.u.ka. 31) vapuḥ prādurbhāvād anumitam idaṃ janmani purā purāre na prāyaḥ kvacid api bhavantaṃ praṇatavān / naman janmany asminn aham atanur agre 'py anatibhāṅ maheśa kṣantavyaṃ tad idam aparādha-dvayam api
Sanskrit only: no published translation is held for this verse.
मुञ्जस्य । (स्क्म्सौक। ४७१) किं वाच्यो महिमा महा-जल-निधेर् यस्येन्द्र-वज्राहतस् त्रस्तो भू-भृद् अमज्जद् अम्बु-निचये कौलील-पोताकृतिः । मैनाको ऽपि गभीर-नीर-विलुठन् पाठीन-पृष्ठोच्छलच् छैवालाङ्कुर-कोटि-कोटर-कुटी-कुड्यान्तरे निर्वृतः
muñjasya | (Skmsa.u.ka. 471) kiṃ vācyo mahimā mahā-jala-nidher yasyendra-vajrāhatas trasto bhū-bhṛd amajjad ambu-nicaye kaulīla-potākṛtiḥ / maināko 'pi gabhīra-nīra-viluṭhan pāṭhīna-pṛṣṭhocchalac chaivālāṅkura-koṭi-koṭara-kuṭī-kuḍyāntare nirvṛtaḥ
Sanskrit only: no published translation is held for this verse.
वल्लणस्य -- तादृक्-सप्त-समुद्र-मुद्रित-मही भूभृद्भिर् अभ्रं-कषैस् तावद्भिः परिवारिता पृथु-पृथु-द्वीपैः समन्ताद् इयम् । यस्य स्फार-फणा-मणौ निलयनात् तिर्यक्-कलङ्काकृतिः शेषः सो ऽप्य् अगमद् यद्-अङ्गद-पदं तस्मै नमः शम्भवे
vallaṇasya -- tādṛk-sapta-samudra-mudrita-mahī bhūbhṛdbhir abhraṃ-kaṣais tāvadbhiḥ parivāritā pṛthu-pṛthu-dvīpaiḥ samantād iyam / yasya sphāra-phaṇā-maṇau nilayanāt tiryak-kalaṅkākṛtiḥ śeṣaḥ so 'py agamad yad-aṅgada-padaṃ tasmai namaḥ śambhave
Sanskrit only: no published translation is held for this verse.
वल्लणस्य । (स्क्म्सौक। १३) गाढ-ग्रन्थि-प्रफुल्लद्-गल-विकल-फणा-पीठ-निर्यद्-विषाग्नि- ज्वालानिष्टप्त-चन्द्र-द्रवद्-अमृत-रस-प्रोषित-प्रेत-भावाः । उज्जृम्भा बभ्रु-नेत्र-द्युतिम् असकृद्-असृक्-तृष्णयालोकयन्त्यः पान्तु त्वां नाग-नाल-ग्रथित-शव-शिरः-श्रेणयो भैरवस्य
vallaṇasya | (Skmsa.u.ka. 13) gāḍha-granthi-praphullad-gala-vikala-phaṇā-pīṭha-niryad-viṣāgni- jvālāniṣṭapta-candra-dravad-amṛta-rasa-proṣita-preta-bhāvāḥ / ujjṛmbhā babhru-netra-dyutim asakṛd-asṛk-tṛṣṇayālokayantyaḥ pāntu tvāṃ nāga-nāla-grathita-śava-śiraḥ-śreṇayo bhairavasya
Sanskrit only: no published translation is held for this verse.
वल्लणस्य (स्क्म्सौक। ६२, भवभूतेः) बभ्रु-भ्रू-श्मश्रु-केशं शिखरम् इव गिरेर् लग्न-दावाग्नि-मालं नेत्रैः पिङ्गोग्र-तारैस् त्रिभिर् इव रविभिश् छिद्रितः काल-मेघः । दंष्ट्राचन्द्र-प्रभाभिः प्रकटित-सुबृहत्तालु-पाताल-मूलं शम्भोर् वक्त्रं सुवक्त्र-त्रितय-भय-करं हन्त्व् अधं दक्षिणं वः
vallaṇasya (Skmsa.u.ka. 62, bhavabhūteḥ) babhru-bhrū-śmaśru-keśaṃ śikharam iva girer lagna-dāvāgni-mālaṃ netraiḥ piṅgogra-tārais tribhir iva ravibhiś chidritaḥ kāla-meghaḥ / daṃṣṭrācandra-prabhābhiḥ prakaṭita-subṛhattālu-pātāla-mūlaṃ śambhor vaktraṃ suvaktra-tritaya-bhaya-karaṃ hantv adhaṃ dakṣiṇaṃ vaḥ
Sanskrit only: no published translation is held for this verse.
रक्षो-विभीषणस्य -- उद्दाम-दन्त-रुचि-पल्लवितार्ध-चन्द्र- ज्योत्स्ना-निपीत-तिमिर-प्रकरावरोधः । श्रेयांसि वो दिशतु ताण्डवितस्य शम्भोर् अम्भोधरावलि-घन-ध्वनिर् अट्टहासः
rakṣo-vibhīṣaṇasya -- uddāma-danta-ruci-pallavitārdha-candra- jyotsnā-nipīta-timira-prakarāvarodhaḥ / śreyāṃsi vo diśatu tāṇḍavitasya śambhor ambhodharāvali-ghana-dhvanir aṭṭahāsaḥ
Sanskrit only: no published translation is held for this verse.
सङ्घमित्रस्य । (स्क्म्सौक। ३७) त्वङ्गद्-गङ्गम् उदञ्चद्-इन्दु-शकलं भ्रश्यत्-कपालावलि- क्रोड-भ्राम्यद्-अमन्द-मारुत-चय-स्फारीभवद्-भाङ्कृति । पायाद् वो घन-ताण्डव-व्यतिकर-प्राग्-भार-खेद-स्खलद्- भोगीन्द्र-श्लथ-पिङ्गलोत्कट-जटाजूटं शिरो धूर्जटेः
saṅghamitrasya | (Skmsa.u.ka. 37) tvaṅgad-gaṅgam udañcad-indu-śakalaṃ bhraśyat-kapālāvali- kroḍa-bhrāmyad-amanda-māruta-caya-sphārībhavad-bhāṅkṛti / pāyād vo ghana-tāṇḍava-vyatikara-prāg-bhāra-kheda-skhalad- bhogīndra-ślatha-piṅgalotkaṭa-jaṭājūṭaṃ śiro dhūrjaṭeḥ
Sanskrit only: no published translation is held for this verse.
नख-दर्पण-संक्रान्त- प्रतिमा-दशकान्वितः । गौरी-पादानतः शम्भुर् जयत्व् एकादशः स्वयम्
nakha-darpaṇa-saṃkrānta- pratimā-daśakānvitaḥ / gaurī-pādānataḥ śambhur jayatv ekādaśaḥ svayam
Sanskrit only: no published translation is held for this verse.
चूडापीड-कपाल-संकुल-पतन्-मन्दाकिनी-वारयो विद्युत्-प्राय-ललाट-लोचन-पुट-ज्योतिर्-विमिश्र-त्विषः । पान्तु त्वाम् अकठोर-केतक-शिखा-संदिग्ध-मुग्धेन्दवो भूतेशस्य भुगङ्ग-वल्लि-वलय-स्रङ्-नद्ध-जूटा जटाः
cūḍāpīḍa-kapāla-saṃkula-patan-mandākinī-vārayo vidyut-prāya-lalāṭa-locana-puṭa-jyotir-vimiśra-tviṣaḥ / pāntu tvām akaṭhora-ketaka-śikhā-saṃdigdha-mugdhendavo bhūteśasya bhugaṅga-valli-valaya-sraṅ-naddha-jūṭā jaṭāḥ
Sanskrit only: no published translation is held for this verse.
भवभूतेः स जयति गाङ्गजलौघः शम्भोर् उत्तुङ्गमौलिविनिविष्टः । मज्जति पुनर् उन्मज्जति चन्द्रकला यत्र शफरी९व
bhavabhūteḥ sa jayati gāṅgajalaughaḥ śambhor uttuṅgamauliviniviṣṭaḥ / majjati punar unmajjati candrakalā yatra śapharī9va
Sanskrit only: no published translation is held for this verse.
भवभूतेः (मालविकाग्निमाअ।-मित्रम् इ। १।१) -- स जयति गाङ्ग-जलौघः शम्भोर् उत्तुङ्ग-मौलि-विनिविष्टः ।* मज्जति पुनर् उन्मज्जति चन्द्र-कला यत्र शफरीव ॥ विद्स्र्क् ४।१६ *(४५) ॥* स वः पायाद् इन्दुर् नव-विसलताकोटि-कुटिलः स्मरारेर् यो मूर्ध्नि ज्वलन-कपिशे भाति निहितः । स्रवन्-मन्दाकिन्याः प्रति-दिवस-सिक्तेन पयसा कपालेनोन्मुक्तः स्फटिक-धवलेनाङ्कुर इव
bhavabhūteḥ (mālavikāgnimā.a.-mitram i. 1.1) -- sa jayati gāṅga-jalaughaḥ śambhor uttuṅga-mauli-viniviṣṭaḥ /* majjati punar unmajjati candra-kalā yatra śapharīva // VidSrk 4.16 *(45) //* sa vaḥ pāyād indur nava-visalatākoṭi-kuṭilaḥ smarārer yo mūrdhni jvalana-kapiśe bhāti nihitaḥ / sravan-mandākinyāḥ prati-divasa-siktena payasā kapālenonmuktaḥ sphaṭika-dhavalenāṅkura iva
Sanskrit only: no published translation is held for this verse.
कस्यचित् । (स्क्म्सौक। ५१, राजशेखरस्य) च्युताम् इन्दोर् लेखां रतिकलह-भग्नं च वलयं द्वयं चक्रीकृत्य प्रहसित-मुखी शैल-तनया । अवोचद् यं पश्येद्त्य् अवतु स शिवः सा च गिरिजा स च क्रीडा-चन्द्रो दशन-किरणापूरित-कलः
kasyacit | (Skmsa.u.ka. 51, rājaśekharasya) cyutām indor lekhāṃ ratikalaha-bhagnaṃ ca valayaṃ dvayaṃ cakrīkṛtya prahasita-mukhī śaila-tanayā / avocad yaṃ paśyedty avatu sa śivaḥ sā ca girijā sa ca krīḍā-candro daśana-kiraṇāpūrita-kalaḥ
Sanskrit only: no published translation is held for this verse.
वररुचेः । (स्क्म्सौक। ५५, स्व्सुआ। ६६, स्प्द्शाप। ९६) नमस् तुङ्ग-शिरश् चुम्बि- चन्द्र-चामर-चारवे । त्रैलोक्य-नगरारम्भ- मूल-स्तम्भाय शम्भवे
vararuceḥ | (Skmsa.u.ka. 55, Svsu.ā. 66, Spdśā.pa. 96) namas tuṅga-śiraś cumbi- candra-cāmara-cārave / trailokya-nagarārambha- mūla-stambhāya śambhave
Sanskrit only: no published translation is held for this verse.
कस्यचित् । (स्क्म्सौक। १३, बाणस्य) क्षिप्तो हस्तावलग्नः प्रसभम् अभिहतो ऽप्य् आददानो ऽंशुकान्तं गृह्णन् केशेष्व् अपास्तश् चरण-निपतितो नेक्षितः संभ्रमेण । आलिङ्गन् यो ऽवधूतस् त्रिपुर-युवतिभिः साश्रु-नेत्रोत्पलाभिः कामीवार्द्रापराधः स दहतु दुरितं शाम्भवो वः शराग्निः
kasyacit | (Skmsa.u.ka. 13, bāṇasya) kṣipto hastāvalagnaḥ prasabham abhihato 'py ādadāno 'ṃśukāntaṃ gṛhṇan keśeṣv apāstaś caraṇa-nipatito nekṣitaḥ saṃbhrameṇa / āliṅgan yo 'vadhūtas tripura-yuvatibhiḥ sāśru-netrotpalābhiḥ kāmīvārdrāparādhaḥ sa dahatu duritaṃ śāmbhavo vaḥ śarāgniḥ
Sanskrit only: no published translation is held for this verse.
संध्या-ताण्डव-डम्बर-व्यसनिनो भीमस्य चण्ड-भ्रमि- व्यानृत्यद्-भुज-दण्ड-मण्डल-भुवो झञ्झानिलाः पान्तु वः । येषाम् उच्छलतां जवेन झगिति व्यूहेषु भूमीभृताम् उड्डीनेषु विडौजसा पुनर् असौ दम्भोलिर् आलोकितः
saṃdhyā-tāṇḍava-ḍambara-vyasanino bhīmasya caṇḍa-bhrami- vyānṛtyad-bhuja-daṇḍa-maṇḍala-bhuvo jhañjhānilāḥ pāntu vaḥ / yeṣām ucchalatāṃ javena jhagiti vyūheṣu bhūmībhṛtām uḍḍīneṣu viḍaujasā punar asau dambholir ālokitaḥ
Sanskrit only: no published translation is held for this verse.
केशेषु प्राक्-प्रदीपस् त्वचि विकट-चटत्कार-सारो ऽतिमात्रं मांसे मन्दायमानः क्षरद्-असृजि सृजन्न् अस्थिषु ष्ठात्कृतानि । मज्ज-प्राये ऽङ्ग-भागे झगिति रति-पतेर् जाज्वलन् प्रोज्ज्वल-श्रीर् अश्रेयो व्यस्यताद् वस्त्रिनयन-नयनोपान्तवान्तो हुताशः
keśeṣu prāk-pradīpas tvaci vikaṭa-caṭatkāra-sāro 'timātraṃ māṃse mandāyamānaḥ kṣarad-asṛji sṛjann asthiṣu ṣṭhātkṛtāni / majja-prāye 'ṅga-bhāge jhagiti rati-pater jājvalan projjvala-śrīr aśreyo vyasyatād vastrinayana-nayanopāntavānto hutāśaḥ
Sanskrit only: no published translation is held for this verse.
पायात् पार्वण-सान्ध्य-ताण्डव-विधौ यस्योल्लसत्-काननो हेमाद्रिः करणाङ्ग-हार-वलनैः सार्धेन्दुर् आन्दोलितः । धत्ते ऽत्यद्भुत-विस्मयेन धरया धूतस्य कान्त-त्विषो लोलत्-कुन्तल-कुण्डलस्य शिरसः शोभां स वो धूर्जटिः
pāyāt pārvaṇa-sāndhya-tāṇḍava-vidhau yasyollasat-kānano hemādriḥ karaṇāṅga-hāra-valanaiḥ sārdhendur āndolitaḥ / dhatte 'tyadbhuta-vismayena dharayā dhūtasya kānta-tviṣo lolat-kuntala-kuṇḍalasya śirasaḥ śobhāṃ sa vo dhūrjaṭiḥ
Sanskrit only: no published translation is held for this verse.
कपाले गम्भीरः कुहरिणि जटा-सन्धिषु कृशः समुत्तालश् चूडाभुजग-फण-रत्न-व्यतिकरे । मृदुर् लेखाकोणे रय-वश-विलोलस्य शशिनः पुनीयाद् दीर्घं स्वो हर-शिरसि गङ्गा-कल-कलः
kapāle gambhīraḥ kuhariṇi jaṭā-sandhiṣu kṛśaḥ samuttālaś cūḍābhujaga-phaṇa-ratna-vyatikare / mṛdur lekhākoṇe raya-vaśa-vilolasya śaśinaḥ punīyād dīrghaṃ svo hara-śirasi gaṅgā-kala-kalaḥ
Sanskrit only: no published translation is held for this verse.
शान्त्यै वो ऽस्तु कपाल-दाम जगतां पतुर् यदीयां लिपिं क्वापि क्वापि गणाः पठन्ति पदशो नाति-प्रसिद्धाक्षरम् । विश्वं स्रक्ष्यति रक्षति क्षितिम् अपाम् ईशिष्यते शिष्यते नागौ रागिषु रंस्यते स्यति जगन् निर्वेक्ष्यति द्याम् इति
śāntyai vo 'stu kapāla-dāma jagatāṃ patur yadīyāṃ lipiṃ kvāpi kvāpi gaṇāḥ paṭhanti padaśo nāti-prasiddhākṣaram / viśvaṃ srakṣyati rakṣati kṣitim apām īśiṣyate śiṣyate nāgau rāgiṣu raṃsyate syati jagan nirvekṣyati dyām iti
Sanskrit only: no published translation is held for this verse.
भोजदेवस्य । (स्क्म्सौक। ६१) ज्वालेवोर्ध्व-विसर्पिणी परिणतस्यान्तस् तपस् तेजसो गङ्गा-तुङ्ग-तरङ्ग-सर्प-वसतिर् वल्मीक-लक्ष्मीर् इव । संध्येवार्द्र-मृणाल-कोमल-तनोर् इन्दोः सहस्थायिनी पायाद् वस् तरुणारुणांशु-कपिशा शम्भोर् जटा-संहतिः
bhojadevasya | (Skmsa.u.ka. 61) jvālevordhva-visarpiṇī pariṇatasyāntas tapas tejaso gaṅgā-tuṅga-taraṅga-sarpa-vasatir valmīka-lakṣmīr iva / saṃdhyevārdra-mṛṇāla-komala-tanor indoḥ sahasthāyinī pāyād vas taruṇāruṇāṃśu-kapiśā śambhor jaṭā-saṃhatiḥ
Sanskrit only: no published translation is held for this verse.
मौलौ वेगाद् उदञ्चत्य् अपि चरण-भर-न्यञ्चद्-उर्वीतलत्वाद् अक्षुण्ण-स्वर्ग-लोक-स्थिति-मुदित-सुर-श्रेष्ठ-गोष्ठी-स्तुताय । संत्रासान् निःसरन्त्याप्य् अविरत-विसरद्-दक्षिणार्धानु-बन्धाद् अत्यक्तायाद्रि-पुत्र्या तिर्पुरहर-जगत्-क्लेश-हन्त्रे नमस् ते
maulau vegād udañcaty api caraṇa-bhara-nyañcad-urvītalatvād akṣuṇṇa-svarga-loka-sthiti-mudita-sura-śreṣṭha-goṣṭhī-stutāya / saṃtrāsān niḥsarantyāpy avirata-visarad-dakṣiṇārdhānu-bandhād atyaktāyādri-putryā tirpurahara-jagat-kleśa-hantre namas te
Sanskrit only: no published translation is held for this verse.
पर्यङ्काश्लेष-बन्ध-द्विगुणित-भुजग-ग्रन्थि-संवीत-जानोर् अन्तः-प्राणावरोधाद् उपरत-सकल-ध्यान-रुद्धेन्द्रियस्य । आत्मन्य् आत्मानम् एव व्यपगत-करणं पश्यतस् तत्त्व-दृष्ट्या शम्भोर् वः पातु शून्य-क्षण-घटित-लय-ब्रह्म-लग्नः समाधिः
paryaṅkāśleṣa-bandha-dviguṇita-bhujaga-granthi-saṃvīta-jānor antaḥ-prāṇāvarodhād uparata-sakala-dhyāna-ruddhendriyasya / ātmany ātmānam eva vyapagata-karaṇaṃ paśyatas tattva-dṛṣṭyā śambhor vaḥ pātu śūnya-kṣaṇa-ghaṭita-laya-brahma-lagnaḥ samādhiḥ
Sanskrit only: no published translation is held for this verse.
पायाद् वारेन्दु-मौलेर् अनवरत-भुजावृत्ति-वातोर्मि-वेग- भ्राम्यद्-रुद्रार्क-तारा-गण-रचित-महा-लात-चक्रस्य लास्यम् । न्यञ्चद्भूत्सर्पद्-अग्नि-स्खलद्-अखिल-गिरित्वङ्गद्-उत्ताल-मौलि- स्फूर्जच्-चन्द्रांशु-निर्यन्-नयन-रुचिर-सज्जाह्नवी-निर्झरः वः
pāyād vārendu-mauler anavarata-bhujāvṛtti-vātormi-vega- bhrāmyad-rudrārka-tārā-gaṇa-racita-mahā-lāta-cakrasya lāsyam / nyañcadbhūtsarpad-agni-skhalad-akhila-giritvaṅgad-uttāla-mauli- sphūrjac-candrāṃśu-niryan-nayana-rucira-sajjāhnavī-nirjharaḥ vaḥ
Sanskrit only: no published translation is held for this verse.
मातर् जीव किम् एतद् अञ्जलि-पुटे तातेन गोपायितं वत्स स्वादु-फलं प्रयच्छति न मे गत्वा गृहाण स्वयम् । मात्रैवं प्रहिते गुहे विघटयत्य् आकृष्य संध्याञ्जलिं शम्भोर् भग्न-समाधि-रुद्ध-रभसो हास्योद्गमः पातु वः
mātar jīva kim etad añjali-puṭe tātena gopāyitaṃ vatsa svādu-phalaṃ prayacchati na me gatvā gṛhāṇa svayam / mātraivaṃ prahite guhe vighaṭayaty ākṛṣya saṃdhyāñjaliṃ śambhor bhagna-samādhi-ruddha-rabhaso hāsyodgamaḥ pātu vaḥ
Sanskrit only: no published translation is held for this verse.
योगेश्वरस्य । (स्क्म्सौक। ३८) एवं स्थापय सुभ्रु बाहु-लतिकाम् एवं कुरु स्थानकं नात्युच्चैर् नम कुञ्चिताग्र-चरणं मां पश्य तावत् क्षणम् । गौरीं नर्तयतः स्व-वक्त्र-मुरजेनाम्भोधर-ध्वानिना शम्भोर् वः सुखयन्तु लम्भित-लयच्छेदाहतास् तालिकाः
yogeśvarasya | (Skmsa.u.ka. 38) evaṃ sthāpaya subhru bāhu-latikām evaṃ kuru sthānakaṃ nātyuccair nama kuñcitāgra-caraṇaṃ māṃ paśya tāvat kṣaṇam / gaurīṃ nartayataḥ sva-vaktra-murajenāmbhodhara-dhvāninā śambhor vaḥ sukhayantu lambhita-layacchedāhatās tālikāḥ
Sanskrit only: no published translation is held for this verse.
तस्यैव । (स्क्म्सौक। २६) संव्यानांशुक-पल्लवेषु तरलं वेणी-गुणेषु स्थिरं मन्दं कञ्चुक-सन्धिषु स्तन-तटोत्सङ्गेषु दीप्तार्चिषम् । आलोक्य त्रिपुरावरोधन-वधू-वर्गस्य धूम-ध्वजं हस्त-स्रस्त-शरासनो विजयते देवो दयार्द्रेक्षणः
tasyaiva | (Skmsa.u.ka. 26) saṃvyānāṃśuka-pallaveṣu taralaṃ veṇī-guṇeṣu sthiraṃ mandaṃ kañcuka-sandhiṣu stana-taṭotsaṅgeṣu dīptārciṣam / ālokya tripurāvarodhana-vadhū-vargasya dhūma-dhvajaṃ hasta-srasta-śarāsano vijayate devo dayārdrekṣaṇaḥ
Sanskrit only: no published translation is held for this verse.
जटा-गुल्मोत्सङ्गं प्रविशति शशी भस्म-गहनं फणीन्द्रो ऽपि स्कन्धाद् अवतरति लीलाञ्चित-फणः । वृषः शाठ्यं कृत्वा विलिखति खुराग्रेण नयनं यदा शम्भुश् चुम्बत्य् अचल-दुहितुर् वक्त्र-कमलम्
jaṭā-gulmotsaṅgaṃ praviśati śaśī bhasma-gahanaṃ phaṇīndro 'pi skandhād avatarati līlāñcita-phaṇaḥ / vṛṣaḥ śāṭhyaṃ kṛtvā vilikhati khurāgreṇa nayanaṃ yadā śambhuś cumbaty acala-duhitur vaktra-kamalam
Sanskrit only: no published translation is held for this verse.
राजशेखरस्य -- नाना-वेग-विनिःसृत-त्रिपथगा-वारि-प्रवाहाकुलः शीघ्र-भ्रान्ति-वशाल्-ललाट-नयनाकालातपाद् भीषणः । मुण्डाली-कुहर-प्रसर्पद्-अनिलास्फाल-प्रमुक्त-ध्वनिः प्रावृट्-काल इवोदितः शिव-शिरो-मेघः शिवायास्तु वः
rājaśekharasya -- nānā-vega-viniḥsṛta-tripathagā-vāri-pravāhākulaḥ śīghra-bhrānti-vaśāl-lalāṭa-nayanākālātapād bhīṣaṇaḥ / muṇḍālī-kuhara-prasarpad-anilāsphāla-pramukta-dhvaniḥ prāvṛṭ-kāla ivoditaḥ śiva-śiro-meghaḥ śivāyāstu vaḥ
Sanskrit only: no published translation is held for this verse.
कस्यचित् -- स पातु विश्वम् अद्यापि यस्य मूर्ध्नि नवः शशी । गौरी-मुख-तिरस्कार- लज्जयेव न वर्धते
kasyacit -- sa pātu viśvam adyāpi yasya mūrdhni navaḥ śaśī / gaurī-mukha-tiraskāra- lajjayeva na vardhate
Sanskrit only: no published translation is held for this verse.
धर्मपालस्य -- दिग्-वासा इति सत्रपं मनसिज-द्वेषीति मुग्ध-स्मितं साश्चर्यं विषमेक्षणो ऽयम् इति च त्रस्तं कपालीति च । मौलि-स्वीकृत-जाह्नवीक इति च प्राप्ताभ्यसूयं हरः पार्वत्या सभयं भुजङ्ग-वलयीत्य् आलोकितः पातु वः
dharmapālasya -- dig-vāsā iti satrapaṃ manasija-dveṣīti mugdha-smitaṃ sāścaryaṃ viṣamekṣaṇo 'yam iti ca trastaṃ kapālīti ca / mauli-svīkṛta-jāhnavīka iti ca prāptābhyasūyaṃ haraḥ pārvatyā sabhayaṃ bhujaṅga-valayīty ālokitaḥ pātu vaḥ
Sanskrit only: no published translation is held for this verse.
विनयदेवस्य फणिनि शिखिग्रहकुपिते शिखिनि च तद्देहवलयिताकुलिते । अवताद् वो हरगुहयोर् उभयपरित्राणकातरता
vinayadevasya phaṇini śikhigrahakupite śikhini ca taddehavalayitākulite / avatād vo haraguhayor ubhayaparitrāṇakātaratā
Sanskrit only: no published translation is held for this verse.
विनय-देवस्य -- फणिनि शिखि-ग्रह-कुपिते शिखिनि च तद्-देह-वलयिताकुलिते ।* अवताद् वो हर-गुहयोर् उभय-परित्राण-कातरता ॥ विद्स्र्क् ४।३७ *(६६) ॥* जातार्धवर्धनस्य -- सिन्दूर-श्रीर् ललाटे कनक-रस-मयः कर्ण-पाशावतंसो वक्त्रे ताम्बूल-रागः पृथु-कुच-कलसे कुङ्कुमस्यानुलेपः । दैत्याधीशाङ्गनानां जघन-परिसरे लाक्षिक-क्षौम-लक्ष्मीर् अश्रेयांसि क्षिणोतु त्रिपुर-हर-शरोद्गार-जन्मानलो वः
vinaya-devasya -- phaṇini śikhi-graha-kupite śikhini ca tad-deha-valayitākulite /* avatād vo hara-guhayor ubhaya-paritrāṇa-kātaratā // VidSrk 4.37 *(66) //* jātārdhavardhanasya -- sindūra-śrīr lalāṭe kanaka-rasa-mayaḥ karṇa-pāśāvataṃso vaktre tāmbūla-rāgaḥ pṛthu-kuca-kalase kuṅkumasyānulepaḥ / daityādhīśāṅganānāṃ jaghana-parisare lākṣika-kṣauma-lakṣmīr aśreyāṃsi kṣiṇotu tripura-hara-śarodgāra-janmānalo vaḥ
Sanskrit only: no published translation is held for this verse.
मङ्गलस्य । (स्क्म्सौक। ७७) पायाद् वः सुर-जाह्नवी-जल-रय-भ्राम्यज्-जटा-मण्डली- वेग-व्याकुल-नागनायक-फणा-फूत्कार-वातोच्छलम् । सप्ताम्भोनिधि-जन्म-चण्ड-लहरी-मज्जन्-नभो-मण्डल- त्रास-त्रस्त-सुराङ्गना-कलकल-व्रीडा-विलक्षो हरः
maṅgalasya | (Skmsa.u.ka. 77) pāyād vaḥ sura-jāhnavī-jala-raya-bhrāmyaj-jaṭā-maṇḍalī- vega-vyākula-nāganāyaka-phaṇā-phūtkāra-vātocchalam / saptāmbhonidhi-janma-caṇḍa-laharī-majjan-nabho-maṇḍala- trāsa-trasta-surāṅganā-kalakala-vrīḍā-vilakṣo haraḥ
Sanskrit only: no published translation is held for this verse.
कर्कराजस्य (स्क्म्सौक। ९९, ब्रह्म-हरेः) पुरस्ताद् आनम्र-त्रिदशपति-गारुत्मत-मणेर् वतंस-त्रासार्तेर् अपसरति मौञ्जी-फणि-पतौ । पुरारिः संवृण्वन् विगलद्-उपसंव्यानम् अजिने पुनीताद् वः स्मेर-क्षिति-धर-सुतापाङ्ग-विषयः
karkarājasya (Skmsa.u.ka. 99, brahma-hareḥ) purastād ānamra-tridaśapati-gārutmata-maṇer vataṃsa-trāsārter apasarati mauñjī-phaṇi-patau / purāriḥ saṃvṛṇvan vigalad-upasaṃvyānam ajine punītād vaḥ smera-kṣiti-dhara-sutāpāṅga-viṣayaḥ
Sanskrit only: no published translation is held for this verse.
धर्माशोकस्य -- जीर्णे ऽप्य् उत्कट-काल-कूट-कवले दग्धे हठान् मन्मथे नीते भासुर-भाल-नेत्र-तनुतां कल्पान्त-दावानले । यः शक्त्या समलंकृतो ऽपि शशिनं श्री-शैलजां स्वर्धुनीं धत्ते कौतुक-राज-नीति-निपुणः पायात् स वः शङ्करः
dharmāśokasya -- jīrṇe 'py utkaṭa-kāla-kūṭa-kavale dagdhe haṭhān manmathe nīte bhāsura-bhāla-netra-tanutāṃ kalpānta-dāvānale / yaḥ śaktyā samalaṃkṛto 'pi śaśinaṃ śrī-śailajāṃ svardhunīṃ dhatte kautuka-rāja-nīti-nipuṇaḥ pāyāt sa vaḥ śaṅkaraḥ
Sanskrit only: no published translation is held for this verse.