Vidyakara: Subhasitaratnakosa 43

अनङ्ग पलितं मूर्ध्नि पश्यैतद् विजय-ध्वजम् । इदानीं जितम् अस्माभिस् तवाकिंचित्-कराः शराः

anaṅga palitaṃ mūrdhni paśyaitad vijaya-dhvajam / idānīṃ jitam asmābhis tavākiṃcit-karāḥ śarāḥ

Sanskrit only: no published translation is held for this verse.

धर्मकीर्तेः -- अनुचितम् इदम् अक्रमश् च पुंसां यद् इह जरास्व् अपि मान्मथा विकाराः । यद् अपि च न कृतं नितम्बिनीनां स्तन-पतनावधि जीवितं रतं वा

dharmakīrteḥ -- anucitam idam akramaś ca puṃsāṃ yad iha jarāsv api mānmathā vikārāḥ / yad api ca na kṛtaṃ nitambinīnāṃ stana-patanāvadhi jīvitaṃ rataṃ vā

Sanskrit only: no published translation is held for this verse.

विद्याकालिदासयोः -- प्रायश्चित्तं न गृह्णीतः कान्तायाः पतितौ स्तनौ । अत एव तयोः स्पर्शे लोको ऽयं शिथिलादरः

vidyākālidāsayoḥ -- prāyaścittaṃ na gṛhṇītaḥ kāntāyāḥ patitau stanau / ata eva tayoḥ sparśe loko 'yaṃ śithilādaraḥ

Sanskrit only: no published translation is held for this verse.

धिग् वृद्धतां विषलताम् इव धिक् तथापि वाम-भ्रुवाम् उपरि स-स्पृहताम् अतन्वीम् । को ऽत्रापराध्यति विधिश् च शठः कुठार- योग्यः कठोर-हृदयः कुसुमायुधश् च

dhig vṛddhatāṃ viṣalatām iva dhik tathāpi vāma-bhruvām upari sa-spṛhatām atanvīm / ko 'trāparādhyati vidhiś ca śaṭhaḥ kuṭhāra- yogyaḥ kaṭhora-hṛdayaḥ kusumāyudhaś ca

Sanskrit only: no published translation is held for this verse.

स्वस्ति सुखेभ्यः सम्प्रति सलिलाञ्जलिर् एव मन्मथकथायाः । ता अपि माम् अतिवयसं तरलदृशः शरलम् ईक्षन्ते

svasti sukhebhyaḥ samprati salilāñjalir eva manmathakathāyāḥ / tā api mām ativayasaṃ taraladṛśaḥ śaralam īkṣante

Sanskrit only: no published translation is held for this verse.

स्वस्ति सुखेभ्यः संप्रति सलिलाञ्जलिर् एष मन्मथ-कथायाः ।* ता अपि माम् अतिवयसं तरल-दृशः सरलम् ईक्षन्ते ॥ विद्स्र्क् ४३।५ *(१५२२) ॥* कस्यचित् । (स्व्सुआ। ३३९५, स्क्म्सौक। २२५६, शतानन्दस्य) क्षणात् प्रबोधम् आयाति लङ्घ्यते तमसा पुनः । निर्वास्यतः प्रदीपस्य शिखेव जरतां मतिः

svasti sukhebhyaḥ saṃprati salilāñjalir eṣa manmatha-kathāyāḥ /* tā api mām ativayasaṃ tarala-dṛśaḥ saralam īkṣante // VidSrk 43.5 *(1522) //* kasyacit | (Svsu.ā. 3395, Skmsa.u.ka. 2256, śatānandasya) kṣaṇāt prabodham āyāti laṅghyate tamasā punaḥ / nirvāsyataḥ pradīpasya śikheva jaratāṃ matiḥ

Sanskrit only: no published translation is held for this verse.

पलितेष्व् अपि दृष्टेषु पुंसः का नाम कामिता । भैषज्यम् इव मन्यन्ते यद् अन्यमनसः स्त्रियः

paliteṣv api dṛṣṭeṣu puṃsaḥ kā nāma kāmitā / bhaiṣajyam iva manyante yad anyamanasaḥ striyaḥ

Sanskrit only: no published translation is held for this verse.

एक-गर्भोषिताः स्निग्धा मूर्ध्ना सत्-कृत्य धारिताः । केशा अपि विरज्यन्ते जरया किम् उताङ्गनाः

eka-garbhoṣitāḥ snigdhā mūrdhnā sat-kṛtya dhāritāḥ / keśā api virajyante jarayā kim utāṅganāḥ

Sanskrit only: no published translation is held for this verse.

कस्यचित् । (स्क्म्सौक। २२५१, श्री-व्यास-पादानाम्) गात्रैर् गिरा च विकलश् चटुम् ईश्वराणां कुर्वन्न् अयं प्रहसनस्य नटः कृतो ऽस्मि । नो वेद्मि मां पलित-वर्णक-भाजम् एतं नाट्येन केन नटयिष्यति दीर्घम् आयुः

kasyacit | (Skmsa.u.ka. 2251, śrī-vyāsa-pādānām) gātrair girā ca vikalaś caṭum īśvarāṇāṃ kurvann ayaṃ prahasanasya naṭaḥ kṛto 'smi / no vedmi māṃ palita-varṇaka-bhājam etaṃ nāṭyena kena naṭayiṣyati dīrgham āyuḥ

Sanskrit only: no published translation is held for this verse.

अविविक्ताव् अतिस्तब्धौ स्तनव् आढ्याव् इवादृतौ । विविक्तव् आनतव् एव दरिद्राव् इव गर्हितौ

aviviktāv atistabdhau stanav āḍhyāv ivādṛtau / viviktav ānatav eva daridrāv iva garhitau

Sanskrit only: no published translation is held for this verse.