चञ्चत्-पक्षाभिधात-ग्लपित-हुतभुजः प्रौढ-धाम्नश् चितायाः क्रोध आकृष्ट-मूर्तेर् अहम् अहमिकया चण्ड-चञ्चु-ग्रहेण । सद्यस् तप्तं शवस्य ज्वलद् इव पिशितं भूरि जग्ध्वार्ध-दग्धं पश्यान्तः प्लुष्यमाणः प्रविशति सलिलं सत्वरं गृध्र-सङ्घः
cañcat-pakṣābhidhāta-glapita-hutabhujaḥ prauḍha-dhāmnaś citāyāḥ krodha ākṛṣṭa-mūrter aham ahamikayā caṇḍa-cañcu-graheṇa / sadyas taptaṃ śavasya jvalad iva piśitaṃ bhūri jagdhvārdha-dagdhaṃ paśyāntaḥ pluṣyamāṇaḥ praviśati salilaṃ satvaraṃ gṛdhra-saṅghaḥ
Sanskrit only: no published translation is held for this verse.
कस्यचित् । (स्म्व्सूमु। ९४।६, स्क्म्सौक। २३६५, पाणिनेः) उद्बुद्धेभ्यः सुदूरं घन-रजनि-तमः-पूरितेषु द्रुमेषु प्रोद्ग्रीवं पश्य पाद-द्वितय-धृत-भुवः श्रेणयः फेरवाणाम् । उल्कालोकैः स्फुरद्भिर्निज-वदन-गुहोत्सर्पिभिर् वीक्षितेभ्यश् च्योतत्-सान्द्रं वसाम्भः क्वथित-शव-वपुर्-मण्डलेभ्यः पिबन्ति
kasyacit | (Smvsū.mu. 94.6, Skmsa.u.ka. 2365, pāṇineḥ) udbuddhebhyaḥ sudūraṃ ghana-rajani-tamaḥ-pūriteṣu drumeṣu prodgrīvaṃ paśya pāda-dvitaya-dhṛta-bhuvaḥ śreṇayaḥ pheravāṇām / ulkālokaiḥ sphuradbhirnija-vadana-guhotsarpibhir vīkṣitebhyaś cyotat-sāndraṃ vasāmbhaḥ kvathita-śava-vapur-maṇḍalebhyaḥ pibanti
Sanskrit only: no published translation is held for this verse.
पाणिनेः । (स्क्म्सौक। २३६४) उत्कृत्योत्कृत्य कृत्तिं प्रथमम् अथ पृथूच्छोफ-भूयांसो मांसान्य् अङ्ग-स्फिक्-पृष्ठ-पिण्डाद्य्-अवयव-सुलभान्य् अग्र-पूतीनि जग्ध्वा । आत्त-स्र्नाय्व्य्व्-अन्त्र-नेत्रः प्रकटित-दशनः प्रेत-रङ्गः करङ्काद् अङ्क-स्थाद् अस्थि-संस्थ-स्थपुट-गतम् अपि क्रव्यम् अव्यग्रम् अत्ति
pāṇineḥ | (Skmsa.u.ka. 2364) utkṛtyotkṛtya kṛttiṃ prathamam atha pṛthūcchopha-bhūyāṃso māṃsāny aṅga-sphik-pṛṣṭha-piṇḍādy-avayava-sulabhāny agra-pūtīni jagdhvā / ātta-srnāyvyv-antra-netraḥ prakaṭita-daśanaḥ preta-raṅgaḥ karaṅkād aṅka-sthād asthi-saṃstha-sthapuṭa-gatam api kravyam avyagram atti
Sanskrit only: no published translation is held for this verse.
कर्णाभ्यर्ण-विदीर्ण-सृक्-कवि-कट-व्यादान-दीप्ताग्निभिर् दंष्ट्रा-कोटि-विसंकटैर् इत इतो धावद्भिर् आकीर्त्यते । विद्युत्-पुञ्ज-निकाश-केश-नयन-भ्रू-श्मश्रु-जालैर् नभो लक्ष्यालक्ष्य-विशुष्क-दीर्घ-वपुषाम् उल्का-मुखानां मुखैः
karṇābhyarṇa-vidīrṇa-sṛk-kavi-kaṭa-vyādāna-dīptāgnibhir daṃṣṭrā-koṭi-visaṃkaṭair ita ito dhāvadbhir ākīrtyate / vidyut-puñja-nikāśa-keśa-nayana-bhrū-śmaśru-jālair nabho lakṣyālakṣya-viśuṣka-dīrgha-vapuṣām ulkā-mukhānāṃ mukhaiḥ
Sanskrit only: no published translation is held for this verse.
अन्त्रैः कल्पित-मङ्गल-प्रतिसराः स्त्री-हस्त-रक्तोत्पल- व्यक्तोत्तंस-भृतः पिनह्य सहसा हृत्-पुण्डरीक-स्रजः । एताः शोणित-पङ्क-कुङ्कुम-कुषः संभूय कान्तैः पिबन्त्य् अस्थि-स्नेह-सुराः कपाल-चषकैः प्रीताः पिशाचाङ्गनाः
antraiḥ kalpita-maṅgala-pratisarāḥ strī-hasta-raktotpala- vyaktottaṃsa-bhṛtaḥ pinahya sahasā hṛt-puṇḍarīka-srajaḥ / etāḥ śoṇita-paṅka-kuṅkuma-kuṣaḥ saṃbhūya kāntaiḥ pibanty asthi-sneha-surāḥ kapāla-caṣakaiḥ prītāḥ piśācāṅganāḥ
Sanskrit only: no published translation is held for this verse.
एतत् पूतन-चक्रम् अक्रम-कृत-श्वासार्ध-मुक्तैर् वृकान् उत्पुष्णद् उत्पुष्णत् परितो नृ-मांस-विघसैर् आदर्दरं क्रन्दतः । खर्जूर-द्रुम-दध्न-जङ्घम-सित-त्वङ्-नद्ध-विष्वक्तत- स्नायु-ग्रन्थि-घनास्थि-पञ्जर-जरत्-कङ्कालम् आलोक्यते
etat pūtana-cakram akrama-kṛta-śvāsārdha-muktair vṛkān utpuṣṇad utpuṣṇat parito nṛ-māṃsa-vighasair ādardaraṃ krandataḥ / kharjūra-druma-dadhna-jaṅghama-sita-tvaṅ-naddha-viṣvaktata- snāyu-granthi-ghanāsthi-pañjara-jarat-kaṅkālam ālokyate
Sanskrit only: no published translation is held for this verse.
गुञ्जत्-कुञ्ज-कुटीर-कौशिक-घटा-घूत्कार-संवल्लित- क्रन्दत्-फेरव-चण्ड-हात्कृति-भृति-प्राग्-भार-भीमैस् तटैः । अन्तः-शीर्ण-करङ्क-कर्कर-तरत्-संरोधि-कूलङ्कष- स्रोतो-निर्गम-घोर-घर्घर-रवा पारे-श्मशानं सरित्
guñjat-kuñja-kuṭīra-kauśika-ghaṭā-ghūtkāra-saṃvallita- krandat-pherava-caṇḍa-hātkṛti-bhṛti-prāg-bhāra-bhīmais taṭaiḥ / antaḥ-śīrṇa-karaṅka-karkara-tarat-saṃrodhi-kūlaṅkaṣa- sroto-nirgama-ghora-gharghara-ravā pāre-śmaśānaṃ sarit
Sanskrit only: no published translation is held for this verse.
भवभूतेर् अमी (मामा। ५।१९) भवभूतेर् अमी अत्रास्थः पिशितं शवस्य कठिनैर् उत्कृत्य कृत्स्नं नखैर् नग्न-स्नायु-कराल-घोर-कुहरैर् मस्तिष्क-दिग्धाङ्गुलिः । संदश्यौष्ठ-पिटेन भुग्न-वदनः प्रेतश् चिताग्नि-द्रुतं सूत्कारैर् नलकास्थि-कोटर-गतं मज्जानम् आकर्षति
bhavabhūter amī (mā.mā. 5.19) bhavabhūter amī atrāsthaḥ piśitaṃ śavasya kaṭhinair utkṛtya kṛtsnaṃ nakhair nagna-snāyu-karāla-ghora-kuharair mastiṣka-digdhāṅguliḥ / saṃdaśyauṣṭha-piṭena bhugna-vadanaḥ pretaś citāgni-drutaṃ sūtkārair nalakāsthi-koṭara-gataṃ majjānam ākarṣati
Sanskrit only: no published translation is held for this verse.
जयादित्यस्य -- चञ्चच्-चञ्चूद्वृतार्ध-च्युत-पिशित-लव-ग्रास-संवृद्ध-गर्धैर् गृध्रैर् आरब्ध-पक्ष-द्वितय-विधुतिभिर् बद्ध-सान्द्रान्धकारे । वक्त्रोद्वान्ताः पतन्त्यश् छिमिति-शिखि-शिखा-श्रेणयो ऽस्मिन् शिवानां अस्र-स्रोतस्य् अजस्र-स्रुत-बहल-वसा वास-विस्रे स्वनन्ति
jayādityasya -- cañcac-cañcūdvṛtārdha-cyuta-piśita-lava-grāsa-saṃvṛddha-gardhair gṛdhrair ārabdha-pakṣa-dvitaya-vidhutibhir baddha-sāndrāndhakāre / vaktrodvāntāḥ patantyaś chimiti-śikhi-śikhā-śreṇayo 'smin śivānāṃ asra-srotasy ajasra-sruta-bahala-vasā vāsa-visre svananti
Sanskrit only: no published translation is held for this verse.
श्रीहर्षदेवस्य (नागानन्द ४।१८) विदूराद् अभ्यस्तैर् वियति बहुशो मण्डल-शतैः उदञ्चत्-पुच्छाग्र-स्तिमित-विततैः पक्षति-पुटैः । पतन्त्य् एते गृध्राः शव-पिशित-लोलानन-गुहा- गलल्-लाला-क्लेद-स्नपित-निज-चञ्चू-भय-पुटाः
śrīharṣadevasya (nāgānanda 4.18) vidūrād abhyastair viyati bahuśo maṇḍala-śataiḥ udañcat-pucchāgra-stimita-vitataiḥ pakṣati-puṭaiḥ / patanty ete gṛdhrāḥ śava-piśita-lolānana-guhā- galal-lālā-kleda-snapita-nija-cañcū-bhaya-puṭāḥ
Sanskrit only: no published translation is held for this verse.
पिबत्य् एको ऽन्यस्माद् घन-रुधिरम् आछिद्य चषकं ललज्-जिह्वो वक्त्राद् गलितम् अपरो लेढु पिबतः । ततः स्त्यानाः कश्चिद् भुवि निपतिताः शोणित-कणाः क्षणाद् उच्च-ग्रीवो रसयति लसद्-दिर्घ-रसनः
pibaty eko 'nyasmād ghana-rudhiram āchidya caṣakaṃ lalaj-jihvo vaktrād galitam aparo leḍhu pibataḥ / tataḥ styānāḥ kaścid bhuvi nipatitāḥ śoṇita-kaṇāḥ kṣaṇād ucca-grīvo rasayati lasad-dirgha-rasanaḥ
Sanskrit only: no published translation is held for this verse.
चिताग्नेर् आकृष्टं नलक-शिखर-प्रोतम् असकृत्द् स्फुरद्भिर् निर्वाप्य प्रबल-पवनैः स्फूत्कृत-शतैः । शिरो नारं प्रेतः कवलयति तृष्णा-वश-वलत्- करालास्यः प्लुष्यद्-वदन-कुहरस् तूद्गिरति च
citāgner ākṛṣṭaṃ nalaka-śikhara-protam asakṛtd sphuradbhir nirvāpya prabala-pavanaiḥ sphūtkṛta-śataiḥ / śiro nāraṃ pretaḥ kavalayati tṛṣṇā-vaśa-valat- karālāsyaḥ pluṣyad-vadana-kuharas tūdgirati ca
Sanskrit only: no published translation is held for this verse.
अमी श्री-क्षेमीश्वरस्य (चण्डकौशिक ४।१९) अन्यादानाकुलान्तः-करण-वश-विपद्-बाधित-प्रेत-रङ्कं ग्रास-भ्रश्यत्-कराल-श्लथ-पिशित-शवाग्र-ग्रहे मुक्तनादम् । सर्वैः क्रामद्भिर् उल्कानन-कवल-रस-व्यात्त-वक्त्र-प्रभाभिर् व्यक्तैस् तैः संवलद्भिः क्षणम् अपरम् इव व्योम्नि वृत्तं श्मशानम्
amī śrī-kṣemīśvarasya (caṇḍakauśika 4.19) anyādānākulāntaḥ-karaṇa-vaśa-vipad-bādhita-preta-raṅkaṃ grāsa-bhraśyat-karāla-ślatha-piśita-śavāgra-grahe muktanādam / sarvaiḥ krāmadbhir ulkānana-kavala-rasa-vyātta-vaktra-prabhābhir vyaktais taiḥ saṃvaladbhiḥ kṣaṇam aparam iva vyomni vṛttaṃ śmaśānam
Sanskrit only: no published translation is held for this verse.
वल्लणस्य -- नेत्राकुञ्चन-सारण-क्रम-कृत-प्रव्यक्त-नक्तन्दिनो दिक्-चक्रान्त-विसर्पि-सल्लरिसटा-भारावरुद्धाम्बरः । हस्त-न्यस्त-कपाल-कन्दर-दरी-मुक्ताभ्र-धाराः पिबन्न् उन्मुक्त-ध्वनि-भिन्न-कर्ण-कुहरः क्रव्याद् अयं नृत्यति
vallaṇasya -- netrākuñcana-sāraṇa-krama-kṛta-pravyakta-naktandino dik-cakrānta-visarpi-sallarisaṭā-bhārāvaruddhāmbaraḥ / hasta-nyasta-kapāla-kandara-darī-muktābhra-dhārāḥ pibann unmukta-dhvani-bhinna-karṇa-kuharaḥ kravyād ayaṃ nṛtyati
Sanskrit only: no published translation is held for this verse.