Visvaksenasamhita 14

शुद्धान्नं चैव सूपान्नं द(दा?)धिकं च महाहविः । आज्यं च गुडखण्डं च कदल्यादिफलत्रयम्

śuddhānnaṃ caiva sūpānnaṃ da(dā?)dhikaṃ ca mahāhaviḥ / ājyaṃ ca guḍakhaṇḍaṃ ca kadalyādiphalatrayam

Sanskrit only: no published translation is held for this verse.

आज्यपक्वोपदंशं च पात्रे सर्वं निवेदयेत् । परिषेकं ततः कृत्वा ह्यन्नसूक्तेन संस्पृशेत्

ājyapakvopadaṃśaṃ ca pātre sarvaṃ nivedayet / pariṣekaṃ tataḥ kṛtvā hyannasūktena saṃspṛśet

Sanskrit only: no published translation is held for this verse.

दद्यात्तद्दक्षिणे हस्ते हविः प्राशनमुद्रया । सुगन्धं स्वादुतोयं च दत्वा पानीयमुत्तमम्

dadyāttaddakṣiṇe haste haviḥ prāśanamudrayā / sugandhaṃ svādutoyaṃ ca datvā pānīyamuttamam

Sanskrit only: no published translation is held for this verse.

पुनराचमनं दत्वा वस्त्रेण प्रमृजेत् करौ । गन्धकल्केन संमृज्य ततः पीठान्तरं नयेत्

punarācamanaṃ datvā vastreṇa pramṛjet karau / gandhakalkena saṃmṛjya tataḥ pīṭhāntaraṃ nayet

Sanskrit only: no published translation is held for this verse.

पूर्वमालां विमुक्त्वा तु (-च्याथ?)वेष्टयेन्मालया पुनः । पुनराचमनं दत्वा हस्तौ संशोध्य वाससा

pūrvamālāṃ vimuktvā tu (-cyātha?)veṣṭayenmālayā punaḥ / punarācamanaṃ datvā hastau saṃśodhya vāsasā

Sanskrit only: no published translation is held for this verse.

पृथुकान्युपहाराणि अपूपान्तं निवेदयेत् । नालिकेरफलं दत्वा पानीयाचमनं ततः

pṛthukānyupahārāṇi apūpāntaṃ nivedayet / nālikeraphalaṃ datvā pānīyācamanaṃ tataḥ

Sanskrit only: no published translation is held for this verse.

पुनराचमनं दत्वा मुखवासं निवेदयेत् । क्रमुकस्तु फलं भिन्नमपक्वं पक्वमेव वा

punarācamanaṃ datvā mukhavāsaṃ nivedayet / kramukastu phalaṃ bhinnamapakvaṃ pakvameva vā

Sanskrit only: no published translation is held for this verse.

कर्पूरतैलैः संसिक्तमसिक्तं वा मुनीश्वर । ताम्बूलवल्लीपत्रैश्च सहितं क्षालितं क्रमात्

karpūratailaiḥ saṃsiktamasiktaṃ vā munīśvara / tāmbūlavallīpatraiśca sahitaṃ kṣālitaṃ kramāt

Sanskrit only: no published translation is held for this verse.

एलाकक्कोलजातीश्च कर्पूरसहितं क्रमात् । मातुलुङ्गफलैर्युक्तं नालिकेरुलान्वितम्

elākakkolajātīśca karpūrasahitaṃ kramāt / mātuluṅgaphalairyuktaṃ nālikerulānvitam

Sanskrit only: no published translation is held for this verse.

शिला(सिता?)चूर्णेन संयुक्तं कर्पूरसहितेन च । संस्कृतं प्रणवेनैव मुखवासं निवेदयेत्

śilā(sitā?)cūrṇena saṃyuktaṃ karpūrasahitena ca / saṃskṛtaṃ praṇavenaiva mukhavāsaṃ nivedayet

Sanskrit only: no published translation is held for this verse.

दत्वा च राजवत् सम्यक् पितृवत् पूजयेद्धरिम् । पीठादुत्थाप्नय देवेशं प्रासादं तु परिभ्रमेत्

datvā ca rājavat samyak pitṛvat pūjayeddharim / pīṭhādutthāpnaya deveśaṃ prāsādaṃ tu paribhramet

Sanskrit only: no published translation is held for this verse.

शङ्खदुन्दुभिसंयुक्तं स्वस्तिसूक्तसमन्वितम् । प्रासादं तु परिभ्राम्य गर्भागारं प्रवेशयेत्

śaṅkhadundubhisaṃyuktaṃ svastisūktasamanvitam / prāsādaṃ tu paribhrāmya garbhāgāraṃ praveśayet

Sanskrit only: no published translation is held for this verse.

महाहविर्विधिः प्रोक्तः संक्षेपेण महामुने । विशेषतः प्रवक्ष्यामि महान्नस्य विधिं क्रमात्

mahāhavirvidhiḥ proktaḥ saṃkṣepeṇa mahāmune / viśeṣataḥ pravakṣyāmi mahānnasya vidhiṃ kramāt

Sanskrit only: no published translation is held for this verse.

गुह्याद्गुह्यं मुनिश्रेष्ठ शृणु नारद सत्तम । चरुपाकविधानोक्तैः पूर्वोक्तैर्हव्यवृद्धिदानैश्च

guhyādguhyaṃ muniśreṣṭha śṛṇu nārada sattama / carupākavidhānoktaiḥ pūrvoktairhavyavṛddhidānaiśca

Sanskrit only: no published translation is held for this verse.

समुपेतं शालीनां दशशतकैस्तण्डुलप्रस्थैः । सिद्धं महाहविः स्यात्तु तदर्धं मध्यमं स्मृतम्

samupetaṃ śālīnāṃ daśaśatakaistaṇḍulaprasthaiḥ / siddhaṃ mahāhaviḥ syāttu tadardhaṃ madhyamaṃ smṛtam

Sanskrit only: no published translation is held for this verse.

तस्याप्यर्धकृतं यत्तदधममुक्तं महाहविसतज्ज्ञैः । दुग्धानां तु गवां स्यादाढकषटकं गुणं चतुष्षष्टि

tasyāpyardhakṛtaṃ yattadadhamamuktaṃ mahāhavisatajjñaiḥ / dugdhānāṃ tu gavāṃ syādāḍhakaṣaṭakaṃ guṇaṃ catuṣṣaṣṭi

Sanskrit only: no published translation is held for this verse.

दलितानां शुद्धानां तोयं स्यादाढकद्वितयम्

dalitānāṃ śuddhānāṃ toyaṃ syādāḍhakadvitayam

Sanskrit only: no published translation is held for this verse.

कंसद्वितयं (?) शाल्यास्तण्डुलमिष्टं पयोगुलान्नविधौ । एतद्वरमस्यार्धं मध्यममस्यार्धमधमं स्यात्

kaṃsadvitayaṃ (?) śālyāstaṇḍulamiṣṭaṃ payogulānnavidhau / etadvaramasyārdhaṃ madhyamamasyārdhamadhamaṃ syāt

Sanskrit only: no published translation is held for this verse.

पायसमेतद्विधिना गुलसर्पिभ्यां विना पक्वम् । समुद्गसारपक्वं शाल्यन्नं मुद्गसारान्नसमम्

pāyasametadvidhinā gulasarpibhyāṃ vinā pakvam / samudgasārapakvaṃ śālyannaṃ mudgasārānnasamam

Sanskrit only: no published translation is held for this verse.

गुलपिष्टं सिद्धं सर्पिभ्यामपूपमुद्दिष्टम् । कक्कोलैर्जातिफलैः पूगफलैः श्वेतभुजगपत्रैः

gulapiṣṭaṃ siddhaṃ sarpibhyāmapūpamuddiṣṭam / kakkolairjātiphalaiḥ pūgaphalaiḥ śvetabhujagapatraiḥ

Sanskrit only: no published translation is held for this verse.

पाषाणचूर्णमिश्रं समातुलुङ्गदलनालिकेरफलम् । कर्पूरतैलमिश्रं संस्वङ्गं कथ्यते मुखवाससम्

pāṣāṇacūrṇamiśraṃ samātuluṅgadalanālikeraphalam / karpūratailamiśraṃ saṃsvaṅgaṃ kathyate mukhavāsasam

Sanskrit only: no published translation is held for this verse.

एलाचम्पककेतक्या वासितं तु पानीयम् । कथितं यत्त्रिदशमुने महानिवेद्यादि तन्निखिलम्

elācampakaketakyā vāsitaṃ tu pānīyam / kathitaṃ yattridaśamune mahānivedyādi tannikhilam

Sanskrit only: no published translation is held for this verse.

सिद्धं देवगृहे वा तत्पार्श्वे वा[पि]मन्त्रयोग्यं स्यात् । यो मोहादन्यगृहे सिद्धं देवाय मन्त्रेण

siddhaṃ devagṛhe vā tatpārśve vā[pi]mantrayogyaṃ syāt / yo mohādanyagṛhe siddhaṃ devāya mantreṇa

Sanskrit only: no published translation is held for this verse.

हविराद्यं तु हि दद्यात् स किल्बिषी राष्ट्रनाशी स्यात् । भक्तैरन्यत्रापि क्वापि पक्वं समागतं यद्यत्

havirādyaṃ tu hi dadyāt sa kilbiṣī rāṣṭranāśī syāt / bhaktairanyatrāpi kvāpi pakvaṃ samāgataṃ yadyat

Sanskrit only: no published translation is held for this verse.

बिम्बस्याग्रे तत्तत् प्रदर्श्य दद्याद्धि पक्वेभ्यः । एतत् कृत्वा सम्यङ्महाहविः प्रियतमं तु हरेः

bimbasyāgre tattat pradarśya dadyāddhi pakvebhyaḥ / etat kṛtvā samyaṅmahāhaviḥ priyatamaṃ tu hareḥ

Sanskrit only: no published translation is held for this verse.

भक्तःसामीप्यं मध्यमकृत् ॥॥॥॥। । सारूप्यं चाधमं च सालोक्यं परमम्

bhaktaḥsāmīpyaṃ madhyamakṛt ......... / sārūpyaṃ cādhamaṃ ca sālokyaṃ paramam

Sanskrit only: no published translation is held for this verse.

पयोदिगुलान्नं निवेद्य भक्त्या हरैति शान्तिम् (?) । परमांशश्च मध्यमं ह्येति सर्वकामानि (?)

payodigulānnaṃ nivedya bhaktyā haraiti śāntim (?) / paramāṃśaśca madhyamaṃ hyeti sarvakāmāni (?)

Sanskrit only: no published translation is held for this verse.

विशेषश्चात्र संप्रोक्तः महान्नादिविधौ मुने । शेषं साधारणं कुर्या(विद्या?)दिति शास्त्रस्य निश्चयः

viśeṣaścātra saṃproktaḥ mahānnādividhau mune / śeṣaṃ sādhāraṇaṃ kuryā(vidyā?)diti śāstrasya niścayaḥ

Sanskrit only: no published translation is held for this verse.

महाहविविधौ चात्र द्विविधं मानमीरितम् । द्विप्रकारं तु तन्त्रज्ञो यथायोगं समाचरेत्

mahāhavividhau cātra dvividhaṃ mānamīritam / dviprakāraṃ tu tantrajño yathāyogaṃ samācaret

Sanskrit only: no published translation is held for this verse.