तीर्थान्ते स्नपनं कुर्यात् पूर्वोक्तेन विधानतः । पुष्पयागविधानं तु नेष्यते ऽस्मिन् महामुने
tīrthānte snapanaṃ kuryāt pūrvoktena vidhānataḥ / puṣpayāgavidhānaṃ tu neṣyate 'smin mahāmune
Sanskrit only: no published translation is held for this verse.
Visvaksenasamhita 16
इति संक्षेपतः प्रोक्तो बालस्थानविधिर्मुने । एवमेव द्वितीयस्य प्रतिष्ठालक्षणं परम्
iti saṃkṣepataḥ prokto bālasthānavidhirmune / evameva dvitīyasya pratiṣṭhālakṣaṇaṃ param
Sanskrit only: no published translation is held for this verse.
विशेषं चात्र वक्ष्याभि द्वितीयस्य मुहामुने । प्रतिष्ठार्क्षस्य पूर्वेद्युः मध्यरात्रे ऽल्पगेहके
viśeṣaṃ cātra vakṣyābhi dvitīyasya muhāmune / pratiṣṭhārkṣasya pūrvedyuḥ madhyarātre 'lpagehake
Sanskrit only: no published translation is held for this verse.
स्थण्डिलं चतुरश्रं च हस्तमात्रं समन्ततः । कारयित्वा मुनिश्रेष्ठ पश्चाद्देवं नयेद्बुधः
sthaṇḍilaṃ caturaśraṃ ca hastamātraṃ samantataḥ / kārayitvā muniśreṣṭha paścāddevaṃ nayedbudhaḥ
Sanskrit only: no published translation is held for this verse.
बिम्बाग्रे स्थण्डिले मध्ये मूलमन्त्रमनुस्मरन् । कुम्भं संस्थाप्य विधिवत् तत्कुम्भे कल्पयेद्धरिम्
bimbāgre sthaṇḍile madhye mūlamantramanusmaran / kumbhaṃ saṃsthāpya vidhivat tatkumbhe kalpayeddharim
Sanskrit only: no published translation is held for this verse.
आनयेन्मूर्तिमन्त्रेण गन्धपुष्पादिनार्चयेत् । कुम्भस्यान्तर्गतं देवं रविमध्ये नयेत् क्षणात्
ānayenmūrtimantreṇa gandhapuṣpādinārcayet / kumbhasyāntargataṃ devaṃ ravimadhye nayet kṣaṇāt
Sanskrit only: no published translation is held for this verse.
पश्चाद्देवं समावाह्य महाकुम्भे महामुने । तत्कुम्भान्तर्गतं देवं मूलबेरे न्येद्बुधः
paścāddevaṃ samāvāhya mahākumbhe mahāmune / tatkumbhāntargataṃ devaṃ mūlabere nyedbudhaḥ
Sanskrit only: no published translation is held for this verse.
पूर्ववत् प्रोक्षयेन्मूलस्थानं तन्त्रविचक्षणः । परिवारानशेषांस्तु कल्पयेच्छास्त्रचोदितम्
pūrvavat prokṣayenmūlasthānaṃ tantravicakṣaṇaḥ / parivārānaśeṣāṃstu kalpayecchāstracoditam
Sanskrit only: no published translation is held for this verse.
दिग्देवान् विधिवत् स्थाप्य पूजयेत्तद्दिने दिने । विशेषश्चात्र संप्रोक्तः शेषं साधारणं भवेत्
digdevān vidhivat sthāpya pūjayettaddine dine / viśeṣaścātra saṃproktaḥ śeṣaṃ sādhāraṇaṃ bhavet
Sanskrit only: no published translation is held for this verse.
युक्त्या युक्तिविशेषेण कारयेदिह नारद । प्रथमे च द्वितीये च क्रियासु मुनिसत्तम
yuktyā yuktiviśeṣeṇa kārayediha nārada / prathame ca dvitīye ca kriyāsu munisattama
Sanskrit only: no published translation is held for this verse.
एवं कृते तु विधिवत् तद्राज्ञो राष्ट्रवासिनाम् । कर्तुः कारयितुश्चैव आयुः श्रीश्चापि वर्धते
evaṃ kṛte tu vidhivat tadrājño rāṣṭravāsinām / kartuḥ kārayituścaiva āyuḥ śrīścāpi vardhate
Sanskrit only: no published translation is held for this verse.