इति श्रीपाञ्चरात्रे विष्वक्सेनसंहितायां भूपरीक्षाविधिर्नाम प्रथमो ऽध्यायः ॥ द्वितीयो ऽध्यायः द्वितीयो ऽध्यायः विष्वक्सेनः--- अथातःसंप्रवक्ष्यामि मण्डपादिक्रियां क्रमात । मण्डपश्चैव कुण्डानि स्रुक्स्रुवं(वौ?)चाष्टमङ्गलम्
iti śrīpāñcarātre viṣvaksenasaṃhitāyāṃ bhūparīkṣāvidhirnāma prathamo 'dhyāyaḥ || dvitīyo 'dhyāyaḥ dvitīyo 'dhyāyaḥ viṣvaksenaḥ--- athātaḥsaṃpravakṣyāmi maṇḍapādikriyāṃ kramāta / maṇḍapaścaiva kuṇḍāni sruksruvaṃ(vau?)cāṣṭamaṅgalam
Sanskrit only: no published translation is held for this verse.
तोरणं चैव तन्नाम तेषां पूजाविधिं क्रमात् । द्वारपालपताकाश्च तेषां न्यासविधिं क्रमात्
toraṇaṃ caiva tannāma teṣāṃ pūjāvidhiṃ kramāt / dvārapālapatākāśca teṣāṃ nyāsavidhiṃ kramāt
Sanskrit only: no published translation is held for this verse.
शचीपते विविक्तेन गुह्याद्गुह्यविधिं क्रमात् । मण्डपं पूर्वदिग्भागे पुष्टिश्रीवर्धनं भवेत्
śacīpate viviktena guhyādguhyavidhiṃ kramāt / maṇḍapaṃ pūrvadigbhāge puṣṭiśrīvardhanaṃ bhavet
Sanskrit only: no published translation is held for this verse.
सर्वविघ्नोपशमनं याम्ये चैव यशस्करम् । जयदं वारुणे भागे धनदं चोत्तरे दिशि
sarvavighnopaśamanaṃ yāmye caiva yaśaskaram / jayadaṃ vāruṇe bhāge dhanadaṃ cottare diśi
Sanskrit only: no published translation is held for this verse.
आग्नेये नैऋते वापि वायव्यैशा(शे?)शचीपते । कल्पयेन्मण्डपं चैवं पूर्वपूर्वा गरीयसी
āgneye naiṛte vāpi vāyavyaiśā(śe?)śacīpate / kalpayenmaṇḍapaṃ caivaṃ pūrvapūrvā garīyasī
Sanskrit only: no published translation is held for this verse.
यजमानेच्छया कुर्यात् अन्यदेशे न कारयेत् । मण्डपं त्रिविधं प्रोक्तं हीनं मध्यममुत्तमम्
yajamānecchayā kuryāt anyadeśe na kārayet / maṇḍapaṃ trividhaṃ proktaṃ hīnaṃ madhyamamuttamam
Sanskrit only: no published translation is held for this verse.
हीने हीनं तु कर्तव्यं मध्यमे मध्यमं पुनः । उत्तमे चोत्तमं चैव मण्डपं विधिना पुनः
hīne hīnaṃ tu kartavyaṃ madhyame madhyamaṃ punaḥ / uttame cottamaṃ caiva maṇḍapaṃ vidhinā punaḥ
Sanskrit only: no published translation is held for this verse.
पञ्चोत्तरदशं(?)वापि दशहस्तमथापि वा । षोडशस्तंभसंयुक्तं मण्डपं कारयेत् क्रमात्
pañcottaradaśaṃ(?)vāpi daśahastamathāpi vā / ṣoḍaśastaṃbhasaṃyuktaṃ maṇḍapaṃ kārayet kramāt
Sanskrit only: no published translation is held for this verse.
अधमं तद्विजानीयात् मध्यमं शृणु सुव्रत । षोडशं द्वादशं(?)वापि मध्यमं मण्डपं विदुः
adhamaṃ tadvijānīyāt madhyamaṃ śṛṇu suvrata / ṣoḍaśaṃ dvādaśaṃ(?)vāpi madhyamaṃ maṇḍapaṃ viduḥ
Sanskrit only: no published translation is held for this verse.
चतुर्विंशतिहस्ताच्च विंशद्धस्तान्तमेव वा । उत्तमं तद्विज्ञानीयात् सूत्रपातविधिं शृणु
caturviṃśatihastācca viṃśaddhastāntameva vā / uttamaṃ tadvijñānīyāt sūtrapātavidhiṃ śṛṇu
Sanskrit only: no published translation is held for this verse.
प्रासादमण्डपाद्वापि प्राकारात् पीठतो ऽपि वा । एकहस्तं द्विहस्तं वा त्रिहस्तं वा शचीपते
prāsādamaṇḍapādvāpi prākārāt pīṭhato 'pi vā / ekahastaṃ dvihastaṃ vā trihastaṃ vā śacīpate
Sanskrit only: no published translation is held for this verse.
विसृज्य देशिकः कुर्यात् प्रतिष्ठामण्डपं शुभम् । सर्वलक्षणसंयुक्तं आचार्येच्छानुरूपतः
visṛjya deśikaḥ kuryāt pratiṣṭhāmaṇḍapaṃ śubham / sarvalakṣaṇasaṃyuktaṃ ācāryecchānurūpataḥ
Sanskrit only: no published translation is held for this verse.
पातयेद्ब्रह्मसूत्रं तु यावन्मण्डपगोचरम् । त्रिभागीकृत्य सूत्रेण रेखाश्चत्वारि(?)कारयेत्
pātayedbrahmasūtraṃ tu yāvanmaṇḍapagocaram / tribhāgīkṛtya sūtreṇa rekhāścatvāri(?)kārayet
Sanskrit only: no published translation is held for this verse.
पूर्वपश्चिमतश्चैव तथा वै दक्षिणोत्तरम् । त्रिकूटं कारयित्वा तु भागं तत्र तु कारयेत्
pūrvapaścimataścaiva tathā vai dakṣiṇottaram / trikūṭaṃ kārayitvā tu bhāgaṃ tatra tu kārayet
Sanskrit only: no published translation is held for this verse.
कोणेषु चैव सर्वेषु कोणस्तंभान् प्रकल्पयेत् । सूत्रसन्धिषु सर्वेषु स्तम्भानन्यान् प्रकल्पयेत्
koṇeṣu caiva sarveṣu koṇastaṃbhān prakalpayet / sūtrasandhiṣu sarveṣu stambhānanyān prakalpayet
Sanskrit only: no published translation is held for this verse.
मण्डपाङ्गानि सर्वाणि चान्यानि तु शचीपते । युक्त्या युक्तिविशेषेण कारयेत्तु यथाविधि
maṇḍapāṅgāni sarvāṇi cānyāni tu śacīpate / yuktyā yuktiviśeṣeṇa kārayettu yathāvidhi
Sanskrit only: no published translation is held for this verse.
चतुर्द्वारसमायुक्तं वितानाद्यैर्विभूषितम् । एवं तु मण्डपं कृत्वा सप्ताहात्पूर्वमेव तु
caturdvārasamāyuktaṃ vitānādyairvibhūṣitam / evaṃ tu maṇḍapaṃ kṛtvā saptāhātpūrvameva tu
Sanskrit only: no published translation is held for this verse.
मण्डपस्यानुरूपेण मध्ये वेदिं तु कारयेत् । आमेष्टकाभिः पक्वाभिः वेदिकां कारयेत् क्रमात्
maṇḍapasyānurūpeṇa madhye vediṃ tu kārayet / āmeṣṭakābhiḥ pakvābhiḥ vedikāṃ kārayet kramāt
Sanskrit only: no published translation is held for this verse.
उत्तमे ऽप्युत्तमां कुर्यान्मध्यमे मध्यमां कुरु । अधमे ऽप्यधमां कृत्वा तन्माने पुटमानतः(?)
uttame 'pyuttamāṃ kuryānmadhyame madhyamāṃ kuru / adhame 'pyadhamāṃ kṛtvā tanmāne puṭamānataḥ(?)
Sanskrit only: no published translation is held for this verse.
द्विताकोच्छ्रायसंयुक्तां दर्पणोदरसंनिभाम् । वेदिकां क्रमशः कृत्वा कुण्डानि परिकल्पयेत्
dvitākocchrāyasaṃyuktāṃ darpaṇodarasaṃnibhām / vedikāṃ kramaśaḥ kṛtvā kuṇḍāni parikalpayet
Sanskrit only: no published translation is held for this verse.
त्रितालं वेदिकायां तु दूरीभूतानि सर्वशः । चतुस्तालं द्वितालं वा विसृज्य परितः क्रमात् चतुस्तालं द्वितालं वा दूरीभूतानि सवर्शः?)
tritālaṃ vedikāyāṃ tu dūrībhūtāni sarvaśaḥ / catustālaṃ dvitālaṃ vā visṛjya paritaḥ kramāt catustālaṃ dvitālaṃ vā dūrībhūtāni savarśaḥ?)
Sanskrit only: no published translation is held for this verse.
कारयेद्वह्निकुण्डानि तुर्याश्रादीनि साधकः । प्राक्पूर्वं॥॥॥॥॥॥॥॥॥प्रत्यक्संस्थितमन्ततः
kārayedvahnikuṇḍāni turyāśrādīni sādhakaḥ / prākpūrvaṃ..................pratyaksaṃsthitamantataḥ
Sanskrit only: no published translation is held for this verse.
तस्यामास्फालयेत् पश्चादायतं दक्षिणोत्तरम् । एकहस्तं द्विहस्तं वा ज्ञात्वा मानं तु लाञ्छयेत्
tasyāmāsphālayet paścādāyataṃ dakṣiṇottaram / ekahastaṃ dvihastaṃ vā jñātvā mānaṃ tu lāñchayet
Sanskrit only: no published translation is held for this verse.
द्वाभ्यां द्वाभ्यामथैकैकं लाञ्छयेत् कोणमत्स्यकम् । दिक्सूत्राणि क्रमात्तेषु प्रसार्यास्फाल्य यत्नतः
dvābhyāṃ dvābhyāmathaikaikaṃ lāñchayet koṇamatsyakam / diksūtrāṇi kramātteṣu prasāryāsphālya yatnataḥ
Sanskrit only: no published translation is held for this verse.
चतुरश्रीकृतं क्षेत्रं चतुष्कोणसमं शुभम् । चतुरभ्यधिकं विंशदङ्गुलं चतुरश्रकम्
caturaśrīkṛtaṃ kṣetraṃ catuṣkoṇasamaṃ śubham / caturabhyadhikaṃ viṃśadaṅgulaṃ caturaśrakam
Sanskrit only: no published translation is held for this verse.
सूत्रेण सूत्रयित्वा तु क्षेत्रं तावत् खनेत् क्षितिम् । तस्यार्धं वा खनित्वा तु शिल्पिना कुशलेन तु
sūtreṇa sūtrayitvā tu kṣetraṃ tāvat khanet kṣitim / tasyārdhaṃ vā khanitvā tu śilpinā kuśalena tu
Sanskrit only: no published translation is held for this verse.
कारयेच्चतुरश्रादिकुण्डानि विधिवत् क्रमात् । तालमानेन सर्वत्र कुण्डानि परितः क्रमात्
kārayeccaturaśrādikuṇḍāni vidhivat kramāt / tālamānena sarvatra kuṇḍāni paritaḥ kramāt
Sanskrit only: no published translation is held for this verse.
कारयेच्चतुरश्रादि विस्तारायामतादृशम् (तः समम्?) । सूत्रेण सूत्रयित्वा तु क्षेत्रं तावत् खनेत् क्षितिम
kārayeccaturaśrādi vistārāyāmatādṛśam (taḥ samam?) / sūtreṇa sūtrayitvā tu kṣetraṃ tāvat khanet kṣitima
Sanskrit only: no published translation is held for this verse.
खातस्य मेखलाः कार्याःत्यक्त्वा चैवाङ्गुलिद्वयम् । प्रथमा सात्विकी प्रोक्ता द्वितीया राजसी मता
khātasya mekhalāḥ kāryāḥtyaktvā caivāṅgulidvayam / prathamā sātvikī proktā dvitīyā rājasī matā
Sanskrit only: no published translation is held for this verse.
तृतीया तामसी पूर्वा द्वादशाङ्गुलमुच्छ्रिता । अष्टाङ्गुला द्वितीया तु तृतीया चतुरङ्गुला
tṛtīyā tāmasī pūrvā dvādaśāṅgulamucchritā / aṣṭāṅgulā dvitīyā tu tṛtīyā caturaṅgulā
Sanskrit only: no published translation is held for this verse.
चतुरङ्गुलविस्ताराः सर्वाः कार्यास्तु सन्ततम् । योनिर्दशाङ्गुला रम्या षट्चतुद्वर्यङ्गुलाग्रका
caturaṅgulavistārāḥ sarvāḥ kāryāstu santatam / yonirdaśāṅgulā ramyā ṣaṭcatudvaryaṅgulāgrakā
Sanskrit only: no published translation is held for this verse.
योनिर्योनिरिवा(समा?)कारा गजोष्ठसदृशापि(शी तु?)वा । क्रमान्निम्ना तु कर्तव्या चतुरङ्गुलमायता
yoniryonirivā(samā?)kārā gajoṣṭhasadṛśāpi(śī tu?)vā / kramānnimnā tu kartavyā caturaṅgulamāyatā
Sanskrit only: no published translation is held for this verse.
मूलं तु त्र्यङ्गुलं ज्ञेयमग्रं तस्य षडङ्गुलम् । एकहस्तादि(स्तस्य?)कुण्डस्य लक्षणं कथितं त्विदम्
mūlaṃ tu tryaṅgulaṃ jñeyamagraṃ tasya ṣaḍaṅgulam / ekahastādi(stasya?)kuṇḍasya lakṣaṇaṃ kathitaṃ tvidam
Sanskrit only: no published translation is held for this verse.
द्विहस्ते द्विगुणं प्रोक्तं नाभिश्चैव तु मेखला । एकमेखलकं वापि कुण्डं संक्षेपकर्मणि
dvihaste dviguṇaṃ proktaṃ nābhiścaiva tu mekhalā / ekamekhalakaṃ vāpi kuṇḍaṃ saṃkṣepakarmaṇi
Sanskrit only: no published translation is held for this verse.
कुण्डार्धं कोणभागार्धं दिशि चोत्तरतो बहिः । पूर्वपश्चिमतो यत्नात् लाञ्छयित्वा तु मध्यतः
kuṇḍārdhaṃ koṇabhāgārdhaṃ diśi cottarato bahiḥ / pūrvapaścimato yatnāt lāñchayitvā tu madhyataḥ
Sanskrit only: no published translation is held for this verse.
सर्वतो भ्रामितं कुण्डमर्धचन्द्रं भवेत् स्फुटम् । तत्कुण्डं सर्वसिद्ध्यर्थं सर्वसंपद्विवर्धनम्
sarvato bhrāmitaṃ kuṇḍamardhacandraṃ bhavet sphuṭam / tatkuṇḍaṃ sarvasiddhyarthaṃ sarvasaṃpadvivardhanam
Sanskrit only: no published translation is held for this verse.
सर्वविघ्नोपशमनं दक्षिणे कारयेद बुधः । कुण्डाद्येवं(द्यव?)स्थितं सूत्रं कोणे यदतिरिच्यते
sarvavighnopaśamanaṃ dakṣiṇe kārayeda budhaḥ / kuṇḍādyevaṃ(dyava?)sthitaṃ sūtraṃ koṇe yadatiricyate
Sanskrit only: no published translation is held for this verse.
तदर्थं दिशि संस्थाप्य भ्रामितं वर्तुलं भवेत् । वृत्तं तु परमं ज्ञेयं सर्वदुःखनिवारणम्
tadarthaṃ diśi saṃsthāpya bhrāmitaṃ vartulaṃ bhavet / vṛttaṃ tu paramaṃ jñeyaṃ sarvaduḥkhanivāraṇam
Sanskrit only: no published translation is held for this verse.
अनावृष्टिभयं नास्ति अतिवृष्टिभयं तथा । पद्माकारं तु सर्वत्र मेखलायां तु वर्तुलम्
anāvṛṣṭibhayaṃ nāsti ativṛṣṭibhayaṃ tathā / padmākāraṃ tu sarvatra mekhalāyāṃ tu vartulam
Sanskrit only: no published translation is held for this verse.
प्रत्येकैकं शचीनाथ मेखलोपरि साधकः । द्वादशं वा दलं लिख्य चाष्टपत्रं सकर्णिकम्
pratyekaikaṃ śacīnātha mekhalopari sādhakaḥ / dvādaśaṃ vā dalaṃ likhya cāṣṭapatraṃ sakarṇikam
Sanskrit only: no published translation is held for this verse.
तत्कुण्डं पद्ममित्युक्तं सर्वशास्त्रविशारदैः । ब्रह्मवृद्धिकरं ज्ञेयं यज्ञस्वाध्यायवृद्धिदम्
tatkuṇḍaṃ padmamityuktaṃ sarvaśāstraviśāradaiḥ / brahmavṛddhikaraṃ jñeyaṃ yajñasvādhyāyavṛddhidam
Sanskrit only: no published translation is held for this verse.
तथैव चतुरश्रं तु इति शास्त्रस्य निश्चयः । त्रिकोणं वाब्जकुण्डं वा साधकेच्छानुरूपतः
tathaiva caturaśraṃ tu iti śāstrasya niścayaḥ / trikoṇaṃ vābjakuṇḍaṃ vā sādhakecchānurūpataḥ
Sanskrit only: no published translation is held for this verse.
सोमे तु कारयेद्धीमान् सर्वविघ्नोपनाशनम् । पञ्चत्रिंशाङ्गुलं वापि द्वादशाङ्गुलमेव वा
some tu kārayeddhīmān sarvavighnopanāśanam / pañcatriṃśāṅgulaṃ vāpi dvādaśāṅgulameva vā
Sanskrit only: no published translation is held for this verse.
संगृह्याचार्यतःसूत्रं प्रसार्यास्फाल्य यत्नतः । नैऋते ह्यनिले चैव लाञ्छयेत् कोणमत्स्यकम्
saṃgṛhyācāryataḥsūtraṃ prasāryāsphālya yatnataḥ / naiṛte hyanile caiva lāñchayet koṇamatsyakam
Sanskrit only: no published translation is held for this verse.
तथैव लाञ्छयेदैन्द्रे तत्त्रिकोणं भवेच्छुभम् । कारयेदवटं धीमान् शिल्पिना कुशलेन तु
tathaiva lāñchayedaindre tattrikoṇaṃ bhavecchubham / kārayedavaṭaṃ dhīmān śilpinā kuśalena tu
Sanskrit only: no published translation is held for this verse.
तत्तुद्रूपेण कुण्डेषु मेखलां परितः क्रमात् । कारयेत्तु शचीनाथ साधकः परमार्थवित्
tattudrūpeṇa kuṇḍeṣu mekhalāṃ paritaḥ kramāt / kārayettu śacīnātha sādhakaḥ paramārthavit
Sanskrit only: no published translation is held for this verse.
एतत्त्रिकोणमुद्दिष्टं शेषं साधारणं भवेत् । कुण्डपङ्क्तिः समाख्याता प्रकृतिस्त्रिगुणात्मिका
etattrikoṇamuddiṣṭaṃ śeṣaṃ sādhāraṇaṃ bhavet / kuṇḍapaṅktiḥ samākhyātā prakṛtistriguṇātmikā
Sanskrit only: no published translation is held for this verse.
सा योनिः सर्वभूतानां सिद्ध्यर्थं तु शचीपते । विद्यामन्त्रगणानां तु विमुक्तेश्चैव कारणम्
sā yoniḥ sarvabhūtānāṃ siddhyarthaṃ tu śacīpate / vidyāmantragaṇānāṃ tu vimukteścaiva kāraṇam
Sanskrit only: no published translation is held for this verse.
प्राच्यां शिरःसमाख्यातं बाहू कोणे व्यवस्थितौ । ऐशान्याग्नेयसंज्ञे तु यङ्घा वायव्यनैऋते
prācyāṃ śiraḥsamākhyātaṃ bāhū koṇe vyavasthitau / aiśānyāgneyasaṃjñe tu yaṅghā vāyavyanaiṛte
Sanskrit only: no published translation is held for this verse.
उदरं कुण्डमित्युक्तं योनिर्योनिर्विधीयते । मेखलात्रितयं चैव गुणत्रयमुदाहृतम्
udaraṃ kuṇḍamityuktaṃ yoniryonirvidhīyate / mekhalātritayaṃ caiva guṇatrayamudāhṛtam
Sanskrit only: no published translation is held for this verse.
एवं संक्षेपतः प्रोक्तं कुण्डानां लक्षणं क्रमात् । स्रुक्स्रुवौ मङ्गलांश्चैव (लान्यष्टौ?)तोरणानि तथैव च
evaṃ saṃkṣepataḥ proktaṃ kuṇḍānāṃ lakṣaṇaṃ kramāt / sruksruvau maṅgalāṃścaiva (lānyaṣṭau?)toraṇāni tathaiva ca
Sanskrit only: no published translation is held for this verse.
प्रवक्ष्याम्यधुना चैव तेषां लक्षणमुच्यते । अश्वत्थखदिराद्यैर्वा चतुर्विंशद्भि (?)रङ्गुलैः
pravakṣyāmyadhunā caiva teṣāṃ lakṣaṇamucyate / aśvatthakhadirādyairvā caturviṃśadbhi (?)raṅgulaiḥ
Sanskrit only: no published translation is held for this verse.
प्रतिष्ठाद्युत्सवे चैव होमार्थं कारयेत् स्रुवम् (चम्?) । सप्तपञ्चाङ्गुलं वापि विस्तारं चतुरश्रकम्
pratiṣṭhādyutsave caiva homārthaṃ kārayet sruvam (cam?) / saptapañcāṅgulaṃ vāpi vistāraṃ caturaśrakam
Sanskrit only: no published translation is held for this verse.
त्रिभागेन भवेद्गर्तं मध्ये वृत्तं सुशोभनम् । तिर्यगूर्ध्वं समं वापि तदर्धं वा खनेत् स्रुवम् (चम्?)
tribhāgena bhavedgartaṃ madhye vṛttaṃ suśobhanam / tiryagūrdhvaṃ samaṃ vāpi tadardhaṃ vā khanet sruvam (cam?)
Sanskrit only: no published translation is held for this verse.
अङ्गुलस्य चतुर्थांशं व्यपोह्यान्ते ऽवटस्य तु । तस्यान्ते मेखलां सम्यक् गर्तं वै परितः क्रमात्
aṅgulasya caturthāṃśaṃ vyapohyānte 'vaṭasya tu / tasyānte mekhalāṃ samyak gartaṃ vai paritaḥ kramāt
Sanskrit only: no published translation is held for this verse.
कारयेन्मेखलामेकामुत्सेधं तु तथैव च । मेखलायास्तु परितः लिखेदब्जदलाकृतिम्
kārayenmekhalāmekāmutsedhaṃ tu tathaiva ca / mekhalāyāstu paritaḥ likhedabjadalākṛtim
Sanskrit only: no published translation is held for this verse.
द्वादशाष्टदलं वापि कारयेन्मेखलाधरे । कर्णिकां गर्तमध्ये तु लिखेच्छिल्पप्रमाणतः
dvādaśāṣṭadalaṃ vāpi kārayenmekhalādhare / karṇikāṃ gartamadhye tu likhecchilpapramāṇataḥ
Sanskrit only: no published translation is held for this verse.
दलान्ते वलयं कुर्यात् चतुरश्रं समन्ततः । तदङ्गुलार्धविस्तारं कलाबिन्दुविभूषितम्
dalānte valayaṃ kuryāt caturaśraṃ samantataḥ / tadaṅgulārdhavistāraṃ kalābinduvibhūṣitam
Sanskrit only: no published translation is held for this verse.
सर्वालंकारसंयुक्तं द्विरेखायुक्समाचरेत् । द्वादशाष्टकमेवं वा यथारुचि लेखित् क्रमात्
sarvālaṃkārasaṃyuktaṃ dvirekhāyuksamācaret / dvādaśāṣṭakamevaṃ vā yathāruci lekhit kramāt
Sanskrit only: no published translation is held for this verse.
कण्ठं त्रिभागविस्तारं सार्धाङ्गुलसमायतम् । द्विरङ्गुलायतं वापि तदग्रे तु मुखं भवेत्
kaṇṭhaṃ tribhāgavistāraṃ sārdhāṅgulasamāyatam / dviraṅgulāyataṃ vāpi tadagre tu mukhaṃ bhavet
Sanskrit only: no published translation is held for this verse.
चतुरङ्गुलविस्तारं पञ्चाङ्गुलमथापि वा । त्रिकं द्व्यङ्गुलमात्रं स्यान्मध्ये धारां सुशोभनाम्
caturaṅgulavistāraṃ pañcāṅgulamathāpi vā / trikaṃ dvyaṅgulamātraṃ syānmadhye dhārāṃ suśobhanām
Sanskrit only: no published translation is held for this verse.
सुषिरं कण्ठदेशे स्यात् प्रविशेच्छिबिक(?) यथा । धाराया दक्षिणे वामे मुखे वृत्तं समालिखेत्
suṣiraṃ kaṇṭhadeśe syāt praviśecchibika(?) yathā / dhārāyā dakṣiṇe vāme mukhe vṛttaṃ samālikhet
Sanskrit only: no published translation is held for this verse.
कण्ठोर्ध्वे तु लिखेदास्यं सुशोभनमतः परम् । नासिकामुखमेकं वा वराहाननमेव च
kaṇṭhordhve tu likhedāsyaṃ suśobhanamataḥ param / nāsikāmukhamekaṃ vā varāhānanameva ca
Sanskrit only: no published translation is held for this verse.
व्याघ्रगोमुखमेव स्यात् यथारुचि समाचरेत् । स्रुक्पृष्ठं शोधयित्वा तु परितो ऽष्टदलं लिखेत्
vyāghragomukhameva syāt yathāruci samācaret / srukpṛṣṭhaṃ śodhayitvā tu parito 'ṣṭadalaṃ likhet
Sanskrit only: no published translation is held for this verse.
वृत्तापादं ततो बाह्ये न्यसेद्द्व्यङ्गुलमेव तु । तथैव दण्डमूले तु पदन्यासं यथाविधि
vṛttāpādaṃ tato bāhye nyaseddvyaṅgulameva tu / tathaiva daṇḍamūle tu padanyāsaṃ yathāvidhi
Sanskrit only: no published translation is held for this verse.
अङ्गुष्ठाङ्गुलमानेन तद्वृत्ताङ्घ्रिं समाचरेत् । दण्डद्वितीयमध्यान्ते तृतीयस्याधरे ऽम्बुजम्
aṅguṣṭhāṅgulamānena tadvṛttāṅghriṃ samācaret / daṇḍadvitīyamadhyānte tṛtīyasyādhare 'mbujam
Sanskrit only: no published translation is held for this verse.
अष्टपत्रसमायुक्तमालिखेत् फलकायुतम् । घृतादिमध्यमे भागे कारयेत् परितः क्रमात्
aṣṭapatrasamāyuktamālikhet phalakāyutam / ghṛtādimadhyame bhāge kārayet paritaḥ kramāt
Sanskrit only: no published translation is held for this verse.
दण्डमूले ऽब्जमुकुलं त्रिलेखायुक्समाचरेत् । चतुरभ्यधिकं विंशदङ्गुलं तच्छचीपते
daṇḍamūle 'bjamukulaṃ trilekhāyuksamācaret / caturabhyadhikaṃ viṃśadaṅgulaṃ tacchacīpate
Sanskrit only: no published translation is held for this verse.
स्रुवं तु कारयेत्पश्चात् आननेन समन्वितम् । चर(ष?)कं द्व्यङ्गुलं वृत्तं कर्तव्यं तु सुशोभनम्
sruvaṃ tu kārayetpaścāt ānanena samanvitam / cara(ṣa?)kaṃ dvyaṅgulaṃ vṛttaṃ kartavyaṃ tu suśobhanam
Sanskrit only: no published translation is held for this verse.
गोष्पदं तु यथामग्नमल्पपङ्के तथा भवेत् । स्रुव(स्रुचो?) मूले मुखाद्ये च त्रिरेखा यवमानतः
goṣpadaṃ tu yathāmagnamalpapaṅke tathā bhavet / sruva(sruco?) mūle mukhādye ca trirekhā yavamānataḥ
Sanskrit only: no published translation is held for this verse.
कारयेत्तु शचीनाथ सा च स्रुक् सर्वसिद्धिदा । मुखादित्र्यङ्गुलं हित्वा तदन्ते ऽङ्घ्रिं समाचरेत्
kārayettu śacīnātha sā ca sruk sarvasiddhidā / mukhāditryaṅgulaṃ hitvā tadante 'ṅghriṃ samācaret
Sanskrit only: no published translation is held for this verse.
वृत्तं सुशोभनं पृष्ठे तद्देहाङ्गुलमानतः । तथैव स्रुवमूले ऽङ्घ्रिं विस्तारायामतादृशम्
vṛttaṃ suśobhanaṃ pṛṣṭhe taddehāṅgulamānataḥ / tathaiva sruvamūle 'ṅghriṃ vistārāyāmatādṛśam
Sanskrit only: no published translation is held for this verse.
पद्मस्य मुकुलाकारं स्रुवमूले ऽथ कारयेत् । परस्याक्ष्यङ्घ्रिहीनेन(?) कारयेद्वाथ स्रुक्स्रुवौ
padmasya mukulākāraṃ sruvamūle 'tha kārayet / parasyākṣyaṅghrihīnena(?) kārayedvātha sruksruvau
Sanskrit only: no published translation is held for this verse.
एतत् स्रुक्स्रुवमाख्यातं मङ्गलाष्टकमुच्यते । लोहजान्येव कुर्वीत अलाभे काष्ठजानि च
etat sruksruvamākhyātaṃ maṅgalāṣṭakamucyate / lohajānyeva kurvīta alābhe kāṣṭhajāni ca
Sanskrit only: no published translation is held for this verse.
अश्वत्थं वा पलाशं वा खदिरं वटमेव वा । पञ्चविंशाङ्गुलायामं द्वादशाङ्गुलविस्तृतम्
aśvatthaṃ vā palāśaṃ vā khadiraṃ vaṭameva vā / pañcaviṃśāṅgulāyāmaṃ dvādaśāṅgulavistṛtam
Sanskrit only: no published translation is held for this verse.
द्व्यङ्गुलं तु घनं ज्ञेयं पीठं तु चतुरङ्गुलम् । तस्योपरि लिखेत्पद्ममष्टपत्रं सकर्णिकम्
dvyaṅgulaṃ tu ghanaṃ jñeyaṃ pīṭhaṃ tu caturaṅgulam / tasyopari likhetpadmamaṣṭapatraṃ sakarṇikam
Sanskrit only: no published translation is held for this verse.
शङ्खं चक्रं पताकं च श्रीवत्सं दर्पणं वृषम् । मत्स्ययुग्मं च कुम्भं च मङ्गलाष्टकमिष्यते
śaṅkhaṃ cakraṃ patākaṃ ca śrīvatsaṃ darpaṇaṃ vṛṣam / matsyayugmaṃ ca kumbhaṃ ca maṅgalāṣṭakamiṣyate
Sanskrit only: no published translation is held for this verse.
द्वादशाङ्गुलमायामं शङ्खादीनां प्रचक्षते । तत्तद्रूपानुसारेण विस्तारं कारयेद्बुधः
dvādaśāṅgulamāyāmaṃ śaṅkhādīnāṃ pracakṣate / tattadrūpānusāreṇa vistāraṃ kārayedbudhaḥ
Sanskrit only: no published translation is held for this verse.
चामरे च महादीपे तेषां पार्श्वेषु कल्पयेत् । शङ्खादिमङ्गलानां तु छत्रं चोपरि विन्यसेत्
cāmare ca mahādīpe teṣāṃ pārśveṣu kalpayet / śaṅkhādimaṅgalānāṃ tu chatraṃ copari vinyaset
Sanskrit only: no published translation is held for this verse.
अधुना तोरणानां तु वक्ष्यते लक्षण क्रमात् । अश्वत्थतोरणं प्राच्यां ऋग्वेदश्चैन्द्रदैवतः
adhunā toraṇānāṃ tu vakṣyate lakṣaṇa kramāt / aśvatthatoraṇaṃ prācyāṃ ṛgvedaścaindradaivataḥ
Sanskrit only: no published translation is held for this verse.
औदुम्बरं तथा याम्ये यजुश्च यमदैवतम् । न्यग्रोधं तु प्रतीच्यां वै सामं(?)वरुणदैवतम्
audumbaraṃ tathā yāmye yajuśca yamadaivatam / nyagrodhaṃ tu pratīcyāṃ vai sāmaṃ(?)varuṇadaivatam
Sanskrit only: no published translation is held for this verse.
उत्तरे सोमदैवत्यः प्लक्षश्चाथर्वणो भवेत् । अश्वत्थं वाप्यभावे तु पूर्वादि चतुरोदिशि
uttare somadaivatyaḥ plakṣaścātharvaṇo bhavet / aśvatthaṃ vāpyabhāve tu pūrvādi caturodiśi
Sanskrit only: no published translation is held for this verse.
कल्पयेत् स्वस्वनाम्ना तु तत्तद्वृक्षस्वरूपकम् । सप्तहस्तसमायुक्तं पञ्चहस्तमथापि वा
kalpayet svasvanāmnā tu tattadvṛkṣasvarūpakam / saptahastasamāyuktaṃ pañcahastamathāpi vā
Sanskrit only: no published translation is held for this verse.
चतुर्हस्तायतं वापि यथारुचि समाचरेत् । तदर्धं पट्टिका तिर्यक् त्रित्रिशूलसमन्वितम्
caturhastāyataṃ vāpi yathāruci samācaret / tadardhaṃ paṭṭikā tiryak tritriśūlasamanvitam
Sanskrit only: no published translation is held for this verse.
शूलायामं द्वितालं वा पादोनं वा शचीपते । पादशूलं मया प्रोक्तं नाहमेकादशाङ्गुलम्
śūlāyāmaṃ dvitālaṃ vā pādonaṃ vā śacīpate / pādaśūlaṃ mayā proktaṃ nāhamekādaśāṅgulam
Sanskrit only: no published translation is held for this verse.
नवाङ्गुलं वा देवेन्द्र यथारुचि समाचरेत् । पादौ तौ पट्टिका तिर्यक् द्वाभ्यां द्वाविंशदङ्गुलम्
navāṅgulaṃ vā devendra yathāruci samācaret / pādau tau paṭṭikā tiryak dvābhyāṃ dvāviṃśadaṅgulam
Sanskrit only: no published translation is held for this verse.
वत्तं वा चतुरश्रं वा युक्त्या कुर्याद्यथाविधि । तोरणान् स्थापयेद्द्वारे स्वस्थाने च स्ववृक्षजान्
vattaṃ vā caturaśraṃ vā yuktyā kuryādyathāvidhi / toraṇān sthāpayeddvāre svasthāne ca svavṛkṣajān
Sanskrit only: no published translation is held for this verse.
खात्वा भूमौ द्वितालं तु मण्डपे मूलविद्यया । अथैकतालमानं वा खातयेदवटं धराम्
khātvā bhūmau dvitālaṃ tu maṇḍape mūlavidyayā / athaikatālamānaṃ vā khātayedavaṭaṃ dharām
Sanskrit only: no published translation is held for this verse.
तत्तद्गर्तेषु संस्थाप्य तोरणानि यथाक्रमम् । सुशोभनं तु पूर्वं स्यात् सुभद्रं नाम दक्षिणे
tattadgarteṣu saṃsthāpya toraṇāni yathākramam / suśobhanaṃ tu pūrvaṃ syāt subhadraṃ nāma dakṣiṇe
Sanskrit only: no published translation is held for this verse.
सुबन्धुं वारुणे चैव सुहोत्रं नाम चोत्तरे । एतत्स्वनाममन्त्रेण पूजयेद्देशिकोत्तमः
subandhuṃ vāruṇe caiva suhotraṃ nāma cottare / etatsvanāmamantreṇa pūjayeddeśikottamaḥ
Sanskrit only: no published translation is held for this verse.
कुमुदः कुमुदाक्षश्च प्राच्यां दौवारिकौ स्मृतौ । दक्षिणद्वारपालाख्यौ पुण्डरीको ऽथ वामनः
kumudaḥ kumudākṣaśca prācyāṃ dauvārikau smṛtau / dakṣiṇadvārapālākhyau puṇḍarīko 'tha vāmanaḥ
Sanskrit only: no published translation is held for this verse.
शङ्कुकर्णः सर्पनेत्रः प्रतीच्यां द्वारपालकौ । उत्तरद्वारपालौ तु सुमुखः सुप्रतिष्ठितः
śaṅkukarṇaḥ sarpanetraḥ pratīcyāṃ dvārapālakau / uttaradvārapālau tu sumukhaḥ supratiṣṭhitaḥ
Sanskrit only: no published translation is held for this verse.
तोरणाभ्यन्तरे स्थाप्य यथाष्टौ च यथादिशि । रक्ते पताके पूर्वस्यां दक्षिणस्यां तु पीतके
toraṇābhyantare sthāpya yathāṣṭau ca yathādiśi / rakte patāke pūrvasyāṃ dakṣiṇasyāṃ tu pītake
Sanskrit only: no published translation is held for this verse.
पश्चिमे ऽञ्जनसंकाशे शुक्लवर्णे तथोत्तरे । कुमुदाद्यांश्च भूतेशान् ध्वजेषु परिकीर्तितान्
paścime 'ñjanasaṃkāśe śuklavarṇe tathottare / kumudādyāṃśca bhūteśān dhvajeṣu parikīrtitān
Sanskrit only: no published translation is held for this verse.
एवं संक्षेपतः प्रोक्तं मण्डपादि च स्रुक्स्रुवम् । पताकान्तं शचीनाथ दारुसंग्रहणं शृणु
evaṃ saṃkṣepataḥ proktaṃ maṇḍapādi ca sruksruvam / patākāntaṃ śacīnātha dārusaṃgrahaṇaṃ śṛṇu
Sanskrit only: no published translation is held for this verse.