पीठिकालक्षणं प्रोक्तं शेषान् वक्ष्याम्यशेषतः । चतुर्द्वारसमायुक्तं चतुस्तोरणभूषितम्
pīṭhikālakṣaṇaṃ proktaṃ śeṣān vakṣyāmyaśeṣataḥ / caturdvārasamāyuktaṃ catustoraṇabhūṣitam
Sanskrit only: no published translation is held for this verse.
Visvaksenasamhita 22
चामरैस्तालवृन्तैश्च घण्टा नानापताकयुक् । लम्बयेन्मुक्त(?)दामानि द्वारदेशेषु मन्त्रवित्
cāmaraistālavṛntaiśca ghaṇṭā nānāpatākayuk / lambayenmukta(?)dāmāni dvāradeśeṣu mantravit
Sanskrit only: no published translation is held for this verse.
अलंकृत्य ततः पश्चात् पुण्याहं तत्र कारयेत् । मार्जनं विधिना सम्यक् मण्डपालेपनं ततः
alaṃkṛtya tataḥ paścāt puṇyāhaṃ tatra kārayet / mārjanaṃ vidhinā samyak maṇḍapālepanaṃ tataḥ
Sanskrit only: no published translation is held for this verse.
प्रोक्षयेत् पञ्चगव्येन साधको मन्त्रवित्तमः । पश्चात्तु पूजयेत् सर्वद्वारेषु द्वारपालकान्
prokṣayet pañcagavyena sādhako mantravittamaḥ / paścāttu pūjayet sarvadvāreṣu dvārapālakān
Sanskrit only: no published translation is held for this verse.
कुम्भांस्तु पूजयेद्द्वौ द्वौ द्वारदेशविधानतः । ततस्तु तोरणान् पूज्य केतूंश्चापि तथैव च
kumbhāṃstu pūjayeddvau dvau dvāradeśavidhānataḥ / tatastu toraṇān pūjya ketūṃścāpi tathaiva ca
Sanskrit only: no published translation is held for this verse.
स्वनाम्ना पूजयित्वा तु गन्धपुष्पादिभिः क्रमात् । वेष्टयेत्तोरणस्तम्भानृ क्षौमैः कौशेयकैरपि
svanāmnā pūjayitvā tu gandhapuṣpādibhiḥ kramāt / veṣṭayettoraṇastambhānṛ kṣaumaiḥ kauśeyakairapi
Sanskrit only: no published translation is held for this verse.
कलशस्थानमासाद्य शालिपिष्टैर्विचित्रयेत् । ब्राह्मं तु मध्यमं भागं दैविकं तदनन्तरम्
kalaśasthānamāsādya śālipiṣṭairvicitrayet / brāhmaṃ tu madhyamaṃ bhāgaṃ daivikaṃ tadanantaram
Sanskrit only: no published translation is held for this verse.
तृतीयं मानुषं भागं पदमेवं न्यसेत् क्रमात् । ब्रह्मस्थाने पदं कुर्यात् एकाशीतिविधानतः
tṛtīyaṃ mānuṣaṃ bhāgaṃ padamevaṃ nyaset kramāt / brahmasthāne padaṃ kuryāt ekāśītividhānataḥ
Sanskrit only: no published translation is held for this verse.
घृतमुष्णोदकं चैव रत्नाम्भः फलवारि च । लोहाम्भो मार्जनं चैव गन्धाम्भो ऽक्षतमेव च
ghṛtamuṣṇodakaṃ caiva ratnāmbhaḥ phalavāri ca / lohāmbho mārjanaṃ caiva gandhāmbho 'kṣatameva ca
Sanskrit only: no published translation is held for this verse.
यवोदकं च इत्येते मध्यमे नवके न्यसेत् । तस्यैव परितः कुर्यात् दिक्ष्वष्टसु समन्ततः
yavodakaṃ ca ityete madhyame navake nyaset / tasyaiva paritaḥ kuryāt dikṣvaṣṭasu samantataḥ
Sanskrit only: no published translation is held for this verse.
पाद्यार्घ्याचमनीयं च पञ्चगव्यं ततो दधि । पयोमधुकषायं च दिक्ष्विन्द्रादिषु विन्यसेत्
pādyārghyācamanīyaṃ ca pañcagavyaṃ tato dadhi / payomadhukaṣāyaṃ ca dikṣvindrādiṣu vinyaset
Sanskrit only: no published translation is held for this verse.
पाद्यादि पञ्चगव्यान्तं महादिक्षु निवेशयेत् । दध्यादि च कषायान्तं कोणेषु विनिवेशयेत्
pādyādi pañcagavyāntaṃ mahādikṣu niveśayet / dadhyādi ca kaṣāyāntaṃ koṇeṣu viniveśayet
Sanskrit only: no published translation is held for this verse.
एवं द्रव्याणि चोक्तानि विन्यसेन्नवकं प्रति । मध्ये मध्ये विनिक्षिप्य द्रव्याणां तु यथाक्रमम्
evaṃ dravyāṇi coktāni vinyasennavakaṃ prati / madhye madhye vinikṣipya dravyāṇāṃ tu yathākramam
Sanskrit only: no published translation is held for this verse.
शेषान् शुद्धोदकान् सर्वान् चतुष्षष्टिं तु कारयेत् । ततस्तु दैविके भागे पदं कुर्वीत साधकः
śeṣān śuddhodakān sarvān catuṣṣaṣṭiṃ tu kārayet / tatastu daivike bhāge padaṃ kurvīta sādhakaḥ
Sanskrit only: no published translation is held for this verse.
दिशि चापि तथा कोणे कुर्यात् सप्तदशं क्रमात् । मध्ये मध्ये तथा कुर्यात् द्रव्यकुम्भं विचक्षणः
diśi cāpi tathā koṇe kuryāt saptadaśaṃ kramāt / madhye madhye tathā kuryāt dravyakumbhaṃ vicakṣaṇaḥ
Sanskrit only: no published translation is held for this verse.
ऐन्द्रे तु मध्यभागे तु न्यसेच्चन्दनकर्दमम् । याम्ये तु मध्यभागे तु न्यसेत् कुङ्कुमकर्दमम्
aindre tu madhyabhāge tu nyaseccandanakardamam / yāmye tu madhyabhāge tu nyaset kuṅkumakardamam
Sanskrit only: no published translation is held for this verse.
वारुणे मध्मभागे तु न्यसेत् कर्पूरकर्दमम् । सौम्ये तु मध्यभागे तु न्यसेदौशीरकर्दमम्
vāruṇe madhmabhāge tu nyaset karpūrakardamam / saumye tu madhyabhāge tu nyasedauśīrakardamam
Sanskrit only: no published translation is held for this verse.
आग्नेये मध्यभागे तु विन्यसेत्तिलतैलकम् । नैरृते मध्यभागे तु न्यसेदामलतैलकम्
āgneye madhyabhāge tu vinyasettilatailakam / nairṛte madhyabhāge tu nyasedāmalatailakam
Sanskrit only: no published translation is held for this verse.
वायव्ये मध्यभागे तु न्यसेत् सर्षपतैलकम् । ईशाने मध्यभागे तु न्यसेत् कर्पूरतैलकम्
vāyavye madhyabhāge tu nyaset sarṣapatailakam / īśāne madhyabhāge tu nyaset karpūratailakam
Sanskrit only: no published translation is held for this verse.
कर्पूरकर्दमांभश्च औशीरं कर्दमं तथा
karpūrakardamāṃbhaśca auśīraṃ kardamaṃ tathā
Sanskrit only: no published translation is held for this verse.
ऐन्द्रादि सोमपर्यन्तं विन्यसेत्तु विचक्षणः । तिलं चामलकं तैलं तथा सर्षपतैलकम्
aindrādi somaparyantaṃ vinyasettu vicakṣaṇaḥ / tilaṃ cāmalakaṃ tailaṃ tathā sarṣapatailakam
Sanskrit only: no published translation is held for this verse.
तथा कर्पूरतैलं च आग्नेयादिषु विन्यसेत्] । पुरुषश्चैव सत्यश्च नरो नारायणो ऽच्युतः
tathā karpūratailaṃ ca āgneyādiṣu vinyaset] / puruṣaścaiva satyaśca naro nārāyaṇo 'cyutaḥ
Sanskrit only: no published translation is held for this verse.
अनिरुद्धो हरिः कृष्णश्चन्दनाद्यष्टदैवताः । शेषान् शुद्धोदकैः सर्वान् अष्टाविंशच्च तत्क्रमात्
aniruddho hariḥ kṛṣṇaścandanādyaṣṭadaivatāḥ / śeṣān śuddhodakaiḥ sarvān aṣṭāviṃśacca tatkramāt
Sanskrit only: no published translation is held for this verse.
पूरयेत् सर्वतः पश्चादाचार्यः सुसमाहितः । तृतीये मानुषे भागे चैन्द्रादीन् षोडश क्रमात्
pūrayet sarvataḥ paścādācāryaḥ susamāhitaḥ / tṛtīye mānuṣe bhāge caindrādīn ṣoḍaśa kramāt
Sanskrit only: no published translation is held for this verse.
प्रत्येकं तु पदं कुर्याच्चत्वारिंशन्नवोत्तरम् । तेषां मध्ये तु विन्यस्य द्रव्यकुम्भं विचक्षणः
pratyekaṃ tu padaṃ kuryāccatvāriṃśannavottaram / teṣāṃ madhye tu vinyasya dravyakumbhaṃ vicakṣaṇaḥ
Sanskrit only: no published translation is held for this verse.
गुलं तु विन्यसेत् प्राच्यादि(-मि?)क्षुतोयं तु दक्षिणे । प्रतीच्यां नालिकेराम्भः उदीच्यां शान्तिवारि च
gulaṃ tu vinyaset prācyādi(-mi?)kṣutoyaṃ tu dakṣiṇe / pratīcyāṃ nālikerāmbhaḥ udīcyāṃ śāntivāri ca
Sanskrit only: no published translation is held for this verse.
वाराहं नारसिंहं च श्रीधरं हयशीर्षकम् । गुलाद्यानि च चत्वारि तस्य तस्याधिदैवतम्
vārāhaṃ nārasiṃhaṃ ca śrīdharaṃ hayaśīrṣakam / gulādyāni ca catvāri tasya tasyādhidaivatam
Sanskrit only: no published translation is held for this verse.
आग्नेयादिषु कोणोषु मङ्गलांश्चोपविन्यसेत्(?) । मूर्तयो वासुदेवाद्याश्चतस्रो मङ्गलाम्भसः
āgneyādiṣu koṇoṣu maṅgalāṃścopavinyaset(?) / mūrtayo vāsudevādyāścatasro maṅgalāmbhasaḥ
Sanskrit only: no published translation is held for this verse.
इन्द्राग्न्योर्मध्यभागे तु विन्यसेद्धिमतोयकम् । धर्मपावकयोर्मध्ये विन्यसेच्च तिलोदकम्
indrāgnyormadhyabhāge tu vinyaseddhimatoyakam / dharmapāvakayormadhye vinyasecca tilodakam
Sanskrit only: no published translation is held for this verse.
यमनैरृतयोर्मध्ये विन्यसेत्तण्डुलोदकम् । निरृतेर्वरुणस्यापि मध्ये निर्झरवारि च
yamanairṛtayormadhye vinyasettaṇḍulodakam / nirṛtervaruṇasyāpi madhye nirjharavāri ca
Sanskrit only: no published translation is held for this verse.
ईशानसोमयोर्मध्ये विन्यसेत्तुलसीजलम् । तथेशानेन्द्रयोर्मध्ये न्यसेत् सामुद्रकं जलम्
īśānasomayormadhye vinyasettulasījalam / tatheśānendrayormadhye nyaset sāmudrakaṃ jalam
Sanskrit only: no published translation is held for this verse.
ततः सप्तदशान् कुम्भान् उत्तराननषष्टिकान् । पूरयेत् पूर्ववत् सम्यक् गन्धपुक्तेन वारिणा
tataḥ saptadaśān kumbhān uttarānanaṣaṣṭikān / pūrayet pūrvavat samyak gandhapuktena vāriṇā
Sanskrit only: no published translation is held for this verse.
अर्चयेच्च ततः पश्चात् मूलमन्त्रेण मन्त्रवित् । अर्चयित्वा यथान्यायं कुम्भान् सर्वान् यथाविधि
arcayecca tataḥ paścāt mūlamantreṇa mantravit / arcayitvā yathānyāyaṃ kumbhān sarvān yathāvidhi
Sanskrit only: no published translation is held for this verse.
वेष्टयित्वा यथा वस्त्रैः कुम्भान् सर्वान् यथाक्रमम् । पाद्यादीनां तु सर्वेषां मन्त्रं पुरुषसूक्तकम्
veṣṭayitvā yathā vastraiḥ kumbhān sarvān yathākramam / pādyādīnāṃ tu sarveṣāṃ mantraṃ puruṣasūktakam
Sanskrit only: no published translation is held for this verse.
मूलमन्त्रेण वा कुर्यादिदं विष्णुरिति त्र्यृचा । अर्चयेद्देवदेवेशं द्रव्याणां (द्रव्यैः सं?) स्नापयेद्बुधः
mūlamantreṇa vā kuryādidaṃ viṣṇuriti tryṛcā / arcayeddevadeveśaṃ dravyāṇāṃ (dravyaiḥ saṃ?) snāpayedbudhaḥ
Sanskrit only: no published translation is held for this verse.
ततो द्वितीयावरणे स्नापयेच्च विचक्षणः । विष्णोरराट मन्त्रेण चन्दनाम्ब्वादि भेदतः
tato dvitīyāvaraṇe snāpayecca vicakṣaṇaḥ / viṣṇorarāṭa mantreṇa candanāmbvādi bhedataḥ
Sanskrit only: no published translation is held for this verse.
मूलमन्त्रेण वा कुर्यादिदं विष्णुरिति त्र्यृचा । स्नापयेच्च चतुर्दिक्षु चत्वारः क्रमयोगतः
mūlamantreṇa vā kuryādidaṃ viṣṇuriti tryṛcā / snāpayecca caturdikṣu catvāraḥ kramayogataḥ
Sanskrit only: no published translation is held for this verse.
तिलतैलादि चत्वारि आपोहिष्ठाक्रमादिना । एवं द्वितीयावरणे कोणेषु स्नापयेद्बुधः
tilatailādi catvāri āpohiṣṭhākramādinā / evaṃ dvitīyāvaraṇe koṇeṣu snāpayedbudhaḥ
Sanskrit only: no published translation is held for this verse.
पश्चाद्गुलोदकाद्यैस्तु इदं विष्णुरिति मन्त्रतः । मङ्गलाम्भांसि चत्वारि विष्णोर्नुकमिति त्र्यृचा
paścādgulodakādyaistu idaṃ viṣṇuriti mantrataḥ / maṅgalāmbhāṃsi catvāri viṣṇornukamiti tryṛcā
Sanskrit only: no published translation is held for this verse.
स्नापयेद्दिक्षु चाष्टासु मन्त्रवच्च यथाक्रमम् । हिमाद्यंभांसि चत्वारि आपो अस्मादिति त्र्यृचा
snāpayeddikṣu cāṣṭāsu mantravacca yathākramam / himādyaṃbhāṃsi catvāri āpo asmāditi tryṛcā
Sanskrit only: no published translation is held for this verse.
अग्निमीले तिलाम्ब्वादि चत्वारि स्नापयेत् क्रमात् । पाद्यादीनां तु सर्वेषां द्रव्याणां तु सुविस्तरम्
agnimīle tilāmbvādi catvāri snāpayet kramāt / pādyādīnāṃ tu sarveṣāṃ dravyāṇāṃ tu suvistaram
Sanskrit only: no published translation is held for this verse.
शृणु गुह्यमना भूत्वा संक्षेपाद्वक्ष्यते ऽधुना । तुलसीपद्मदूर्वार्(-वे?) च श्यामाकं विष्णुपर्णिका
śṛṇu guhyamanā bhūtvā saṃkṣepādvakṣyate 'dhunā / tulasīpadmadūrvār(-ve?) ca śyāmākaṃ viṣṇuparṇikā
Sanskrit only: no published translation is held for this verse.
बिल्वपत्रं च इत्येते(-वं?)पडङ्गं पाद्यमुच्यते । व्रीहिस्तण्डुलसिद्धार्थर्ं(-थो?)गन्धपुष्पे फलं पयः
bilvapatraṃ ca ityete(-vaṃ?)paḍaṅgaṃ pādyamucyate / vrīhistaṇḍulasiddhārtharṃ(-tho?)gandhapuṣpe phalaṃ payaḥ
Sanskrit only: no published translation is held for this verse.
तिला यवाः कुशाश्चैव अर्घ्यस्य दश चोच्यते । कर्पूरजातिकक्कोलं(?) पुष्पमेलालवङ्गकम्
tilā yavāḥ kuśāścaiva arghyasya daśa cocyate / karpūrajātikakkolaṃ(?) puṣpamelālavaṅgakam
Sanskrit only: no published translation is held for this verse.
षडङ्गानि तु चैतानि ह्युक्तान्याचमनीयके । न्यग्रोधाश्वत्थशम्यश्च प्लक्षजम्बूकपित्थकम् (?)
ṣaḍaṅgāni tu caitāni hyuktānyācamanīyake / nyagrodhāśvatthaśamyaśca plakṣajambūkapitthakam (?)
Sanskrit only: no published translation is held for this verse.
खादिरोदुम्बरश्चैव मधूकश्च विकङ्कतम् । बिल्वं पलाश इत्येते कषाय(-ये?) द्वादश स्मृतम्
khādirodumbaraścaiva madhūkaśca vikaṅkatam / bilvaṃ palāśa ityete kaṣāya(-ye?) dvādaśa smṛtam
Sanskrit only: no published translation is held for this verse.
वज्रं प्रवालं मुक्ता च वैडूर्यं मरकतं मणिः । पुष्यकं ब्रह्मरागं च इन्द्रनीलं च गारुडम्
vajraṃ pravālaṃ muktā ca vaiḍūryaṃ marakataṃ maṇiḥ / puṣyakaṃ brahmarāgaṃ ca indranīlaṃ ca gāruḍam
Sanskrit only: no published translation is held for this verse.
रत्नोदकस्य द्रव्याणि दशरत्नानि संग्रहः । पनसाम्रकपित्थं च कदल्यामलकं तथा
ratnodakasya dravyāṇi daśaratnāni saṃgrahaḥ / panasāmrakapitthaṃ ca kadalyāmalakaṃ tathā
Sanskrit only: no published translation is held for this verse.
बिल्वं हव्यं मातुलुङ्गं नालिकेरं च दाडिमम् । बदरीकुटजं चैव फलं द्वादश उच्यते
bilvaṃ havyaṃ mātuluṅgaṃ nālikeraṃ ca dāḍimam / badarīkuṭajaṃ caiva phalaṃ dvādaśa ucyate
Sanskrit only: no published translation is held for this verse.
शिरीषं च कुशाश्चैव राजसूर्यविवर्तनी । भूस्तृणं च सदाभद्रा असनं तुलसीद्वयम्
śirīṣaṃ ca kuśāścaiva rājasūryavivartanī / bhūstṛṇaṃ ca sadābhadrā asanaṃ tulasīdvayam
Sanskrit only: no published translation is held for this verse.
सहदेवी च इत्येते(-वं?) दशाङ्गानि तु मार्जने । उशीरं च तथा कुष्ठं कुङ्कुमं चन्दनं तथा
sahadevī ca ityete(-vaṃ?) daśāṅgāni tu mārjane / uśīraṃ ca tathā kuṣṭhaṃ kuṅkumaṃ candanaṃ tathā
Sanskrit only: no published translation is held for this verse.
अगरुर्देवदारुश्च मांसीरं(?)मुरमेव च । हरिबेरश्च कर्पूरं नाटरं मुक्तमेव च (?)
agarurdevadāruśca māṃsīraṃ(?)murameva ca / hariberaśca karpūraṃ nāṭaraṃ muktameva ca (?)
Sanskrit only: no published translation is held for this verse.
गन्धोदकस्य इत्येते गन्ध द्वादश उच्यते (?) । वैणवं च यवं चैव पालाशं पद्ममेव च
gandhodakasya ityete gandha dvādaśa ucyate (?) / vaiṇavaṃ ca yavaṃ caiva pālāśaṃ padmameva ca
Sanskrit only: no published translation is held for this verse.
तुलसीदलनीवारगौरसर्षपमेव च (?) । शान्त्युदकस्य चैतानि कथितानि समासतः
tulasīdalanīvāragaurasarṣapameva ca (?) / śāntyudakasya caitāni kathitāni samāsataḥ
Sanskrit only: no published translation is held for this verse.
इन्द्रवल्यङ्कुरं चैव वंशकाङ्कुरमेव च । अश्वत्थस्याङ्कुरं चैव एकपद्मं तथैव च
indravalyaṅkuraṃ caiva vaṃśakāṅkurameva ca / aśvatthasyāṅkuraṃ caiva ekapadmaṃ tathaiva ca
Sanskrit only: no published translation is held for this verse.
पलाशस्याङ्कुरं चैव पद्मपुष्पं तथैव च । एतानि चाङ्कुराण्यष्टौ मङ्गलाम्भसि विन्यसेत्
palāśasyāṅkuraṃ caiva padmapuṣpaṃ tathaiva ca / etāni cāṅkurāṇyaṣṭau maṅgalāmbhasi vinyaset
Sanskrit only: no published translation is held for this verse.
सुवर्णं रजतं ताम्रमायसं त्रपुकं तथा । फलं कनकचूर्णं च पैत्तलोहं (-लं च?) तथेव च
suvarṇaṃ rajataṃ tāmramāyasaṃ trapukaṃ tathā / phalaṃ kanakacūrṇaṃ ca paittalohaṃ (-laṃ ca?) tatheva ca
Sanskrit only: no published translation is held for this verse.
अष्टाङ्गानि तु लोहाम्भः कथितानि समासतः । नीवारवैणवं चैव यवसर्षपमाषकाः
aṣṭāṅgāni tu lohāmbhaḥ kathitāni samāsataḥ / nīvāravaiṇavaṃ caiva yavasarṣapamāṣakāḥ
Sanskrit only: no published translation is held for this verse.
प्रियङ्गुतण्डुलं ब्रीहिरक्षताष्टाङ्गमुच्यते । पात्रवस्त्रादिके द्रव्ये क्रियाद्रव्यं तु कारयेत्
priyaṅgutaṇḍulaṃ brīhirakṣatāṣṭāṅgamucyate / pātravastrādike dravye kriyādravyaṃ tu kārayet
Sanskrit only: no published translation is held for this verse.
स्वीकृतो यजमानेन स्नपनाय समारभेत् । अन्यथा हि न कर्तव्यं क्रिया भवति निष्फला
svīkṛto yajamānena snapanāya samārabhet / anyathā hi na kartavyaṃ kriyā bhavati niṣphalā
Sanskrit only: no published translation is held for this verse.
शेषाणामपि वस्तूनामेवं कुर्यात् प्रकीर्तितम् । कलशानां तु सर्वेषां देवो नारायणः स्मृतः
śeṣāṇāmapi vastūnāmevaṃ kuryāt prakīrtitam / kalaśānāṃ tu sarveṣāṃ devo nārāyaṇaḥ smṛtaḥ
Sanskrit only: no published translation is held for this verse.
चक्रिकाणां तु सर्वेषां ब्रह्माणं परमेष्ठिनम् (?) । शेषाणामपि वस्तूनां देवो विष्णुः सनातनः
cakrikāṇāṃ tu sarveṣāṃ brahmāṇaṃ parameṣṭhinam (?) / śeṣāṇāmapi vastūnāṃ devo viṣṇuḥ sanātanaḥ
Sanskrit only: no published translation is held for this verse.
स्नपनं विधिवत् कृत्वा ह्याचार्यस्तन्त्रवित्तमः । यच्चूर्णं स्नापेयत् पश्चात् गन्धयुक्तैर्विमिश्रितैः(?)
snapanaṃ vidhivat kṛtvā hyācāryastantravittamaḥ / yaccūrṇaṃ snāpeyat paścāt gandhayuktairvimiśritaiḥ(?)
Sanskrit only: no published translation is held for this verse.
चूर्णं तु विमृजेत् पश्चात् स्नापयेद्गन्धवारिणा । आराधयेत्ततो देवं वस्त्राभरणमादितः
cūrṇaṃ tu vimṛjet paścāt snāpayedgandhavāriṇā / ārādhayettato devaṃ vastrābharaṇamāditaḥ
Sanskrit only: no published translation is held for this verse.
मधुपर्कं ततो दद्याद्देवदेवाय भक्तितः । चरुभिः पूजयेद्भक्त्या राजवत् पुरुषोत्तमम्
madhuparkaṃ tato dadyāddevadevāya bhaktitaḥ / carubhiḥ pūjayedbhaktyā rājavat puruṣottamam
Sanskrit only: no published translation is held for this verse.
अन्ते बहुविधैर्भक्ष्यैः पायसौश्च गुलौदनैः । विचित्रान्नैश्च विविधैरुपदंशैरनेकशः
ante bahuvidhairbhakṣyaiḥ pāyasauśca gulaudanaiḥ / vicitrānnaiśca vividhairupadaṃśairanekaśaḥ
Sanskrit only: no published translation is held for this verse.
सर्वभक्ष्यैरपूपैश्च स्वादूनि रसवन्ति च । सौगन्धिकेन चाज्येन दद्याद्देवाय मन्त्रवित्
sarvabhakṣyairapūpaiśca svādūni rasavanti ca / saugandhikena cājyena dadyāddevāya mantravit
Sanskrit only: no published translation is held for this verse.
दद्याद्गुलद्वयं चैव कदलीफलमेव च । पनसाम्रफलं चैव क्रमेणैवं निवेदयेत्
dadyādguladvayaṃ caiva kadalīphalameva ca / panasāmraphalaṃ caiva krameṇaivaṃ nivedayet
Sanskrit only: no published translation is held for this verse.
दध्योदनं ततो दद्यात् बहिरन्तश्च देशिकः । निवेदितं च यद्द्रव्यं पुष्पं फलमथापि वा
dadhyodanaṃ tato dadyāt bahirantaśca deśikaḥ / niveditaṃ ca yaddravyaṃ puṣpaṃ phalamathāpi vā
Sanskrit only: no published translation is held for this verse.
ममाग्रे स्थाप्य तन्त्रज्ञो मद्दक्षिणकरे ददेत् । अर्घ्यपाद्यादिनाभ्यर्च्य स्वनाम्ना मन्त्रवित्तमः
mamāgre sthāpya tantrajño maddakṣiṇakare dadet / arghyapādyādinābhyarcya svanāmnā mantravittamaḥ
Sanskrit only: no published translation is held for this verse.
निवेद्य शेषं सर्वेषां वैष्णवानां तु दापयेत् । हुतशेषं तथाचार्यः प्राशयेत् प्राङ्मुखः शुचिः
nivedya śeṣaṃ sarveṣāṃ vaiṣṇavānāṃ tu dāpayet / hutaśeṣaṃ tathācāryaḥ prāśayet prāṅmukhaḥ śuciḥ
Sanskrit only: no published translation is held for this verse.
कुञ्जरं वा तुरङ्गं वा ग्रामं दासीगणं तथा । गाश्चैव विविधं वस्त्रं हिरण्यं वापि शक्तितः
kuñjaraṃ vā turaṅgaṃ vā grāmaṃ dāsīgaṇaṃ tathā / gāścaiva vividhaṃ vastraṃ hiraṇyaṃ vāpi śaktitaḥ
Sanskrit only: no published translation is held for this verse.
आचार्याणां तु देयं स्यात् (दद्याद्वै?) यथावित्तानुसारतः(?) । एवमुक्तविधानेन सहस्रकलशैःशुभैः
ācāryāṇāṃ tu deyaṃ syāt (dadyādvai?) yathāvittānusārataḥ(?) / evamuktavidhānena sahasrakalaśaiḥśubhaiḥ
Sanskrit only: no published translation is held for this verse.