अन्यथा चेन्महादोषो राष्ट्रभ्रंशो भवेद्ध्रुवम् । तद्ग्रामं निधनं यति व्याधिभिः पीडनं ध्रुवम्
anyathā cenmahādoṣo rāṣṭrabhraṃśo bhaveddhruvam / tadgrāmaṃ nidhanaṃ yati vyādhibhiḥ pīḍanaṃ dhruvam
Sanskrit only: no published translation is held for this verse.
एवं कृत्वा विधानेन ध्वजोत्सवमथाचरेत् । ततः प्रभाते विमले शङ्खभेरीरवाकुलम्
evaṃ kṛtvā vidhānena dhvajotsavamathācaret / tataḥ prabhāte vimale śaṅkhabherīravākulam
Sanskrit only: no published translation is held for this verse.
सर्वालंकारसंयुक्तं कृत्वा ग्रामं परिभ्रमेत् । परिभ्रमणवेलायां बलिं कुर्यात् समाहितः
sarvālaṃkārasaṃyuktaṃ kṛtvā grāmaṃ paribhramet / paribhramaṇavelāyāṃ baliṃ kuryāt samāhitaḥ
Sanskrit only: no published translation is held for this verse.
सलाजं रजनीचूर्णं क्षीरं दधिसमन्वितम् । पूर्वमिन्द्रादिलक्ष्म्यन्तान् देवांस्तत्रैव पूजयेत्
salājaṃ rajanīcūrṇaṃ kṣīraṃ dadhisamanvitam / pūrvamindrādilakṣmyantān devāṃstatraiva pūjayet
Sanskrit only: no published translation is held for this verse.
नालिकेरफलं चैव पञ्चद्रव्यसमन्वितम् । बल्यन्नमेतैः संयोज्य बलिदानं तु चोत्सवे
nālikeraphalaṃ caiva pañcadravyasamanvitam / balyannametaiḥ saṃyojya balidānaṃ tu cotsave
Sanskrit only: no published translation is held for this verse.
क्रमेण कारयेत् पश्चात् पूर्ववद्धोमपूर्वकम् । ध्वजोत्थानं दिवा कुर्याद्रात्रावाहनमेव च
krameṇa kārayet paścāt pūrvavaddhomapūrvakam / dhvajotthānaṃ divā kuryādrātrāvāhanameva ca
Sanskrit only: no published translation is held for this verse.
स (तद्?)ध्वजे देवताह्वानं मध्याह्ने तु विशेषतः । आरोहणं दिवा कुर्यात् केतोर्निश्यङ्कुरार्पणम्
sa (tad?)dhvaje devatāhvānaṃ madhyāhne tu viśeṣataḥ / ārohaṇaṃ divā kuryāt ketorniśyaṅkurārpaṇam
Sanskrit only: no published translation is held for this verse.
हविषा बलिदानं तु कृत्वा द्वाराग्रपीठयोः । मध्ये हस्तसमां वेदिं मध्ये देवान् समर्चयेत्
haviṣā balidānaṃ tu kṛtvā dvārāgrapīṭhayoḥ / madhye hastasamāṃ vediṃ madhye devān samarcayet
Sanskrit only: no published translation is held for this verse.
आरम्य बलिदानं तु कुर्याद्ग्रामादिवास्तुषु । इन्द्रादि ब्रह्मपर्यन्तं दिग्विदिक्षु क्रमान्न्यसेत्
āramya balidānaṃ tu kuryādgrāmādivāstuṣu / indrādi brahmaparyantaṃ digvidikṣu kramānnyaset
Sanskrit only: no published translation is held for this verse.
तत्कुम्भे देवमावाह्य तत्तोयेन समर्चयेत् । पूर्वादिन्द्रादिलक्ष्म्यन्तान् देवांस्तत्र सुपूजयेत्
tatkumbhe devamāvāhya tattoyena samarcayet / pūrvādindrādilakṣmyantān devāṃstatra supūjayet
Sanskrit only: no published translation is held for this verse.
ततस्तु गणसंयुक्तं कृत्वा ग्रामादिवास्तुषु । कुमुदादींश्च देवांश्च पूजयेत्ताननुक्रमात्
tatastu gaṇasaṃyuktaṃ kṛtvā grāmādivāstuṣu / kumudādīṃśca devāṃśca pūjayettānanukramāt
Sanskrit only: no published translation is held for this verse.
आचार्यो धौतवासास्तु उत्तराभिमुखः स्थितः । गन्धपुष्पादिनाभ्यर्च्य ऐन्द्राद्यैशान्तकादिषु
ācāryo dhautavāsāstu uttarābhimukhaḥ sthitaḥ / gandhapuṣpādinābhyarcya aindrādyaiśāntakādiṣu
Sanskrit only: no published translation is held for this verse.
तेषां नाम समुच्चार्य बलिं दद्याद्विचक्षणः । यावद्यागावसानं तु तिष्ठन्ति बलिदेवताः
teṣāṃ nāma samuccārya baliṃ dadyādvicakṣaṇaḥ / yāvadyāgāvasānaṃ tu tiṣṭhanti balidevatāḥ
Sanskrit only: no published translation is held for this verse.
अत्र कश्चिद्विशेषो ऽस्ति देवतानां बलिक्रमे । ध्वजारोहणकाले वै चोत्सवेषु विशेषतः
atra kaścidviśeṣo 'sti devatānāṃ balikrame / dhvajārohaṇakāle vai cotsaveṣu viśeṣataḥ
Sanskrit only: no published translation is held for this verse.
यागावसानं यावत्तु तावदैन्द्रादिकान् मुने । यावल्लक्ष्म्यवसानं तु मध्याह्ने क्रमयोगतः
yāgāvasānaṃ yāvattu tāvadaindrādikān mune / yāvallakṣmyavasānaṃ tu madhyāhne kramayogataḥ
Sanskrit only: no published translation is held for this verse.
पूजयेद्गन्धपुष्पाद्यैर्हविषा वेदिमध्यमे । बलिं दद्याद्यथालब्धं मध्याह्ने रात्रिषु क्रमात्
pūjayedgandhapuṣpādyairhaviṣā vedimadhyame / baliṃ dadyādyathālabdhaṃ madhyāhne rātriṣu kramāt
Sanskrit only: no published translation is held for this verse.
तेषां तु बलिकार्याणि विष्णोः प्रीतिकरं शुभम् । अङ्कुरोत्सवकालान्ते उत्सवार्थं महामुने
teṣāṃ tu balikāryāṇi viṣṇoḥ prītikaraṃ śubham / aṅkurotsavakālānte utsavārthaṃ mahāmune
Sanskrit only: no published translation is held for this verse.
कारयेद्यागसिद्ध्यर्थं यागमण्डपपूजनम् । तत्पूजान्ते मुनिश्रेष्ठ होमं कुर्याद्यथाविधि
kārayedyāgasiddhyarthaṃ yāgamaṇḍapapūjanam / tatpūjānte muniśreṣṭha homaṃ kuryādyathāvidhi
Sanskrit only: no published translation is held for this verse.
होमान्ते कुमुदादीनामारभ्य बलिमाचरेत् । यावत्तीर्थावसानं तु तावद्ग्रामादिवास्तुषु
homānte kumudādīnāmārabhya balimācaret / yāvattīrthāvasānaṃ tu tāvadgrāmādivāstuṣu
Sanskrit only: no published translation is held for this verse.
अन्यथावाहनबलिर्ध्वजयागे कृतो भवेत् । ध्वजयागविनाशेन उत्सवो निष्फलो भवेत्
anyathāvāhanabalirdhvajayāge kṛto bhavet / dhvajayāgavināśena utsavo niṣphalo bhavet
Sanskrit only: no published translation is held for this verse.
उत्सवस्य विनाशेन नित्यपूजा च निष्फला । नित्यपूजाविनाशस्तु सर्वसंहारकारणम्
utsavasya vināśena nityapūjā ca niṣphalā / nityapūjāvināśastu sarvasaṃhārakāraṇam
Sanskrit only: no published translation is held for this verse.
तस्मात् सर्वप्रयत्नेन आवाहनबलिं कुरु । आनीय गरुडं वेश्म कृत्वा चैव प्रदक्षिणम्
tasmāt sarvaprayatnena āvāhanabaliṃ kuru / ānīya garuḍaṃ veśma kṛtvā caiva pradakṣiṇam
Sanskrit only: no published translation is held for this verse.
स्मृत्वा कालविधिं पश्चात् कृत्वा पुण्याहघोषणम् । पीठस्य याम्यपार्श्वे तु ध्वजदण्डं तु शाययेत्
smṛtvā kālavidhiṃ paścāt kṛtvā puṇyāhaghoṣaṇam / pīṭhasya yāmyapārśve tu dhvajadaṇḍaṃ tu śāyayet
Sanskrit only: no published translation is held for this verse.
तदग्रं दक्षिणे स्थाप्य मूलमुत्तरतो न्यसेत् । विमाने पश्चिमद्वारे ऽप्युत्तरे शाययेद्गुरुः
tadagraṃ dakṣiṇe sthāpya mūlamuttarato nyaset / vimāne paścimadvāre 'pyuttare śāyayedguruḥ
Sanskrit only: no published translation is held for this verse.
दक्षिणद्वारमेवं चेत्(-के चेत्तु?)ध्वजस्तम्भं महामुने । पीठस्य पूर्वपार्श्वे तु शाययेदैन्द्रशीर्षकम्
dakṣiṇadvāramevaṃ cet(-ke cettu?)dhvajastambhaṃ mahāmune / pīṭhasya pūrvapārśve tu śāyayedaindraśīrṣakam
Sanskrit only: no published translation is held for this verse.
तन्मूलमवटे न्यस्य मूलमन्त्रमनुस्मरन् । उत्तरद्वारमेवं स्यात्(?)तद्ध्वजारोहणं प्रति
tanmūlamavaṭe nyasya mūlamantramanusmaran / uttaradvāramevaṃ syāt(?)taddhvajārohaṇaṃ prati
Sanskrit only: no published translation is held for this verse.
अन्यथा चेन्महादोषो ग्रामराज्ञोरवृद्धिकृत् । दिने दिने मुनिश्रेष्ठ धर्ममार्गो विनश्यति
anyathā cenmahādoṣo grāmarājñoravṛddhikṛt / dine dine muniśreṣṭha dharmamārgo vinaśyati
Sanskrit only: no published translation is held for this verse.
तस्मात् सर्वप्रयत्नेन कारयेद्विधिचोदितम् । महाकुम्भस्थतोयेन स्तम्भं प्रक्षाल्य मन्त्रतः
tasmāt sarvaprayatnena kārayedvidhicoditam / mahākumbhasthatoyena stambhaṃ prakṣālya mantrataḥ
Sanskrit only: no published translation is held for this verse.
तद्ध्वजं तु समादाय प्रोक्षयेन्मन्त्रवित्तमः । मूलमन्त्रेण मतिमान् ध्वजयष्ट्या(-ष्टिं?)तु बन्धयेत्
taddhvajaṃ tu samādāya prokṣayenmantravittamaḥ / mūlamantreṇa matimān dhvajayaṣṭyā(-ṣṭiṃ?)tu bandhayet
Sanskrit only: no published translation is held for this verse.
निश्चलं स्थापयित्वा तु ध्वजदण्डेन चोद्धरेत् । यन्त्रेण चोद्धरेद्वापि रज्जुना सह देशिकः
niścalaṃ sthāpayitvā tu dhvajadaṇḍena coddharet / yantreṇa coddharedvāpi rajjunā saha deśikaḥ
Sanskrit only: no published translation is held for this verse.
वेदिं कुर्यात्तु पूर्वोक्तां लक्षणेन समन्विताम् । वेदिकां तु समालिप्य कृत्वा च स्वस्तिवाचनम्
vediṃ kuryāttu pūrvoktāṃ lakṣaṇena samanvitām / vedikāṃ tu samālipya kṛtvā ca svastivācanam
Sanskrit only: no published translation is held for this verse.
यष्ट्यग्राद्दण्डमूलान्तं दर्भानावेष्ट्य साधकः । दर्भमालादिनावेष्ट्य दण्डमूलान्तमेव हि
yaṣṭyagrāddaṇḍamūlāntaṃ darbhānāveṣṭya sādhakaḥ / darbhamālādināveṣṭya daṇḍamūlāntameva hi
Sanskrit only: no published translation is held for this verse.
पाद्याचमनगन्धं च पुष्पं धूपं तथैव च । दीपं चैव यथायोगं घण्टानादसमन्वितम्
pādyācamanagandhaṃ ca puṣpaṃ dhūpaṃ tathaiva ca / dīpaṃ caiva yathāyogaṃ ghaṇṭānādasamanvitam
Sanskrit only: no published translation is held for this verse.
अर्चयेद्गरुडं चैव चरुं पश्चान्निवेदयेत् । फलसक्तुसमोपेतं मुद्ग्रान्नं च घृताप्लुतम्
arcayedgaruḍaṃ caiva caruṃ paścānnivedayet / phalasaktusamopetaṃ mudgrānnaṃ ca ghṛtāplutam
Sanskrit only: no published translation is held for this verse.
पृथक् पात्रे तु संस्थाप्य गरुडाय निवेदयेत् । पानीयाचमनं दत्वा मुखवासं तथैव च
pṛthak pātre tu saṃsthāpya garuḍāya nivedayet / pānīyācamanaṃ datvā mukhavāsaṃ tathaiva ca
Sanskrit only: no published translation is held for this verse.
एवमभ्यर्च्य गरुडं सर्वदेवप्रियं शुभम् । दिक्पालान्तमनाद्यन्तं परिवारमथार्चयेत्
evamabhyarcya garuḍaṃ sarvadevapriyaṃ śubham / dikpālāntamanādyantaṃ parivāramathārcayet
Sanskrit only: no published translation is held for this verse.
ततस्तु लोकपालांस्तु पूजयेद्वेदिकाधरे । पूर्वादिक्रमयोगेन स्वनाम्ना परिपूजयेत्
tatastu lokapālāṃstu pūjayedvedikādhare / pūrvādikramayogena svanāmnā paripūjayet
Sanskrit only: no published translation is held for this verse.
एवं दिने दिने कुर्यात् सन्ध्ययोरुभयोरपि । निवेदितं च यद्द्रव्यमन्नं पुष्पं फलं तथा
evaṃ dine dine kuryāt sandhyayorubhayorapi / niveditaṃ ca yaddravyamannaṃ puṣpaṃ phalaṃ tathā
Sanskrit only: no published translation is held for this verse.
तत्पिण्डमिति विज्ञेयं स्त्रीणां चैव प्रदापयेत् । सुमङ्गली च नारी च सती शुद्धा शुभव्रता
tatpiṇḍamiti vijñeyaṃ strīṇāṃ caiva pradāpayet / sumaṅgalī ca nārī ca satī śuddhā śubhavratā
Sanskrit only: no published translation is held for this verse.
तत् प्रसादमिति स्मृत्वा स्नात्वोपोष्य शुभानना । प्राशयेद्गरुडं ध्यात्वा वन्ध्या पुत्रं प्रसूयते
tat prasādamiti smṛtvā snātvopoṣya śubhānanā / prāśayedgaruḍaṃ dhyātvā vandhyā putraṃ prasūyate
Sanskrit only: no published translation is held for this verse.
रोगार्तो मुच्यते रोगात् बद्धो मुच्येत् बन्धनात् । भयान्मुच्येत आपन्नः सम्यग् ज्ञानमवाप्नुयात्
rogārto mucyate rogāt baddho mucyet bandhanāt / bhayānmucyeta āpannaḥ samyag jñānamavāpnuyāt
Sanskrit only: no published translation is held for this verse.
आवाहनार्थं देवानां गरुडं तु पटे न्यसेत् । तत्पटे सर्वदेवांश्च आह्वयेत्तु दिने दिने
āvāhanārthaṃ devānāṃ garuḍaṃ tu paṭe nyaset / tatpaṭe sarvadevāṃśca āhvayettu dine dine
Sanskrit only: no published translation is held for this verse.
लोहं दारुमयं बिम्बं विना वा स्थाप्यते ध्वजम् । यदि ध्वजपटे बिम्बं गरुडस्य कृतं भवेत्
lohaṃ dārumayaṃ bimbaṃ vinā vā sthāpyate dhvajam / yadi dhvajapaṭe bimbaṃ garuḍasya kṛtaṃ bhavet
Sanskrit only: no published translation is held for this verse.
पताकाध्वजसंयुक्तं कृत्वा चित्रमपि ध्वजम् । उपरि प्रतिमां कृत्वा स्थापयेद्देशिकोत्तमः
patākādhvajasaṃyuktaṃ kṛtvā citramapi dhvajam / upari pratimāṃ kṛtvā sthāpayeddeśikottamaḥ
Sanskrit only: no published translation is held for this verse.
झ्र्समाप्ते वैष्णवे यागे स्नपनान्ते यथाविधि । रात्रौ भूतबलिं कृत्वा क्रमादुद्वास्य पार्षदान्
jhrsamāpte vaiṣṇave yāge snapanānte yathāvidhi / rātrau bhūtabaliṃ kṛtvā kramādudvāsya pārṣadān
Sanskrit only: no published translation is held for this verse.
कारयेत् पुष्पयागं तु यथाविधिपुरःसरम् । (पुष्पयागविधिः प्रोक्तो मया शक्र विधानके
kārayet puṣpayāgaṃ tu yathāvidhipuraḥsaram / (puṣpayāgavidhiḥ prokto mayā śakra vidhānake
Sanskrit only: no published translation is held for this verse.
तद्वन्मण्डलमालिख्य तद्विधानेन पूजयेत्) । पुष्पयागविधिं वक्ष्ये समासान्मुनिपुङ्गव
tadvanmaṇḍalamālikhya tadvidhānena pūjayet) / puṣpayāgavidhiṃ vakṣye samāsānmunipuṅgava
Sanskrit only: no published translation is held for this verse.
देवेशयजनं यत्तु मण्डले पुष्पपूरिते । पुष्पयाग इति प्रोक्त उत्सवान्ते तु कारयेत्
deveśayajanaṃ yattu maṇḍale puṣpapūrite / puṣpayāga iti prokta utsavānte tu kārayet
Sanskrit only: no published translation is held for this verse.
प्रासादाग्रे ऽथवा याम्ये वारुणे सौम्यके ऽथवा । पूर्वोक्तमण्डपं कृत्वा मण्डपे तु समालिखेत्
prāsādāgre 'thavā yāmye vāruṇe saumyake 'thavā / pūrvoktamaṇḍapaṃ kṛtvā maṇḍape tu samālikhet
Sanskrit only: no published translation is held for this verse.
विनोदमण्डपे वाथ यत्र वा रमते मतिः । मण्डलं तु महानन्तं चक्राब्जं च तथैव च
vinodamaṇḍape vātha yatra vā ramate matiḥ / maṇḍalaṃ tu mahānantaṃ cakrābjaṃ ca tathaiva ca
Sanskrit only: no published translation is held for this verse.
भद्रकं वाथ विधिवत् सूत्रपातं तथा भवेत् । एकहस्तं द्विहस्तं वा गर्भगेहसमं तु वा
bhadrakaṃ vātha vidhivat sūtrapātaṃ tathā bhavet / ekahastaṃ dvihastaṃ vā garbhagehasamaṃ tu vā
Sanskrit only: no published translation is held for this verse.
चतुरश्रं समं कृत्वा सूत्रेणैव तु देशिकः । एकविंशतिसूत्राणि प्राक्प्रत्यग्दक्षिणोत्तरम्
caturaśraṃ samaṃ kṛtvā sūtreṇaiva tu deśikaḥ / ekaviṃśatisūtrāṇi prākpratyagdakṣiṇottaram
Sanskrit only: no published translation is held for this verse.
आस्फालयेद्भवन्त्यत्र कोष्टकानि चतुःशतम् । मध्ये षोडशकोष्ठानि पद्मक्षेत्रमुदाहृतम्
āsphālayedbhavantyatra koṣṭakāni catuḥśatam / madhye ṣoḍaśakoṣṭhāni padmakṣetramudāhṛtam
Sanskrit only: no published translation is held for this verse.
बहिः पङ्क्तिं विसृज्याथ त्रिपङ्क्तिं ग्राहयेत्ततः । पादगात्रकभेदेन विमृजेत् परितः क्रम त्
bahiḥ paṅktiṃ visṛjyātha tripaṅktiṃ grāhayettataḥ / pādagātrakabhedena vimṛjet paritaḥ krama t
Sanskrit only: no published translation is held for this verse.
अन्तः षट् च बहिः षट् च मध्ये तु चतुरश्रकम् । विसृजेत्तु चतुर्दिक्षु गात्रार्थं तु विचक्षणः
antaḥ ṣaṭ ca bahiḥ ṣaṭ ca madhye tu caturaśrakam / visṛjettu caturdikṣu gātrārthaṃ tu vicakṣaṇaḥ
Sanskrit only: no published translation is held for this verse.
अन्तः षट् च बहिः पञ्च कोणपादार्धमाचरेत् । पङ्क्तिद्वयं तु तद्बाह्ये वीथ्यर्थं परितो मृजेत्
antaḥ ṣaṭ ca bahiḥ pañca koṇapādārdhamācaret / paṅktidvayaṃ tu tadbāhye vīthyarthaṃ parito mṛjet
Sanskrit only: no published translation is held for this verse.
द्वारकण्ठोपकण्ठं च शोभां बाह्यपदद्वये । अन्तर्द्वे चतुरो बाह्ये द्वारार्थं तु चतुर्दिशि
dvārakaṇṭhopakaṇṭhaṃ ca śobhāṃ bāhyapadadvaye / antardve caturo bāhye dvārārthaṃ tu caturdiśi
Sanskrit only: no published translation is held for this verse.
त्रीण्यन्तर्बहिरेकं स्याद्विपर्यासेन मार्जयेत् । अन्तरेको बहिः पञ्च कोणेषु परिमार्जयेत्
trīṇyantarbahirekaṃ syādviparyāsena mārjayet / antareko bahiḥ pañca koṇeṣu parimārjayet
Sanskrit only: no published translation is held for this verse.
मण्डलं भ्रामयेत् क्षेत्रं पद्मार्थं तु पुरोदितम् । पद्मक्षेत्रार्धमानं तु भागं द्वादशमं (-कं?) बहिः
maṇḍalaṃ bhrāmayet kṣetraṃ padmārthaṃ tu puroditam / padmakṣetrārdhamānaṃ tu bhāgaṃ dvādaśamaṃ (-kaṃ?) bahiḥ
Sanskrit only: no published translation is held for this verse.
विसृज्य भ्रामयेच्छीर्षं त्वरक्षेत्रं तु वर्तलम् । प्रथमं कर्णिकाक्षेत्रं केसराणां द्वितीयकम्
visṛjya bhrāmayecchīrṣaṃ tvarakṣetraṃ tu vartalam / prathamaṃ karṇikākṣetraṃ kesarāṇāṃ dvitīyakam
Sanskrit only: no published translation is held for this verse.
तृतीयं दलसन्धीनां दलाग्राणां चतुर्थकम् । आस्फल्य कोणसूत्राणि कोणदिङ्मध्यमं ततः
tṛtīyaṃ dalasandhīnāṃ dalāgrāṇāṃ caturthakam / āsphalya koṇasūtrāṇi koṇadiṅmadhyamaṃ tataḥ
Sanskrit only: no published translation is held for this verse.
केसराग्रेषु संस्थाप्य दलान्तं भ्रामयेत्ततः । दलान्तरालमानं तु सन्धौ सूत्रं तु विन्यसेत्
kesarāgreṣu saṃsthāpya dalāntaṃ bhrāmayettataḥ / dalāntarālamānaṃ tu sandhau sūtraṃ tu vinyaset
Sanskrit only: no published translation is held for this verse.
दलाग्रं भ्रमयेत्तत्र तस्याग्रां तदनन्तरम् । एतत् साधारणं प्रोक्तं चक्राब्जं तु ततः शृणु
dalāgraṃ bhramayettatra tasyāgrāṃ tadanantaram / etat sādhāraṇaṃ proktaṃ cakrābjaṃ tu tataḥ śṛṇu
Sanskrit only: no published translation is held for this verse.
द्विषट्काङ्गुलमानेन अक्षक्षेत्रं परिभ्रमेत् । अक्षक्षेत्रसमा नाभिः बाह्यरेखाद्वयं लिखेत्
dviṣaṭkāṅgulamānena akṣakṣetraṃ paribhramet / akṣakṣetrasamā nābhiḥ bāhyarekhādvayaṃ likhet
Sanskrit only: no published translation is held for this verse.
एकाङ्गुलप्रमाणेन अरक्षेत्रं ततो बहिः । पद्मं पूर्वोक्तवत् कुर्यात् कर्णिकाकेसरैर्युतम्
ekāṅgulapramāṇena arakṣetraṃ tato bahiḥ / padmaṃ pūrvoktavat kuryāt karṇikākesarairyutam
Sanskrit only: no published translation is held for this verse.
अरक्षेत्रस्य विस्तारं नाभ्यक्षक्षेत्रयोः समम् । नेमिक्षेत्रान्तवलयमक्षक्षेत्रार्धकं भवेत्
arakṣetrasya vistāraṃ nābhyakṣakṣetrayoḥ samam / nemikṣetrāntavalayamakṣakṣetrārdhakaṃ bhavet
Sanskrit only: no published translation is held for this verse.
अराणि कारयेत्तत्र द्वौ द्वौ कुर्याद्दलं प्रति । अरक्षेत्रं त्रिधा कृत्वा गुणत्रयविधानतः
arāṇi kārayettatra dvau dvau kuryāddalaṃ prati / arakṣetraṃ tridhā kṛtvā guṇatrayavidhānataḥ
Sanskrit only: no published translation is held for this verse.
प्रथमं सात्त्विकं चैव द्वितीयं राजसं भवेत् । तृतीयं तामसं चैव समं कुर्याद्द्विजोत्तम
prathamaṃ sāttvikaṃ caiva dvitīyaṃ rājasaṃ bhavet / tṛtīyaṃ tāmasaṃ caiva samaṃ kuryāddvijottama
Sanskrit only: no published translation is held for this verse.
सात्त्विकं कलशाकारं दूर्वाकारं तु राजसम् । तामसं को(कूर्?)पराकारं पीठाकारं तथोपरि
sāttvikaṃ kalaśākāraṃ dūrvākāraṃ tu rājasam / tāmasaṃ ko(kūr?)parākāraṃ pīṭhākāraṃ tathopari
Sanskrit only: no published translation is held for this verse.
प(पी?)ठस्य पृष्ठतश्चापि मणिबन्धवदाचरेत् । अधोवक्त्रं तु कलशं नाभिक्षेत्रं तु मध्यमम्
pa(pī?)ṭhasya pṛṣṭhataścāpi maṇibandhavadācaret / adhovaktraṃ tu kalaśaṃ nābhikṣetraṃ tu madhyamam
Sanskrit only: no published translation is held for this verse.
शिखाकारमरान्तं स्याच्छेषमिच्छानुरूपतः । एवमेव प्रकारेण चक्रब्जं परिभाषितम्
śikhākāramarāntaṃ syāccheṣamicchānurūpataḥ / evameva prakāreṇa cakrabjaṃ paribhāṣitam
Sanskrit only: no published translation is held for this verse.
मण्डलं पूरयेत् पुष्पैः कर्णिकादि यथाक्रमम् । पञ्चवर्णानि पुष्पाणि पुष्पयागे शुभानि तु
maṇḍalaṃ pūrayet puṣpaiḥ karṇikādi yathākramam / pañcavarṇāni puṣpāṇi puṣpayāge śubhāni tu
Sanskrit only: no published translation is held for this verse.
श्वेतं रक्तं च पीतं च कृष्णं हरितमेव च । शुद्धवर्णानि चैतानि मिश्रितान्यपराणि च
śvetaṃ raktaṃ ca pītaṃ ca kṛṣṇaṃ haritameva ca / śuddhavarṇāni caitāni miśritānyaparāṇi ca
Sanskrit only: no published translation is held for this verse.
पुष्पेषु पुष्पवर्गेषु छेदयित्वा विचक्षणः । पीतेषु कर्णिकां पूर्य रक्तं वै केसराणि च
puṣpeṣu puṣpavargeṣu chedayitvā vicakṣaṇaḥ / pīteṣu karṇikāṃ pūrya raktaṃ vai kesarāṇi ca
Sanskrit only: no published translation is held for this verse.
कर्णिकावलयं रक्तं हरितं वा द्विजोत्तम । केसरान्ते च वलयं श्वेतपुष्पेण पूरयेत्
karṇikāvalayaṃ raktaṃ haritaṃ vā dvijottama / kesarānte ca valayaṃ śvetapuṣpeṇa pūrayet
Sanskrit only: no published translation is held for this verse.
दलेषु मूलभागेषु श्वेतरक्तविमिश्रितैः । दलाग्रान् रक्तपुष्पेण पूरयेद्देशिकोत्तमः
daleṣu mūlabhāgeṣu śvetaraktavimiśritaiḥ / dalāgrān raktapuṣpeṇa pūrayeddeśikottamaḥ
Sanskrit only: no published translation is held for this verse.
दलानां सन्धिदेशे तु श्यामपुष्पेण पूरयेत् । दलान्तरेखां विप्रेन्द्र कुसुमैर्हरितेन च
dalānāṃ sandhideśe tu śyāmapuṣpeṇa pūrayet / dalāntarekhāṃ viprendra kusumairharitena ca
Sanskrit only: no published translation is held for this verse.
पूरयेन्नाभिरेखां च सितैः पुष्पैर्मनोरमैः । मध्यरेखां मुनिश्रेष्ठ पीतपुष्पेण पूरयेत्
pūrayennābhirekhāṃ ca sitaiḥ puṣpairmanoramaiḥ / madhyarekhāṃ muniśreṣṭha pītapuṣpeṇa pūrayet
Sanskrit only: no published translation is held for this verse.
अन्ता रेखास्तु मन्त्रज्ञः कुसुमै रक्तकैसतथा । अरं चोत्तररेखां वै हरितै रक्तकैस्तथा
antā rekhāstu mantrajñaḥ kusumai raktakaisatathā / araṃ cottararekhāṃ vai haritai raktakaistathā
Sanskrit only: no published translation is held for this verse.
नेम्यादिरेखां कृष्णेन नेम्यन्तं(न्तां?)सितपुष्पकैः । नेमिं रक्तेन पूर्याथ पीतपुष्पेण वा द्विज
nemyādirekhāṃ kṛṣṇena nemyantaṃ(ntāṃ?)sitapuṣpakaiḥ / nemiṃ raktena pūryātha pītapuṣpeṇa vā dvija
Sanskrit only: no published translation is held for this verse.
पुष्पमण्डलमुद्दिष्टं पुष्पयागे विशेषतः । एवं लक्षणसंयुक्तं चक्राब्जं कारयेत् सुधीः
puṣpamaṇḍalamuddiṣṭaṃ puṣpayāge viśeṣataḥ / evaṃ lakṣaṇasaṃyuktaṃ cakrābjaṃ kārayet sudhīḥ
Sanskrit only: no published translation is held for this verse.
ध्वजारोहादिजीर्थान्तं प्रायश्चित्तं तु यद्भवेत् । तस्य दोषविघातार्थं पुष्पयागं च कारयेत्
dhvajārohādijīrthāntaṃ prāyaścittaṃ tu yadbhavet / tasya doṣavighātārthaṃ puṣpayāgaṃ ca kārayet
Sanskrit only: no published translation is held for this verse.
प्रासादस्याग्रतः कुर्याद्दक्षिणे पश्चिमे ऽपि वा । उत्तरे वा द्विजश्रेष्ठ मण्डपं पूर्ववत् क्रमात्
prāsādasyāgrataḥ kuryāddakṣiṇe paścime 'pi vā / uttare vā dvijaśreṣṭha maṇḍapaṃ pūrvavat kramāt
Sanskrit only: no published translation is held for this verse.
तस्य मध्ये लिखेद्विद्वान् चक्राब्जं लक्षणान्वितम् । द्वारे द्वारे तु घटिका द्वे द्वे चैव तु विन्यसेत्
tasya madhye likhedvidvān cakrābjaṃ lakṣaṇānvitam / dvāre dvāre tu ghaṭikā dve dve caiva tu vinyaset
Sanskrit only: no published translation is held for this verse.
शरावं विन्यसेत्तद्वत् पूर्वादिषु यथाक्रमम् । ऐन्द्राद्यैशानपर्यन्तं पालिका विन्यसेत् क्रमात्
śarāvaṃ vinyasettadvat pūrvādiṣu yathākramam / aindrādyaiśānaparyantaṃ pālikā vinyaset kramāt
Sanskrit only: no published translation is held for this verse.
प्राच्यादिदिक्चतुष्केषु वासुदेवादिकान् यजेत् । श्रियादीन् कोणदेशेषु न्यसेत् पद्मोपरि क्रमात्
prācyādidikcatuṣkeṣu vāsudevādikān yajet / śriyādīn koṇadeśeṣu nyaset padmopari kramāt
Sanskrit only: no published translation is held for this verse.
इन्द्रादिपरिवारांश्च दिक्षु चैव यथाक्रमम् । विष्वक्सेनं गरुत्मन्तं यजेत्तत्रैव संनिधौ
indrādiparivārāṃśca dikṣu caiva yathākramam / viṣvaksenaṃ garutmantaṃ yajettatraiva saṃnidhau
Sanskrit only: no published translation is held for this verse.
पुष्पयागविधिः प्रोक्तो मया शक्र विधानके । तन्मण्डलं समालिख्य तद्विधानेन पूजयेत्
puṣpayāgavidhiḥ prokto mayā śakra vidhānake / tanmaṇḍalaṃ samālikhya tadvidhānena pūjayet
Sanskrit only: no published translation is held for this verse.
ट भूतक्रूरबलिं कृत्वा क्रमादुद्वास्य पार्षदान् । स्नात्वाचम्य शुचिर्भूत्वा समभ्यर्च्य खगेश्वरम्
ṭa bhūtakrūrabaliṃ kṛtvā kramādudvāsya pārṣadān / snātvācamya śucirbhūtvā samabhyarcya khageśvaram
Sanskrit only: no published translation is held for this verse.
उद्वसयेद्यथापूर्वमाहूतास्तत्र देवताः । नित्ये नैमित्तिके काम्ये ध्वजसंस्थानं मतम्
udvasayedyathāpūrvamāhūtāstatra devatāḥ / nitye naimittike kāmye dhvajasaṃsthānaṃ matam
Sanskrit only: no published translation is held for this verse.