एवं तु स्नपनं कृत्वा नदीस्नानं तु कारयेत् । तीरे देवं समानीय कुशकूर्चेन मार्जयेत्
evaṃ tu snapanaṃ kṛtvā nadīsnānaṃ tu kārayet / tīre devaṃ samānīya kuśakūrcena mārjayet
Sanskrit only: no published translation is held for this verse.
Visvaksenasamhita 27
पाद्यादिदीपपर्यन्तं अर्चयेत् कौतुकं ततः । अवगाह्य च तत्तीर्थं तीर्थानावाह्य सर्वतः
pādyādidīpaparyantaṃ arcayet kautukaṃ tataḥ / avagāhya ca tattīrthaṃ tīrthānāvāhya sarvataḥ
Sanskrit only: no published translation is held for this verse.
कृत्वाघमर्षणं तत्र पञ्चमन्त्रैः समाहितः । जलकेलिं ततः कृत्वा तीरमासाद्य देशिकः
kṛtvāghamarṣaṇaṃ tatra pañcamantraiḥ samāhitaḥ / jalakeliṃ tataḥ kṛtvā tīramāsādya deśikaḥ
Sanskrit only: no published translation is held for this verse.
तत्र तीर्थजले स्नातः सर्वपापैः प्रमुच्यते । अलंकृत्य तु वस्त्राद्यैर्गन्धपुष्पादिनार्चयेत्
tatra tīrthajale snātaḥ sarvapāpaiḥ pramucyate / alaṃkṛtya tu vastrādyairgandhapuṣpādinārcayet
Sanskrit only: no published translation is held for this verse.
हविर्महाहविर्वापि दत्वा नृत्तादि कारयेत् । देवस्य पूर्वदिग्देशे बलिं दद्यात् समाहितः
havirmahāhavirvāpi datvā nṛttādi kārayet / devasya pūrvadigdeśe baliṃ dadyāt samāhitaḥ
Sanskrit only: no published translation is held for this verse.
नमो ऽस्तु सर्वदेवेभ्य एवमुच्चार्य मन्त्रतः । पालिकाद्यैरलंकृत्य यानमारोपयेद्धरिम्
namo 'stu sarvadevebhya evamuccārya mantrataḥ / pālikādyairalaṃkṛtya yānamāropayeddharim
Sanskrit only: no published translation is held for this verse.
पुनः प्रदक्षिणं कुर्यात् ग्रामं वा नगरं तु वा । आलयं वाप्यभावे तु यथावित्तानुसारतः(!)
punaḥ pradakṣiṇaṃ kuryāt grāmaṃ vā nagaraṃ tu vā / ālayaṃ vāpyabhāve tu yathāvittānusārataḥ(!)
Sanskrit only: no published translation is held for this verse.
स्वस्तिवाचनसंयुक्तं शङ्खभेरीरवाकुलम् । प्रदीपशतसंयुक्तं नृत्तगीतादिसंयुतम्
svastivācanasaṃyuktaṃ śaṅkhabherīravākulam / pradīpaśatasaṃyuktaṃ nṛttagītādisaṃyutam
Sanskrit only: no published translation is held for this verse.
पुष्पवृष्टिसमायुक्तमक्षता(?) लाजसंयुतम् । सामगीतसमायुक्तं जयशब्दसमन्वितम्
puṣpavṛṣṭisamāyuktamakṣatā(?) lājasaṃyutam / sāmagītasamāyuktaṃ jayaśabdasamanvitam
Sanskrit only: no published translation is held for this verse.
प्रदक्षिणं परिक्रम्य नद्रुतं नविलम्बितम् । यागभूमिं समासाद्य पूजयित्वा यथाक्रमम्
pradakṣiṇaṃ parikramya nadrutaṃ navilambitam / yāgabhūmiṃ samāsādya pūjayitvā yathākramam
Sanskrit only: no published translation is held for this verse.
स्नपनं विधिवत् कृत्वा पुष्पयागं समारभेत् । कृत्वा पद्मं चक्रकं मण्डलं वा तत्र स्थाने वासुदेवादिकां (-का?) श्च
snapanaṃ vidhivat kṛtvā puṣpayāgaṃ samārabhet / kṛtvā padmaṃ cakrakaṃ maṇḍalaṃ vā tatra sthāne vāsudevādikāṃ (-kā?) śca
Sanskrit only: no published translation is held for this verse.
शङ्खाद्या वै बाह्यतो लोकपालाः विष्वक्सेनो वैनतेयश्च बाह्ये । भूतेशा वै बाह्यतः पूजनीयाः गौल्यन्नं वै भक्ष्यमग्नेश्च कार्यम्
śaṅkhādyā vai bāhyato lokapālāḥ viṣvakseno vainateyaśca bāhye / bhūteśā vai bāhyataḥ pūjanīyāḥ gaulyannaṃ vai bhakṣyamagneśca kāryam
Sanskrit only: no published translation is held for this verse.
पुण्याहार्घ्यं पुष्पमेकं बलिं च पूजापुज्ये मूलबिम्बे स्थितं वै । चक्रलक्षणमार्गे तु शेषमस्मिन्नियोजयेत्
puṇyāhārghyaṃ puṣpamekaṃ baliṃ ca pūjāpujye mūlabimbe sthitaṃ vai / cakralakṣaṇamārge tu śeṣamasminniyojayet
Sanskrit only: no published translation is held for this verse.
ध्वजावरोहणं कुर्यात् उद्वास्यैव तु देवताः । दत्वा महाबलिं ताभ्यो मुद्गान्नापूपलाजकैः
dhvajāvarohaṇaṃ kuryāt udvāsyaiva tu devatāḥ / datvā mahābaliṃ tābhyo mudgānnāpūpalājakaiḥ
Sanskrit only: no published translation is held for this verse.
सक्तुभिर्ग्रामबाह्ये च मध्ये चैव क्षमाप्य च । ध्वजाद्विसर्जयेद्देवं वैनतेयं स्वमन्त्रतः
saktubhirgrāmabāhye ca madhye caiva kṣamāpya ca / dhvajādvisarjayeddevaṃ vainateyaṃ svamantrataḥ
Sanskrit only: no published translation is held for this verse.
एकरात्रिद्विरात्रे वा त्रिरात्रे तु महामुने । ध्वजावरोहणं कुर्यात् अधिकं तु न कारयेत्
ekarātridvirātre vā trirātre tu mahāmune / dhvajāvarohaṇaṃ kuryāt adhikaṃ tu na kārayet
Sanskrit only: no published translation is held for this verse.
अधिकं यदि चेत्तत्र स्नपनं कारयेत् क्रमात् । उत्सवप्रतिमायां तु स्नपनं त्वधमोत्तमम्
adhikaṃ yadi cettatra snapanaṃ kārayet kramāt / utsavapratimāyāṃ tu snapanaṃ tvadhamottamam
Sanskrit only: no published translation is held for this verse.
पञ्चविंशतिभिर्वापि कलशैर्द्वादशैस्तु वा । यथावित्तानुसारेण (!) स्नपनं कारयेद्धरिम्
pañcaviṃśatibhirvāpi kalaśairdvādaśaistu vā / yathāvittānusāreṇa (!) snapanaṃ kārayeddharim
Sanskrit only: no published translation is held for this verse.
ध्वजावरोहणं पश्चात् कारयेन्मन्त्रवित्तमः । कर्षणादिषु पूजायां प्रतिष्ठारोहणादिषु
dhvajāvarohaṇaṃ paścāt kārayenmantravittamaḥ / karṣaṇādiṣu pūjāyāṃ pratiṣṭhārohaṇādiṣu
Sanskrit only: no published translation is held for this verse.
ध्वाजारोहणवेलायां ध्वजस्याप्यवरोहणे । उत्सवे बलिदाने तु शङ्खाद्यैश्चैव घोषयेत्
dhvājārohaṇavelāyāṃ dhvajasyāpyavarohaṇe / utsave balidāne tu śaṅkhādyaiścaiva ghoṣayet
Sanskrit only: no published translation is held for this verse.
शङ्खतूर्यादिनिर्घोषं हरितृप्तिकरं मुने । रक्षोविद्रावणं चैव राजशान्तिकरं तथा
śaṅkhatūryādinirghoṣaṃ haritṛptikaraṃ mune / rakṣovidrāvaṇaṃ caiva rājaśāntikaraṃ tathā
Sanskrit only: no published translation is held for this verse.
राष्ट्रवृद्धिकरं सम्यक् यजमानसुखावहम् । स्नपनस्थापनादीनां या मुद्रा यस्य कथ्यते
rāṣṭravṛddhikaraṃ samyak yajamānasukhāvaham / snapanasthāpanādīnāṃ yā mudrā yasya kathyate
Sanskrit only: no published translation is held for this verse.
तां तथाशक्नुवन् कर्तुं मूलमन्त्रं न्यसेत् करे । तेन कुर्वन् क्रियाः सर्वाः करेण मुनिपुङ्गव
tāṃ tathāśaknuvan kartuṃ mūlamantraṃ nyaset kare / tena kurvan kriyāḥ sarvāḥ kareṇa munipuṅgava
Sanskrit only: no published translation is held for this verse.
तृतीयं समनुध्यानं ते चान्ते ऽञ्जलिकारकाः । तृप्तिं कुर्वन्ति देवस्य जलस्थानजलेश्वरान्(?)
tṛtīyaṃ samanudhyānaṃ te cānte 'ñjalikārakāḥ / tṛptiṃ kurvanti devasya jalasthānajaleśvarān(?)
Sanskrit only: no published translation is held for this verse.
तृप्त (तर्प) येदात्मनस्तृप्तिमिति गुह्योपदेशकः । देवोत्सवादिक्रियया नृपस्य बलायुरारोग्यजयश्रियश्च
tṛpta (tarpa) yedātmanastṛptimiti guhyopadeśakaḥ / devotsavādikriyayā nṛpasya balāyurārogyajayaśriyaśca
Sanskrit only: no published translation is held for this verse.
राष्ट्रस्य वृद्धिर्धनधान्ययुग्वै प्रयोजयित्रादि फलं सुखादि । उत्सवाङ्गमथो वक्ष्ये यागमण्डपमुत्तमम्
rāṣṭrasya vṛddhirdhanadhānyayugvai prayojayitrādi phalaṃ sukhādi / utsavāṅgamatho vakṣye yāgamaṇḍapamuttamam
Sanskrit only: no published translation is held for this verse.
दक्षिणे गोपुरस्यैव आनेय्यां दिशि वै तथा । याम्यायामुत्तरे वाथ कारयेद्यागमण्डपम्
dakṣiṇe gopurasyaiva āneyyāṃ diśi vai tathā / yāmyāyāmuttare vātha kārayedyāgamaṇḍapam
Sanskrit only: no published translation is held for this verse.
तत्पूर्वभागे कर्तव्यं कुण्डं लक्षणसंयुतम् । कुण्डपार्श्वे मुनिश्रेष्ठ वेदिं कुर्याद्यथाविधि
tatpūrvabhāge kartavyaṃ kuṇḍaṃ lakṣaṇasaṃyutam / kuṇḍapārśve muniśreṣṭha vediṃ kuryādyathāvidhi
Sanskrit only: no published translation is held for this verse.
चतुर्हस्तप्रमाणेन कारयेद्वेदिमुत्तमाम् । विस्तारायामतुल्या स्याद्यागवेदिर्महामुने
caturhastapramāṇena kārayedvedimuttamām / vistārāyāmatulyā syādyāgavedirmahāmune
Sanskrit only: no published translation is held for this verse.
त्रिहस्तं वा द्विहस्तं वा कारयेद्वेदिमुत्तमाम् । रत्निमात्रसमुत्सेधामथवा तालमात्रकाम्
trihastaṃ vā dvihastaṃ vā kārayedvedimuttamām / ratnimātrasamutsedhāmathavā tālamātrakām
Sanskrit only: no published translation is held for this verse.
दर्पणोदरसंकाशां यागवेदिमनुत्तमाम् । एवं कृत्वा विधानेन वेदिं भुक्तिशुभप्रदाम्
darpaṇodarasaṃkāśāṃ yāgavedimanuttamām / evaṃ kṛtvā vidhānena vediṃ bhuktiśubhapradām
Sanskrit only: no published translation is held for this verse.
तत्रोपरि लिखेत् पद्ममष्टपत्रदलाकृति । गोमयेन समालिप्य द्वादशाक्षरविद्यया
tatropari likhet padmamaṣṭapatradalākṛti / gomayena samālipya dvādaśākṣaravidyayā
Sanskrit only: no published translation is held for this verse.
प्रोक्षयेत्तेन मन्त्रेण कुशपूतेन वारिणा । पालिका चाङ्कुरोपेतमष्टमङ्गलसंयुतम्
prokṣayettena mantreṇa kuśapūtena vāriṇā / pālikā cāṅkuropetamaṣṭamaṅgalasaṃyutam
Sanskrit only: no published translation is held for this verse.
पूर्वादिक्रमयोगेन शङ्खादीन् मङ्गलान्(!)न्यसेत् । उत्तमादिक्रमं प्रोक्तं वेदिकालक्षणं मुने
pūrvādikramayogena śaṅkhādīn maṅgalān(!)nyaset / uttamādikramaṃ proktaṃ vedikālakṣaṇaṃ mune
Sanskrit only: no published translation is held for this verse.
पुण्याहं वाचयित्वा तु प्रोक्षयित्वा कुशाम्भसा । स्वस्तिसूक्तं ततोच्चार्य(?)ब्राह्मणैः सह मन्त्रवित्
puṇyāhaṃ vācayitvā tu prokṣayitvā kuśāmbhasā / svastisūktaṃ tatoccārya(?)brāhmaṇaiḥ saha mantravit
Sanskrit only: no published translation is held for this verse.
तत्र मध्ये मुनिश्रेष्ठ शालिना वेदिमाचरेत् । पञ्चभारप्रमाणं वा तस्यार्धं वार्धमेव वा
tatra madhye muniśreṣṭha śālinā vedimācaret / pañcabhārapramāṇaṃ vā tasyārdhaṃ vārdhameva vā
Sanskrit only: no published translation is held for this verse.
विस्तीर्य वेदिमध्ये तु रक्तशाल्यन्तमेव वा । पूर्ववद्विलिखेद्रक्तपद्ममष्टदलैर्युतम्
vistīrya vedimadhye tu raktaśālyantameva vā / pūrvavadvilikhedraktapadmamaṣṭadalairyutam
Sanskrit only: no published translation is held for this verse.
तत्र मध्ये तु संस्थाप्य नवकुम्भान् यथाक्रमम् । सूत्रत्रयसमोपेतान् गालितोदकपूरितान्
tatra madhye tu saṃsthāpya navakumbhān yathākramam / sūtratrayasamopetān gālitodakapūritān
Sanskrit only: no published translation is held for this verse.
वस्त्रयुग्मैरलंकृत्य गन्धपुष्पसमन्वितान् । पञ्चरत्नसमोपेतान् कूर्चत्रयसमन्वितान्
vastrayugmairalaṃkṛtya gandhapuṣpasamanvitān / pañcaratnasamopetān kūrcatrayasamanvitān
Sanskrit only: no published translation is held for this verse.
अश्वत्थपल्लवैर्युक्तांश्चक्रिकाभिः पिधाय तु । एवं लक्षणसंयुक्तकुम्भेष्वावाहयेत् क्रमात्
aśvatthapallavairyuktāṃścakrikābhiḥ pidhāya tu / evaṃ lakṣaṇasaṃyuktakumbheṣvāvāhayet kramāt
Sanskrit only: no published translation is held for this verse.
महाबेरान्नयेच्छक्तिं मध्यकुम्भे महामुने । पूर्वादि चष्टकुम्भेषु वासुदेवादिकान् यजेत्
mahāberānnayecchaktiṃ madhyakumbhe mahāmune / pūrvādi caṣṭakumbheṣu vāsudevādikān yajet
Sanskrit only: no published translation is held for this verse.
अर्घ्यपाद्यादिनाभ्यर्च्य हवींषि मुखवासकम् । दापेयत् कुम्भमध्यस्थदेवाय मुनिसत्तम
arghyapādyādinābhyarcya havīṃṣi mukhavāsakam / dāpeyat kumbhamadhyasthadevāya munisattama
Sanskrit only: no published translation is held for this verse.
पूर्वादि चाष्टकुम्भेषु तच्छेषेण बलिं क्षिपेत् । वासुदेवादिकान् ज्ञात्वा स्वनाम्नैव पृथक् पृथक्
pūrvādi cāṣṭakumbheṣu taccheṣeṇa baliṃ kṣipet / vāsudevādikān jñātvā svanāmnaiva pṛthak pṛthak
Sanskrit only: no published translation is held for this verse.
ततस्तु कुमुदादीनां कुम्भस्य परितोर्ऽचयेत् । घण्टाशब्दसमोपेतं कुक्कुटाण्डप्रमाणतः
tatastu kumudādīnāṃ kumbhasya paritor'cayet / ghaṇṭāśabdasamopetaṃ kukkuṭāṇḍapramāṇataḥ
Sanskrit only: no published translation is held for this verse.
स्वस्तिवाचनसंयुक्तं धूपदीपसमन्वितम् । स्वनम्ना बलिदानं तु साधयेत् साधकोत्तमः
svastivācanasaṃyuktaṃ dhūpadīpasamanvitam / svanamnā balidānaṃ tu sādhayet sādhakottamaḥ
Sanskrit only: no published translation is held for this verse.
नारिकेलफलं दद्यात् सन्ध्ययोरेवमर्चयेत् । तत्पूजान्ते तु मन्त्रज्ञो होमकर्म समारभेत्
nārikelaphalaṃ dadyāt sandhyayorevamarcayet / tatpūjānte tu mantrajño homakarma samārabhet
Sanskrit only: no published translation is held for this verse.
अष्टोत्तरशतं वापि तदर्धं वार्धमेव वा । समिदादितिलान्तं तु जुहुयात् साधकोत्तमः
aṣṭottaraśataṃ vāpi tadardhaṃ vārdhameva vā / samidāditilāntaṃ tu juhuyāt sādhakottamaḥ
Sanskrit only: no published translation is held for this verse.
होमान्ते बलिदानं तु कारयेद्ग्रामवास्तुषु । ततस्तीर्थस्य दिवसे पूर्वाह्णे होमपूजनम्
homānte balidānaṃ tu kārayedgrāmavāstuṣu / tatastīrthasya divase pūrvāhṇe homapūjanam
Sanskrit only: no published translation is held for this verse.
कारयेत् पूर्ववत् सम्यक् साधकः परमार्थवित् । होमान्ते चानयेत् कुम्भात्तच्चक्षुर्मूलबेरके
kārayet pūrvavat samyak sādhakaḥ paramārthavit / homānte cānayet kumbhāttaccakṣurmūlaberake
Sanskrit only: no published translation is held for this verse.
ततस्तु वासुदेवादीन् नयेत् पूर्ववदावृते । वत्सरे वत्सरे ब्रह्मन् कर्तव्यं परमं शुभम्
tatastu vāsudevādīn nayet pūrvavadāvṛte / vatsare vatsare brahman kartavyaṃ paramaṃ śubham
Sanskrit only: no published translation is held for this verse.
नित्यपूजाविहीनस्य प्रायश्चित्तं महोत्सवम् । एवं संपूजयेद्देवं चोत्सवे यागमण्डपे
nityapūjāvihīnasya prāyaścittaṃ mahotsavam / evaṃ saṃpūjayeddevaṃ cotsave yāgamaṇḍape
Sanskrit only: no published translation is held for this verse.
तीर्थस्य दिवसं यावत्तावत् संपूजयेत् क्रमात् । यागमण्डपपूजायामङ्कुरार्पणपूजने
tīrthasya divasaṃ yāvattāvat saṃpūjayet kramāt / yāgamaṇḍapapūjāyāmaṅkurārpaṇapūjane
Sanskrit only: no published translation is held for this verse.
बलिशेषं होमशेषं पात्रशेषं तथैव च । अस्मिन्निवेदितं सर्वमाचार्याय प्रदापयेत्
baliśeṣaṃ homaśeṣaṃ pātraśeṣaṃ tathaiva ca / asminniveditaṃ sarvamācāryāya pradāpayet
Sanskrit only: no published translation is held for this verse.
अन्यथा निष्फलं याति यजमानस्य रोगकृत् । तस्मात् सर्वप्रयत्नेन कारयेच्छास्त्रचोदितम्
anyathā niṣphalaṃ yāti yajamānasya rogakṛt / tasmāt sarvaprayatnena kārayecchāstracoditam
Sanskrit only: no published translation is held for this verse.
यः कारयेत्तु मतिमान् तत्फलं समवाप्नुयात् । यागमण्डपपूजां तु विना चेदुत्सवं कुरु
yaḥ kārayettu matimān tatphalaṃ samavāpnuyāt / yāgamaṇḍapapūjāṃ tu vinā cedutsavaṃ kuru
Sanskrit only: no published translation is held for this verse.
केवलं होममात्रेण चाप्यलं तु महोत्सवम् । धन्यं यशस्यमायुष्यं सर्वपापनिकृन्तनम्
kevalaṃ homamātreṇa cāpyalaṃ tu mahotsavam / dhanyaṃ yaśasyamāyuṣyaṃ sarvapāpanikṛntanam
Sanskrit only: no published translation is held for this verse.