इति श्रीपाञ्चारात्रे विष्वक्सेनसंहितायां [उत्सवविधिर्नाम] सप्तविंशो ऽध्यायः ॥ अष्टाविंशो ऽध्यायः विष्वक्सेनः--- अमावास्योत्सवं वक्ष्ये मासि मासि मुनीश्वर । देवजन्मर्क्षके वापि प्रतिष्ठार्क्षमथा (-ऋक्षके?)पिवा
iti śrīpāñcārātre viṣvaksenasaṃhitāyāṃ [utsavavidhirnāma] saptaviṃśo 'dhyāyaḥ || aṣṭāviṃśo 'dhyāyaḥ viṣvaksenaḥ--- amāvāsyotsavaṃ vakṣye māsi māsi munīśvara / devajanmarkṣake vāpi pratiṣṭhārkṣamathā (-ṛkṣake?)pivā
Sanskrit only: no published translation is held for this verse.
यजमानस्य जन्मर्क्षे राजजन्मर्क्षके ऽपि वा । अयने विषुकाले वा निश्चयित्वाङ्कुरान् पुरा
yajamānasya janmarkṣe rājajanmarkṣake 'pi vā / ayane viṣukāle vā niścayitvāṅkurān purā
Sanskrit only: no published translation is held for this verse.
नवाहे सप्तपञ्चाहे त्र्यहैकाहमथापि वा । अङ्कुरार्पणमेतेषु सर्वसम्पत्सुखावहम्
navāhe saptapañcāhe tryahaikāhamathāpi vā / aṅkurārpaṇameteṣu sarvasampatsukhāvaham
Sanskrit only: no published translation is held for this verse.
कारयेद्विधिवत् सम्यक् सायाह्ने मुनिसत्तम । अनङ्कुरार्पणं कार्यमनर्थमशुभावहम्
kārayedvidhivat samyak sāyāhne munisattama / anaṅkurārpaṇaṃ kāryamanarthamaśubhāvaham
Sanskrit only: no published translation is held for this verse.
तस्मात् सर्वप्रयत्नेन कारयेदङ्कुरार्पणम् । अङ्कुरार्पणकार्ये ऽस्मिन् वेलादीनि न वीक्षयेत्
tasmāt sarvaprayatnena kārayedaṅkurārpaṇam / aṅkurārpaṇakārye 'smin velādīni na vīkṣayet
Sanskrit only: no published translation is held for this verse.
पालिकाघटिका चैव शरावश्च त्रिधा मुने । उक्तमस्मिन् महातन्त्रे चोत्सवे षोडशान् क्रमात्
pālikāghaṭikā caiva śarāvaśca tridhā mune / uktamasmin mahātantre cotsave ṣoḍaśān kramāt
Sanskrit only: no published translation is held for this verse.
प्रत्यकं पालिकादीनि लक्षणैः सह नारद । कश्चिदस्मिन् विशेषो ऽस्ति तं विशेषं शृणु क्रमात्
pratyakaṃ pālikādīni lakṣaṇaiḥ saha nārada / kaścidasmin viśeṣo 'sti taṃ viśeṣaṃ śṛṇu kramāt
Sanskrit only: no published translation is held for this verse.
प्रत्येकं द्वादशं वापि केवलाः पालिकास्तथा । पालिकाषोडशं वापि द्वादशं नवकं तु वा(?)
pratyekaṃ dvādaśaṃ vāpi kevalāḥ pālikāstathā / pālikāṣoḍaśaṃ vāpi dvādaśaṃ navakaṃ tu vā(?)
Sanskrit only: no published translation is held for this verse.
दूर्वाभिः सशिरीषाभिः पालिकादीन् सुवेष्टयेत् । तिलादिदशबीजानि मुद्गमेकमथापि वा
dūrvābhiḥ saśirīṣābhiḥ pālikādīn suveṣṭayet / tilādidaśabījāni mudgamekamathāpi vā
Sanskrit only: no published translation is held for this verse.
पयोभिः क्षालयेत् पञ्चमन्त्रैर्वारिभिरेव वा । एवं बीजानि संक्षाल्य कारयेदङ्कुरार्पणम्
payobhiḥ kṣālayet pañcamantrairvāribhireva vā / evaṃ bījāni saṃkṣālya kārayedaṅkurārpaṇam
Sanskrit only: no published translation is held for this verse.
अङ्कुरार्पणकार्ये ऽस्मिन् सूत्रपातं न कारयेत् । विशेषमत्र वक्ष्यामि पद्मसूत्रविधिं शृणु
aṅkurārpaṇakārye 'smin sūtrapātaṃ na kārayet / viśeṣamatra vakṣyāmi padmasūtravidhiṃ śṛṇu
Sanskrit only: no published translation is held for this verse.
त्रिहस्तपरिमाणं तु चैव गोमयेनानुलेपयेत् । तस्योर्ध्वे शालिमास्तीर्य तन्मध्ये ऽब्जमथालिखेत्
trihastaparimāṇaṃ tu caiva gomayenānulepayet / tasyordhve śālimāstīrya tanmadhye 'bjamathālikhet
Sanskrit only: no published translation is held for this verse.
त्र्यहैकाहोत्सवे चैव स्नपने मुनिसत्तम । अमावास्यादिकार्ये ऽस्मिन् षोडशं द्वादशं तु(?) वा
tryahaikāhotsave caiva snapane munisattama / amāvāsyādikārye 'smin ṣoḍaśaṃ dvādaśaṃ tu(?) vā
Sanskrit only: no published translation is held for this verse.
कर्णिकादिदलान् लिख्य प्रत्येकं तत्र विन्यसेत् । प्रतिष्ठोत्सवयोश्चैव पवित्रारोहणे मुने
karṇikādidalān likhya pratyekaṃ tatra vinyaset / pratiṣṭhotsavayoścaiva pavitrārohaṇe mune
Sanskrit only: no published translation is held for this verse.
तथा दीक्षाविधाने तु प्रत्येकं षोडश क्रमात् । द्वादशं वाथ निःशेषं पालिकादींश्च कारयेत्
tathā dīkṣāvidhāne tu pratyekaṃ ṣoḍaśa kramāt / dvādaśaṃ vātha niḥśeṣaṃ pālikādīṃśca kārayet
Sanskrit only: no published translation is held for this verse.
शेषकर्माणि सर्वाणि लिखेदब्जमनुत्तमम् । पद्मस्य दलसंख्यास्तु शृणु चास्मिन् महामुने
śeṣakarmāṇi sarvāṇi likhedabjamanuttamam / padmasya dalasaṃkhyāstu śṛṇu cāsmin mahāmune
Sanskrit only: no published translation is held for this verse.
पालिका षोडशं चेत्तु दलं पञ्चदशं लिखेत् । द्वादशं पालिका चेत्तु तादृशं पद्ममालिखेत्
pālikā ṣoḍaśaṃ cettu dalaṃ pañcadaśaṃ likhet / dvādaśaṃ pālikā cettu tādṛśaṃ padmamālikhet
Sanskrit only: no published translation is held for this verse.
कर्णिकदिदलेष्वेषु कारयेत् प्रथमाक्षरम् । अथवा मुनिशार्दूल अष्टपत्राब्जमालिखेत्
karṇikadidaleṣveṣu kārayet prathamākṣaram / athavā muniśārdūla aṣṭapatrābjamālikhet
Sanskrit only: no published translation is held for this verse.
पूर्ववद्विलिखेद्बीजं पूर्वादिष्वक्षरान् वसून् । प्रोक्षयेत्तेन मन्त्रेण शाखामूलेन वा मुने
pūrvavadvilikhedbījaṃ pūrvādiṣvakṣarān vasūn / prokṣayettena mantreṇa śākhāmūlena vā mune
Sanskrit only: no published translation is held for this verse.
इन्द्रादीशावसानेषु पालिकान् नवकान् न्यसेत् । तेन मन्त्रेण मतिमानन् प्रोक्षयेद्गन्धवारिणा
indrādīśāvasāneṣu pālikān navakān nyaset / tena mantreṇa matimānan prokṣayedgandhavāriṇā
Sanskrit only: no published translation is held for this verse.
पुण्याहं वाचयेत्तस्मिन् ब्राह्मणैस्तन्त्रपारगैः । तिलादिबीजानभ्यर्च्य तण्डुलोपरि नारद
puṇyāhaṃ vācayettasmin brāhmaṇaistantrapāragaiḥ / tilādibījānabhyarcya taṇḍulopari nārada
Sanskrit only: no published translation is held for this verse.
जितन्त इति मन्त्रेण सर्वबीजानि वापयेत् । गन्धपुष्पादिनाभ्यर्च्य सुगुप्ते स्थापयेत् क्रमात्
jitanta iti mantreṇa sarvabījāni vāpayet / gandhapuṣpādinābhyarcya sugupte sthāpayet kramāt
Sanskrit only: no published translation is held for this verse.
विशेषश्चात्र संप्रोक्तः शेषं साधारणं भवेत् । सायाह्ने वाथ पूर्वाह्णे बलिमस्मिन् समाचरेत्
viśeṣaścātra saṃproktaḥ śeṣaṃ sādhāraṇaṃ bhavet / sāyāhne vātha pūrvāhṇe balimasmin samācaret
Sanskrit only: no published translation is held for this verse.
हविषा चाक्षतैर्वापि पुष्पैर्वाथ बलिं क्षिपेत् । अमावास्योत्सवाद्येषु संप्रोक्तं चाङ्कुरार्पणम्
haviṣā cākṣatairvāpi puṣpairvātha baliṃ kṣipet / amāvāsyotsavādyeṣu saṃproktaṃ cāṅkurārpaṇam
Sanskrit only: no published translation is held for this verse.
उत्सवप्रतिमां वापि स्नपनार्चामथापि वा । बलिबिम्बं तु वा चक्रबिम्बमेकमथापि वा
utsavapratimāṃ vāpi snapanārcāmathāpi vā / balibimbaṃ tu vā cakrabimbamekamathāpi vā
Sanskrit only: no published translation is held for this verse.
तद्गृहीत्वा तु मन्त्रज्ञः शुद्धस्नानं तु कारयेत् । पूर्वरात्रौ तु कर्तव्यः सूत्रबन्धो यथाविधि
tadgṛhītvā tu mantrajñaḥ śuddhasnānaṃ tu kārayet / pūrvarātrau tu kartavyaḥ sūtrabandho yathāvidhi
Sanskrit only: no published translation is held for this verse.
वासाधिवासवत् कृत्वा मण्डपालंकृतिर्मुने । चतुरङ्गुलमुत्सेधं चतुर्हस्तप्रमाणतः
vāsādhivāsavat kṛtvā maṇḍapālaṃkṛtirmune / caturaṅgulamutsedhaṃ caturhastapramāṇataḥ
Sanskrit only: no published translation is held for this verse.
शालिभिर्वेदिकां सम्यक् कृत्वा मण्डपमध्यमे । तदर्धं तण्डुलैर्वेदिं तन्मध्ये तु समाचरेत्
śālibhirvedikāṃ samyak kṛtvā maṇḍapamadhyame / tadardhaṃ taṇḍulairvediṃ tanmadhye tu samācaret
Sanskrit only: no published translation is held for this verse.
धान्याभावे यथावेदिर्यथालाभं प्रशस्यते । यजमानेच्छया वेदिं कुर्यात्तन्त्रविचक्षणः
dhānyābhāve yathāvediryathālābhaṃ praśasyate / yajamānecchayā vediṃ kuryāttantravicakṣaṇaḥ
Sanskrit only: no published translation is held for this verse.
पूर्ववत् पद्ममालिख्य तन्मध्ये ऽष्टाक्षरं न्यसेत् । अष्टाक्षरस्य मध्ये तु चतुष्पादासनं न्यसेत्
pūrvavat padmamālikhya tanmadhye 'ṣṭākṣaraṃ nyaset / aṣṭākṣarasya madhye tu catuṣpādāsanaṃ nyaset
Sanskrit only: no published translation is held for this verse.
प्रोक्षयेन्मूलमन्त्रेण धर्मज्ञानादिकान् न्यसेत् । गन्धपुष्पादिनाभ्यर्च्य तन्मध्ये हरिमानयेत्
prokṣayenmūlamantreṇa dharmajñānādikān nyaset / gandhapuṣpādinābhyarcya tanmadhye harimānayet
Sanskrit only: no published translation is held for this verse.
पाद्यादिदीपपर्यन्तमर्चयेत् पुरुषोत्तमम् । कौतुकं बन्धयेत् पश्चात् पुण्डरीकाक्षविद्यया
pādyādidīpaparyantamarcayet puruṣottamam / kautukaṃ bandhayet paścāt puṇḍarīkākṣavidyayā
Sanskrit only: no published translation is held for this verse.
आढकत्रयसंपूर्णं शालितण्डुलमुत्तमम् । सौवर्णादिषु पात्रेषु ह्येकं गृह्य विचक्षणः
āḍhakatrayasaṃpūrṇaṃ śālitaṇḍulamuttamam / sauvarṇādiṣu pātreṣu hyekaṃ gṛhya vicakṣaṇaḥ
Sanskrit only: no published translation is held for this verse.
पूरयेत्तण्डुलं शुद्धं कुन्देन्दुधवलप्रभम् । तण्डुलोर्ध्वे ऽब्जमालिख्य चाष्टपत्रं सकर्णिकम्
pūrayettaṇḍulaṃ śuddhaṃ kundendudhavalaprabham / taṇḍulordhve 'bjamālikhya cāṣṭapatraṃ sakarṇikam
Sanskrit only: no published translation is held for this verse.
सौवर्णं राजतं वापि क्षौमसूत्रमथापि वा । कार्पाससूत्रकं वापि त्रिगुणीकृत्य नारद
sauvarṇaṃ rājataṃ vāpi kṣaumasūtramathāpi vā / kārpāsasūtrakaṃ vāpi triguṇīkṛtya nārada
Sanskrit only: no published translation is held for this verse.
त्रिगुणं त्रिगुणीकृत्य कर्णिकायां न्यसेत् क्रमात् । प्राच्यादि पश्चिमान्तेन विन्यसेत् सूत्रमुत्तमम्
triguṇaṃ triguṇīkṛtya karṇikāyāṃ nyaset kramāt / prācyādi paścimāntena vinyaset sūtramuttamam
Sanskrit only: no published translation is held for this verse.
गन्धादिदीपपर्यन्तमर्चयेत् कौतुकं क्रमात् । बन्धयेत् कौतुकं पश्चात् दक्षिणे भगवत्करे
gandhādidīpaparyantamarcayet kautukaṃ kramāt / bandhayet kautukaṃ paścāt dakṣiṇe bhagavatkare
Sanskrit only: no published translation is held for this verse.
अङ्गुष्ठानामिकाभ्यां तु आचार्यो मन्त्रमुच्चरन् । धूपात् भस्मं(?)समादाय रक्षां कृत्वा समन्त्रतः
aṅguṣṭhānāmikābhyāṃ tu ācāryo mantramuccaran / dhūpāt bhasmaṃ(?)samādāya rakṣāṃ kṛtvā samantrataḥ
Sanskrit only: no published translation is held for this verse.
ललाटे चाष्टदिग्बन्धं देवस्य परितः क्रमात् । हविर्निवेदयेत् पश्चात् साधकः परमेष्ठिना
lalāṭe cāṣṭadigbandhaṃ devasya paritaḥ kramāt / havirnivedayet paścāt sādhakaḥ parameṣṭhinā
Sanskrit only: no published translation is held for this verse.
अपूपादीनि सर्वाणि उपहाराणि दापयेत् । पानीयं च ततो दद्यात् मुखवासं निवेदयेत्
apūpādīni sarvāṇi upahārāṇi dāpayet / pānīyaṃ ca tato dadyāt mukhavāsaṃ nivedayet
Sanskrit only: no published translation is held for this verse.
छत्रं चामरमादर्शं देवेशाय निवेदयेत् । दिग्बन्धं कारयेत्तस्मिन् चक्रमन्त्रेण साधकः
chatraṃ cāmaramādarśaṃ deveśāya nivedayet / digbandhaṃ kārayettasmin cakramantreṇa sādhakaḥ
Sanskrit only: no published translation is held for this verse.
निवेदितं तु तत्सर्वमाचार्याय निवेदयेत् । तस्मिनन्निवेदितं सर्वं पुरोडाशसमं मुने
niveditaṃ tu tatsarvamācāryāya nivedayet / tasminanniveditaṃ sarvaṃ puroḍāśasamaṃ mune
Sanskrit only: no published translation is held for this verse.
तस्मात् सर्वप्रयत्नेन संग्रहेद्देवसंनिधौ । ग्रामायतनवृद्ध्यर्थं पूर्वादि परितोर्ऽचयेत्
tasmāt sarvaprayatnena saṃgraheddevasaṃnidhau / grāmāyatanavṛddhyarthaṃ pūrvādi paritor'cayet
Sanskrit only: no published translation is held for this verse.
कुमुदाद्याः प्रगृह्णन्तु सर्वे बलिमनुत्तमम् । घण्टाशब्दसमोपेतं धूपदीपसमन्वितम्
kumudādyāḥ pragṛhṇantu sarve balimanuttamam / ghaṇṭāśabdasamopetaṃ dhūpadīpasamanvitam
Sanskrit only: no published translation is held for this verse.
स्वस्तिवाचनसंयुक्तं नृततगीतसमन्वितम् । कारयेद्बलिदानं तु पुष्पाक्षतकुशोदकैः
svastivācanasaṃyuktaṃ nṛtatagītasamanvitam / kārayedbalidānaṃ tu puṣpākṣatakuśodakaiḥ
Sanskrit only: no published translation is held for this verse.
यदिदं देवदेवस्य तोषणार्थमिहोच्यते । रात्रिं(रात्रौ?)विसर्जयेत् पश्चात् पूर्वोक्तैर्द्रव्यविस्तरैः
yadidaṃ devadevasya toṣaṇārthamihocyate / rātriṃ(rātrau?)visarjayet paścāt pūrvoktairdravyavistaraiḥ
Sanskrit only: no published translation is held for this verse.
देवेशं चार्चयेत् सम्यक् सूक्तेन पुरुषेण च । वस्त्राभरणपुष्पाद्यैरलंकृत्य प्रयत्नतः
deveśaṃ cārcayet samyak sūktena puruṣeṇa ca / vastrābharaṇapuṣpādyairalaṃkṛtya prayatnataḥ
Sanskrit only: no published translation is held for this verse.
हविर्निवेदयेत् पश्चात् ताम्बूलं च तथैव च । आचार्यः समलंकृत्य होमकर्म समारभेत्
havirnivedayet paścāt tāmbūlaṃ ca tathaiva ca / ācāryaḥ samalaṃkṛtya homakarma samārabhet
Sanskrit only: no published translation is held for this verse.
नित्याग्नौ चोत्सवाग्नौ वा करयेद्विधिचोदितम् । समिदाज्यचरून् लाजान् पञ्चविंशतिसंख्यया
nityāgnau cotsavāgnau vā karayedvidhicoditam / samidājyacarūn lājān pañcaviṃśatisaṃkhyayā
Sanskrit only: no published translation is held for this verse.
कारयेत् स्वस्वजिह्वायां समिदादि यथाक्रमम् । समिधो मूलमन्त्रेण छन्दोमूलेन वै घृतम्
kārayet svasvajihvāyāṃ samidādi yathākramam / samidho mūlamantreṇa chandomūlena vai ghṛtam
Sanskrit only: no published translation is held for this verse.
ततस्तु विष्णुगायत्र्या यरुं हुत्वाक्षमात्रतः । लाजान् वेदादिमन्त्रेण जुहुयात्तन्त्रवित्तमः
tatastu viṣṇugāyatryā yaruṃ hutvākṣamātrataḥ / lājān vedādimantreṇa juhuyāttantravittamaḥ
Sanskrit only: no published translation is held for this verse.
बलिद्रव्यं च जुहुयात् चतुर्थ्यन्तादिना मुने । प्रायश्चित्ताहुतिं हूयात् पञ्चोपनिषदैः क्रमात्
balidravyaṃ ca juhuyāt caturthyantādinā mune / prāyaścittāhutiṃ hūyāt pañcopaniṣadaiḥ kramāt
Sanskrit only: no published translation is held for this verse.
पूर्णाहुतिं ततो हुत्वा द्वादशाक्षरविद्यया । नित्ये महोत्सवे चैव अमावास्योत्सवादिषु
pūrṇāhutiṃ tato hutvā dvādaśākṣaravidyayā / nitye mahotsave caiva amāvāsyotsavādiṣu
Sanskrit only: no published translation is held for this verse.
ब्रह्मप्रणीतमिध्मौ च नेष्यते मुनिसत्तम । एतत्ते कथितो होम अमावास्योत्सवादिषु
brahmapraṇītamidhmau ca neṣyate munisattama / etatte kathito homa amāvāsyotsavādiṣu
Sanskrit only: no published translation is held for this verse.
होमान्ते बलिदानं तु कारयेत्तन्त्रवित्तमः । पूर्ववद्बलिदानं तु प्रासादे तु यथाक्रमम्
homānte balidānaṃ tu kārayettantravittamaḥ / pūrvavadbalidānaṃ tu prāsāde tu yathākramam
Sanskrit only: no published translation is held for this verse.
कारयेन्मुनिशार्दूल सर्वदेवप्रियार्थकम् । ग्रामे वा नगरे वापि पत्तने वालये ऽपि वा
kārayenmuniśārdūla sarvadevapriyārthakam / grāme vā nagare vāpi pattane vālaye 'pi vā
Sanskrit only: no published translation is held for this verse.
एवमादिषु देशेषु कारयेद्बलिमुत्तमम् । मार्गशुद्धिं पुरा कृत्वा पूर्वाह्णे बलिमाचरेत्
evamādiṣu deśeṣu kārayedbalimuttamam / mārgaśuddhiṃ purā kṛtvā pūrvāhṇe balimācaret
Sanskrit only: no published translation is held for this verse.
मध्याह्ने यत्कृतं ब्रह्मन् बलिकर्माधमं भवेत् । पूर्वाह्णे ग्रामवृद्धिः स्यात् सर्वसंपत्सुखावहम्
madhyāhne yatkṛtaṃ brahman balikarmādhamaṃ bhavet / pūrvāhṇe grāmavṛddhiḥ syāt sarvasaṃpatsukhāvaham
Sanskrit only: no published translation is held for this verse.
मध्याह्ने त्वघनाशं तन्नगरादिषु वृद्धिकृत् । तस्मात् सर्वप्रयत्नेन पूर्वाह्णे बलिमाचरेत्
madhyāhne tvaghanāśaṃ tannagarādiṣu vṛddhikṛt / tasmāt sarvaprayatnena pūrvāhṇe balimācaret
Sanskrit only: no published translation is held for this verse.
पूर्ववद्देवदेवेशमलंकृत्य प्रयत्नतः । वासिताद्यैश्च मात्राभिस्तोषितं सुमनोरमम्
pūrvavaddevadeveśamalaṃkṛtya prayatnataḥ / vāsitādyaiśca mātrābhistoṣitaṃ sumanoramam
Sanskrit only: no published translation is held for this verse.
तद्बिम्बं शिबिकाद्येषु समारोप्य समाहितः । रथं तु शिबिकां वापि गजं वाश्ववरं तु वा
tadbimbaṃ śibikādyeṣu samāropya samāhitaḥ / rathaṃ tu śibikāṃ vāpi gajaṃ vāśvavaraṃ tu vā
Sanskrit only: no published translation is held for this verse.
प्रोक्षयेद्गारुडेनैव भूषयेद्गरुडं स्मरन् । छत्रध्वजवितानादीन् नृत्तगेयसमन्वितम्
prokṣayedgāruḍenaiva bhūṣayedgaruḍaṃ smaran / chatradhvajavitānādīn nṛttageyasamanvitam
Sanskrit only: no published translation is held for this verse.
शङ्खभेर्यादिनिर्घोषं महाजनसमन्वितम् । ग्रामादिवीथिकायां तु मध्ये ग्रामं परिभ्रमेत्
śaṅkhabheryādinirghoṣaṃ mahājanasamanvitam / grāmādivīthikāyāṃ tu madhye grāmaṃ paribhramet
Sanskrit only: no published translation is held for this verse.
ग्रामादिवास्तुदेशेषु कुमुदादीन् समर्चयेत् । देवागारेषु सर्वेषु महाशास्तालयेषु च
grāmādivāstudeśeṣu kumudādīn samarcayet / devāgāreṣu sarveṣu mahāśāstālayeṣu ca
Sanskrit only: no published translation is held for this verse.
कूपे चैव (कूपेषु च?) तटाकेषु सङ्गमेषु च वीथितः । तत्तद्देशे मुनिश्रेष्ठ सर्वभूतगणान् न्यसेत्
kūpe caiva (kūpeṣu ca?) taṭākeṣu saṅgameṣu ca vīthitaḥ / tattaddeśe muniśreṣṭha sarvabhūtagaṇān nyaset
Sanskrit only: no published translation is held for this verse.
देवस्य संनिधौ तस्मिन् बलिदानं समाचरेत् । पायसान्नं गुलोपेतं तुलसीपत्रसंयुतम्
devasya saṃnidhau tasmin balidānaṃ samācaret / pāyasānnaṃ gulopetaṃ tulasīpatrasaṃyutam
Sanskrit only: no published translation is held for this verse.
करवीरसमायुक्तं श्वेतरक्ताक्षतैर्युतम् । तिलोदकसमोपेतं बलिद्रव्यैश्च संयुतम्
karavīrasamāyuktaṃ śvetaraktākṣatairyutam / tilodakasamopetaṃ balidravyaiśca saṃyutam
Sanskrit only: no published translation is held for this verse.
कृमिकीटपतङ्गाद्यैः स्पर्शिते ऽस्मिन् प्रमादतः । बलिद्रव्ये मुनिश्रेष्ठ सन्त्याज्यं देवतार्चने
kṛmikīṭapataṅgādyaiḥ sparśite 'smin pramādataḥ / balidravye muniśreṣṭha santyājyaṃ devatārcane
Sanskrit only: no published translation is held for this verse.
अक्षतैर्वाथ पुष्पैर्वा यथासंभवमर्चयेत् । कारयेद्वास्तुदेशेषु तत्तन्मन्त्रमनुस्मरन्
akṣatairvātha puṣpairvā yathāsaṃbhavamarcayet / kārayedvāstudeśeṣu tattanmantramanusmaran
Sanskrit only: no published translation is held for this verse.
उत्तर्यीष्णीषसंयुक्तः आचार्यो बलिमाचरेत् । बल्यन्ते परमात्मानमर्घ्यपाद्यादिनार्चयेत्
uttaryīṣṇīṣasaṃyuktaḥ ācāryo balimācaret / balyante paramātmānamarghyapādyādinārcayet
Sanskrit only: no published translation is held for this verse.
सर्वमङ्गलकार्ये ऽस्मिन् मङ्गलालापनं कुरु । तृतीयसवने गत्वा देवागारे मुनीश्वर
sarvamaṅgalakārye 'smin maṅgalālāpanaṃ kuru / tṛtīyasavane gatvā devāgāre munīśvara
Sanskrit only: no published translation is held for this verse.
पाद्यादिसप्तकं दत्वा ततः स्नपनमारभेत् । मण्डपं समलंकृत्य शालिना वेदिमाचरेत्
pādyādisaptakaṃ datvā tataḥ snapanamārabhet / maṇḍapaṃ samalaṃkṛtya śālinā vedimācaret
Sanskrit only: no published translation is held for this verse.
तत्र मध्ये तु मतिमान् कलशान् विनिवेशयेत् । शाल्मलीकिंशुकापुष्पसंकाशान् सूत्रवेष्टितान्
tatra madhye tu matimān kalaśān viniveśayet / śālmalīkiṃśukāpuṣpasaṃkāśān sūtraveṣṭitān
Sanskrit only: no published translation is held for this verse.
वेदिकोपरि संस्थाप्य चतुर्वेदादिमन्त्रतः । तेषां मध्ये मुनिश्रेष्ठ द्रव्याणि विनिवेशयेत्
vedikopari saṃsthāpya caturvedādimantrataḥ / teṣāṃ madhye muniśreṣṭha dravyāṇi viniveśayet
Sanskrit only: no published translation is held for this verse.
पाद्यं तु मध्यमे भागे पूर्वभागेर्ऽघ्यमेव च । याम्ये त्वाचमनीयं स्याद्गन्धं वारुणगोचरे
pādyaṃ tu madhyame bhāge pūrvabhāger'ghyameva ca / yāmye tvācamanīyaṃ syādgandhaṃ vāruṇagocare
Sanskrit only: no published translation is held for this verse.
पुष्पतोयं न्यसेत् सोमे कृशानौ तण्डुलोदकम् । नैरृते दधि विन्यस्य वायव्ये क्षीरमेव च
puṣpatoyaṃ nyaset some kṛśānau taṇḍulodakam / nairṛte dadhi vinyasya vāyavye kṣīrameva ca
Sanskrit only: no published translation is held for this verse.
ऐशान्ये विन्यसेदाज्यं गन्धयुक्तं शुभं मुने । एवं तु नवकं स्थाप्य कूर्चांस्तेषु विनिक्षिपेत्
aiśānye vinyasedājyaṃ gandhayuktaṃ śubhaṃ mune / evaṃ tu navakaṃ sthāpya kūrcāṃsteṣu vinikṣipet
Sanskrit only: no published translation is held for this verse.
चक्रिकां स्थापयेत्तेषु गन्धपुष्पं विनिक्षिपेत् । ततस्तु रजनीचूर्णं पूर्वे वा चोत्तरे ऽथ वा
cakrikāṃ sthāpayetteṣu gandhapuṣpaṃ vinikṣipet / tatastu rajanīcūrṇaṃ pūrve vā cottare 'tha vā
Sanskrit only: no published translation is held for this verse.
स्थापयित्वार्चयेत्तस्मिन् गन्धपुष्पाक्षतैः क्रमात् । कलशान् नववस्त्रैस्तु वेष्टयेत् प्रणवेन तु
sthāpayitvārcayettasmin gandhapuṣpākṣataiḥ kramāt / kalaśān navavastraistu veṣṭayet praṇavena tu
Sanskrit only: no published translation is held for this verse.
पुण्याहं वाचयेत् सम्यग्याथातथ्येन नारद । गन्धपुषपादिनाभ्यर्च्य तोरणे ऽष्टघटान् न्यसेत्
puṇyāhaṃ vācayet samyagyāthātathyena nārada / gandhapuṣapādinābhyarcya toraṇe 'ṣṭaghaṭān nyaset
Sanskrit only: no published translation is held for this verse.
पूर्वादि चोत्तरान्तेषु द्वौ द्वौ तु कलशौ न्यसेत् । गन्धतोयेन संपूर्य गन्धपुष्पादिनार्चयेत्
pūrvādi cottarānteṣu dvau dvau tu kalaśau nyaset / gandhatoyena saṃpūrya gandhapuṣpādinārcayet
Sanskrit only: no published translation is held for this verse.
स्वनाम्ना चैव सर्वेषां मन्त्रं तु मुनिपुङ्गव । षडक्षरमनुस्मृत्य साधकः परमार्थवित्
svanāmnā caiva sarveṣāṃ mantraṃ tu munipuṅgava / ṣaḍakṣaramanusmṛtya sādhakaḥ paramārthavit
Sanskrit only: no published translation is held for this verse.
पाद्याद्यैः कलशैः सर्वैः देवेशमभिषेचयेत् । स्नपनान्ते तु मन्त्रज्ञो रजनीमभिषेचयेत्
pādyādyaiḥ kalaśaiḥ sarvaiḥ deveśamabhiṣecayet / snapanānte tu mantrajño rajanīmabhiṣecayet
Sanskrit only: no published translation is held for this verse.
शुद्धस्नानं ततः कृत्वा अलंकृत्य जनार्दनम् । स्नानोदकं तो गृह्य वैष्णवान् प्रोक्षयेद्बुधः
śuddhasnānaṃ tataḥ kṛtvā alaṃkṛtya janārdanam / snānodakaṃ to gṛhya vaiṣṇavān prokṣayedbudhaḥ
Sanskrit only: no published translation is held for this verse.
तं गृहीत्वा तु भक्तानां सर्वेषां मूर्ध्नि निक्षिपेत् । गङ्गास्नानफलं पुण्यं सर्वपापप्रणाशनम्
taṃ gṛhītvā tu bhaktānāṃ sarveṣāṃ mūrdhni nikṣipet / gaṅgāsnānaphalaṃ puṇyaṃ sarvapāpapraṇāśanam
Sanskrit only: no published translation is held for this verse.
सर्वसंपत्समृद्धिः स्यादिति शास्त्रस्य निश्चयः । पूर्ववद्यानमध्ये तु देवमारोप्य मन्त्रवित्
sarvasaṃpatsamṛddhiḥ syāditi śāstrasya niścayaḥ / pūrvavadyānamadhye tu devamāropya mantravit
Sanskrit only: no published translation is held for this verse.
पुराणोक्ततटाके वा नदीतीरे ऽथवा मुने । देवदेवं समानीय मूलमन्त्रेण साधकः
purāṇoktataṭāke vā nadītīre 'thavā mune / devadevaṃ samānīya mūlamantreṇa sādhakaḥ
Sanskrit only: no published translation is held for this verse.
स्नापयेत्तेयमध्ये तु पूर्ववन्मुनिपुङ्गव । महाजनान् समाहूय दद्यात्तीर्थमनुत्तमम्
snāpayetteyamadhye tu pūrvavanmunipuṅgava / mahājanān samāhūya dadyāttīrthamanuttamam
Sanskrit only: no published translation is held for this verse.
स्वस्तिवाचनसंयुक्तं शङ्खदुन्दुभिसंयुतम् । देवालयं क्रमाद्गत्वा द्वारमाश्रित्य नारद
svastivācanasaṃyuktaṃ śaṅkhadundubhisaṃyutam / devālayaṃ kramādgatvā dvāramāśritya nārada
Sanskrit only: no published translation is held for this verse.
अर्घ्यपाद्यादिनाभ्यर्च्य रक्षां कुर्वीत मन्त्रवित् । अन्नेन वाथ पुष्पैर्वा अष्टदिग्बलिमाचरेत्
arghyapādyādinābhyarcya rakṣāṃ kurvīta mantravit / annena vātha puṣpairvā aṣṭadigbalimācaret
Sanskrit only: no published translation is held for this verse.
सुदर्शनेन मन्त्रेण पूर्वादिषु यथाक्रमम् । देवागारं समाश्रित्य स्वस्तिवाचनपूर्वकम्
sudarśanena mantreṇa pūrvādiṣu yathākramam / devāgāraṃ samāśritya svastivācanapūrvakam
Sanskrit only: no published translation is held for this verse.
पूर्ववद्देवमभ्यर्च्य महान्नं च निवेदयेत् । आचार्यं पूजयेत् पश्चात् यथाशक्त्यत्र नारद
pūrvavaddevamabhyarcya mahānnaṃ ca nivedayet / ācāryaṃ pūjayet paścāt yathāśaktyatra nārada
Sanskrit only: no published translation is held for this verse.
अपूपादीनि चान्यानि उपहाराणि दापयेत् । ताम्बूलं दापयेत् पश्चात् विधिवत् परमेष्ठिना
apūpādīni cānyāni upahārāṇi dāpayet / tāmbūlaṃ dāpayet paścāt vidhivat parameṣṭhinā
Sanskrit only: no published translation is held for this verse.
शेषकर्माणि सर्वाणि राजवत् प्रतिकारयेत् । यः कारयेत्तु मतिमान् इहलाके श्रियं लभेत्
śeṣakarmāṇi sarvāṇi rājavat pratikārayet / yaḥ kārayettu matimān ihalāke śriyaṃ labhet
Sanskrit only: no published translation is held for this verse.
स याति विष्णुसालोक्यं विष्णुसारूप्यमेव च । अथ वा मुनिशार्दूल तीर्थस्नानविधिं शृणु
sa yāti viṣṇusālokyaṃ viṣṇusārūpyameva ca / atha vā muniśārdūla tīrthasnānavidhiṃ śṛṇu
Sanskrit only: no published translation is held for this verse.
नदीपुलिनतीरे तु मण्डपं कारयेत् क्रमात् । अथ वा सुप्रपां कृत्वा चतुर्द्वारसमन्विताम्
nadīpulinatīre tu maṇḍapaṃ kārayet kramāt / atha vā suprapāṃ kṛtvā caturdvārasamanvitām
Sanskrit only: no published translation is held for this verse.
वासाधिवासने प्रोक्तं प्रपालक्षणमुत्तमम् । एवं लक्षणसंयुक्तां प्रपां कृत्वा मुनीश्वर
vāsādhivāsane proktaṃ prapālakṣaṇamuttamam / evaṃ lakṣaṇasaṃyuktāṃ prapāṃ kṛtvā munīśvara
Sanskrit only: no published translation is held for this verse.
ऐन्द्रादीशानपर्यन्तं गोमयेनानुलेपयेत् । पूर्वोक्तशालीनास्तीर्य वितानाद्यैरलंकृतम्
aindrādīśānaparyantaṃ gomayenānulepayet / pūrvoktaśālīnāstīrya vitānādyairalaṃkṛtam
Sanskrit only: no published translation is held for this verse.
पुष्पमालादिसंयुक्तं तन्मध्ये कलशान् न्यसेत् । पूर्ववन्नवकं स्थाप्य पूर्ववत् स्नानमाचरेत्
puṣpamālādisaṃyuktaṃ tanmadhye kalaśān nyaset / pūrvavannavakaṃ sthāpya pūrvavat snānamācaret
Sanskrit only: no published translation is held for this verse.
तीर्थस्नानं ततो ब्रह्मन् महाजनसमन्वितम् । नद्यां ह्रदे तटाके वा देवेशं स्नानमाचरेत्
tīrthasnānaṃ tato brahman mahājanasamanvitam / nadyāṃ hrade taṭāke vā deveśaṃ snānamācaret
Sanskrit only: no published translation is held for this verse.
तीरे देवं समानीय शुद्धस्नानं समाचरेत् । अर्घ्यादिनार्चयेद्देवमलंकृत्य प्रयत्नतः
tīre devaṃ samānīya śuddhasnānaṃ samācaret / arghyādinārcayeddevamalaṃkṛtya prayatnataḥ
Sanskrit only: no published translation is held for this verse.
शेषकर्माणि सर्वाणि अस्मिन् पूर्ववदाचरेत् । द्विप्रकारं मया प्रोक्तं तीर्थस्नानं मुनीश्वर
śeṣakarmāṇi sarvāṇi asmin pūrvavadācaret / dviprakāraṃ mayā proktaṃ tīrthasnānaṃ munīśvara
Sanskrit only: no published translation is held for this verse.
साधकेच्छानुरूपेण यथायोगं समाचरेत् । तीर्थस्नानविधिः प्रोक्तः पूर्वपूर्वा गरीयसी
sādhakecchānurūpeṇa yathāyogaṃ samācaret / tīrthasnānavidhiḥ proktaḥ pūrvapūrvā garīyasī
Sanskrit only: no published translation is held for this verse.
एवं संक्षेपतः प्रोक्तममावास्योत्सवं परम् । अन्यथा निष्फलं याति रोगवृद्धिर्धनक्षयः
evaṃ saṃkṣepataḥ proktamamāvāsyotsavaṃ param / anyathā niṣphalaṃ yāti rogavṛddhirdhanakṣayaḥ
Sanskrit only: no published translation is held for this verse.