सायुज्यफलमाप्नोति सत्यमेतन्न संशयः ॥ इति श्रीपाञ्चरात्रे विष्वक्सेनसंहितायां जयन्त्युत्सवविधानं नाम त्रिंशो ऽध्यायः ॥ एकत्रिंशो ऽध्यायः नारदः--- पवित्रारोपणे पुष्पयागे प्रति- ष्ठाद्युत्सवे दीक्षाविधानादिकाले । यदुक्तं पुरा देवास (देवसे?) नेश वर्णैः कथं मण्डलं वर्तिते तत्र काले
sāyujyaphalamāpnoti satyametanna saṃśayaḥ // iti śrīpāñcarātre viṣvaksenasaṃhitāyāṃ jayantyutsavavidhānaṃ nāma triṃśo 'dhyāyaḥ || ekatriṃśo 'dhyāyaḥ nāradaḥ--- pavitrāropaṇe puṣpayāge prati- ṣṭhādyutsave dīkṣāvidhānādikāle / yaduktaṃ purā devāsa (devase?) neśa varṇaiḥ kathaṃ maṇḍalaṃ vartite tatra kāle
Sanskrit only: no published translation is held for this verse.
विष्वक्सेनः--- मुने देशकालोक्तवर्णादिहीने यथा कर्तृरिच्छानुरूपं तु कार्या । क्रिया साधकैस्ते प्रवक्ष्याम्युपायं मुने तत्त्वतस्तच्छृणुष्वादिगुप्तम्
viṣvaksenaḥ--- mune deśakāloktavarṇādihīne yathā kartṛricchānurūpaṃ tu kāryā / kriyā sādhakaiste pravakṣyāmyupāyaṃ mune tattvatastacchṛṇuṣvādiguptam
Sanskrit only: no published translation is held for this verse.
सरोजं त्वनामिकया साधकः संविलिप्ते स्वहस्तविस्तारदीर्घे । शुचौ भूतले द्रोणशाल्यक्षतसं- कीर्णे सकर्णिकाष्टपत्रं यथेच्छतम्
sarojaṃ tvanāmikayā sādhakaḥ saṃvilipte svahastavistāradīrghe / śucau bhūtale droṇaśālyakṣatasaṃ- kīrṇe sakarṇikāṣṭapatraṃ yathecchatam
Sanskrit only: no published translation is held for this verse.
नारदः--- श्रुत्वानन्दनभेदादनन्तार्चनादि- क्रिया वाहिनीनाथ युष्मत्प्रसादात् । गुरो मूलमन्त्रप्रभावं मनीषा मम श्रोतुमासीज्जगत्कारणस्य
nāradaḥ--- śrutvānandanabhedādanantārcanādi- kriyā vāhinīnātha yuṣmatprasādāt / guro mūlamantraprabhāvaṃ manīṣā mama śrotumāsījjagatkāraṇasya
Sanskrit only: no published translation is held for this verse.
विष्वक्सेनः--- शृणुष्व प्रभावो ऽस्य पद्मासने- नाप्यचिन्त्यश्रुतौ बन्धमूलस्य । अष्टाक्षरस्येयमीदृक् तथा येनाभिभाषितुः शक्तिर्मुने भो
viṣvaksenaḥ--- śṛṇuṣva prabhāvo 'sya padmāsane- nāpyacintyaśrutau bandhamūlasya / aṣṭākṣarasyeyamīdṛk tathā yenābhibhāṣituḥ śaktirmune bho
Sanskrit only: no published translation is held for this verse.
तथा प्रसादाद्यथा देवदेवः स्वयं भ्रान्तिनाशाय भक्तार्तिहारी । यदाज्ञप्तवान् मूलविद्याप्रभावं मुने वैष्णवत्वात्तवाहं ब्रवीमि
tathā prasādādyathā devadevaḥ svayaṃ bhrāntināśāya bhaktārtihārī / yadājñaptavān mūlavidyāprabhāvaṃ mune vaiṣṇavatvāttavāhaṃ bravīmi
Sanskrit only: no published translation is held for this verse.
स्वार्थे परार्थेर्ऽचकस्त्वर्चनायै सुप्ततद्द्वयं पूतदेशे निषण्णः । ततोपायतया भक्तितत्त्वार्णबीज- च्छन्दोमुनिक्षेत्रदेवे च मानवाः
svārthe parārther'cakastvarcanāyai suptataddvayaṃ pūtadeśe niṣaṇṇaḥ / tatopāyatayā bhaktitattvārṇabīja- cchandomunikṣetradeve ca mānavāḥ
Sanskrit only: no published translation is held for this verse.
स्वयं वा यथाशक्तिजप्त्वाङ्गुलीभिः समस्ताभिरामृष्टदृग्देशदेहः । भवेद्धूतपापः कृतार्थेर्थाधी स्वयं देववत् पूजितश्चैव भक्तैः
svayaṃ vā yathāśaktijaptvāṅgulībhiḥ samastābhirāmṛṣṭadṛgdeśadehaḥ / bhaveddhūtapāpaḥ kṛtārtherthādhī svayaṃ devavat pūjitaścaiva bhaktaiḥ
Sanskrit only: no published translation is held for this verse.
आवाहनाद्यर्चनाङ्गेन युक्ता वियुक्तपापा मूलमन्त्रप्रभावात् । विरिञ्चात्मजार्चा कृता प्रीतिकारि- ण्यनन्तस्य विष्णोरशेषाण्डयोनेः
āvāhanādyarcanāṅgena yuktā viyuktapāpā mūlamantraprabhāvāt / viriñcātmajārcā kṛtā prītikāri- ṇyanantasya viṣṇoraśeṣāṇḍayoneḥ
Sanskrit only: no published translation is held for this verse.
नारदः--- आवाहनं नाम मन्त्रेण लक्ष्मी- धरस्याभिमुखस्य क्रियासङ्गस्य । मन्त्रात्मनो मन्त्रकर्तुः प्रतीते- ष्वनेनैव संस्थापनादि प्रियास्य
nāradaḥ--- āvāhanaṃ nāma mantreṇa lakṣmī- dharasyābhimukhasya kriyāsaṅgasya / mantrātmano mantrakartuḥ pratīte- ṣvanenaiva saṃsthāpanādi priyāsya
Sanskrit only: no published translation is held for this verse.
हरिर्जङ्गमेश्वरतस्तानि काले स्थितो नित्यमाहूतये यत्तदा किम् । कथं मूलबेरस्थितो वासुदेवो नरेण तु काचोत्सवादिप्रतीतेः
harirjaṅgameśvaratastāni kāle sthito nityamāhūtaye yattadā kim / kathaṃ mūlaberasthito vāsudevo nareṇa tu kācotsavādipratīteḥ
Sanskrit only: no published translation is held for this verse.
वदानीकिनीनाथ गुह्यं परिष्ठं गुरो संशयं भक्तिमानित्यमुष्मिन् । विष्वक्सनेः--- प्रश्नं त्वदन्यः कथं प्रष्टुमीष्टे मुने ऽनेन तुष्टः प्रवक्ष्यामि तुभ्यम्
vadānīkinīnātha guhyaṃ pariṣṭhaṃ guro saṃśayaṃ bhaktimānityamuṣmin / viṣvaksaneḥ--- praśnaṃ tvadanyaḥ kathaṃ praṣṭumīṣṭe mune 'nena tuṣṭaḥ pravakṣyāmi tubhyam
Sanskrit only: no published translation is held for this verse.
हरेः पूजनाङ्गोपचारे यत्त- त्वावाहनं त्वत्सद्भावहेतोः । मुने यौगपद्येन सांनिध्यमस्मिन् क्रमेणेति वा संशयः प्रादुरासीत्
hareḥ pūjanāṅgopacāre yatta- tvāvāhanaṃ tvatsadbhāvahetoḥ / mune yaugapadyena sāṃnidhyamasmin krameṇeti vā saṃśayaḥ prādurāsīt
Sanskrit only: no published translation is held for this verse.
एकप्रदीपोत्थिता दीपमाला दापे यथा यौगपद्येन देवः । तथा वासुदेवो लिखेत्तु प्रतीके मुने संनिधिं दास्यतीति प्रतीतिः
ekapradīpotthitā dīpamālā dāpe yathā yaugapadyena devaḥ / tathā vāsudevo likhettu pratīke mune saṃnidhiṃ dāsyatīti pratītiḥ
Sanskrit only: no published translation is held for this verse.
अथान्यो महाभोगयोगप्रदायी प्रजानां तथा वृद्धिदो मुक्तिदश्च । परं मूलमन्त्रेण संस्मृत्य पञ्चा- ङ्गुलं हृदि स्पृश्य बिम्बस्य मुद्राम्
athānyo mahābhogayogapradāyī prajānāṃ tathā vṛddhido muktidaśca / paraṃ mūlamantreṇa saṃsmṛtya pañcā- ṅgulaṃ hṛdi spṛśya bimbasya mudrām
Sanskrit only: no published translation is held for this verse.
प्रदृश्याङ्गुलिसंज्ञितां पादमूले प्रणम्याक्षतं वापि पुष्पं प्रकीर्य । मुने विद्ययाष्टार्णयैवाथ चार्घ्यं पुनः पाद्याचमनं गन्धपुष्पम्
pradṛśyāṅgulisaṃjñitāṃ pādamūle praṇamyākṣataṃ vāpi puṣpaṃ prakīrya / mune vidyayāṣṭārṇayaivātha cārghyaṃ punaḥ pādyācamanaṃ gandhapuṣpam
Sanskrit only: no published translation is held for this verse.
ततो धूपदीपं प्रदायाथ भूतान्नं निवेद्यान्तरावरणं कल्प्य सम्यक् । तथावरणानां यथापूर्वमर्घ्या- द्यनेनैव मन्त्रेण पुष्पं प्रदाय
tato dhūpadīpaṃ pradāyātha bhūtānnaṃ nivedyāntarāvaraṇaṃ kalpya samyak / tathāvaraṇānāṃ yathāpūrvamarghyā- dyanenaiva mantreṇa puṣpaṃ pradāya
Sanskrit only: no published translation is held for this verse.
निवेद्याथ ताम्बूलिकामच्युताय प्रदीप्यो बलिं होममन्ते विधाय । समस्ताधिकः सर्वसिद्धिप्रदायी नृपादिप्रियो योगसिद्धिं लभेत
nivedyātha tāmbūlikāmacyutāya pradīpyo baliṃ homamante vidhāya / samastādhikaḥ sarvasiddhipradāyī nṛpādipriyo yogasiddhiṃ labheta
Sanskrit only: no published translation is held for this verse.
नारदः--- एकः प्रधानः कथं पूज्यते स्वे- पदे चावृतासने वासुदेवः । गुरो विष्णुसेनापते वक्तुमर्ह- स्यशेषेण मे संशयच्छेदनाय
nāradaḥ--- ekaḥ pradhānaḥ kathaṃ pūjyate sve- pade cāvṛtāsane vāsudevaḥ / guro viṣṇusenāpate vaktumarha- syaśeṣeṇa me saṃśayacchedanāya
Sanskrit only: no published translation is held for this verse.
विष्वक्सेनः--- यथा पावकस्थानभेदात् क्रियैको मखेष्विज्यते वासुदवो द्विजेन्द्रैः । तथा विष्टरे स्वे पदे च वृताव- प्यनन्तोच्यते स्थानभेदेन भेदः
viṣvaksenaḥ--- yathā pāvakasthānabhedāt kriyaiko makheṣvijyate vāsudavo dvijendraiḥ / tathā viṣṭare sve pade ca vṛtāva- pyanantocyate sthānabhedena bhedaḥ
Sanskrit only: no published translation is held for this verse.