विष्वक्सेनः--- अथातः संप्रवक्ष्यामि परिवारस्य लक्षणम् । शृणु देवमुनिश्रेष्ठ महापीठावसानकम्
viṣvaksenaḥ--- athātaḥ saṃpravakṣyāmi parivārasya lakṣaṇam / śṛṇu devamuniśreṣṭha mahāpīṭhāvasānakam
Sanskrit only: no published translation is held for this verse.
तालद्वयं तदर्धं वा प्रासादात् परिवारकम् । विसृज्य कल्पयेद्धीमान् द्वित्रिहसतमथापि वा
tāladvayaṃ tadardhaṃ vā prāsādāt parivārakam / visṛjya kalpayeddhīmān dvitrihasatamathāpi vā
Sanskrit only: no published translation is held for this verse.
चतुर्हस्तं पञ्चहस्तं व्यपोह्यन्ते महामुने । कल्पयेत् परिवाराणां हस्तमात्रं समन्ततः
caturhastaṃ pañcahastaṃ vyapohyante mahāmune / kalpayet parivārāṇāṃ hastamātraṃ samantataḥ
Sanskrit only: no published translation is held for this verse.
शिलाभिरिष्टकाभिर्वा आचार्याङ्गुलिना मुने । चतुरङ्गुलमुत्सेधं मध्ये पद्मं सकर्णिकम्
śilābhiriṣṭakābhirvā ācāryāṅgulinā mune / caturaṅgulamutsedhaṃ madhye padmaṃ sakarṇikam
Sanskrit only: no published translation is held for this verse.
कारयेत् परितः पीठं मेखलाद्वयसंयुतम् । तालमात्रेण वा कुर्यात् बलिपीठं समन्ततः
kārayet paritaḥ pīṭhaṃ mekhalādvayasaṃyutam / tālamātreṇa vā kuryāt balipīṭhaṃ samantataḥ
Sanskrit only: no published translation is held for this verse.
तथैव परिवाराणां प्राकारान्मानमत्र तु । एवं कल्प्य ततो पीठं परिवारस्य तु सर्वशः
tathaiva parivārāṇāṃ prākārānmānamatra tu / evaṃ kalpya tato pīṭhaṃ parivārasya tu sarvaśaḥ
Sanskrit only: no published translation is held for this verse.
मण्डपाद्वा महापीठं प्राकाराद्वा महामुने । हस्तं षोडशमुत्सृज्य आचार्याङ्गुलिनाग्रतः
maṇḍapādvā mahāpīṭhaṃ prākārādvā mahāmune / hastaṃ ṣoḍaśamutsṛjya ācāryāṅgulināgrataḥ
Sanskrit only: no published translation is held for this verse.
अष्टहस्तं तदर्धं वा विसृज्यान्ते महामुने । कारयेद्वा महापीठं पूर्वापूर्वा गरीयसी
aṣṭahastaṃ tadardhaṃ vā visṛjyānte mahāmune / kārayedvā mahāpīṭhaṃ pūrvāpūrvā garīyasī
Sanskrit only: no published translation is held for this verse.
तल्लक्षणं प्रवक्ष्यामि भुक्तिमुक्तिप्रदं शुभम् । विविक्तने परं गुह्यं शृणु नारद तत्त्वतः
tallakṣaṇaṃ pravakṣyāmi bhuktimuktipradaṃ śubham / viviktane paraṃ guhyaṃ śṛṇu nārada tattvataḥ
Sanskrit only: no published translation is held for this verse.
त्रिचतुःपञ्चहस्तं वा विस्तारायामतादृशम् (-तः समम्?) । पादुकाद्यब्जपर्यन्तमुत्तमादिक्रमेण तु
tricatuḥpañcahastaṃ vā vistārāyāmatādṛśam (-taḥ samam?) / pādukādyabjaparyantamuttamādikrameṇa tu
Sanskrit only: no published translation is held for this verse.
कारयेच्छास्त्रदृष्टेन शिल्पिना कुशलेन तु । उत्तमे ऽप्युत्तमं कुर्यात् मध्यमे मध्यमं कुरु
kārayecchāstradṛṣṭena śilpinā kuśalena tu / uttame 'pyuttamaṃ kuryāt madhyame madhyamaṃ kuru
Sanskrit only: no published translation is held for this verse.
अधमे ऽप्यधमं कुर्यात् विभवस्यानु रूपतः । षट्सप्तहस्तायतं वापि(?)तत्समं विस्तृतं भवेत्
adhame 'pyadhamaṃ kuryāt vibhavasyānu rūpataḥ / ṣaṭsaptahastāyataṃ vāpi(?)tatsamaṃ vistṛtaṃ bhavet
Sanskrit only: no published translation is held for this verse.
एवं ज्ञात्वा महापीठं कल्पयेत् सुमनोरमम् । युक्त्या युक्तिविशेषेण कारयेद्बलिपीठकम्
evaṃ jñātvā mahāpīṭhaṃ kalpayet sumanoramam / yuktyā yuktiviśeṣeṇa kārayedbalipīṭhakam
Sanskrit only: no published translation is held for this verse.
एकविंशतिभागेन तत्क्रमं शृणु सुव्रत । अड्गेन पादुकं (का?) चैव पञ्चकैर्जगती तथा
ekaviṃśatibhāgena tatkramaṃ śṛṇu suvrata / aḍgena pādukaṃ (kā?) caiva pañcakairjagatī tathā
Sanskrit only: no published translation is held for this verse.
त्रियंशं कुमुदं चैव एकांशेन तु पट्टिका । गलं चैव चतुर्भागं भागं चैवोर्ध्वपट्टिका
triyaṃśaṃ kumudaṃ caiva ekāṃśena tu paṭṭikā / galaṃ caiva caturbhāgaṃ bhāgaṃ caivordhvapaṭṭikā
Sanskrit only: no published translation is held for this verse.
त्रियंशेर्वलभी छन्दः त्रियंशं कर्णिकोच्छ्रयम् (-यः?) । एवं कृत्वा महापीठं शित्र्पिना कुशलेन तु
triyaṃśervalabhī chandaḥ triyaṃśaṃ karṇikocchrayam (-yaḥ?) / evaṃ kṛtvā mahāpīṭhaṃ śitrpinā kuśalena tu
Sanskrit only: no published translation is held for this verse.
शिल्पकार्यावसाने तु प्रोक्षयेत्तन्त्रवित्तमः । अथातः संप्रवक्ष्यामि प्रोक्षणं बलिपीठके
śilpakāryāvasāne tu prokṣayettantravittamaḥ / athātaḥ saṃpravakṣyāmi prokṣaṇaṃ balipīṭhake
Sanskrit only: no published translation is held for this verse.
अयने चोत्तरे कुर्यात् पूर्वपक्षे शुभे ऽहनि । कल्याणवारे सुतिथौ पूर्वेद्युः कारयेद्बुधः
ayane cottare kuryāt pūrvapakṣe śubhe 'hani / kalyāṇavāre sutithau pūrvedyuḥ kārayedbudhaḥ
Sanskrit only: no published translation is held for this verse.
तक्षक्रियां समाप्याथ प्रोक्षयेत्तन्त्रवित्तमः । पुण्याहं कारयेत्तत्र प्रोक्षयेत् पञ्चमन्त्रकैः
takṣakriyāṃ samāpyātha prokṣayettantravittamaḥ / puṇyāhaṃ kārayettatra prokṣayet pañcamantrakaiḥ
Sanskrit only: no published translation is held for this verse.
देवाग्रपीठयोर्मध्ये मण्डपं कारयेत् सुधीः । मण्डपस्य विधानेन तोरणानि तु पूर्ववत्
devāgrapīṭhayormadhye maṇḍapaṃ kārayet sudhīḥ / maṇḍapasya vidhānena toraṇāni tu pūrvavat
Sanskrit only: no published translation is held for this verse.
कृत्वा तु पूर्ववत् सम्यक् वेदिं कुर्यात्तु मध्यतः । चतुर्हस्तं द्विहस्तं वा एकहस्तोच्छ्रयं मने
kṛtvā tu pūrvavat samyak vediṃ kuryāttu madhyataḥ / caturhastaṃ dvihastaṃ vā ekahastocchrayaṃ mane
Sanskrit only: no published translation is held for this verse.
सुस्निग्धं (-ग्धां?) कारयेत्तत्र दर्पणोदरसंनिभ (-भा?)म् । गोमयेनोपलिप्याथ प्रोक्षयेद्गन्धवारिणा
susnigdhaṃ (-gdhāṃ?) kārayettatra darpaṇodarasaṃnibha (-bhā?)m / gomayenopalipyātha prokṣayedgandhavāriṇā
Sanskrit only: no published translation is held for this verse.
तद्वेदिपीठयोर्मध्ये वृत्तं वा चतुरश्रकम् । कारयेत्तत्र कुण्डं तु मध्यमे होममाचरेत्
tadvedipīṭhayormadhye vṛttaṃ vā caturaśrakam / kārayettatra kuṇḍaṃ tu madhyame homamācaret
Sanskrit only: no published translation is held for this verse.
शालिद्रोणद्वये वेद्यां सकूर्चं सापिधानकम् । सहिरण्यं सवस्त्रं च सरित्सलिलपूरितम्
śālidroṇadvaye vedyāṃ sakūrcaṃ sāpidhānakam / sahiraṇyaṃ savastraṃ ca saritsalilapūritam
Sanskrit only: no published translation is held for this verse.
ससूत्रं कालरहितं द्रोणपूर्णं सुशोभनम् । मध्यमे तु न्यसेद्धीमान् विष्णुपारिषदान् बहून्
sasūtraṃ kālarahitaṃ droṇapūrṇaṃ suśobhanam / madhyame tu nyaseddhīmān viṣṇupāriṣadān bahūn
Sanskrit only: no published translation is held for this verse.
ऐन्द्रादीशानपर्यन्तं कलशान् स्थापयेत् पृथक् । कुमुदं कुमुदाक्षं च पुण्डरीकं च वामनम्
aindrādīśānaparyantaṃ kalaśān sthāpayet pṛthak / kumudaṃ kumudākṣaṃ ca puṇḍarīkaṃ ca vāmanam
Sanskrit only: no published translation is held for this verse.
शङ्कुकर्णं सर्पनेत्रं सुमुखं सुप्रतिष्ठितम् । गन्धादिभिः समभ्यर्च्य होमं कुर्यादनन्द्रितः
śaṅkukarṇaṃ sarpanetraṃ sumukhaṃ supratiṣṭhitam / gandhādibhiḥ samabhyarcya homaṃ kuryādanandritaḥ
Sanskrit only: no published translation is held for this verse.
समिदाज्यचरून् दध्ना मधुना पयसापि च । यवान् सिद्धार्थसलिलान् प्रत्यकं शतमाहुतीः
samidājyacarūn dadhnā madhunā payasāpi ca / yavān siddhārthasalilān pratyakaṃ śatamāhutīḥ
Sanskrit only: no published translation is held for this verse.
मन्त्रेणाष्टाक्षरेणैव द्वादशाक्षरमेव वा । नृत्तगीतसमातोद्यै रात्रिशेषं नयेद्बुधः
mantreṇāṣṭākṣareṇaiva dvādaśākṣarameva vā / nṛttagītasamātodyai rātriśeṣaṃ nayedbudhaḥ
Sanskrit only: no published translation is held for this verse.
सुमुहूर्ते तु संप्राप्ते ब्राह्मणानामुनज्ञया । स्वस्तिसूक्ति(-क्त?)युतो गत्वा विमानं तु प्रदक्षिणम्
sumuhūrte tu saṃprāpte brāhmaṇānāmunajñayā / svastisūkti(-kta?)yuto gatvā vimānaṃ tu pradakṣiṇam
Sanskrit only: no published translation is held for this verse.
स्वस्वस्थाने तु संप्रोक्ष्य तत्तत्स्थानान् स्मरन् बुधः । कुम्भोदकादशेषं तु महापीठे ऽभिषेचयेत्
svasvasthāne tu saṃprokṣya tattatsthānān smaran budhaḥ / kumbhodakādaśeṣaṃ tu mahāpīṭhe 'bhiṣecayet
Sanskrit only: no published translation is held for this verse.
विष्णुपारिषदान् सर्वान् संस्मरेत् साधकोत्तमः । पायसं कृसरं गौल्यं हरिद्रान्नं चतुर्विधम्
viṣṇupāriṣadān sarvān saṃsmaret sādhakottamaḥ / pāyasaṃ kṛsaraṃ gaulyaṃ haridrānnaṃ caturvidham
Sanskrit only: no published translation is held for this verse.
साज्यं दधिपयोयुक्तं नारिकेलपयांसि च । निवेदयेन्महापीठे चादिमूर्तिमनुस्मरन्
sājyaṃ dadhipayoyuktaṃ nārikelapayāṃsi ca / nivedayenmahāpīṭhe cādimūrtimanusmaran
Sanskrit only: no published translation is held for this verse.
निवेद्य शेषं संगृह्य चण्डादिभ्यो बलिं क्षिपेत् । शङ्खभेर्यादिसंयुक्तं गेयनृत्तसमन्वितम्
nivedya śeṣaṃ saṃgṛhya caṇḍādibhyo baliṃ kṣipet / śaṅkhabheryādisaṃyuktaṃ geyanṛttasamanvitam
Sanskrit only: no published translation is held for this verse.
वेदाध्ययनसंयुक्तं बलिकर्म समापयेत् । बल्यन्ते परमात्मानं स्नापयेदधमोत्तमम्
vedādhyayanasaṃyuktaṃ balikarma samāpayet / balyante paramātmānaṃ snāpayedadhamottamam
Sanskrit only: no published translation is held for this verse.
महाहविर्निवेद्याथ पुण्याहं पुनराचरेत् । ब्राह्मणान् भोजयेत्तत्र वैष्णवान् वेदपारगान्
mahāhavirnivedyātha puṇyāhaṃ punarācaret / brāhmaṇān bhojayettatra vaiṣṇavān vedapāragān
Sanskrit only: no published translation is held for this verse.
आचार्यं पूजयेत् पश्चात् हेमरत्नाङ्गुलीयकैः । इदं धन्यं यशस्यं च सर्वशान्तिकरं भवेत्
ācāryaṃ pūjayet paścāt hemaratnāṅgulīyakaiḥ / idaṃ dhanyaṃ yaśasyaṃ ca sarvaśāntikaraṃ bhavet
Sanskrit only: no published translation is held for this verse.