राजराष्ट्रविवृद्ध्यर्थं वृत्तकारं भवेत् सदा । ग्रामायतनवृद्ध्यर्थं चतुरश्रं तु नारद
rājarāṣṭravivṛddhyarthaṃ vṛttakāraṃ bhavet sadā / grāmāyatanavṛddhyarthaṃ caturaśraṃ tu nārada
Sanskrit only: no published translation is held for this verse.
Visvaksenasamhita 36
वृत्तं वाकृति विज्ञेयः(?) चतुरश्रं तु वाधिः । आमेष्टकाभिः पक्वाभिः कुर्याद्वेदिमनुत्तमाम्
vṛttaṃ vākṛti vijñeyaḥ(?) caturaśraṃ tu vādhiḥ / āmeṣṭakābhiḥ pakvābhiḥ kuryādvedimanuttamām
Sanskrit only: no published translation is held for this verse.
हस्तोच्छ्रायां तदर्धं वा दर्पणोदरसंनिभाम् । पूर्ववद्वेदिमालिप्य प्रोक्षयेत् पूर्ववत् क्रमात्
hastocchrāyāṃ tadardhaṃ vā darpaṇodarasaṃnibhām / pūrvavadvedimālipya prokṣayet pūrvavat kramāt
Sanskrit only: no published translation is held for this verse.
पुण्याहं वाचयेत्तत्र ब्राह्मणानामनुज्ञया । पूर्ववत् स्थण्डिलं कृत्वा शालिना मुनिसत्तम
puṇyāhaṃ vācayettatra brāhmaṇānāmanujñayā / pūrvavat sthaṇḍilaṃ kṛtvā śālinā munisattama
Sanskrit only: no published translation is held for this verse.
तदर्धं तण्डुलं कृत्वा शालिभिर्वान्यमेव वा । वेदिकायां तदूर्ध्वे तु पीठं कृत्वा लिखेत् पुनः
tadardhaṃ taṇḍulaṃ kṛtvā śālibhirvānyameva vā / vedikāyāṃ tadūrdhve tu pīṭhaṃ kṛtvā likhet punaḥ
Sanskrit only: no published translation is held for this verse.
वेदिकायां तु परितः शालिभिर्वेदिमाचरेत् । शालिमध्ये मुनिश्रेष्ठ चाष्टदिग्दलमालिखेत्
vedikāyāṃ tu paritaḥ śālibhirvedimācaret / śālimadhye muniśreṣṭha cāṣṭadigdalamālikhet
Sanskrit only: no published translation is held for this verse.
छन्दोमूलादिवचनं लिखेत्तद्दलमध्यमे । सूत्रवस्त्रपरिच्छन्नं सर्वलक्षणसंयुतम्
chandomūlādivacanaṃ likhettaddalamadhyame / sūtravastraparicchannaṃ sarvalakṣaṇasaṃyutam
Sanskrit only: no published translation is held for this verse.
चन्द्रमण्डलमध्ये तु स्थापयेत्तेन मन्त्रतः । तत्कुम्भजलमध्ये तु सितपुष्पं विनिक्षिपेत्
candramaṇḍalamadhye tu sthāpayettena mantrataḥ / tatkumbhajalamadhye tu sitapuṣpaṃ vinikṣipet
Sanskrit only: no published translation is held for this verse.
पुष्पमाल्यैरलंकृत्य वस्त्रयुग्मैरलंकृतम् । नवरत्नसमायुक्तं नवकूर्चयुतं तथा
puṣpamālyairalaṃkṛtya vastrayugmairalaṃkṛtam / navaratnasamāyuktaṃ navakūrcayutaṃ tathā
Sanskrit only: no published translation is held for this verse.
तस्मिन्नावाहयेन्मध्ये प्रासादस्याधिदैवतम् । मध्ये कुम्भं च परितः स्थापयेदष्टदिग्दले
tasminnāvāhayenmadhye prāsādasyādhidaivatam / madhye kumbhaṃ ca paritaḥ sthāpayedaṣṭadigdale
Sanskrit only: no published translation is held for this verse.
तत्तन्मन्त्रेण मतिमान् अष्टकुम्भाननुक्रमात् । नववस्त्रेण संछाद्य सूत्रपुष्पजलान्वितम्
tattanmantreṇa matimān aṣṭakumbhānanukramāt / navavastreṇa saṃchādya sūtrapuṣpajalānvitam
Sanskrit only: no published translation is held for this verse.
कूर्चद्वयसमोपेतं पुष्पमाल्यैरलंकृतम् । पूर्वादीशानपर्यन्तं कुम्भे पूर्ववदानयेत्
kūrcadvayasamopetaṃ puṣpamālyairalaṃkṛtam / pūrvādīśānaparyantaṃ kumbhe pūrvavadānayet
Sanskrit only: no published translation is held for this verse.
आचार्यः समलंकृत्य हेमवस्त्राङ्गुलीयकैः । कुम्भस्य दक्षिणे पार्श्वे उत्तराभिमुखः स्थितः
ācāryaḥ samalaṃkṛtya hemavastrāṅgulīyakaiḥ / kumbhasya dakṣiṇe pārśve uttarābhimukhaḥ sthitaḥ
Sanskrit only: no published translation is held for this verse.
पुण्पाञ्जलिपुटं कृत्वा इमं मन्त्रं जपेद्बुधः । सहस्रशीर्षादीनि (-दि?) सूक्तं तु पुरुषेण तु
puṇpāñjalipuṭaṃ kṛtvā imaṃ mantraṃ japedbudhaḥ / sahasraśīrṣādīni (-di?) sūktaṃ tu puruṣeṇa tu
Sanskrit only: no published translation is held for this verse.
मुलबेरान्नयेत् कुम्भे देवं प्रासादरूपिणम् । अथवा मुनिशार्दूल चानयेत् परमेष्ठिना
mulaberānnayet kumbhe devaṃ prāsādarūpiṇam / athavā muniśārdūla cānayet parameṣṭhinā
Sanskrit only: no published translation is held for this verse.
दिग्दलाष्टघटे विद्वान् तत्तन्मन्त्रेण चानयेत् । पूर्ववद्बलिदानं तु कारेयन्मन्त्रवित्तमः
digdalāṣṭaghaṭe vidvān tattanmantreṇa cānayet / pūrvavadbalidānaṃ tu kāreyanmantravittamaḥ
Sanskrit only: no published translation is held for this verse.
तथैव प्रोक्षयेद्विद्वान् सूक्तेन पुरुषेण तु । गर्भगेहं तथा प्रोक्ष्य बहिरन्तः समन्ततः
tathaiva prokṣayedvidvān sūktena puruṣeṇa tu / garbhagehaṃ tathā prokṣya bahirantaḥ samantataḥ
Sanskrit only: no published translation is held for this verse.
कुम्भस्थितेन देवेशं विमानादिषु योजयेत् । अर्घ्यपाद्यादिनाभ्यर्च्य हविस्तत्र न विद्यते
kumbhasthitena deveśaṃ vimānādiṣu yojayet / arghyapādyādinābhyarcya havistatra na vidyate
Sanskrit only: no published translation is held for this verse.
बलिं तु कारयेत्तत्र चाष्टदिक्षु समन्ततः । तस्मिन् काले महाप्राज्ञो आचार्य पूजयेत् क्रमात्
baliṃ tu kārayettatra cāṣṭadikṣu samantataḥ / tasmin kāle mahāprājño ācārya pūjayet kramāt
Sanskrit only: no published translation is held for this verse.
हेमवस्त्राङ्गुलीयैस्तु पूजयेद्देववत्तदा । शिल्पिनं पूजयेत्तत्र नववस्त्राङ्गुलीयकैः
hemavastrāṅgulīyaistu pūjayeddevavattadā / śilpinaṃ pūjayettatra navavastrāṅgulīyakaiḥ
Sanskrit only: no published translation is held for this verse.
ब्राह्मणान् भोजयेत्तत्र वैष्णवान् वेदपारगान् । एवमेव तु कर्तव्यं त्रिरधा (?) शिबिकानि च
brāhmaṇān bhojayettatra vaiṣṇavān vedapāragān / evameva tu kartavyaṃ triradhā (?) śibikāni ca
Sanskrit only: no published translation is held for this verse.
रथादिवाहनानां तु खगेशाच्छक्तिमानयेत् । तेन मन्त्रेण मन्त्रज्ञो प्रोक्षयेत् पूर्ववत् क्रमात्
rathādivāhanānāṃ tu khageśācchaktimānayet / tena mantreṇa mantrajño prokṣayet pūrvavat kramāt
Sanskrit only: no published translation is held for this verse.
चण्डालपतितोदक्यानिषाद्यै(-दै?)स्तक्षकादिकैः । लोभाद्वा यदि वा मोहात् स्पर्शनं चेन्मुनीश्वर
caṇḍālapatitodakyāniṣādyai(-dai?)stakṣakādikaiḥ / lobhādvā yadi vā mohāt sparśanaṃ cenmunīśvara
Sanskrit only: no published translation is held for this verse.
प्रासादप्रोक्षणेनैव प्रासादं शुद्ध्यते ऽत्र वै । अथवा मुनिशार्दूल पञ्चगव्यं समानयेत्
prāsādaprokṣaṇenaiva prāsādaṃ śuddhyate 'tra vai / athavā muniśārdūla pañcagavyaṃ samānayet
Sanskrit only: no published translation is held for this verse.
देवाग्रे हस्तमात्रं तु समालिप्य समाहितः । द्रोणशालिं तु विस्तीर्य तदर्धं तण्डुलं तथा
devāgre hastamātraṃ tu samālipya samāhitaḥ / droṇaśāliṃ tu vistīrya tadardhaṃ taṇḍulaṃ tathā
Sanskrit only: no published translation is held for this verse.
तत्र मध्ये लिखेत् पद्मं पूर्वोक्तेन विधानतः । पञ्चगव्यं तु संस्थाप्य तेन बीजेन साधकः
tatra madhye likhet padmaṃ pūrvoktena vidhānataḥ / pañcagavyaṃ tu saṃsthāpya tena bījena sādhakaḥ
Sanskrit only: no published translation is held for this verse.
पुण्याहं वाचयेत्तत्र गन्धपुष्पादिनार्चयेत् । हविर्निवेदयेत् पश्चात् स्मरन् देवस्य रूपिणम्
puṇyāhaṃ vācayettatra gandhapuṣpādinārcayet / havirnivedayet paścāt smaran devasya rūpiṇam
Sanskrit only: no published translation is held for this verse.
प्रोक्षयेद्गव्यकैर्मन्त्रैः पञ्चोपनिषदैः क्रमात् । ततः सप्तदशा भिन्नान् कलशान् बलिबेरगे
prokṣayedgavyakairmantraiḥ pañcopaniṣadaiḥ kramāt / tataḥ saptadaśā bhinnān kalaśān baliberage
Sanskrit only: no published translation is held for this verse.
स्नपनं कारयेत्तस्मिन् शुद्ध्यते नात्र संशयः । चण्डालाद्यैश्च संस्पृष्टं(-ष्टे?) प्रायश्चित्तमिदं स्मृतम्
snapanaṃ kārayettasmin śuddhyate nātra saṃśayaḥ / caṇḍālādyaiśca saṃspṛṣṭaṃ(-ṣṭe?) prāyaścittamidaṃ smṛtam
Sanskrit only: no published translation is held for this verse.
प्रासादप्रोक्षणं पश्चात् कारयेद्विधिचोदितम् । आचार्यं पूजयेत्तत्र यथावित्तानुसारतः(!)
prāsādaprokṣaṇaṃ paścāt kārayedvidhicoditam / ācāryaṃ pūjayettatra yathāvittānusārataḥ(!)
Sanskrit only: no published translation is held for this verse.
दिङ्मूर्तीनां तु सर्वेषां न शुद्धिरिह नारद । अत्र कश्चिद्विशेषो ऽस्ति दिङ्मूर्तिस्थापनाविधौ
diṅmūrtīnāṃ tu sarveṣāṃ na śuddhiriha nārada / atra kaścidviśeṣo 'sti diṅmūrtisthāpanāvidhau
Sanskrit only: no published translation is held for this verse.
अर्धचित्रप्रतिष्ठायां यत्प्रोक्तं संहितान्तरे । तथैव कारयेत्तस्मिन् दिङ्मूर्तीनां तु नारद
ardhacitrapratiṣṭhāyāṃ yatproktaṃ saṃhitāntare / tathaiva kārayettasmin diṅmūrtīnāṃ tu nārada
Sanskrit only: no published translation is held for this verse.
आयुरारोग्यपुत्रादीन् लभते नात्र संशयः । उत्सवान्ते प्रलेपान्ते दुर्जनस्पर्शने तथा
āyurārogyaputrādīn labhate nātra saṃśayaḥ / utsavānte pralepānte durjanasparśane tathā
Sanskrit only: no published translation is held for this verse.
दुर्निमित्ता(-त्तो?)दये चैव कार्यं संप्रोक्षणाविधिः । दिङ्मूर्तीनां तु सर्वेषां उत्सवान्ते न कारयेत्
durnimittā(-tto?)daye caiva kāryaṃ saṃprokṣaṇāvidhiḥ / diṅmūrtīnāṃ tu sarveṣāṃ utsavānte na kārayet
Sanskrit only: no published translation is held for this verse.
अर्धचित्रप्रतिष्ठास्मिन् शेषं साधारणं भवेत् । दुर्जनस्पर्शनं चेत्तु प्रासादं मुनिसत्तम
ardhacitrapratiṣṭhāsmin śeṣaṃ sādhāraṇaṃ bhavet / durjanasparśanaṃ cettu prāsādaṃ munisattama
Sanskrit only: no published translation is held for this verse.
चण्डालाद्यैश्च संस्पृष्टं(-ष्टे?) प्रायश्चित्तं समाचरेत् । तेनैव शुद्ध्यते तस्मिन् नात्र कार्या विचारणा
caṇḍālādyaiśca saṃspṛṣṭaṃ(-ṣṭe?) prāyaścittaṃ samācaret / tenaiva śuddhyate tasmin nātra kāryā vicāraṇā
Sanskrit only: no published translation is held for this verse.
दिङ्मूर्तीनां तु सर्वेषामस्मिंस्तेनैव तुष्यति । गेहस्यालेपनान्ते च दुर्जनस्पर्शने ऽपि च
diṅmūrtīnāṃ tu sarveṣāmasmiṃstenaiva tuṣyati / gehasyālepanānte ca durjanasparśane 'pi ca
Sanskrit only: no published translation is held for this verse.
दिङ्मूर्तीनां तु सर्वेषां विशेषं न तु कारयेत् । तथैव दुर्निमित्तेषु शेषं पूर्ववदाचरेत्
diṅmūrtīnāṃ tu sarveṣāṃ viśeṣaṃ na tu kārayet / tathaiva durnimitteṣu śeṣaṃ pūrvavadācaret
Sanskrit only: no published translation is held for this verse.
प्रासादप्रोक्षणेनैव शुद्ध्यते नात्र संशयः । नास्तिक्येनैव यो मोहात् अन्यथाकुरुते मुने
prāsādaprokṣaṇenaiva śuddhyate nātra saṃśayaḥ / nāstikyenaiva yo mohāt anyathākurute mune
Sanskrit only: no published translation is held for this verse.
तत् स्थानं नाशकृद्वापि तद्ग्रामस्य तथैव च । तस्मात्तु विधिवत् सम्यक् कारयेत्तन्त्रवित्तमः
tat sthānaṃ nāśakṛdvāpi tadgrāmasya tathaiva ca / tasmāttu vidhivat samyak kārayettantravittamaḥ
Sanskrit only: no published translation is held for this verse.