इति श्रीपाञ्चरात्रे विष्वक्सेनसंहितायां [जीर्णोद्धारादिविधिर्नाम] षट्त्रिंशो ऽध्यायः ॥ सप्तत्रिंशो ऽध्यायः नारदः--- नमस्ते ऽस्तु जगन्नाथ विष्णुपारिषदेश्वर । विष्वक्सेन नमस्ते ऽस्तु नमस्ते विश्वकर्मणे
iti śrīpāñcarātre viṣvaksenasaṃhitāyāṃ [jīrṇoddhārādividhirnāma] ṣaṭtriṃśo 'dhyāyaḥ || saptatriṃśo 'dhyāyaḥ nāradaḥ--- namaste 'stu jagannātha viṣṇupāriṣadeśvara / viṣvaksena namaste 'stu namaste viśvakarmaṇe
Sanskrit only: no published translation is held for this verse.
त्वत्तो ऽधीतं मया तन्त्रं पञ्चरात्रार्णवामृतम् । दीक्षाशकुनविस्तारो न त्वया किञ्चिदीरितः
tvatto 'dhītaṃ mayā tantraṃ pañcarātrārṇavāmṛtam / dīkṣāśakunavistāro na tvayā kiñcidīritaḥ
Sanskrit only: no published translation is held for this verse.
तत्सर्वं श्रोतुमिच्छामि प्रब्रूहि भगवन् मम । इति विज्ञापितो देवो विष्वक्सेनो महात्मना
tatsarvaṃ śrotumicchāmi prabrūhi bhagavan mama / iti vijñāpito devo viṣvakseno mahātmanā
Sanskrit only: no published translation is held for this verse.
प्रत्युवाच महजेजाः प्रणम्य गरुडध्वजम् । विष्वक्सेनः--- श्रुणु नारद तत्त्वेन महाविद्यां पुरातनीम्
pratyuvāca mahajejāḥ praṇamya garuḍadhvajam / viṣvaksenaḥ--- śruṇu nārada tattvena mahāvidyāṃ purātanīm
Sanskrit only: no published translation is held for this verse.
मया पृष्टः पुरा प्राह महाविष्णुर्जगन्मयः । साधकानां हितार्थाय चतुःषष्टिप्रभेदतः
mayā pṛṣṭaḥ purā prāha mahāviṣṇurjaganmayaḥ / sādhakānāṃ hitārthāya catuḥṣaṣṭiprabhedataḥ
Sanskrit only: no published translation is held for this verse.
शकुनानि जगन्नाथः तान् सर्वान् प्रब्रवीमि ते । विघ्नेशः प्रथमः प्रोक्तो गाङ्गेयो मूषिकाध्वजः
śakunāni jagannāthaḥ tān sarvān prabravīmi te / vighneśaḥ prathamaḥ prokto gāṅgeyo mūṣikādhvajaḥ
Sanskrit only: no published translation is held for this verse.
तं पूजयित्वा विधिवत् प्रणम्य प्रार्थयेन् मुने । तस्मिन् प्रसन्ने विघ्नेशे सर्वदेवनमस्कृते
taṃ pūjayitvā vidhivat praṇamya prārthayen mune / tasmin prasanne vighneśe sarvadevanamaskṛte
Sanskrit only: no published translation is held for this verse.
सर्वार्थसिद्धिर्भवति नात्र कार्या विचारणा । स एव नायकस्तेषां शकुनानां गणेश्वरः
sarvārthasiddhirbhavati nātra kāryā vicāraṇā / sa eva nāyakasteṣāṃ śakunānāṃ gaṇeśvaraḥ
Sanskrit only: no published translation is held for this verse.
तस्मात् सर्वप्रयत्नेन पूजयेद्विघ्ननायकम् । पूजाक्रमं प्रवक्ष्यामि संक्षेपेण महामुने
tasmāt sarvaprayatnena pūjayedvighnanāyakam / pūjākramaṃ pravakṣyāmi saṃkṣepeṇa mahāmune
Sanskrit only: no published translation is held for this verse.
आवाहयेच्छुचौ देशे सुलिप्ते सुविचित्रिते । स्वासने दर्भसंकीर्णे कुसुमैरुपशोभिते
āvāhayecchucau deśe sulipte suvicitrite / svāsane darbhasaṃkīrṇe kusumairupaśobhite
Sanskrit only: no published translation is held for this verse.
गायत्र्या चासनं दद्यात् प्रणम्य गणनायकम् । अर्घ्यं पाद्यं तथाचामं मधुपर्कं तथैव च
gāyatryā cāsanaṃ dadyāt praṇamya gaṇanāyakam / arghyaṃ pādyaṃ tathācāmaṃ madhuparkaṃ tathaiva ca
Sanskrit only: no published translation is held for this verse.
स्नानं वस्त्रोपवीतं च भूषणं गन्धपुष्पकम् । धूपदीपं (-पौ?) निवेद्यादि स्तोत्रं रजमुखं स्मरन्
snānaṃ vastropavītaṃ ca bhūṣaṇaṃ gandhapuṣpakam / dhūpadīpaṃ (-pau?) nivedyādi stotraṃ rajamukhaṃ smaran
Sanskrit only: no published translation is held for this verse.
कृत्वा पूजां गणेशस्य प्रणम्य प्रार्थयेत् प्रभुम् । गायत्र्या चैव तत्सर्वं कुर्यात्तन्त्रविचक्षणः
kṛtvā pūjāṃ gaṇeśasya praṇamya prārthayet prabhum / gāyatryā caiva tatsarvaṃ kuryāttantravicakṣaṇaḥ
Sanskrit only: no published translation is held for this verse.
एवं पूज्य ततः पश्चात् गन्धपुष्पादिभिः पुनः । पुस्तकं पूजजित्वा तु यथावद्विजितेन्द्रियः
evaṃ pūjya tataḥ paścāt gandhapuṣpādibhiḥ punaḥ / pustakaṃ pūjajitvā tu yathāvadvijitendriyaḥ
Sanskrit only: no published translation is held for this verse.
आलिखेत् पुस्तकं सर्वं शकुनानि यथाक्रमम् । नारदः-- कथं देव निमित्तानि लिख्यते पुस्तके नरैः
ālikhet pustakaṃ sarvaṃ śakunāni yathākramam / nāradaḥ-- kathaṃ deva nimittāni likhyate pustake naraiḥ
Sanskrit only: no published translation is held for this verse.
एतदाचक्ष्व भगवन् संशयो मे महानसौ । विष्वक्सेनः--- एवमेव मया पृष्टः प्रोवाच भगवान् यथा
etadācakṣva bhagavan saṃśayo me mahānasau / viṣvaksenaḥ--- evameva mayā pṛṣṭaḥ provāca bhagavān yathā
Sanskrit only: no published translation is held for this verse.
तथैवात्र प्रवक्ष्यामि शृणुष्व मुनिपुङ्गव । विघ्नराज (-जो?) महारातिः महिषः शुकपीतकः
tathaivātra pravakṣyāmi śṛṇuṣva munipuṅgava / vighnarāja (-jo?) mahārātiḥ mahiṣaḥ śukapītakaḥ
Sanskrit only: no published translation is held for this verse.
कबन्धं न नदी चैव बृहज्जाली तथैव च । पुरुषश्च मृगश्चैव मार्जारो देवगौस्तथा
kabandhaṃ na nadī caiva bṛhajjālī tathaiva ca / puruṣaśca mṛgaścaiva mārjāro devagaustathā
Sanskrit only: no published translation is held for this verse.
देवागारो रथश्चैव ज्वरः कल्पद्रुमस्तथा । व्याघ्रप्रासादरक्षांसित मृगो ग्राहस्तथैव च
devāgāro rathaścaiva jvaraḥ kalpadrumastathā / vyāghraprāsādarakṣāṃsita mṛgo grāhastathaiva ca
Sanskrit only: no published translation is held for this verse.
मकरो वृश्चिकश्चैव पुष्कला(-रा?)वर्तकस्तथा । मत्स्ययुग्मं च श्येनं च श्रीवृक्षे च सरस्वती
makaro vṛścikaścaiva puṣkalā(-rā?)vartakastathā / matsyayugmaṃ ca śyenaṃ ca śrīvṛkṣe ca sarasvatī
Sanskrit only: no published translation is held for this verse.
वानरं च (-रश्च?) महाचक्रं वृकशङ्खकपिञ्जलाः । अङ्कुशं लोकमातङ्ग ऋक्षाश्वं राजहंसकम्
vānaraṃ ca (-raśca?) mahācakraṃ vṛkaśaṅkhakapiñjalāḥ / aṅkuśaṃ lokamātaṅga ṛkṣāśvaṃ rājahaṃsakam
Sanskrit only: no published translation is held for this verse.
धूमचामरसिंहाश्च पूर्णरिक्तघटौ क्रमात् । पद्मिनीकाकचन्द्राश्च ध्वजशूलौ च दर्पणम्
dhūmacāmarasiṃhāśca pūrṇariktaghaṭau kramāt / padminīkākacandrāśca dhvajaśūlau ca darpaṇam
Sanskrit only: no published translation is held for this verse.
नग्नो दीपश्च विधवा मङ्गलापितृभूस्तथा । कूर्मः कालीमहादुर्गार्(-गे?)सर्पराजजरद्गवौ
nagno dīpaśca vidhavā maṅgalāpitṛbhūstathā / kūrmaḥ kālīmahādurgār(-ge?)sarparājajaradgavau
Sanskrit only: no published translation is held for this verse.
नृपब्रह्महरीशान् वै एते शकुनसूचकाः । एकैकस्य भवेच्छाखा एक एव प्रकीर्तितः
nṛpabrahmaharīśān vai ete śakunasūcakāḥ / ekaikasya bhavecchākhā eka eva prakīrtitaḥ
Sanskrit only: no published translation is held for this verse.
तान् सर्वान् क्रमशो वक्ष्ये यथावत्तान् निबोध मे । विघ्नेशमादितस्तत्र ततः श्लोकं प्रवक्ष्यते
tān sarvān kramaśo vakṣye yathāvattān nibodha me / vighneśamāditastatra tataḥ ślokaṃ pravakṣyate
Sanskrit only: no published translation is held for this verse.
विघ्नेशो दृश्यते यत्र साधकेन्द्रेण धीमता । प्रार्थितस्य तु तां सिद्धिं तच्छिष्यायादिशेद्गुरुः
vighneśo dṛśyate yatra sādhakendreṇa dhīmatā / prārthitasya tu tāṃ siddhiṃ tacchiṣyāyādiśedguruḥ
Sanskrit only: no published translation is held for this verse.
शत्रुनाशं तथैवाग्रं राजपूजा च दृश्यते । धनलाभोर्ऽथलाभश्च अभयं च भविष्यति
śatrunāśaṃ tathaivāgraṃ rājapūjā ca dṛśyate / dhanalābhor'thalābhaśca abhayaṃ ca bhaviṣyati
Sanskrit only: no published translation is held for this verse.
कायक्लेशं तथा रोगं सर्वत्र भयमेव च । दृश्यते यत्र महिषं तत्र व्याधिर्भविष्यति
kāyakleśaṃ tathā rogaṃ sarvatra bhayameva ca / dṛśyate yatra mahiṣaṃ tatra vyādhirbhaviṣyati
Sanskrit only: no published translation is held for this verse.
विद्यासुखं महाज्योतिर्दृश्यते शुकपीतकम् । आयुश्च लभते यस्मात् बन्धूनां च सुखं भवेत्
vidyāsukhaṃ mahājyotirdṛśyate śukapītakam / āyuśca labhate yasmāt bandhūnāṃ ca sukhaṃ bhavet
Sanskrit only: no published translation is held for this verse.
लम्बाननं (कबन्धं तु ?) यथादृष्टं वियोगं बन्धुभिः सह । युज्यते भयमन्युपग्रं पिशायेभ्यस्तथैव च
lambānanaṃ (kabandhaṃ tu ?) yathādṛṣṭaṃ viyogaṃ bandhubhiḥ saha / yujyate bhayamanyupagraṃ piśāyebhyastathaiva ca
Sanskrit only: no published translation is held for this verse.
दृश्यते यत्र कावेरी विपदं च विनश्यति । सुखं भवति सर्वत्र बहुव्रीहिर्भविष्यति
dṛśyate yatra kāverī vipadaṃ ca vinaśyati / sukhaṃ bhavati sarvatra bahuvrīhirbhaviṣyati
Sanskrit only: no published translation is held for this verse.
वृद्धिर्भवति सस्यानां राजा च विजयी भवेत् । आयुरारोग्यदं नॄणां रोगनाशो भविष्यति
vṛddhirbhavati sasyānāṃ rājā ca vijayī bhavet / āyurārogyadaṃ nṝṇāṃ roganāśo bhaviṣyati
Sanskrit only: no published translation is held for this verse.
दृश्यते तु बृहज्जाली मुखरोगं विनिर्दिशेत् । कृष्णकुष्ठशरीरे(?)तु गृहनाशमथापि वा
dṛśyate tu bṛhajjālī mukharogaṃ vinirdiśet / kṛṣṇakuṣṭhaśarīre(?)tu gṛhanāśamathāpi vā
Sanskrit only: no published translation is held for this verse.
पुरुषश्च (-षे च ?) मृगे दृष्टे ब्रह्मवर्चस्तपोयुतः(?) । अभिप्रेतार्थसिद्धिं च शुभं चैव विनिर्दिशेत्
puruṣaśca (-ṣe ca ?) mṛge dṛṣṭe brahmavarcastapoyutaḥ(?) / abhipretārthasiddhiṃ ca śubhaṃ caiva vinirdiśet
Sanskrit only: no published translation is held for this verse.
मार्जारा यत्र दृश्यन्ते बन्धुनाशं वियोगिता । दधिक्षीरघृतादीनां नाशो भवति नान्यथा
mārjārā yatra dṛśyante bandhunāśaṃ viyogitā / dadhikṣīraghṛtādīnāṃ nāśo bhavati nānyathā
Sanskrit only: no published translation is held for this verse.
देवगौर्दृश्यते यत्र शत्रुभ्यो भयमादिशेत् । सहवासं च पुत्राणां मातॄणां च विनाशनम् (?)
devagaurdṛśyate yatra śatrubhyo bhayamādiśet / sahavāsaṃ ca putrāṇāṃ mātṝṇāṃ ca vināśanam (?)
Sanskrit only: no published translation is held for this verse.
देवालये ऽथ दृष्टे वै विद्यावृद्धिस्तथा भवेत् । पुत्रलाभोर्ऽथलाभश्च भविष्यति न संशयः
devālaye 'tha dṛṣṭe vai vidyāvṛddhistathā bhavet / putralābhor'thalābhaśca bhaviṣyati na saṃśayaḥ
Sanskrit only: no published translation is held for this verse.
विमानं दृश्यते यत्र राज्यलाभो नृपस्य तु । शुद्रब्राह्मणवैश्यानां लाभः सर्वो भविष्यति
vimānaṃ dṛśyate yatra rājyalābho nṛpasya tu / śudrabrāhmaṇavaiśyānāṃ lābhaḥ sarvo bhaviṣyati
Sanskrit only: no published translation is held for this verse.
ज्वरे दृष्टे ज्वरं ब्रूयादङ्गहानिः क्षुधार्तता । हृत्ताप अर्थनाशश्च भविष्यति न संशयः
jvare dṛṣṭe jvaraṃ brūyādaṅgahāniḥ kṣudhārtatā / hṛttāpa arthanāśaśca bhaviṣyati na saṃśayaḥ
Sanskrit only: no published translation is held for this verse.
कल्पद्रुमे ऽथ दृष्टे वै राज्येन सदृशं सुखम् । ब्राह्मणस्य श्रियं ब्रूयादीप्सितार्थं भविष्यति
kalpadrume 'tha dṛṣṭe vai rājyena sadṛśaṃ sukham / brāhmaṇasya śriyaṃ brūyādīpsitārthaṃ bhaviṣyati
Sanskrit only: no published translation is held for this verse.
व्याघ्रे दृष्टे भयं घोरं गवादीनां विनिर्दिशेत् । राजतो भयमत्युग्रं पुरुषस्य न संशयः
vyāghre dṛṣṭe bhayaṃ ghoraṃ gavādīnāṃ vinirdiśet / rājato bhayamatyugraṃ puruṣasya na saṃśayaḥ
Sanskrit only: no published translation is held for this verse.
प्रासादो दृश्यते यत्र पुत्रपौत्रैः सुखी भवेत् । धनधान्यसमृद्धिश्च भवेत्तत्र न संशयः
prāsādo dṛśyate yatra putrapautraiḥ sukhī bhavet / dhanadhānyasamṛddhiśca bhavettatra na saṃśayaḥ
Sanskrit only: no published translation is held for this verse.
निशाचरे च वै दृष्टे घोरं नॄणां भयं भवेत् । ब्राह्मणानां गवां चैव वधं ब्रूयुरसंशयः
niśācare ca vai dṛṣṭe ghoraṃ nṝṇāṃ bhayaṃ bhavet / brāhmaṇānāṃ gavāṃ caiva vadhaṃ brūyurasaṃśayaḥ
Sanskrit only: no published translation is held for this verse.
कृश्णे मृगे ऽथ दृष्टे वै यज्ञकल्याणमादिशेत् । राष्ट्रशान्ति कुटुम्बस्य कीर्तिं वाथ विनिर्दिशेत्
kṛśṇe mṛge 'tha dṛṣṭe vai yajñakalyāṇamādiśet / rāṣṭraśānti kuṭumbasya kīrtiṃ vātha vinirdiśet
Sanskrit only: no published translation is held for this verse.
शिंशुमारे ऽथ दृष्टे वै मरणं च भयावहम् । अजगोमहिषादीनां व्याधिं चार्तिं विनिर्दिशेत्
śiṃśumāre 'tha dṛṣṭe vai maraṇaṃ ca bhayāvaham / ajagomahiṣādīnāṃ vyādhiṃ cārtiṃ vinirdiśet
Sanskrit only: no published translation is held for this verse.
मकरे दृश्यमाने तु स्त्रीभोगं लभते ध्रुवम् । आरोगयमन्नलाभश्च लभते नात्र संशयः
makare dṛśyamāne tu strībhogaṃ labhate dhruvam / ārogayamannalābhaśca labhate nātra saṃśayaḥ
Sanskrit only: no published translation is held for this verse.
वृश्चिको दृश्यते यत्र विषेण मरणं भवेत् । हृत्तापमात्मपीडा च भार्याकलहमेव च
vṛściko dṛśyate yatra viṣeṇa maraṇaṃ bhavet / hṛttāpamātmapīḍā ca bhāryākalahameva ca
Sanskrit only: no published translation is held for this verse.
पुष्कला(-रा?)वर्तके दृष्टे महद्वृद्धिर्भविष्यति । वृद्धिर्भवति सस्यानां सुभिक्षं क्षेत्रमेव च
puṣkalā(-rā?)vartake dṛṣṭe mahadvṛddhirbhaviṣyati / vṛddhirbhavati sasyānāṃ subhikṣaṃ kṣetrameva ca
Sanskrit only: no published translation is held for this verse.
कीर्तिं वृद्धिं जयं चैव विन्दते परमं सुखम् । बलवृद्धिं सुभिक्षं च मत्स्ययुग्मं विनिर्दिशेत्
kīrtiṃ vṛddhiṃ jayaṃ caiva vindate paramaṃ sukham / balavṛddhiṃ subhikṣaṃ ca matsyayugmaṃ vinirdiśet
Sanskrit only: no published translation is held for this verse.
श्येनस्तु दृश्ते यत्र शस्त्रेण मरणं भवेत् । पलायनं कुटुम्बस्य शत्रुभिर्भयमादिशेत्
śyenastu dṛśte yatra śastreṇa maraṇaṃ bhavet / palāyanaṃ kuṭumbasya śatrubhirbhayamādiśet
Sanskrit only: no published translation is held for this verse.
निधनं लभते सस्तु (यस्तु ?) सदा लाभविनिर्गगतम् । पुष्कलं धनधान्यं च वंशवृद्धिर्भविष्यति
nidhanaṃ labhate sastu (yastu ?) sadā lābhavinirgagatam / puṣkalaṃ dhanadhānyaṃ ca vaṃśavṛddhirbhaviṣyati
Sanskrit only: no published translation is held for this verse.
कृकलासो भवेद्यत्र ब्राह्मणैश्च विरुद्ध्यते । वर्णस्य संकरं ब्रूयात् त्वग्दोषं च विनिर्दिशेत्
kṛkalāso bhavedyatra brāhmaṇaiśca viruddhyate / varṇasya saṃkaraṃ brūyāt tvagdoṣaṃ ca vinirdiśet
Sanskrit only: no published translation is held for this verse.
श्रुतलाभं च वा वृद्धिं कीर्तिलाभं च शाश्वतम् । व्यवहारे जयं चैव सरस्वत्यां विनिर्दिशेत्
śrutalābhaṃ ca vā vṛddhiṃ kīrtilābhaṃ ca śāśvatam / vyavahāre jayaṃ caiva sarasvatyāṃ vinirdiśet
Sanskrit only: no published translation is held for this verse.
कुटुम्बस्य च दौर्बल्यं वर्णसंकरमेव च । वानरो दृश्यते यत्र मृगेभ्यो भयमेव च
kuṭumbasya ca daurbalyaṃ varṇasaṃkarameva ca / vānaro dṛśyate yatra mṛgebhyo bhayameva ca
Sanskrit only: no published translation is held for this verse.
चक्रे तु विजयं नित्यं राज्यलाभमवाप्स्यति । व्याधिदुर्भिक्षनाशं च शत्रुनाशं विनिर्दिशेत्
cakre tu vijayaṃ nityaṃ rājyalābhamavāpsyati / vyādhidurbhikṣanāśaṃ ca śatrunāśaṃ vinirdiśet
Sanskrit only: no published translation is held for this verse.
तस्करेभ्यो भयं नित्यं वृके दृष्टे न संशयः । क्षुत्पीडां राजपीडां च राष्ट्रस्य च विनिर्दिशेत्
taskarebhyo bhayaṃ nityaṃ vṛke dṛṣṭe na saṃśayaḥ / kṣutpīḍāṃ rājapīḍāṃ ca rāṣṭrasya ca vinirdiśet
Sanskrit only: no published translation is held for this verse.
भयनाशं श्रिनयं चैव पुष्कलार्थं तथैव च । स्त्रीलाभं वस्त्रलाभं च पाञ्चजन्ये विनिर्दिशेत्
bhayanāśaṃ śrinayaṃ caiva puṣkalārthaṃ tathaiva ca / strīlābhaṃ vastralābhaṃ ca pāñcajanye vinirdiśet
Sanskrit only: no published translation is held for this verse.
पिङ्गला(?) दृश्यते यत्र शत्रुभिर्मरणं भवेत् । राष्ट्रस्य कलहं ब्रूयात् विषं भवति नान्यथा
piṅgalā(?) dṛśyate yatra śatrubhirmaraṇaṃ bhavet / rāṣṭrasya kalahaṃ brūyāt viṣaṃ bhavati nānyathā
Sanskrit only: no published translation is held for this verse.
हस्तिलाभस्तथा राज्ञो अङ्कुशे तु विनिर्दिशेत् । समरे विजयं तेषां पुष्कलार्थं विनिर्दिशेत्
hastilābhastathā rājño aṅkuśe tu vinirdiśet / samare vijayaṃ teṣāṃ puṣkalārthaṃ vinirdiśet
Sanskrit only: no published translation is held for this verse.
वराहो दृश्यते यत्र सस्यनाशं विनिर्दिशेत् । शस्त्रक्षयं पुनः पश्येत् अर्थनाशं भयं तु वा
varāho dṛśyate yatra sasyanāśaṃ vinirdiśet / śastrakṣayaṃ punaḥ paśyet arthanāśaṃ bhayaṃ tu vā
Sanskrit only: no published translation is held for this verse.
पुत्रलाभं श्रियं चैव राज्यलाभं तथैव च । स्फुटमैरावते दृष्टे राज्यलाभं तु निर्दिशेत्
putralābhaṃ śriyaṃ caiva rājyalābhaṃ tathaiva ca / sphuṭamairāvate dṛṣṭe rājyalābhaṃ tu nirdiśet
Sanskrit only: no published translation is held for this verse.
ऋक्षराजे ऽथ वै दृष्टे क्षेत्रनाशो भवेद्ध्रुवम् । स्थाननाशो भवेत्तत्र शत्रुवृद्धिं च निर्दिशेत्
ṛkṣarāje 'tha vai dṛṣṭe kṣetranāśo bhaveddhruvam / sthānanāśo bhavettatra śatruvṛddhiṃ ca nirdiśet
Sanskrit only: no published translation is held for this verse.
ग्रामे शान्तिर्मनस्तुष्टिर्मङ्गलायतनं भवेत् । आयुरारोग्यमैश्वर्यमर्थे(-श्वे?)न तु विनिर्दिशेत्
grāme śāntirmanastuṣṭirmaṅgalāyatanaṃ bhavet / āyurārogyamaiśvaryamarthe(-śve?)na tu vinirdiśet
Sanskrit only: no published translation is held for this verse.
राजहंसो (-से?) भवेन्नित्यं राज्यलाभो जयाय तु । आयुरैश्वर्यवृद्धिश्च पुष्कलाकीर्तिरेव च
rājahaṃso (-se?) bhavennityaṃ rājyalābho jayāya tu / āyuraiśvaryavṛddhiśca puṣkalākīrtireva ca
Sanskrit only: no published translation is held for this verse.
धूमे बन्धुविनाशश्च विद्युता मरणं भवेत् । निषादेभ्यो भयं चैव वैधव्यं च भविष्यति
dhūme bandhuvināśaśca vidyutā maraṇaṃ bhavet / niṣādebhyo bhayaṃ caiva vaidhavyaṃ ca bhaviṣyati
Sanskrit only: no published translation is held for this verse.
चामरे चैव दृष्टे तु ग्रामनाशो भविष्यति । अनावृष्टिश्च राज्यस्य अतिवृष्टिरथापि वा
cāmare caiva dṛṣṭe tu grāmanāśo bhaviṣyati / anāvṛṣṭiśca rājyasya ativṛṣṭirathāpi vā
Sanskrit only: no published translation is held for this verse.
सिंहे दृष्टे भवेच्चैव अर्थलाभं च निर्दिशेत् । सद्वृद्धिं सर्वजन्तूनां पुत्रपौत्रविवर्धनम्
siṃhe dṛṣṭe bhaveccaiva arthalābhaṃ ca nirdiśet / sadvṛddhiṃ sarvajantūnāṃ putrapautravivardhanam
Sanskrit only: no published translation is held for this verse.
पुत्रपौत्रविवृद्धिं च पुष्कलां श्रियमाप्नुयात् । पूर्णकुम्भे तु वै दृष्टे पुरुषाणां न संशयः
putrapautravivṛddhiṃ ca puṣkalāṃ śriyamāpnuyāt / pūrṇakumbhe tu vai dṛṣṭe puruṣāṇāṃ na saṃśayaḥ
Sanskrit only: no published translation is held for this verse.
शत्रूणां वृद्धिसंयुक्तं धनधान्यविनाशनम् । रिक्तकुम्भे तु वै दृष्टे भवत्येव न संशयः
śatrūṇāṃ vṛddhisaṃyuktaṃ dhanadhānyavināśanam / riktakumbhe tu vai dṛṣṭe bhavatyeva na saṃśayaḥ
Sanskrit only: no published translation is held for this verse.
धनलाभं तथावाप्तिः(?) पुत्रलाभस्तथैव च । लभते सर्वलाभं च पुष्करिण्याः प्रदर्शने
dhanalābhaṃ tathāvāptiḥ(?) putralābhastathaiva ca / labhate sarvalābhaṃ ca puṣkariṇyāḥ pradarśane
Sanskrit only: no published translation is held for this verse.
चिन्तितार्था विनश्यन्ति आयुरैश्वर्यनाशनम् । यस्मिन् काले तु संपश्येत् दुष्टकाकं सुदुर्मनाः
cintitārthā vinaśyanti āyuraiśvaryanāśanam / yasmin kāle tu saṃpaśyet duṣṭakākaṃ sudurmanāḥ
Sanskrit only: no published translation is held for this verse.
शत्रुक्षयं धनावाप्तिं समरे विजयं तथा । आयुरारोग्यसंप्राप्तिं पूर्णचन्द्रस्य दर्शनात्
śatrukṣayaṃ dhanāvāptiṃ samare vijayaṃ tathā / āyurārogyasaṃprāptiṃ pūrṇacandrasya darśanāt
Sanskrit only: no published translation is held for this verse.
विजयं शत्रुनाशश्च धनधान्यसुखावहम् । आयुरारोग्यदं नॄणां उत्तमध्वजदर्शनात्
vijayaṃ śatrunāśaśca dhanadhānyasukhāvaham / āyurārogyadaṃ nṝṇāṃ uttamadhvajadarśanāt
Sanskrit only: no published translation is held for this verse.
शत्रुवृद्धिं धनच्छेदं सरोगं सस्यनाशनम् । संपश्यन् शूलराजानं नात्र कार्या विचारणा
śatruvṛddhiṃ dhanacchedaṃ sarogaṃ sasyanāśanam / saṃpaśyan śūlarājānaṃ nātra kāryā vicāraṇā
Sanskrit only: no published translation is held for this verse.
आरोग्श्यं बलमैश्वर्यं कीर्तिं विद्याधनागमम् । लभते नास्ति सन्देहो दर्पणस्य च दर्शनात्
ārogśyaṃ balamaiśvaryaṃ kīrtiṃ vidyādhanāgamam / labhate nāsti sandeho darpaṇasya ca darśanāt
Sanskrit only: no published translation is held for this verse.
लाभहानिर्यशो हानिरायुर्हानिस्तथैव च । सर्वहानिर्भवत्येव नग्नस्यैव च दर्शनात्
lābhahāniryaśo hānirāyurhānistathaiva ca / sarvahānirbhavatyeva nagnasyaiva ca darśanāt
Sanskrit only: no published translation is held for this verse.
चित्तार्थं लभते तत्र शुभं वाप्यशुभं तु वा । शत्रुक्षयं च भवति प्रदीपं यस्तु पश्यति
cittārthaṃ labhate tatra śubhaṃ vāpyaśubhaṃ tu vā / śatrukṣayaṃ ca bhavati pradīpaṃ yastu paśyati
Sanskrit only: no published translation is held for this verse.
अर्थहानिर्मनस्तापः गृहे दुश्चरितं भवेत् । विधवादर्शनं यस्य भवत्यत्र न संशयः
arthahānirmanastāpaḥ gṛhe duścaritaṃ bhavet / vidhavādarśanaṃ yasya bhavatyatra na saṃśayaḥ
Sanskrit only: no published translation is held for this verse.
अर्थलाभो मनस्तुष्टिः गृहे संपद्भविष्यति । चिन्तितार्थं लभेत्तत्र सुमङ्गल्याः प्रदर्शने
arthalābho manastuṣṭiḥ gṛhe saṃpadbhaviṣyati / cintitārthaṃ labhettatra sumaṅgalyāḥ pradarśane
Sanskrit only: no published translation is held for this verse.
श्मशानं दृश्यते यत्र ग्रामनाशं धनक्षयम् । बन्धुदेववियोगं च सर्वते भयमेव वा
śmaśānaṃ dṛśyate yatra grāmanāśaṃ dhanakṣayam / bandhudevaviyogaṃ ca sarvate bhayameva vā
Sanskrit only: no published translation is held for this verse.
अभयं सर्वतत्त्वेषु कूर्मरापजप्रदर्शनात् । राज्यं श्रियं च संप्राप्य क्षेमारोग्ययुतो भवेत्
abhayaṃ sarvatattveṣu kūrmarāpajapradarśanāt / rājyaṃ śriyaṃ ca saṃprāpya kṣemārogyayuto bhavet
Sanskrit only: no published translation is held for this verse.
शत्रुवृद्धिर्धनच्छेदः व्याधिर्दुर्भिक्षवर्धनम् । चिन्तितं नश्यते(!) तत्र महाकालीप्रदर्शनात्
śatruvṛddhirdhanacchedaḥ vyādhirdurbhikṣavardhanam / cintitaṃ naśyate(!) tatra mahākālīpradarśanāt
Sanskrit only: no published translation is held for this verse.
विजयं चार्थलाभं च कीर्तिश्रीवर्धनं तथा । पुत्रपौत्रविवृद्धिश्च दुर्गे दृष्टे न संशयः
vijayaṃ cārthalābhaṃ ca kīrtiśrīvardhanaṃ tathā / putrapautravivṛddhiśca durge dṛṣṭe na saṃśayaḥ
Sanskrit only: no published translation is held for this verse.
व्याधिं प्रवासं मरणं विपत्स्यति न संशयः । पञ्चास्यपन्नगं पश्येत् पापिभिश्चाभिभूयते
vyādhiṃ pravāsaṃ maraṇaṃ vipatsyati na saṃśayaḥ / pañcāsyapannagaṃ paśyet pāpibhiścābhibhūyate
Sanskrit only: no published translation is held for this verse.
व्याधिनाशो(?) महद्दुःखं कुटुम्बस्य विनाशनम् । आलोकिते महापापे गर्दभे स्यान्न संशयः
vyādhināśo(?) mahadduḥkhaṃ kuṭumbasya vināśanam / ālokite mahāpāpe gardabhe syānna saṃśayaḥ
Sanskrit only: no published translation is held for this verse.
जरद्गवं प्रपश्येता नराः शोकार्णवं पुनः । व्रजन्ति व्याधिना पीडा कलहं च गृहे भवेत्
jaradgavaṃ prapaśyetā narāḥ śokārṇavaṃ punaḥ / vrajanti vyādhinā pīḍā kalahaṃ ca gṛhe bhavet
Sanskrit only: no published translation is held for this verse.
चक्रवर्तिनमायान्तं अवलोक्य जनाधिपम् । श्रियं प्राप्नोति पुत्रांश्च पुष्टिं च लभते नरः
cakravartinamāyāntaṃ avalokya janādhipam / śriyaṃ prāpnoti putrāṃśca puṣṭiṃ ca labhate naraḥ
Sanskrit only: no published translation is held for this verse.
चतुर्मुखं समालोक्य ब्रह्माणं कमलासनम् । सर्वाधिपत्यमाप्ने वंशवृद्धिश्च जायते
caturmukhaṃ samālokya brahmāṇaṃ kamalāsanam / sarvādhipatyamāpne vaṃśavṛddhiśca jāyate
Sanskrit only: no published translation is held for this verse.
विष्णुमालोक्य देवेशं शङ्खचक्रगदाधरम् । सर्वाधिपत्यमास्थाय स्थितिं च लभते नरः
viṣṇumālokya deveśaṃ śaṅkhacakragadādharam / sarvādhipatyamāsthāya sthitiṃ ca labhate naraḥ
Sanskrit only: no published translation is held for this verse.
रुद्रमालोक्य भूतेशं शूलपाणिमुमापतिम् । शत्रुसैन्यं महज्जित्वा मोदते सह बन्धुभिः
rudramālokya bhūteśaṃ śūlapāṇimumāpatim / śatrusainyaṃ mahajjitvā modate saha bandhubhiḥ
Sanskrit only: no published translation is held for this verse.
एते श्लोका मयोद्दिष्टाः शकुनानां विशेषतः । एतांस्तु पुस्तके लिख्य विवेकं सुमनोरमम्
ete ślokā mayoddiṣṭāḥ śakunānāṃ viśeṣataḥ / etāṃstu pustake likhya vivekaṃ sumanoramam
Sanskrit only: no published translation is held for this verse.
एकपत्रे तथैकैकं श्लोकं संलिख्य वाग्यतः । सूत्रेण सूत्रयित्वा तु पुष्पादिभिरथार्चयेत्
ekapatre tathaikaikaṃ ślokaṃ saṃlikhya vāgyataḥ / sūtreṇa sūtrayitvā tu puṣpādibhirathārcayet
Sanskrit only: no published translation is held for this verse.
अनुज्ञाप्य ततो देवं विघ्नेशं गणनायकम् । आनीय तु ततः शिष्यान् बद्धनेत्रान् यथाक्रमम्
anujñāpya tato devaṃ vighneśaṃ gaṇanāyakam / ānīya tu tataḥ śiṣyān baddhanetrān yathākramam
Sanskrit only: no published translation is held for this verse.
तेषां हस्ते तु पुष्पाणि निधाय च समाहितः । आदाय पुस्तकं पश्चात् प्रणवेन समाहितः
teṣāṃ haste tu puṣpāṇi nidhāya ca samāhitaḥ / ādāya pustakaṃ paścāt praṇavena samāhitaḥ
Sanskrit only: no published translation is held for this verse.
शिष्यहस्ते निधायाथ नमस्कृत्वा प्रसाद्य च । प्रार्थयेच्च स तेनाथ विघ्नराजाग्निसंभवम्
śiṣyahaste nidhāyātha namaskṛtvā prasādya ca / prārthayecca sa tenātha vighnarājāgnisaṃbhavam
Sanskrit only: no published translation is held for this verse.
नमस्ते ऽस्तु जगन्नाथ लम्बोदर गजानन । संशये ऽस्मिन् महाबाहो संत्यं संदर्शयस्व नः
namaste 'stu jagannātha lambodara gajānana / saṃśaye 'smin mahābāho saṃtyaṃ saṃdarśayasva naḥ
Sanskrit only: no published translation is held for this verse.
सत्यं हि भवतामाहुः मनुयस्तत्त्वदर्शिनः । इति विज्ञाप्य देवेशं शिष्यं ब्रूयात्ततः परम्
satyaṃ hi bhavatāmāhuḥ manuyastattvadarśinaḥ / iti vijñāpya deveśaṃ śiṣyaṃ brūyāttataḥ param
Sanskrit only: no published translation is held for this verse.
विस्रंसयित्वा सूत्रं तु पत्रं गृह्णीष्व पुस्तके । इत्युक्तस्तु ततः शिष्यः स्रसयित्वा तु सूत्रकम्
visraṃsayitvā sūtraṃ tu patraṃ gṛhṇīṣva pustake / ityuktastu tataḥ śiṣyaḥ srasayitvā tu sūtrakam
Sanskrit only: no published translation is held for this verse.
गृह्णीयात् पत्रमेकं तु हस्तप्राप्तं यदृच्छया । आचार्यस्तु ततो तेत्रबन्धनं प्रविमुच्य च
gṛhṇīyāt patramekaṃ tu hastaprāptaṃ yadṛcchayā / ācāryastu tato tetrabandhanaṃ pravimucya ca
Sanskrit only: no published translation is held for this verse.
देहि पत्रमिति ब्रुयात् शिष्यं प्रति समाहितः । शिष्यस्तु पत्रं दद्याच्च गुरुहस्ते महामुने
dehi patramiti bruyāt śiṣyaṃ prati samāhitaḥ / śiṣyastu patraṃ dadyācca guruhaste mahāmune
Sanskrit only: no published translation is held for this verse.
गुरुस्तु वाचयेत् पत्रमसंमूढेन चेतसा । तदुक्तं विधिवज्ज्ञात्वा शुभं वा यदि वाशुभम्
gurustu vācayet patramasaṃmūḍhena cetasā / taduktaṃ vidhivajjñātvā śubhaṃ vā yadi vāśubham
Sanskrit only: no published translation is held for this verse.
ततः शिष्यं प्रतिब्रूयाद्यथोक्तं सर्वमेव तु । प्रतिशिष्यं तथा कृत्वा ज्ञात्वा कर्म शुभाशुभम्
tataḥ śiṣyaṃ pratibrūyādyathoktaṃ sarvameva tu / pratiśiṣyaṃ tathā kṛtvā jñātvā karma śubhāśubham
Sanskrit only: no published translation is held for this verse.
दीक्षयेच्छिष्यमाचार्यस्तत्परं लक्षणान्वितम् । एतत् पुस्तकमादाय सूत्रयित्वा विचक्षणः
dīkṣayecchiṣyamācāryastatparaṃ lakṣaṇānvitam / etat pustakamādāya sūtrayitvā vicakṣaṇaḥ
Sanskrit only: no published translation is held for this verse.
अन्येषामपि भक्तानामनेन विधिना पुनः । पूजयित्वा गणेशं तु पुस्तकं च यथाक्रमम्
anyeṣāmapi bhaktānāmanena vidhinā punaḥ / pūjayitvā gaṇeśaṃ tu pustakaṃ ca yathākramam
Sanskrit only: no published translation is held for this verse.
शुभाशुभविधिं प्राज्ञः प्रब्रूयाद्देशिकोत्तमः । न नास्तिकानां संपश्येत् नाभक्तानां कदाचन
śubhāśubhavidhiṃ prājñaḥ prabrūyāddeśikottamaḥ / na nāstikānāṃ saṃpaśyet nābhaktānāṃ kadācana
Sanskrit only: no published translation is held for this verse.
न निन्दकानां सर्वेषां अनाचारजुषामपि । दुर्वृत्तानां च सर्वेषां बाह्यदीक्षाजुषामपि
na nindakānāṃ sarveṣāṃ anācārajuṣāmapi / durvṛttānāṃ ca sarveṣāṃ bāhyadīkṣājuṣāmapi
Sanskrit only: no published translation is held for this verse.
असंभाष्येण पश्येच्च न विज्ञाते कदाचन । शिष्याणां वनितानां तु भक्तानामपि सर्वदा
asaṃbhāṣyeṇa paśyecca na vijñāte kadācana / śiṣyāṇāṃ vanitānāṃ tu bhaktānāmapi sarvadā
Sanskrit only: no published translation is held for this verse.
संशयाविष्टचेतानां कृपणानां गुरौ सदा । अजिह्मकानां भक्तानां देयमेतद्यथातथम्
saṃśayāviṣṭacetānāṃ kṛpaṇānāṃ gurau sadā / ajihmakānāṃ bhaktānāṃ deyametadyathātatham
Sanskrit only: no published translation is held for this verse.
अनुक्तगुणयुक्तानां यदि पश्येत्तु (दद्यात्तु?) देशिकः । देवताश्च प्रकुप्यन्ते(!) न तथ्यं च भविष्यति
anuktaguṇayuktānāṃ yadi paśyettu (dadyāttu?) deśikaḥ / devatāśca prakupyante(!) na tathyaṃ ca bhaviṣyati
Sanskrit only: no published translation is held for this verse.
इति विज्ञाय सर्वं तु प्रपश्येच्छकुनानि तु । शकुनान्ते ततो विघ्ननायकं पूजयेत् क्रमात्
iti vijñāya sarvaṃ tu prapaśyecchakunāni tu / śakunānte tato vighnanāyakaṃ pūjayet kramāt
Sanskrit only: no published translation is held for this verse.
पुस्तकं पूजयेत् पश्चात् गन्धपुष्पादिभिः पुनः । आचार्यं पूजयेत् पश्चात् सर्वस्वं वाधर्मेव वा
pustakaṃ pūjayet paścāt gandhapuṣpādibhiḥ punaḥ / ācāryaṃ pūjayet paścāt sarvasvaṃ vādharmeva vā
Sanskrit only: no published translation is held for this verse.
यथावित्तानुसारेण(!) पूजयेद्गुरुपूजनम् । उद्वासयेत्ततो देवमाकाशे गणनायकम्
yathāvittānusāreṇa(!) pūjayedgurupūjanam / udvāsayettato devamākāśe gaṇanāyakam
Sanskrit only: no published translation is held for this verse.